Sutra Navigation: Sthanang ( સ્થાનાંગ સૂત્ર )

Search Details

Mool File Details

Anuvad File Details

Sr No : 1102192
Scripture Name( English ): Sthanang Translated Scripture Name : સ્થાનાંગ સૂત્ર
Mool Language : Ardha-Magadhi Translated Language : Gujarati
Chapter :

स्थान-३

 Translated Chapter :

સ્થાન-૩
Section : उद्देशक-३ Translated Section : ઉદ્દેશક-૩
Sutra Number : 192 Category : Ang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तिहिं ठाणेहिं देवे चइस्सामित्ति जाणइ, तं जहा–विमाणाभरणाइं निप्पभाइं पासित्ता, कप्परुक्खगं मिलायमाणं पासित्ता, अप्पणो तेयलेस्सं परिहायमाणिं जाणित्ता– इच्चेएहिं तिहिं ठाणेहिं देवे चइस्सामित्ति जाणइ। तिहिं ठाणेहिं देवे उव्वेगमागच्छेज्जा, तं जहा– १. अहो! णं मए इमाओ एतारूवाओ दिव्वाओ देविड्ढीओ दिव्वाओ देवजुत्तीओ दिव्वाओ देवानुभावाओ लद्धाओ पत्ताओ अभिसमन्नागताओ चइयव्वं भविस्सति। २. अहो! णं मए माउओयं पिउसुक्कं तं तदुभयसंसट्ठं तप्पढमयाए आहारो आयारेयव्वो भविस्सति। ३. अहो! णं मए कलमल-जंबालाए असुईए उव्वेयणियाए भीमाए गब्भवसहीए वसियव्वं भविस्सइ। इच्चेएहिं तिहिं ठाणेहिं देवे उव्वेगमागच्छेज्जा।
Sutra Meaning : જુઓ સૂત્ર ૧૯૧
Mool Sutra Transliteration : [sutra] tihim thanehim deve chaissamitti janai, tam jaha–vimanabharanaim nippabhaim pasitta, kapparukkhagam milayamanam pasitta, appano teyalessam parihayamanim janitta– ichcheehim tihim thanehim deve chaissamitti janai. Tihim thanehim deve uvvegamagachchhejja, tam jaha– 1. Aho! Nam mae imao etaruvao divvao deviddhio divvao devajuttio divvao devanubhavao laddhao pattao abhisamannagatao chaiyavvam bhavissati. 2. Aho! Nam mae mauoyam piusukkam tam tadubhayasamsattham tappadhamayae aharo ayareyavvo bhavissati. 3. Aho! Nam mae kalamala-jambalae asuie uvveyaniyae bhimae gabbhavasahie vasiyavvam bhavissai. Ichcheehim tihim thanehim deve uvvegamagachchhejja.
Sutra Meaning Transliteration : Juo sutra 191