Sutra Navigation: Jambudwippragnapati ( જંબુદ્વીપ પ્રજ્ઞપ્તિ સૂત્ર )

Search Details

Mool File Details

Anuvad File Details

Sr No : 1107826
Scripture Name( English ): Jambudwippragnapati Translated Scripture Name : જંબુદ્વીપ પ્રજ્ઞપ્તિ સૂત્ર
Mool Language : Ardha-Magadhi Translated Language : Gujarati
Chapter :

वक्षस्कार ५ जिन जन्माभिषेक

 Translated Chapter :

વક્ષસ્કાર ૫ જિન જન્માભિષેક
Section : Translated Section :
Sutra Number : 226 Category : Upang-07
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तहेव जाव वंदित्ता भगवओ तित्थयरस्स तित्थयरमाऊए य उत्तरेणं चामरहत्थगयाओ आगाय-माणीओ परिगायमाणीओ चिट्ठंति तेणं कालेणं तेणं समएणं विदिसिरुयगवत्थव्वाओ चत्तारि दिसाकुमारीमहत्तरियाओ जाव विहरंति, तं जहा– चित्ता य चित्तकनगा, सतेरा य सोदामिणी ॥ तहेव जाव ण भाइयव्वंतिकट्टु भगवओ तित्थयरस्स तित्थयरमाऊए य चउसु विदिसासु दीवियाहत्थगयाओ आगायमाणीओ परिगायमाणीओ चिट्ठंति। तेणं कालेणं तेणं समएणं मज्झिमरुयगवत्थव्वाओ चत्तारि दिसाकुमारीमहत्तरियाओ सएहिं-सएहिं कूडेहिं तहेव जाव विहरंति, तं जहा–रूया रूयंसा सुरूया रूयगावई। तहेव जाव तुब्भाहिं ण भाइयव्वंतिकट्टु भगवओ तित्थयरस्स चउरंगुलवज्जं नाभिणालं कप्पेंति, कप्पेत्ता वियरगं खणंति, खणित्ता वियरगे नाभि निहणंति, निहणित्ता रयणाण य वइराण य पूरेंति, पूरेत्ता हरियालियाए पेढं बंधंति, बंधित्ता तिदिसिं तओ कयलीहरगे विउव्वंति। तए णं तेसिं कयलीहरगाणं बहुमज्झदेसभाए तओ चाउस्सालए विउव्वंति। तए णं तेसिं चाउस्सालगाणं बहुमज्झदेसभाए तओ सीहासने विउव्वंति। तेसि णं सीहासनाणं अयमेयारूवे वण्णावासे पन्नत्ते, सव्वो वण्णगो भाणियव्वो। तए णं ताओ रुयगमज्झवत्थव्वाओ चत्तारि दिसाकुमारीमहत्तरियाओ जेणेव भयवं तित्थयरे तित्थयरमाया य तेणेव उवागच्छंति, उवागच्छित्ता भगवं तित्थयरं करयलपुडेणं गिण्हंति तित्थयर-मायरं च बाहाहिं गिण्हंति, गिण्हित्ता जेणेव दाहिणिल्ले कयलीहरगे जेणेव चाउस्सालए जेणेव सीहासने तेणेव उवागच्छंति, उवागच्छित्ता भगवं तित्थयरं तित्थयरमायरं च सीहासने निसीयावेंति, निसीयवेत्ता सयपाग सहस्सपागेहिं तेल्लेहिं अब्भंगेंति, अब्भंगेत्ता सुरभिणा गंधट्टएणं उवट्टेंति, उवट्टेत्ता भगवं तित्थयरं करयलपुडेणं तित्थयरमायरं च बाहासु गिण्हंति, गिण्हित्ता जेणेव पुरत्थिमिल्ले कयलीहरए जेणेव चाउस्सालए जेणेव सीहासने तेणेव उवागच्छंति, उवागच्छित्ता भगवं तित्थयरं तित्थयरमायरं च सीहासने निसीयावेंति, निसीयावेत्ता तिहिं उदएहिं मज्जावेंति, तं जहा– गंधोदएणं पुप्फोदएणं सुद्धोदएणं मज्जावेत्ता सव्वालंकारविभूसियं करेंति, करेत्ता भगवं तित्थयरं करयलपुडेणं तित्थयर-मायरं च बाहाहिं गिण्हंति, गिण्हित्ता जेणेव उत्तरिल्ले कयलीहरए जेणेव चाउस्सालए जेणेव सीहासने तेणेव उवागच्छंति, उवागच्छित्ता भगवं तित्थयरं तित्थयरमायरं च सीहासने णिसीयाविंति, णिसीयावित्ता आभिओगे