Sutra Navigation: Gyatadharmakatha ( ધર્મકથાંગ સૂત્ર )

Search Details

Mool File Details

Anuvad File Details

Sr No : 1104920
Scripture Name( English ): Gyatadharmakatha Translated Scripture Name : ધર્મકથાંગ સૂત્ર
Mool Language : Ardha-Magadhi Translated Language : Gujarati
Chapter :

श्रुतस्कन्ध २

वर्ग-१ चमरेन्द्र अग्रमहिषी

अध्ययन-१ काली

 Translated Chapter :

શ્રુતસ્કન્ધ ૨

વર્ગ-૧ ચમરેન્દ્ર અગ્રમહિષી

અધ્યયન-૧ કાલી
Section : Translated Section :
Sutra Number : 220 Category : Ang-06
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तेणं कालेणं तेणं समएणं रायगिहे नामं नयरे होत्था–वण्णओ। तस्स णं रायगिहस्स नयरस्स बहिया उत्तरपुरत्थिमे दिसीभाए, एत्थ णं गुणसिलए नामं चेइए होत्था–वण्णओ। तेणं कालेणं तेणं समएणं समणस्स भगवओ महावीरस्स अंतेवासी अज्जसुहम्मा नामं थेरा भगवंतो जाइसंपण्णा कुलसंपण्णा जाव चोद्दसपुव्वी चउनाणोवगया पंचहिं अनगारसएहिं सद्धिं संपरिवुडा पुव्वाणुपुव्विं चरमाणा गामाणुगामं दूइज्ज-माणा सुहंसुहेणं विहरमाणा जेणेव रायगिहे नयरे जेणेव गुणसिलए चेइए तेणेव उवागच्छंति, उवागच्छित्ता अहापडिरूवं ओग्गहं ओगिण्हित्ता संजमेणं तवसा अप्पाणं भावेमाणा विहरंति। परिसा निग्गया। धम्मो कहिओ। परिसा जामेव दिसिं पाउब्भूया, तामेव दिसिं पडिगया। तेणं कालेणं तेणं समएणं अज्जसुहम्मस्स अनगारस्स जेट्ठे? अंतेवासी अज्जजंबू नामं अनगारे जाव अज्जसुहमस्स थेरस्स नच्चासण्णे नाइदूरे सुस्सूसमाणे नमंसमाणे अभिमुहे पंजलिउडे विनएणं पज्जुवासमाणे एवं वयासी–जइ णं भंते! समणेण भगवया महावीरेणं जाव संपत्तेणं छट्ठस्स अंगस्स पढमस्स सुयक्खंधस्स नायाणं अयमट्ठे पन्नत्ते, दोच्चस्स णं भंते! सुयक्खंधस्स धम्मकहाणं समणेणं भगवया महावीरेणं जाव संपत्तेणं के अट्ठे पन्नत्ते? एवं खलु जंबू! समणेणं भगवया महावीरेणं जाव संपत्तेणं धम्मकहाणं दस वग्गा पन्नत्ता, तं जहा– १. चमरस्स अग्गमहिसीणं पढमे वग्गे। २. बलिस्स वइरोयणिंदस्स वइरोयणरन्नो अग्गमहिसीणं बीए वग्गे। ३. असुरिंदवज्जियाणं दाहिणिल्लाणं इंदाणं अग्गमहिसीणं तईए वग्गे। ४. उत्तरिल्लाणं असुरिंदवज्जियाणं भवनवासि-इंदाणं अग्गमहिसीणं चउत्थे वग्गे। ५. दाहिणिल्लाणं वाणमंतराणं इंदाणं अग्गमहिसीणं पंचमे वग्गे। ६. उत्तरिल्लाणं वाणमंतराणं इंदाणं अग्गमहिसीणं छट्ठे वग्गे। ७. चंदस्स अग्गमहिसीणं सत्तमे