Sutra Navigation: Jivajivabhigam ( જીવાભિગમ ઉપાંગ સૂત્ર )

Search Details

Mool File Details

Anuvad File Details

Sr No : 1105853
Scripture Name( English ): Jivajivabhigam Translated Scripture Name : જીવાભિગમ ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

त्रिविध जीव प्रतिपत्ति

 Translated Chapter :

ત્રિવિધ જીવ પ્રતિપત્તિ
Section : Translated Section :
Sutra Number : 53 Category : Upang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] से किं तं इत्थीओ? इत्थीओ तिविहाओ पन्नत्ताओ, तं जहा–तिरिक्खजोणित्थीओ मनुस्सित्थीओ देवित्थीओ। से किं तं तिरिक्खजोणित्थीओ? तिरिक्खजोणित्थीओ तिविहाओ पन्नत्ताओ, तं जहा–जलयरीओ थलयरीओ खहयरीओ। से किं तं जलयरीओ? जलयरीओ पंचविहाओ पन्नत्ताओ, तं जहा–मच्छीओ जाव सुंसुमारीओ। से तं जलयरीओ। से किं तं थलयरीओ? थलयरीओ दुविहाओ पन्नत्ताओ, तं० चउप्पईओ य परिसप्पीओ य। से किं तं चउप्पईओ? चउप्पईओ चउव्विहाओ पन्नत्ताओ, तं जहा–एगखुरीओ जाव सणप्फईओ। से तं चउप्पयथलयरतिरिक्खजोणित्थीओ। से किं तं परिसप्पीओ? परिसप्पीओ दुविहाओ पन्नत्ताओ, तं जहा– उरपरिसप्पीओ य भुयपरिसप्पीओ य। से किं तं उरपरिसप्पीओ? उरपरिसप्पीओ तिविहाओ पन्नत्ताओ, तं जहा–अहीओ अयगरीओ महोरगीओ य। सेत्तं उरपरिसप्पीओ। से किं तं भुयपरिसप्पीओ? भुयपरिसप्पीओ अनेगविहाओ पन्नत्ताओ, तं जहा–गोहीओ नउलीओ सेधाओ सल्लीओ सरडीओ सरंधीओ साराओ खाराओ पवलाइयाओ चउप्पाइयाओ मूसियाओ मुगुंसियाओ घरोलियाओ जाहियाओ छीरबिरालियाओ। सेत्तं भुयपरिसप्पीओ। से किं तं खहयरीओ? खहयरीओ चउव्विहाओ पन्नत्ताओ, तं जहा–चम्मपक्खीओ जाव विततपक्खीओ। सेत्तं खहयरीओ। सेत्तं तिरिक्खजोणित्थीओ। से किं तं मनुस्सित्थियाओ? मनुस्सित्थियाओ तिविहाओ पन्नत्ताओ, तं जहा–कम्मभूमियाओ अकम्मभूमियाओ अंतरदीवियाओ। से किं तं अंतरदीवियाओ? अंतरदीवियाओ अट्ठावीसइविहाओ पन्नत्ताओ, तं जहा–एगूरु-इयाओ आभासियाओ जाव सुद्धदंताओ। सेत्तं अंतरदीवियाओ। से किं तं अकम्मभूमियाओ? अकम्मभूमियाओ तीसतिविहाओ पन्नत्ताओ, तं जहा–पंचसु हेमवएसु पंचसु एरण्णवएसु पंचसु हरिवासेसु पंचसु रम्मगवासेसु पंचसु देवकुरासु पंचसु उत्तरकुरासु। सेत्तं अकम्मभूमियाओ। से किं तं कम्मभूमियाओ? कम्मभूमियाओ पन्नरसविहाओ पन्नत्ताओ, तं जहा–पंचसु भरहेसु पंचसु एरवएसु पंचसु महाविदेहेसु। सेत्तं कम्मभूमगमनुस्सित्थीओ। सेत्तं मनुस्सित्थीओ। से किं तं देवित्थियाओ? देवित्थियाओ चउव्विहाओ पन्नत्ताओ, तं जहा–भवनवासि-देवित्थियाओ वाणमंतरदेवित्थियाओ जोइसियदेवित्थियाओ वेमानियदेवित्थियाओ। से किं तं भवनवासिदेवित्थियाओ? भवनवासिदेवित्थियाओ दसविहाओ पन्नत्ताओ, तं जहा–असुरकुमारभवनवासिदेवित्थियाओ जाव थणियकुमारभवनवासिदेवित्थियाओ। से तं भवनवासि-देवित्थियाओ। से किं तं वाणमंतरदेवित्थियाओ? वाणमंतरदेवित्थियाओ अट्ठविहाओ पन्नत्ताओ, तं जहा–पिसायवाणमंतरदेवित्थियाओ जाव गंधव्ववाणमंतरदेवित्थियाओ। से तं वाणमंतरदेवित्थियाओ। से किं तं जोइसियदेवित्थियाओ? जोइसियदेवित्थियाओ पंचविहाओ पन्नत्ताओ, तं जहा–चंदविमाणजोइसियदेवित्थियाओ सूर गह नक्खत्त ताराविमाणजोइसिय देवित्थियाओ। सेत्तं जोइसियदेवित्थियाओ। से किं तं वेमानियदेवित्थियाओ? वेमानियदेवित्थियाओ दुविहाओ पन्नत्ताओ, तं जहा–सोहम्मकप्पवेमानियदेवित्थियाओ कप्पवेमानियदेवित्थियाओ। सेत्तं वेमानियदेवित्थियाओ।
Sutra Meaning : જુઓ સૂત્ર ૫૨
Mool Sutra Transliteration : [sutra] se kim tam itthio? Itthio tivihao pannattao, tam jaha–tirikkhajonitthio manussitthio devitthio. Se kim tam tirikkhajonitthio? Tirikkhajonitthio tivihao pannattao, tam jaha–jalayario thalayario khahayario. Se kim tam jalayario? Jalayario pamchavihao pannattao, tam jaha–machchhio java sumsumario. Se tam jalayario. Se kim tam thalayario? Thalayario duvihao pannattao, tam0 chauppaio ya parisappio ya. Se kim tam chauppaio? Chauppaio chauvvihao pannattao, tam jaha–egakhurio java sanapphaio. Se tam chauppayathalayaratirikkhajonitthio. Se kim tam parisappio? Parisappio duvihao pannattao, tam jaha– uraparisappio ya bhuyaparisappio ya. Se kim tam uraparisappio? Uraparisappio tivihao pannattao, tam jaha–ahio ayagario mahoragio ya. Settam uraparisappio. Se kim tam bhuyaparisappio? Bhuyaparisappio anegavihao pannattao, tam jaha–gohio naulio sedhao sallio saradio saramdhio sarao kharao pavalaiyao chauppaiyao musiyao mugumsiyao gharoliyao jahiyao chhirabiraliyao. Settam bhuyaparisappio. Se kim tam khahayario? Khahayario chauvvihao pannattao, tam jaha–chammapakkhio java vitatapakkhio. Settam khahayario. Settam tirikkhajonitthio. Se kim tam manussitthiyao? Manussitthiyao tivihao pannattao, tam jaha–kammabhumiyao akammabhumiyao amtaradiviyao. Se kim tam amtaradiviyao? Amtaradiviyao atthavisaivihao pannattao, tam jaha–eguru-iyao abhasiyao java suddhadamtao. Settam amtaradiviyao. Se kim tam akammabhumiyao? Akammabhumiyao tisativihao pannattao, tam jaha–pamchasu hemavaesu pamchasu erannavaesu pamchasu harivasesu pamchasu rammagavasesu pamchasu devakurasu pamchasu uttarakurasu. Settam akammabhumiyao. Se kim tam kammabhumiyao? Kammabhumiyao pannarasavihao pannattao, tam jaha–pamchasu bharahesu pamchasu eravaesu pamchasu mahavidehesu. Settam kammabhumagamanussitthio. Settam manussitthio. Se kim tam devitthiyao? Devitthiyao chauvvihao pannattao, tam jaha–bhavanavasi-devitthiyao vanamamtaradevitthiyao joisiyadevitthiyao vemaniyadevitthiyao. Se kim tam bhavanavasidevitthiyao? Bhavanavasidevitthiyao dasavihao pannattao, tam jaha–asurakumarabhavanavasidevitthiyao java thaniyakumarabhavanavasidevitthiyao. Se tam bhavanavasi-devitthiyao. Se kim tam vanamamtaradevitthiyao? Vanamamtaradevitthiyao atthavihao pannattao, tam jaha–pisayavanamamtaradevitthiyao java gamdhavvavanamamtaradevitthiyao. Se tam vanamamtaradevitthiyao. Se kim tam joisiyadevitthiyao? Joisiyadevitthiyao pamchavihao pannattao, tam jaha–chamdavimanajoisiyadevitthiyao sura gaha nakkhatta taravimanajoisiya devitthiyao. Settam joisiyadevitthiyao. Se kim tam vemaniyadevitthiyao? Vemaniyadevitthiyao duvihao pannattao, tam jaha–sohammakappavemaniyadevitthiyao kappavemaniyadevitthiyao. Settam vemaniyadevitthiyao.
Sutra Meaning Transliteration : Juo sutra 52