देवे सद्दावेंति, सद्दावेत्ता एवं वयासी–खिप्पामेव भो देवानुप्पिया! चुल्लहिमवंताओ वासहरपव्वयाओ सरसाइं गोसीसचंदनकट्ठाइं साहरह। तए णं ते आभिओगा देवा ताहिं रुयगमज्झवत्थव्वाहिं चउहिं दिसाकुमारीमहत्तरियाहिं एवं वुत्ता समाणा हट्ठतुट्ठचित्तमानंदिया जाव विनएणं वयणं पडिच्छंति, पडिच्छित्ता खिप्पामेव चुल्लहिमवंताओ वासहरपव्वयाओ सरसाइं गोसीसचंदनकट्ठाइं साहरंति। तए णं ताओ मज्झिमरुयगवत्थव्वाओ चत्तारि दिसाकुमारीमहत्तरियाओ सरगं करेंति, करेत्ता अरणिं घडेंति, घडेत्ता सरएणं अरणिं महिंति महित्ता अग्गिं पाडेंति, पाडेत्ता अग्गिं संधुक्खंति, संधुक्खित्ता गोसीसचंदनकट्ठे पक्खिवंति, पक्खिवित्ता अग्गिं उज्जालंति, उज्जालित्ता समिहाकट्ठाइं पक्खिवंति, पक्खिवित्ता अग्गिहोमं करेंति, करेत्ता भुतिकम्मं करेंति, करेत्ता रक्खापो-ट्टलियं बंधंति, बंधेत्ता नानामणिरयणभत्तिचित्ते दुविहे पाहाणवट्टगे गहाय भगवओ तित्थयरस्स कण्णमूलंसि टिट्टियावेंति– भवउ भयवं पव्वयाउए। तए णं ताओ रुयगमज्झवत्थव्वाओ चत्तारि दिसाकुमारीमहत्तरियाओ भयवं तित्थयरं करयलपुडेणं तित्थयरमायरं च बाहाहिं गिण्हंति, गिण्हित्ता जेणेव भगवओ तित्थयरस्स जम्मनभवने तेणेव उवागच्छंति, उवागच्छित्ता तित्थयरमायरं सयणिज्जंसि निसीयावेंति, निसीयावेत्ता भयवं तित्थयरं माऊए पासे ठवेंति, ठवेत्ता आगायमाणीओ परिगायमाणीओ चिट्ठंति।
Sutra Meaning : જુઓ સૂત્ર ૨૧૮
Mool Sutra Transliteration : [sutra] taheva java vamditta bhagavao titthayarassa titthayaramaue ya uttarenam chamarahatthagayao agaya-manio parigayamanio chitthamti Tenam kalenam tenam samaenam vidisiruyagavatthavvao chattari disakumarimahattariyao java viharamti, tam jaha– Chitta ya chittakanaga, satera ya sodamini. Taheva java na bhaiyavvamtikattu bhagavao titthayarassa titthayaramaue ya chausu vidisasu diviyahatthagayao agayamanio parigayamanio chitthamti. Tenam kalenam tenam samaenam majjhimaruyagavatthavvao chattari disakumarimahattariyao saehim-saehim kudehim taheva java viharamti, tam jaha–ruya ruyamsa suruya ruyagavai. Taheva java tubbhahim na bhaiyavvamtikattu bhagavao titthayarassa chauramgulavajjam nabhinalam kappemti, kappetta viyaragam khanamti, khanitta viyarage nabhi nihanamti, nihanitta rayanana ya vairana ya puremti, puretta hariyaliyae pedham bamdhamti, bamdhitta tidisim tao kayaliharage viuvvamti. Tae nam tesim kayaliharaganam bahumajjhadesabhae tao chaussalae viuvvamti. Tae nam tesim chaussalaganam bahumajjhadesabhae tao sihasane viuvvamti. Tesi nam sihasananam ayameyaruve vannavase pannatte, savvo vannago bhaniyavvo. Tae nam tao ruyagamajjhavatthavvao chattari disakumarimahattariyao jeneva bhayavam titthayare titthayaramaya ya teneva