वग्गे। ८. सूरस्स अग्गमहिसीणं अट्ठमे वग्गे। ९. सक्कस्स अग्गमहिसीणं नवमे वग्गे। १०. ईसाणस्स य अग्गमहिसीणं दसमे वग्गे। जइ णं भंते! समणेणं भगवया महावीरेणं जाव संपत्तेणं धम्मकहाणं दस वग्गा पन्नत्ता, पढमस्स णं भंते! वग्गस्स समणेणं भगवया महावीरेणं जाव संपत्तेणं के अट्ठे पन्नत्ते? एवं खलु जंबू! समणेणं भगवया महावीरेणं जाव संपत्तेणं पढमस्स वग्गस्स पंच अज्झयणा पन्नत्ता, तंजहा–काली, राई, रयणी, विज्जू, मेहा। जइ णं भंते! समणेणं भगवया महावीरेणं जाव संपत्तेणं पढमस्स वग्गस्स पंच अज्झयणा पन्नत्ता, पढमस्स णं भंते! अज्झयणस्स समणेणं भगवया महावीरेणं जाव संपत्तेणं के अट्ठे पन्नत्ते? एवं खलु जंबू! तेणं कालेणं तेणं समएणं रायगिहे नयरे गुणसिलए चेइए। सेणिए राया। चेल्लणा देवी। सामी समोसढे। परिसा निग्गया जाव परिसा पज्जुवासइ। तेणं कालेणं तेणं समएणं काली देवी चमरचंचाए रायहाणीए कालिवडेंसगभवणे कालंसि सहासणंसि चउहिं सामाणियसाहस्सीहिं चउहिं महयरियाहिं सपरिवाराहिं, तिहिं परिसाहिं सत्तहिं अणिएहिं सत्तहिं अणियाहिवईहिं सोलसहिं आयर-क्खदेवसाहस्सीहिं अन्नेहि य बहूहिं कालिव-डिंसय-भवनवासीहिं असुरकुमारेहिं देवेहिं देवीहि य सद्धिं संपरिवुडा महयाहय-नट्ट-गीय-वाइय-तंती-तल-ताल-तुडिय-घण-मुइंग-पडुप्पवादियरवेणं दिव्वाइं भोगभोगाइं भुंजमाणी विहरइ। इमं च णं केवलकप्पं जंबुद्दीवं दीवं विउलेणं ओहिणा आभोएमाणी-आभोएमाणी पासइ। एत्थ समणं भगवं महावीरं जंबुद्दीवे दीवे भारहे वासे रायगिहे नयरे गुणसिलए चेइए अहापडिरूवं ओग्गहं ओगिण्हित्ता संजमेणं तवसा अप्पाणं भावेमाणं पासइ, पासित्ता हट्ठतुट्ठ-चित्तमाणंदिया पीइमणा परमसोमणस्सिया हरिसवस-विसप्पमाण हियया सीहासनाओ अब्भुट्ठेइ, अब्भुट्ठेत्ता पायपीढाओ पच्चोरुहइ, पच्चोरुहित्ता पाउयाओ ओमुयइ, ओमुइत्ता तित्थगराभिमुही सत्तट्ठ पयाइं अनुगच्छइ, अनुगच्छित्ता वामं जाणुं अंचेइ, अंचेत्ता दाहिणं जाणुं धरणियलंसि निहट्टु तिक्खुत्तो मुद्धाणं धरणियलंसि निवेसेइ, ईसिं पच्चुन्नमइ, पच्चुन्नमित्ता कडग-तुरिय-थंभियाओ भुयाओ साहरइ, साहरित्ता करयल परिग्गहियं दसणहं सिरसावत्तं मत्थए अंजलिं कट्टु एवं वयासी– नमोत्थु णं अरहंताणं भगवंताणं जाव सिद्धिगइनामधेज्जं ठाणं संपत्ताणं। नमोत्थु णं समणस्स भगवओ महावीरस्स जाव सिद्धिगइनामधेज्जं ठाणं संपाविउकामस्स। वंदामि णं भगवंतं तत्थगयं इहगया, पासउ मे समणे भगवं महावीरे तत्थगए इहगयं त्ति कट्टु वंदइ नमंसइ, वंदित्ता नमंसित्ता सीहासनवरंसि पुरत्थाभिमुहा निसण्णा। तए णं तीसे कालीए देवीए इमेयारूवे अज्झत्थिए चिंतिए पत्थिए मनोगए संकप्पे समुप्पज्जित्था–सेयं खलु मे समणं भगवं महावीरं वंदित्तए नमंसित्तए सक्कारित्तए सम्माणित्तए कल्लाणं मंगलं देवयं चेइयं पज्जुवासित्तए त्ति कट्टु एवं संपेहेइ, संपेहेत्ता आभिओगिए देवे सद्दावेइ, सद्दावेत्ता एवं वयासी–एवं खलु देवानुप्पिया! समणे भगवं महावीरे विहरइ एवं जहा सूरियाभो तहेव आणत्तियं देइ जाव दिव्वं सुरवराभिगमणजोग्गं करेह य कारवेह य करेत्ता य कारवेत्ता य खिप्पामेव एवमाणत्तियं पच्चप्पिणह। ते वि तहेव करेत्ता जाव पच्चप्पिणंति, नवरं–जोयणसहस्सवित्थिण्णं जाणं। सेसं तहेव। तहेव नामगोयं साहेइ, तहेव नट्ठविहिं उवदंसेइ जाव पडिगया। भंतेति! भगवं गोयमे समणं भगवं महावीरं वंदइ नमंसइ, वंदित्ता नमंसित्ता एवं वयासी–कालीए णं भंते! देवीए सा दिव्वा देविड्ढी दिव्वा देवज्जुई दिव्वे देवाणुभाए कहिं गए? कहिं अनुप्पविट्ठे? गोयमा! सरीरं गए सरीरं अनुप्पविट्ठे। कूडागारसाला दिट्ठंतो। अहो णं भंते! काली देवी महिड्ढिया महज्जुइया महब्बला महायसा महासोक्खा महाणुभागा। कालीए णं भंते! देवीए सा दिव्वा देविड्ढी दिव्वा देवज्जुई दिव्वे देवाणुभागे किण्णा लद्धे? किण्णा पत्ते? किण्णा अभिसमन्नागए? गोयमाति! समणे भगवं महावीरे भगवं गोयमं आमंतेत्ता एवं वयासी–एवं खलु गोयमा! तेणं कालेणं तेणं सम-एणं इहेव जंबुद्दीवे दीवे भारहे वासे आमलकप्पा नामं नयरी होत्था–वण्णओ। अंबसालवणे चेइए। जियसत्तू राया। तत्थ णं आमलकप्पाए नयरीए काले नामं गाहावई होत्था–अड्ढे जाव अपरिभूए। तस्स णं कालस्स गाहावइस्स कालसिरी नामं भारिया होत्था–सुकुमालपाणिपाया जाव सुरूवा। तस्स णं कालस्स गाहावइस्स धूया कालसिरीए भारियाए अत्तया काली नामं दारिया होत्था–वड्ढा वड्ढकुमारी जुण्णा जुण्णकुमारी पडियपुयत्थणी निव्विण्णवरा वरगपरिवज्जिया वि होत्था। तेणं कालेणं तेणं समएणं पासे अरहा पुरिसादानीए आइगरे तित्थगरे सहसंबुद्धे पुरिसोत्तमे पुरिससीहे पुरिसवरपुंडरीए पुरिसवरगंधहत्थी अभयदए चक्खुदए मग्गदए सरणदए जीवदए दीवो ताणं सरणं गई पइट्ठा धम्मवरचाउरंत-चक्कवट्टी अप्पडि-हय-वरनाणदंसणधरे वियट्टच्छउमे अरहा जिणे केवली जिणे जाणए तिन्ने तारए मुत्ते मोयए बुद्धे बोहए सव्वण्णू सव्वदरिसी नव-हत्थुस्सेहे समचउरंससंठाणसंठिए वज्जरिसहनारायसंघयणे जल्लमल्लकलंकसेयरहियसरीरे