Sutra Navigation: Jivajivabhigam ( જીવાભિગમ ઉપાંગ સૂત્ર )

Search Details

Mool File Details

Anuvad File Details

Sr No : 1105897
Scripture Name( English ): Jivajivabhigam Translated Scripture Name : જીવાભિગમ ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

चतुर्विध जीव प्रतिपत्ति

 Translated Chapter :

ચતુર્વિધ જીવ પ્રતિપત્તિ
Section : नैरयिक उद्देशक-२ Translated Section : નૈરયિક ઉદ્દેશક-૨
Sutra Number : 97 Category : Upang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] इमीसे णं भंते! रयणप्पभाए पुढवीए नरका केवतियं बाहल्लेणं पन्नत्ता? गोयमा! तिन्नि जोयणसहस्साइं, बाहल्लेणं पन्नत्ता, तं जहा– हेट्ठा घना सहस्सं, मज्झे झुसिरा सहस्सं, उप्पिं संकुइया सहस्सं। एवं जाव अहेसत्तमाए। इमीसे णं भंते! रयणप्पभाए पुढवीए नरका केवतियं आयामविक्खंभेणं? केवइयं परिक्खवेणं पन्नत्ता? गोयमा! दुविहा पन्नत्ता, तं जहा–संखेज्जवित्थडा य असंखेज्जवित्थडा य। तत्थ णं जेते संखेज्जवित्थडा ते णं संखेज्जाइं जोयणसहस्साइं आयामविक्खंभेणं, संखेज्जाइं, जोयणसहस्साइं परिक्खेवेणं पन्नत्ता। तत्थ णं जेते असंखेज्जवित्थडा ते णं असंखेज्जाइं जोयणसहस्साइं आयामविक्खंभेणं, असंखेज्जाइं जोयणसहस्साइं परिक्खेवेणं पन्नत्ता। एवं जाव तमाए। अहेसत्तमाए णं भंते! पुच्छा। गोयमा! दुविहा पन्नत्ता, तं जहा–संखेज्जवित्थडे य असंखेज्जवित्थडा य। तत्थ णं जेसे संखेज्जवित्थडे से णं एक्कं जोयणसयसहस्सं आयाम-विक्खंभेणं, तिन्नि जोयणसयसहस्साइं सोलस सहस्साइं दोन्नि य सत्तावीसे जोयणसए तिन्नि कोसे य अट्ठावीसं च धनुसतं तेरस य अंगुलाइं अद्धंगुलयं च किंचिविसेसाधिए परिक्खेवेणं पन्नत्ते। तत्थ णं जेते असंखेज्जवित्थडा ते णं असंखेज्जाइं जोयणसहस्साइं आयामविक्खंभेणं, असंखेज्जाइं जोयणसहस्साइं परिक्खेवेणं पन्नत्ता। इमीसे णं भंते! रयणप्पभाए पुढवीए नरया केरिसया वण्णेणं पन्नत्ता? गोयमा! काला कालोभासा गंभीरलोमहरिसा भीमा उत्तासणया परमकिण्हा वण्णेणं पन्नत्ता। एवं जाव अधेसत्तमाए।
Sutra Meaning : જુઓ સૂત્ર ૯૬
Mool Sutra Transliteration : [sutra] imise nam bhamte! Rayanappabhae pudhavie naraka kevatiyam bahallenam pannatta? Goyama! Tinni joyanasahassaim, bahallenam pannatta, tam jaha– hettha ghana sahassam, majjhe jhusira sahassam, uppim samkuiya sahassam. Evam java ahesattamae. Imise nam bhamte! Rayanappabhae pudhavie naraka kevatiyam ayamavikkhambhenam? Kevaiyam parikkhavenam pannatta? Goyama! Duviha pannatta, tam jaha–samkhejjavitthada ya asamkhejjavitthada ya. Tattha nam jete samkhejjavitthada te nam samkhejjaim joyanasahassaim ayamavikkhambhenam, samkhejjaim, joyanasahassaim parikkhevenam pannatta. Tattha nam jete asamkhejjavitthada te nam asamkhejjaim joyanasahassaim ayamavikkhambhenam, asamkhejjaim joyanasahassaim parikkhevenam pannatta. Evam java tamae. Ahesattamae nam bhamte! Puchchha. Goyama! Duviha pannatta, tam jaha–samkhejjavitthade ya asamkhejjavitthada ya. Tattha nam jese samkhejjavitthade se nam ekkam joyanasayasahassam ayama-vikkhambhenam, tinni joyanasayasahassaim solasa sahassaim donni ya sattavise joyanasae tinni kose ya atthavisam cha dhanusatam terasa ya amgulaim addhamgulayam cha kimchivisesadhie parikkhevenam pannatte. Tattha nam jete asamkhejjavitthada te nam asamkhejjaim joyanasahassaim ayamavikkhambhenam, asamkhejjaim joyanasahassaim parikkhevenam pannatta. Imise nam bhamte! Rayanappabhae pudhavie naraya kerisaya vannenam pannatta? Goyama! Kala kalobhasa gambhiralomaharisa bhima uttasanaya paramakinha vannenam pannatta. Evam java adhesattamae.
Sutra Meaning Transliteration : Juo sutra 96