Sutra Navigation: Jivajivabhigam ( જીવાભિગમ ઉપાંગ સૂત્ર )

Search Details

Mool File Details

Anuvad File Details

Sr No : 1106000
Scripture Name( English ): Jivajivabhigam Translated Scripture Name : જીવાભિગમ ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

चतुर्विध जीव प्रतिपत्ति

 Translated Chapter :

ચતુર્વિધ જીવ પ્રતિપત્તિ
Section : लवण समुद्र वर्णन Translated Section : લવણ સમુદ્ર વર્ણન
Sutra Number : 200 Category : Upang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] लवणस्स णं भंते! समुद्दस्स पएसा धायइसंडं दीवं पुट्ठा? हंता पुट्ठा। ते णं भंते! किं लवणे समुद्दे? धायइसंडे दीवे? गोयमा! ते लवणे समुद्दे, नो खलु ते धायइसंडे दीवे। धायइसंडस्स णं भंते! दीवस्स पदेसा लवणं समुद्दं पुट्ठा? हंता पुट्ठा। ते णं भंते! किं धायइसंडे दीवे? लवणे समुद्दे? गोयमा! धायइसंडे णं ते दीवे, नो खलु ते लवणे समुद्दे। लवणे णं भंते समुद्दे जीवा उद्दाइत्ताउद्दाइत्ता धायइसंडे दीवे पच्चायंति? गोयमा! अत्थेगतिया पच्चायंति, अत्थे गतिया नो पच्चायंति। धायइसंडे णं भंते! जीवा उद्दाइत्ताउद्दाइत्ता लवणे समुद्दे पच्चायंति? गोयमा! अत्थेगतिया पच्चायंति, अत्थेगतिया नो पच्चायंति। से केणट्ठेणं भंते! एवं वुच्चइ–लवणे समुद्दे? लवणे समुद्दे? गोयमा! लवणस्स णं समुद्दस्स उदगे आविले रइले लोणे लिंदे खारए कडुए अपेज्जे बहूणं चउप्पयमियपसुपक्खिसिरीसवाणं, नन्नत्थ तज्जोणियाणं सत्ताणं, सुट्ठिए एत्थ लवणाहिवई देवे महिड्ढीए महज्जुतीए महाबले महायसे महेसक्खे महानुभावे पलिओवमट्ठिईए। से णं तत्थ चउण्हं सामानियसाहस्सीणं जाव लवणसमुद्दस्स सुट्ठियाए रायहाणीए अन्नेसिं जाव विहरइ। से एएणट्ठेणं गोयमा! एवं वुच्चइ–लवणे णं समुद्दे, लवणे णं समुद्दे। अदुत्तरं च णं गोयमा! लवणे समुद्दे सासए जाव निच्चे।
Sutra Meaning : જુઓ સૂત્ર ૧૯૮
Mool Sutra Transliteration : [sutra] lavanassa nam bhamte! Samuddassa paesa dhayaisamdam divam puttha? Hamta puttha. Te nam bhamte! Kim lavane samudde? Dhayaisamde dive? Goyama! Te lavane samudde, no khalu te dhayaisamde dive. Dhayaisamdassa nam bhamte! Divassa padesa lavanam samuddam puttha? Hamta puttha. Te nam bhamte! Kim dhayaisamde dive? Lavane samudde? Goyama! Dhayaisamde nam te dive, no khalu te lavane samudde. Lavane nam bhamte samudde jiva uddaittauddaitta dhayaisamde dive pachchayamti? Goyama! Atthegatiya pachchayamti, atthe gatiya no pachchayamti. Dhayaisamde nam bhamte! Jiva uddaittauddaitta lavane samudde pachchayamti? Goyama! Atthegatiya pachchayamti, atthegatiya no pachchayamti. Se kenatthenam bhamte! Evam vuchchai–lavane samudde? Lavane samudde? Goyama! Lavanassa nam samuddassa udage avile raile lone limde kharae kadue apejje bahunam chauppayamiyapasupakkhisirisavanam, nannattha tajjoniyanam sattanam, sutthie ettha lavanahivai deve mahiddhie mahajjutie mahabale mahayase mahesakkhe mahanubhave paliovamatthiie. Se nam tattha chaunham samaniyasahassinam java lavanasamuddassa sutthiyae rayahanie annesim java viharai. Se eenatthenam goyama! Evam vuchchai–lavane nam samudde, lavane nam samudde. Aduttaram cha nam goyama! Lavane samudde sasae java nichche.
Sutra Meaning Transliteration : Juo sutra 198