सिवमयलमरुय-मनंतमक्खयमव्वाबाहमपुनरावत्तगं सिद्धिगइनामधेज्जं ठाणं संपाविउकामे सोलसहिं समण-साहस्सीहिं अट्ठत्तीसाए अज्जियासाहस्सीहिं सद्धिं संपरिवुडे पुव्वाणुपुव्विं चरमाणे गामानुगामं दूइज्जमाणे सुहंसुहेणं विहरमाणे आमलकप्पाए नयरीए बहिया अंबसालवने समोसढे। परिसा निग्गया जाव पज्जुवासइ। तए णं सा काली दारिया इमीसे कहाए लद्धट्ठा समाणी हट्ठ तुट्ठ-चित्तमाणंदिया पीइमणा परमसोमणस्सिया हरिस-वस-विसप्पमाणहियया जेणेव अम्मापियरो तेणेव उवागच्छइ, उवाग-च्छित्ता करयल परिग्गहियं दसणहं सिरसावत्तं मत्थए अंजलिं कट्टु एवं वयासी– एवं खलु अम्मयाओ! पासे अरहा पुरिसादानीए आइगरे तित्थगरे इहमागए इह संपत्ते इह समोसढे इह चेव आमलकप्पाए नयरीए अंबसालवने अहापडिरूवं ओग्गहं ओगिण्हित्ता संजमेणं तवसा अप्पाणं भावेमाणे विहरइ। तं इच्छामि णं अम्मयाओ! तुब्भेहिं अब्भणुण्णाया समाणी पासस्स णं अरहओ पुरिसादानीयस्स पायवंदिया गमित्तए। अहासुहं देवानुप्पिए! मा पडिबंधं करेहि। तए णं सा काली दारिया अम्मापिईहिं अब्भणुण्णाया समाणी हट्ठ तुट्ठ-चित्तमाणंदिया पीइमणा परमसोमणस्सिया हरिसवसविसप्पमाण हियया ण्हाया कयवलिकम्मा कयकोउय-मंगल-पायच्छित्ता सुद्धप्पावेसाइं मंगल्लाइं वत्थाइं पवर परिहिया अप्पमहग्घाभरणालंकियसरीरा चेडिया-चक्कवाल-परिकिण्णा साओ गिहाओ पडिनिक्खमइ, पडिनिक्खमित्ता जेणेव बाहिरिया उव-ट्ठाणसाला जेणेव धम्मिए जाणप्पवरे तेणेव उवागच्छइ, उवागच्छित्ता धम्मियं जाणपवरं दुरूढा। तए णं सा काली दारिया धम्मियं जानप्पवरं दुरूढा समाणी एवं जहा देवई तहा पज्जुवासइ। तए णं पासे अरहाए कालीए दारियाए तीसे य महइमहालियाए परिसाए धम्मं कहेइ। तए णं सा काली दारिया पासस्स अरहओ पुरिसादानीयस्स अंतिए धम्मं सोच्चा निसम्म हट्ठ तुट्ठ-चित्तमाणंदिया पीइमणा परमसोमणस्सिया हरिसवस-विसप्पमाण हियया पासं अरहं पुरिसादानीयं तिक्खुत्तो आयाहिण-पयाहिणं करेइ, करेत्ता वंदइ नमंसइ, वंदित्ता नमंसित्ता एवं वयासी–सद्दहामि णं भंते! निग्गंथं पावयणं, जाव से जहेयं तुब्भे वयह। जं नवरं–देवानुप्पिया! अम्मापियरो आपुच्छामि, तए णं अहं देवानुप्पियाणं अंतिए मुंडे भवित्ता णं अगाराओ अनगारियं पव्वयामि। अहासुहं देवानुप्पिए। तए णं सा काली दारिया पासेणं अरहया पुरिसादानीएणं एवं वुत्ता समाणी हट्ठ-तुट्ठ-चित्तमाणंदिया पीइमणा परमसोमणस्सिया हरिसवसविसप्पमाणहियया पासं अरहं वंदइ नमंसइ, वंदित्ता नमंसित्ता तमेव धम्मियं जाणप्पवरं