Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106657
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-९ योनी

 Translated Chapter :

પદ-૯ યોની
Section : Translated Section :
Sutra Number : 357 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] नेरइयाणं भंते! किं सीता जोणी? उसिणा जोणी? सीतोसिणा जोणी? गोयमा! सीता वि जोणी, उसिणा वि जोणी, नो सीतोसिणा जोणी। असुरकुमाराणं भंते! किं सीता जोणी? उसिणा जोणी? सीतोसिणा जोणी? गोयमा! नो सीता, नो उसिणा, सीतोसिणा जोणी। एवं जाव थणियकुमाराणं। पुढविकाइयाणं भंते! किं सीता जोणी? उसिणा जोणी? सीतोसिणा जोणी? गोयमा! सीता वि जोणी, उसिणा वि जोणी, सीतोसिणा वि जोणी। एवं आउ-वाउ-वणस्सति-बेइंदिय-तेइंदिय-चउरिंदियाण वि पत्तेयं भाणियव्वं। तेउक्काइयाणं नो सीता, उसिणा, नो सीतोसिणा। पंचेंदियतिरिक्खजोणियाणं भंते! किं सीता जोणी? उसिणा जोणी? सीतोसिणा जोणी? गोयमा! सीता वि जोणी, उसिणा वि जोणी, सीतोसिणा वि जोणी। सम्मुच्छिमपंचेंदियतिरिक्ख-जोणियाणं एवं चेव। गब्भवक्कंतियपंचेंदियतिरिक्खजोणियाणं भंते! किं सीता जोणी? उसिणा जोणी? सीतोसिणा जोणी? गोयमा! नो सीता जोणी, नो उसिणा जोणी, सीतोसिणा जोणी। मनुस्साणं भंते! किं सीता जोणी? उसिणा जोणी? सीतोसिणा जोणी? गोयमा! सीता वि जोणी, उसिणा वि जोणी, सीतोसिणा वि जोणी। सम्मुच्छिममनुस्साणं भंते! किं सीता जोणी? उसिणा जोणी? सीतोसिणा जोणी? गोयमा! तिविहा वि जोणी। गब्भवक्कंतियमनुस्साणं भंते! किं सीता जोणी? उसिणा जोणी? सीतोसिणा जोणी? गोयमा! नो सीता जोणी, नो उसिणा जोणी, सीतोसिणा जोणी। वाणमंतरदेवाणं भंते! किं सीता जोणी? उसिणा जोणी? सीतोसिणा जोणी? नो सीता, नो उसिणा, सीतोसिणा जोणी। जोइसिय-वेमानियाण वि एवं चेव। एतेसि णं भंते! जीवाणं सीतजोणियाणं उसिणजोणियाणं सीतोसिणजोणियाणं अजोणि-याण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा जीवा सीतोसिणजोणिया, उसिणजोणिया असंखज्जगुणा, अजोणिया अनंतगुणा, सीतजोणिया अनंतगुणा।
Sutra Meaning : જુઓ સૂત્ર ૩૫૬
Mool Sutra Transliteration : [sutra] neraiyanam bhamte! Kim sita joni? Usina joni? Sitosina joni? Goyama! Sita vi joni, usina vi joni, no sitosina joni. Asurakumaranam bhamte! Kim sita joni? Usina joni? Sitosina joni? Goyama! No sita, no usina, sitosina joni. Evam java thaniyakumaranam. Pudhavikaiyanam bhamte! Kim sita joni? Usina joni? Sitosina joni? Goyama! Sita vi joni, usina vi joni, sitosina vi joni. Evam au-vau-vanassati-beimdiya-teimdiya-chaurimdiyana vi patteyam bhaniyavvam. Teukkaiyanam no sita, usina, no sitosina. Pamchemdiyatirikkhajoniyanam bhamte! Kim sita joni? Usina joni? Sitosina joni? Goyama! Sita vi joni, usina vi joni, sitosina vi joni. Sammuchchhimapamchemdiyatirikkha-joniyanam evam cheva. Gabbhavakkamtiyapamchemdiyatirikkhajoniyanam bhamte! Kim sita joni? Usina joni? Sitosina joni? Goyama! No sita joni, no usina joni, sitosina joni. Manussanam bhamte! Kim sita joni? Usina joni? Sitosina joni? Goyama! Sita vi joni, usina vi joni, sitosina vi joni. Sammuchchhimamanussanam bhamte! Kim sita joni? Usina joni? Sitosina joni? Goyama! Tiviha vi joni. Gabbhavakkamtiyamanussanam bhamte! Kim sita joni? Usina joni? Sitosina joni? Goyama! No sita joni, no usina joni, sitosina joni. Vanamamtaradevanam bhamte! Kim sita joni? Usina joni? Sitosina joni? No sita, no usina, sitosina joni. Joisiya-vemaniyana vi evam cheva. Etesi nam bhamte! Jivanam sitajoniyanam usinajoniyanam sitosinajoniyanam ajoni-yana ya katare katarehimto appa va bahuya va tulla va visesahiya va? Goyama! Savvatthova jiva sitosinajoniya, usinajoniya asamkhajjaguna, ajoniya anamtaguna, sitajoniya anamtaguna.
Sutra Meaning Transliteration : Juo sutra 356