Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106655
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-८ संज्ञा काळ

 Translated Chapter :

પદ-૮ સંજ્ઞા કાળ
Section : Translated Section :
Sutra Number : 355 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] नेरइया णं भंते! किं आहारसण्णोवउत्ता भयसण्णोवउत्ता मेहुणसण्णोवउत्ता परिग्गहसण्णोवउत्ता? गोयमा! ओसन्नकारणं पडुच्च भयसण्णोवउत्ता, संतइभावं पडुच्च आहारसण्णोवउत्ता वि जाव परिग्गहसण्णोवउत्ता वि। एतेसि णं भंते! नेरइयाणं आहारसण्णोवउत्ताणं भयसण्णोवउत्ताणं मेहुणसण्णोवउत्ताणं परिग्गहसण्णोवउत्ताण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा नेरइया मेहुणसण्णोवउत्ता, आहारसण्णोवउत्ता संखेज्जगुणा, परिग्गहसण्णोवउत्ता संखेज्जगुणा, भयसण्णोवउत्ता संखेज्जगुणा। तिरिक्खजोणिया णं भंते! किं आहारसण्णोवउत्ता जाव परिग्गहसण्णोवउत्ता? गोयमा! ओसन्नकारणं पडुच्च आहारसण्णोवउत्ता, संतइभावं पडुच्च आहारसण्णोवउत्ता वि जाव परिग्गह-सण्णोवउत्ता वि। एतेसि णं भंते! तिरिक्खजोणियाणं आहारसण्णोवउत्ताणं जाव परिग्गहसण्णोवउत्ताण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा तिरिक्ख-जोणिया परिग्गहसण्णोवउत्ता, मेहुणसण्णोवउत्ता संखेज्जगुणा, भयसण्णोवउत्ता संखेज्जगुणा, आहारसण्णोवउत्ता संखेज्जगुणा। मनुस्सा णं भंते! किं आहारसण्णोवउत्ता जाव परिग्गहसण्णोवउत्ता? गोयमा! ओसन्नकारणं पडुच्च मेहुणसण्णोवउत्ता, संततिभावं पडुच्च आहारसण्णोवउत्ता वि जाव परिग्गहसण्णोवउत्ता वि। एतेसि णं भंते! मनुस्साणं आहारसण्णोवउत्ताणं जाव परिग्गहसण्णोवउत्ताणं य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा मनुस्सा भयसण्णो-वउत्ता, आहारसण्णोवउत्ता संखेज्जगुणा, परिग्गहसण्णोव-उत्ता संखेज्जगुणा, मेहुणसण्णोवउत्ता संखेज्जगुणा। देवा णं भंते! किं आहारसण्णोवउत्ता जाव परिग्गहसण्णोवउत्ता? गोयमा! ओसन्नकारणं पडुच्च परिग्गहसण्णोवउत्ता, संततिभावं पडुच्च आहारसण्णोवउत्ता वि जाव परिग्गहसण्णोवउत्ता वि। एतेसि णं भंते! देवाणं आहारसण्णोवउत्ताणं जाव परिग्गहसण्णोवउत्ताण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा देवा आहारसण्णोवउत्ता, भय-सण्णोवउत्ता संखेज्जगुणा, मेहुणसण्णोवउत्ता संखेज्जगुणा, परिग्गहसण्णोवउत्ता संखेज्जगुणा।
Sutra Meaning : જુઓ સૂત્ર ૩૫૪
Mool Sutra Transliteration : [sutra] neraiya nam bhamte! Kim aharasannovautta bhayasannovautta mehunasannovautta pariggahasannovautta? Goyama! Osannakaranam paduchcha bhayasannovautta, samtaibhavam paduchcha aharasannovautta vi java pariggahasannovautta vi. Etesi nam bhamte! Neraiyanam aharasannovauttanam bhayasannovauttanam mehunasannovauttanam pariggahasannovauttana ya katare katarehimto appa va bahuya va tulla va visesahiya va? Goyama! Savvatthova neraiya mehunasannovautta, aharasannovautta samkhejjaguna, pariggahasannovautta samkhejjaguna, bhayasannovautta samkhejjaguna. Tirikkhajoniya nam bhamte! Kim aharasannovautta java pariggahasannovautta? Goyama! Osannakaranam paduchcha aharasannovautta, samtaibhavam paduchcha aharasannovautta vi java pariggaha-sannovautta vi. Etesi nam bhamte! Tirikkhajoniyanam aharasannovauttanam java pariggahasannovauttana ya katare katarehimto appa va bahuya va tulla va visesahiya va? Goyama! Savvatthova tirikkha-joniya pariggahasannovautta, mehunasannovautta samkhejjaguna, bhayasannovautta samkhejjaguna, aharasannovautta samkhejjaguna. Manussa nam bhamte! Kim aharasannovautta java pariggahasannovautta? Goyama! Osannakaranam paduchcha mehunasannovautta, samtatibhavam paduchcha aharasannovautta vi java pariggahasannovautta vi. Etesi nam bhamte! Manussanam aharasannovauttanam java pariggahasannovauttanam ya katare katarehimto appa va bahuya va tulla va visesahiya va? Goyama! Savvatthova manussa bhayasanno-vautta, aharasannovautta samkhejjaguna, pariggahasannova-utta samkhejjaguna, mehunasannovautta samkhejjaguna. Deva nam bhamte! Kim aharasannovautta java pariggahasannovautta? Goyama! Osannakaranam paduchcha pariggahasannovautta, samtatibhavam paduchcha aharasannovautta vi java pariggahasannovautta vi. Etesi nam bhamte! Devanam aharasannovauttanam java pariggahasannovauttana ya katare katarehimto appa va bahuya va tulla va visesahiya va? Goyama! Savvatthova deva aharasannovautta, bhaya-sannovautta samkhejjaguna, mehunasannovautta samkhejjaguna, pariggahasannovautta samkhejjaguna.
Sutra Meaning Transliteration : Juo sutra 354