दुरुहइ, दुरुहित्ता पासस्स अरहओ पुरिसादानीयस्स अंतियाओ अंबसालवणाओ चेइयाओ पडिनिक्खमइ, पडिनिक्खमित्ता जेणेव आमलकप्पा नयरी तेणेव उवागच्छइ, उवागच्छित्ता आमलकप्पं नयरिं मज्झंमज्झेणं जेणेव बाहिरिया उवट्ठाणसाला तेणेव उवागच्छइ, उवागच्छित्ता धम्मियं जाणप्पवरं ठवेइ, ठवेत्ता धम्मियाओ जानप्पवराओ पच्चोरुहइ, पच्चोरुहित्ता जेणेव अम्मापियरो तेणेव उवागच्छइ, उवागच्छित्ता करयलपरिग्गहियं दसणहं सिरसावत्तं मत्थए अंजलिं कट्टु एवं वयासी– एवं खलु अम्मयाओ! मए पासस्स अरहओ अंतिए धम्मे निसंते। से वि य धम्मे इच्छिए पडिच्छिए अभिरुइए। तए णं अहं अम्मयाओ! संसारभउव्विग्गा भीया जम्मण-मरणाणं इच्छामि णं तुब्भेहिं अब्भणुण्णाया समाणी पासस्स अरहओ अंतिए मुंडा भवित्ता अगाराओ अनगारियं पव्वइत्तए। अहासुहं देवानुप्पिए! मा पडिबंधं करेहि। तए णं से काले गाहावई विउलं असन-पान-खाइम-साइमं उवक्खडावेइ, उवक्खडावेत्ता मित्त-नाइ-नियग-सयण-संबंधि-परियणं आमंतेइ, आमंतेत्ता तओ पच्छा ण्हाए जाव विपुलेणं पुप्फ-वत्थ-गंध-मल्लालंकारेणं सक्कारेइ सम्मानेइ, सक्कारेत्ता सम्मानेत्ता तस्सेव मित्त-नाइ-नियग-सयण-संबंधि-परियणस्स पुरओ कालं दारियं सेयापीएहिं कलसेहिं ण्हावेइ, ण्हावेत्ता सव्वालं-कार-विभूसियं करेइ, करेत्ता पुरिससहस्सवाहिणिं सीयं दुरूहेइ, दुरूहेत्ता मित्त-नाइ-नियग-सयण-संबंधि-परियणेणं सद्धिं संपरिवुडे सव्विड्ढीए जाव दुंदुहि-निग्घोस-नाइयरवेणं आमलकप्पं नयरिं मज्झंमज्झेणं निग्गच्छइ, निग्गच्छित्ता जेणेव अंबसालवणे चेइए तेणेव उवागच्छइ, उवागच्छित्ता छत्ताईए तित्थगराइसए पासइ, पासित्ता सीयं ठवेइ, ठवेत्ता कालिं दारियं सीयाओ पच्चोरुहेइ। तए णं तं कालिं दारियं अम्मापियरो पुरओ काउं जेणेव पासे अरहा पुरिसादानीए तेणेव उवागच्छंति, उवागच्छि-त्ता वंदंति नमंसंति, वंदित्ता नमंसित्ता एवं वयासी– एवं खलु देवानुप्पिया! काली दारिया अम्हं धूया इट्ठा कंता जाव उंबरपुप्फं पिव दुल्लहा सवणयाए, किमंग पुण पासणयाए? एस णं देवानुप्पिया! संसारभउव्विग्गा इच्छइ देवानुप्पियाणं अंतिए मुंडा भवित्ता णं अगाराओ अनगारियं पव्वइत्तए। तं एयं णं देवानुप्पियाणं सिस्सिणिभिक्खं दलयामो। पडिच्छंतु णं देवानुप्पिया! सिस्सिणिभिक्खं। अहासुहं देवानुप्पिया! मा पडिबंधं करेहि। तए णं सा काली कुमारी पासं अरहं वंदइ नमंसइ, वंदित्ता नमंसित्ता उत्तरपुरत्थिमं दिसीभागं अवक्कमइ, अवक्कमित्ता सयमेव आभरणमल्लालंकारं