uvagachchhamti, uvagachchhitta bhagavam titthayaram karayalapudenam ginhamti titthayara-mayaram cha bahahim ginhamti, ginhitta jeneva dahinille kayaliharage jeneva chaussalae jeneva sihasane teneva uvagachchhamti, uvagachchhitta bhagavam titthayaram titthayaramayaram cha sihasane nisiyavemti, nisiyavetta sayapaga sahassapagehim tellehim abbhamgemti, abbhamgetta surabhina gamdhattaenam uvattemti, uvattetta bhagavam titthayaram karayalapudenam titthayaramayaram cha bahasu ginhamti, ginhitta jeneva puratthimille kayaliharae jeneva chaussalae jeneva sihasane teneva uvagachchhamti, uvagachchhitta bhagavam titthayaram titthayaramayaram cha sihasane nisiyavemti, nisiyavetta tihim udaehim majjavemti, tam jaha– Gamdhodaenam pupphodaenam suddhodaenam majjavetta savvalamkaravibhusiyam karemti, karetta bhagavam titthayaram karayalapudenam titthayara-mayaram cha bahahim ginhamti, ginhitta jeneva uttarille kayaliharae jeneva chaussalae jeneva sihasane teneva uvagachchhamti, uvagachchhitta bhagavam titthayaram titthayaramayaram cha sihasane nisiyavimti, nisiyavitta abhioge deve saddavemti, saddavetta evam vayasi–khippameva bho devanuppiya! Chullahimavamtao vasaharapavvayao sarasaim gosisachamdanakatthaim saharaha. Tae nam te abhioga deva tahim ruyagamajjhavatthavvahim chauhim disakumarimahattariyahim evam vutta samana hatthatutthachittamanamdiya java vinaenam vayanam padichchhamti, padichchhitta khippameva chullahimavamtao vasaharapavvayao sarasaim gosisachamdanakatthaim saharamti. Tae nam tao majjhimaruyagavatthavvao chattari disakumarimahattariyao saragam karemti, karetta aranim ghademti, ghadetta saraenam aranim mahimti mahitta aggim pademti, padetta aggim samdhukkhamti, samdhukkhitta gosisachamdanakatthe pakkhivamti, pakkhivitta aggim ujjalamti, ujjalitta samihakatthaim pakkhivamti, pakkhivitta aggihomam karemti, karetta bhutikammam karemti, karetta rakkhapo-ttaliyam bamdhamti, bamdhetta nanamanirayanabhattichitte duvihe pahanavattage gahaya bhagavao titthayarassa kannamulamsi tittiyavemti– bhavau bhayavam pavvayaue. Tae nam tao ruyagamajjhavatthavvao chattari disakumarimahattariyao bhayavam titthayaram karayalapudenam titthayaramayaram cha bahahim ginhamti, ginhitta jeneva bhagavao titthayarassa jammanabhavane teneva uvagachchhamti, uvagachchhitta titthayaramayaram sayanijjamsi nisiyavemti, nisiyavetta bhayavam titthayaram maue pase thavemti, thavetta agayamanio parigayamanio chitthamti.
Sutra Meaning Transliteration : Juo sutra 218