Sutra Navigation: Mahanishith ( મહાનિશીય શ્રુતસ્કંધ સૂત્ર )

Search Details

Mool File Details

Anuvad File Details

Sr No : 1117524
Scripture Name( English ): Mahanishith Translated Scripture Name : મહાનિશીય શ્રુતસ્કંધ સૂત્ર
Mool Language : Ardha-Magadhi Translated Language : Gujarati
Chapter :

अध्ययन-५ नवनीतसार

 Translated Chapter :

અધ્યયન-૫ નવનીતસાર
Section : Translated Section :
Sutra Number : 824 Category : Chheda-06
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] से भयवं सामन्ने पुच्छा, जाव णं वयासि। गोयमा अत्थेगे जे णं जोगे अत्थेगे जे णं नो जोगे। से भयवं के णं अट्ठेणं एवं वुच्चइ जहा णं अत्थेगे जे णं नो जोगे गोयमा अत्थेगे जेसिं णं सामन्ने पडिकुट्ठे अत्थेगे जेसिं च णं सामन्ने नो पडिकुट्ठे। एएणं अट्ठेणं एवं वुच्चइ जहा णं अत्थेगे जे णं जोगे अत्थेगे जे णं नो जोगे। से भयवं कयरे ते जेसिं णं सामन्ने पडिकुट्ठे कयरे वा ते जेसिं च णं नो परियाए पडिसेहिए गोयमा अत्थेगे जे णं विरुद्धे अत्थेगे जे णं नो विरुद्धे जे णं से विरुद्धे से णं पडिसेहिए, जे णं नो विरुद्धे से णं नो पडिसेहिए। से भयवं के णं से विरुद्धे के वा णं अविरुद्धे गोयमा जे जेसुं देसेसुं दुगुंछणिज्जे, जे जेसुं देसेसुं दुगुंछिए, जे जेसुं देसेसुं पडिकुट्ठे से णं तेसुं देसेसुं विरुद्धे। जे य णं जेसुं देसेसुं नो दुगुंछणिज्जे, जे य णं जेसुं देसेसुं नो दुगुंछिए, जे य णं जेसुं देसेसुं नो पडिकुट्ठे, से णं तेसुं देसेसुं नो विरुद्धे। तत्थ गोयमा जे णं जेसुं जेसुं देसेसुं विरुद्धे से णं नो पव्वावए। जे णं जेसुं जेसुं देसेसुं नो विरुद्धे से णं पव्वावए। से भयवं के कत्थ देसे विरुद्धे के वा नो विरुद्धे गोयमा जे णं केई पुरिसे इ वा, इत्थिए इ वा रागेण वा, दोसेण वा, नुसएण वा, कोहेण वा, लोभेण वा, अवराहेण वा, अनवराहेण वा, समणं वा, माहणं वा, मायरं वा, पियरं वा, भायरं वा, भइणिं वा, भाइनेयं; सुयं, वा सुयसुयं, वा धूयं, वा नत्तुयं, वा सुण्हं, वा जामाउयं, वा दाइयं, वा गोत्तियं, वा सजाइयं, वा विजाइयं, वा सयणं, वा असयणं, वा संबंधियं, वा असंबंधियं, वा सणाहं, वा असणाहं, वा इड्ढिमंतं, वा अनिड्ढिमंतं, वा सएसियं, वा विएसियं, वा आरियं, वा आनारियं, वा हणेज्ज, वा हणावेज्ज, वा उद्दवेज्ज, वा उद्दवावेज्ज, वा से णं परियाए अओग्गे, से णं पावे से णं निंदिए से णं गरहिए से णं दुगुंछिए से णं पडिकुट्ठे से णं पडिसेहिए से णं आवई से णं विग्घे से णं अयसे से णं अकित्ती से णं उम्मग्गे, से णं अनायारे। एवं रायदुट्ठे एवं तेणे एवं पर जुवइ पसत्ते एवं अन्नयरे इ वा केई वसणाभिभूए एवं अयसकिलिट्ठे एवं छुहाणडिए एवं रिणोवद्दुए अविण्णाय जाइ कुल सील सहावे एवं बहु वाहि वेयणा परिगय सरीरे एवं रसलोलुए एवं बहुनिद्दे एवं इतिहास खेड्ड कंदप्प णाह वाय चच्चरि सीले एवं बहु कोऊहले एवं बहु पोसवग्गे जाव णं मिच्छद्दिट्ठि पडिनीय कुलुप्पन्ने इ वा। से णं गोयमा जे केई आयरिए इ वा, मयहरए इ वा, गीयत्थे इ वा, अगीयत्थे इ वा, आयरिय गुणकलिए इ वा, मयहर गुण कलिए इ वा, भविस्सायरिए इ वा, भविस्स मयहरए इ वा, लोभेण वा गारवेण वा दोण्हं गाउयसयाणं अब्भंतरं पव्वावेज्जा, से णं गोयमा वइक्कमिय मेरे, से णं पवयण वोच्छित्तिकारए, से णं तित्थ वोच्छित्तिकारए, से णं संघ वोच्छित्ति कारए से णं वसणाभिभूए से णं अदिट्ठ परलोग पच्चवाए से णं अनायार पवित्ते से णं अकज्जयारी से णं पावे से णं पावपावे से णं महापावपावे से णं गोयमा अभिग्गहिय चंड रुद्द कूर मिच्छद्दिट्ठी।