ओमुयइ, ओमुइत्ता सयमेव लोयं करेइ, करेत्ता जेणेव पासे अरहा पुरिसादानीए तेणेव उवागच्छइ, उवागच्छित्ता पासं अरहं तिक्खुत्तो आयाहिण-पयाहिणं करेइ, करेत्ता वंदइ नमंसइ, वंदित्ता नमंसित्ता एवं वयासी–आलित्ते णं भंते! लोए जाव तं इच्छामि णं देवानुप्पिएहिं सयमेव पव्वावियं जाव धम्ममाइक्खियं। तए णं पासे अरहा पुरिसादानीए कालिं सयमेव पुप्फचूलाए अज्जाए सिस्सिणियत्ताए दलयइ। तए णं सा पुप्फचूला अज्जा कालिं कुमारिं सयमेव पव्वावेइ जाव धम्ममाइक्खइ। तए णं सा काली पुप्फचूलाए अज्जाए अंतिए इमं एयारूवं धम्मियं उवएसं सम्मं उवसंपज्जित्ता णं विहरइ। तए णं सा काली अज्जा जाया–इरियासमिया जाव गुत्तबंभयारिणी। तए णं सा काली अज्जा पुप्फचूलाए अज्जाए अंतिए सामाइयमाइयाइं एक्कारस अंगाइं अहिज्जइ, बहूहिं चउत्थ-छट्ठट्ठम-दसम-दुवालसेहिं मासद्धमासखमणेहिं अप्पाणं भावेमाणी विहरइ। तए णं सा काली अज्जा अन्नया कयाइ सरीरबाउसिया जाया यावि होत्था। अभिक्खणं-अभिक्खणं हत्थे धोवेइ, पाए धोवेइ, सीसं धोवेइ, मुहं धोवेइ, थणंतराणि धोवेइ, कक्खंतराणि धोवेइ, गुज्झंतराणि धोवेइ, जत्थ-जत्थ वि य णं ठाणं वा सेज्जं वा निसीहियं वा चेएइ, तं पुव्वामेव अब्भुक्खित्ता तओ पच्छा आसयइ वा सयइ वा। तए णं सा पुप्फचूला अज्जा कालिं अज्जं एवं वयासी–नो खलु कप्पइ देवानुप्पिए! समणीणं निग्गंथीणं सरीरबाउसियाणं होत्तए। तुमं च णं देवानुप्पिए! सरीरबाउसिया जाया अभिक्खणं-अभिक्खणं हत्थे धोवसि, पाए धोवसि, सीसं धोवसि, मुहं धोवसि, थणंतराणि धोवसि, कक्खंतराणि धोवसि, गुज्झंतराणि धोवसि, जत्थ-जत्थ वि य णं ठाणं वा सेज्जं वा निसोहियं वा चेएसि, तं पुव्वामेव अब्भुक्खित्ता तओ पच्छा आसयसि वा सयसि वा। तं तुमं देवानुप्पिए! एयस्स ठाणस्स आलोएहि जाव पायच्छित्तं पडिवज्जाहि। तए णं सा काली अज्जा-पुप्फचूलाए अज्जाए एयमट्ठं नो आढाइ नो परियाणाइ तुसिणीया संचिट्ठइ। तए णं ताओ पुप्फचूलाओ अज्जाओ कालिं अज्जं अभिक्खणं-अभिक्खणं हीलेंति निंदंति खिंसंति गरहंति अवमन्नंति अभिक्खणं-अभिक्खणं एयमट्ठं निवारेंति। तए णं तीसे कालीए अज्जाए समणीहिं निग्गंथीहिं अभिक्खणं-अभिक्खणं हीलिज्जमाणीए जाव निवारिज्जमाणीए इमेयारूवे अज्झत्थिए चिंतिए पत्थिए मनोगए संकप्पे समुप्पज्जित्था–जया णं अहं अगारमज्झे वसित्था तया णं अहं सयंवसा, जप्पभिइं च णं अहं मुंडा भवित्ता अगाराओ अनगारियं पव्वइया तप्पभिइं च णं अहं परवासा जाया। तं सेयं खलु मम