Sutra Navigation: Jivajivabhigam ( જીવાભિગમ ઉપાંગ સૂત્ર )

Search Details

Mool File Details

Anuvad File Details

Sr No : 1105902
Scripture Name( English ): Jivajivabhigam Translated Scripture Name : જીવાભિગમ ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

चतुर्विध जीव प्रतिपत्ति

 Translated Chapter :

ચતુર્વિધ જીવ પ્રતિપત્તિ
Section : नैरयिक उद्देशक-२ Translated Section : નૈરયિક ઉદ્દેશક-૨
Sutra Number : 102 Category : Upang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] छट्ठिं च इत्थियाओ, मच्छा मनुया य सत्तमिं जंति । एसो खलु उववातो, नेरइयाणं तु नातव्वो ॥ जाव अधेसत्तमाए पुढवीए नेरइया नो असन्नीहिंतो उववज्जंति जाव नो इत्थियाहिंतो उववज्जंति, मच्छमनुस्सेहिंतो उववज्जंति। इमीसे णं भंते! रयणप्पभाए पुढवीए नेरइया एक्कसमएणं केवतिया उववज्जंति? गोयमा! जहन्नेणं एक्को वा दो वा तिन्नि वा, उक्कोसेणं संखेज्जा वा असंखिज्जा वा उववज्जंति। एवं जाव अधेसत्तमाए। इमीसे णं भंते! रयणप्पभाए पुढवीए नेरइया समएसमए अवहीरमाणाअवहीरमाणा केवति-कालेणं अवहिता सिता? गोयमा! ते णं असंखेज्जा समएसमए अवहीरमाणाअवहीरमाणा असंखेज्जाहिं उस्सप्पिणीओसप्पिणीहिं अवहीरंति, नो चेव णं अवहिता सिता जाव अधेसत्तमा। इमीसे णं भंते! रयणप्पभाए पुढवीए नेरइयाणं केमहालिया सरीरोगाहणा पन्नत्ता? गोयमा! दुविहा सरीरोगाहणा पन्नत्ता, तं जहा–भवधारणिज्जा य उत्तरवेउव्विया य। तत्थ णं जासा भवधारणिज्जा सा जहन्नेणं अंगुलस्स असंखेज्जतिभागं उक्कोसेणं सत्त धणूइं तिन्नि य रयणीओ छच्च अंगुलाइं। तत्थ णं जासा उत्तरवेउव्विया सा जहन्नेणं अंगुलस्स संखेज्जतिभागं, उक्कोसेणं पन्नरस धणूइं अड्ढाइज्जाओ रयणीओ। दोच्चाए भवधारणिज्जे जहन्नओ अंगुलासंखेज्जभागं, उक्कोसेणं पन्नरस धणूइं अड्ढाइज्जातो रयणीओ, उत्तरवेउव्विया जहन्नेणं अंगुलस्स संखेज्जभागं, उक्कोसेणं एक्कतीसं धणूइं एक्का रयणी। तच्चाए भवधारणिज्जे एक्कतीसं धणूइं एक्का रयणी, उत्तरवेउव्विया बावट्ठि धणूइं दोन्नि रयणीओ। चउत्थीए भवधारणिज्जे बावट्ठि धणूइं दोन्नि य रयणीओ, उत्तरवेउव्विया पणवीसं धनुसयं। पंचमीए भवधारणिज्जे पणवीसं धनुसयं, उत्तरवेउव्विया अड्ढाइज्जाइं धनुसयाइं। छट्ठाए भवधारणिज्जा अड्ढाइज्जाइं धनुसयाइं, उत्तरवेउव्विया पंचधनुसयाइं। सत्तमाए भवधारणिज्जा पंचधनुसयाइं, उत्तरवेउव्विए धनुसहस्सं।
Sutra Meaning : જુઓ સૂત્ર ૧૦૦
Mool Sutra Transliteration : [sutra] chhatthim cha itthiyao, machchha manuya ya sattamim jamti. Eso khalu uvavato, neraiyanam tu natavvo. Java adhesattamae pudhavie neraiya no asannihimto uvavajjamti java no itthiyahimto uvavajjamti, machchhamanussehimto uvavajjamti. Imise nam bhamte! Rayanappabhae pudhavie neraiya ekkasamaenam kevatiya uvavajjamti? Goyama! Jahannenam ekko va do va tinni va, ukkosenam samkhejja va asamkhijja va uvavajjamti. Evam java adhesattamae. Imise nam bhamte! Rayanappabhae pudhavie neraiya samaesamae avahiramanaavahiramana kevati-kalenam avahita sita? Goyama! Te nam asamkhejja samaesamae avahiramanaavahiramana asamkhejjahim ussappiniosappinihim avahiramti, no cheva nam avahita sita java adhesattama. Imise nam bhamte! Rayanappabhae pudhavie neraiyanam kemahaliya sarirogahana pannatta? Goyama! Duviha sarirogahana pannatta, tam jaha–bhavadharanijja ya uttaraveuvviya ya. Tattha nam jasa bhavadharanijja sa jahannenam amgulassa asamkhejjatibhagam ukkosenam satta dhanuim tinni ya rayanio chhachcha amgulaim. Tattha nam jasa uttaraveuvviya sa jahannenam amgulassa samkhejjatibhagam, ukkosenam pannarasa dhanuim addhaijjao rayanio. Dochchae bhavadharanijje jahannao amgulasamkhejjabhagam, ukkosenam pannarasa dhanuim addhaijjato rayanio, uttaraveuvviya jahannenam amgulassa samkhejjabhagam, ukkosenam ekkatisam dhanuim ekka rayani. Tachchae bhavadharanijje ekkatisam dhanuim ekka rayani, uttaraveuvviya bavatthi dhanuim donni rayanio. Chautthie bhavadharanijje bavatthi dhanuim donni ya rayanio, uttaraveuvviya panavisam dhanusayam. Pamchamie bhavadharanijje panavisam dhanusayam, uttaraveuvviya addhaijjaim dhanusayaim. Chhatthae bhavadharanijja addhaijjaim dhanusayaim, uttaraveuvviya pamchadhanusayaim. Sattamae bhavadharanijja pamchadhanusayaim, uttaraveuvvie dhanusahassam.
Sutra Meaning Transliteration : Juo sutra 100