Sutra Meaning : જુઓ સૂત્ર ૮૨૩
Mool Sutra Transliteration : [sutra] se bhayavam samanne puchchha, java nam vayasi. Goyama atthege je nam joge atthege je nam no joge. Se bhayavam ke nam atthenam evam vuchchai jaha nam atthege je nam no joge goyama atthege jesim nam samanne padikutthe atthege jesim cha nam samanne no padikutthe. Eenam atthenam evam vuchchai jaha nam atthege je nam joge atthege je nam no joge. Se bhayavam kayare te jesim nam samanne padikutthe kayare va te jesim cha nam no pariyae padisehie goyama atthege je nam viruddhe atthege je nam no viruddhe je nam se viruddhe se nam padisehie, je nam no viruddhe se nam no padisehie. Se bhayavam ke nam se viruddhe ke va nam aviruddhe goyama je jesum desesum dugumchhanijje, je jesum desesum dugumchhie, je jesum desesum padikutthe se nam tesum desesum viruddhe. Je ya nam jesum desesum no dugumchhanijje, je ya nam jesum desesum no dugumchhie, je ya nam jesum desesum no padikutthe, se nam tesum desesum no viruddhe. Tattha goyama je nam jesum jesum desesum viruddhe se nam no pavvavae. Je nam jesum jesum desesum no viruddhe se nam pavvavae. Se bhayavam ke kattha dese viruddhe ke va no viruddhe goyama je nam kei purise i va, itthie i va ragena va, dosena va, nusaena va, kohena va, lobhena va, avarahena va, anavarahena va, samanam va, mahanam va, mayaram va, piyaram va, bhayaram va, bhainim va, bhaineyam; suyam, va suyasuyam, va dhuyam, va nattuyam, va sunham, va jamauyam, va daiyam, va gottiyam, va sajaiyam, va vijaiyam, va sayanam, va asayanam, va sambamdhiyam, va asambamdhiyam, va sanaham, va asanaham, va iddhimamtam, va aniddhimamtam, va saesiyam, va viesiyam, va ariyam, va anariyam, va hanejja, va hanavejja, va uddavejja, va uddavavejja, va se nam pariyae aogge, Se nam pave se nam nimdie se nam garahie se nam dugumchhie se nam padikutthe se nam padisehie se nam avai se nam vigghe se nam ayase se nam akitti se nam ummagge, se nam anayare. Evam rayadutthe evam tene evam para juvai pasatte evam annayare i va kei vasanabhibhue evam ayasakilitthe evam chhuhanadie evam rinovaddue avinnaya jai kula sila sahave evam bahu vahi veyana parigaya sarire evam rasalolue evam bahunidde evam itihasa khedda kamdappa naha vaya chachchari sile evam bahu kouhale evam bahu posavagge java nam michchhadditthi padiniya kuluppanne i va. Se nam goyama je kei ayarie i va, mayaharae i va, giyatthe i va, agiyatthe i va, ayariya gunakalie i va, mayahara guna kalie i va, bhavissayarie i va, bhavissa mayaharae i va, lobhena va garavena va donham gauyasayanam abbhamtaram pavvavejja, Se nam goyama vaikkamiya mere, se nam pavayana vochchhittikarae, se nam tittha vochchhittikarae, se nam samgha vochchhitti karae se nam vasanabhibhue se nam adittha paraloga pachchavae se nam anayara pavitte se nam akajjayari se nam pave se nam pavapave se nam mahapavapave se nam goyama abhiggahiya chamda rudda kura michchhadditthi.
Sutra Meaning Transliteration : Juo sutra 823