कल्लं पाउप्पभायाए रयणीए उट्ठियम्मि सूरे सहस्सरस्सिम्मि दिनयरे तेयसा जलंते पाडिक्कयं उवस्सयं उवसंपज्जित्ता णं विहरित्तए त्ति कट्टु एवं संपेहेइ, संपेहेत्ता कल्लं पाउप्पभायाए रयणीए उट्ठियम्मि सूरे सहस्सरस्सिम्मि दिनयरे तेयसा जलंते पाडिक्कं उवस्सयं गेण्हइ। तत्थ णं अनिवारिया अनोहट्टिया सच्छंदमई अभिक्खणं-अभिक्खणं हत्थे धोवेइ, पाए धोवेइ, सीसं धोवेइ, मुहं धोवेइ, थणंतराणि धोवेइ, कक्खंतराणि धोवेइ, गुज्झंतराणि धोवेइ, जत्थ-जत्थ वि य णं ठाणं वा सेज्जं वा निसीहियं वा चेएइ, तं पुव्वामेव अब्भुक्खित्ता तओ पच्छा आसयइ वा सयइ वा। तए णं सा काली अज्जा पासत्था पासत्थविहारी ओसन्ना ओसन्नविहारी कुसीला कुसील-विहारी अहाछंदा अहाछंद-विहारी संसत्ता संसत्तविहारी बहूणि वासाणि सामण्णपरियागं पाउणइ, पाउणित्ता अद्धमासियाए संलेहणाए अप्पाणं ज्झूसेइ, ज्झूसेत्ता तीसं भत्ताइं अनसणाए छेएइ, छेएत्ता तस्स ठाणस्स अनालोइयपडिक्कंता कालमासे कालं किच्चा चमरचंचाए रायहाणीए कालिवडिंसए भवणे उववायसभाए देवसयणिज्जंसि देवदूसंतरिया अंगुलस्स असंखेज्जाए भागमेत्ताए ओगाहणाए कालीदेवित्ताए उववन्ना। तए णं सा काली देवी अहुणोववण्णा समाणी पंचविहाए पज्जत्तीए पज्जत्तभावं गच्छति तं जहा–आहारपज्जत्तीए सरीरपज्जत्तीए इंदियपज्जत्तीए आणपाणपज्जत्तीए भासमणपज्जत्तीए। तए णं सा काली देवी चउण्हं सामाणिय-साहस्सीणं जाव सोलसण्हं आयरक्खदेवसाहस्सीणं अन्नेसिं च बहूणं कालिवडेंसगभवनवासीणं असुरकुमाराणं देवाण य देवीण य आहेवच्चं कारेमाणी जाव विहरइ। एवं खलु गोयमा! कालीए देवीए सा दिव्वा देविड्ढी दिव्वा देवज्जुई दिव्वे देवाणुभावे लद्धे पत्ते अभिसमन्नागए। कालीए णं भंते! देवीए केवइयं कालं ठिई पन्नत्ता? गोयमा! अड्ढाइज्जाइं पलिओवमाइं ठिई पन्नत्ता। काली णं भंते! देवी ताओ देवलोगाओ अनंतरं उव्वट्टित्ता कहिं गच्छिहिइ? कहिं उववज्जिहिइ? गोयमा! महाविदेहे वासे सिज्झिहिइ बुज्झिहिइ मुच्चिहिइ परिनिव्वाहिइ सव्वदुक्खाणं अंतं काहिइ। एवं खलु जंबू! समणेणं भगवया महावीरेणं जाव संपत्तेणं पढमस्स वग्गस्स पढमज्झयणस्स अयमट्ठे पन्नत्ते।
Sutra Meaning : તે કાળે, તે સમયે રાજગૃહ નામે નગર હતું, તે રાજગૃહની બહાર ઈશાન ખૂણામાં ગુણશીલ ચૈત્ય હતું. તે કાળે, તે સમયે શ્રમણ ભગવંત મહાવીરના શિષ્ય આર્યસુધર્મા સ્થવિર ભગવંત, જે જાતિસંપન્ન, કુલસંપન્ન યાવત્‌ ચૌદપૂર્વી, ચાર જ્ઞાનવાળા, ૫૦૦ અણગારો સાથે પરીવરીત હતા, તે પૂર્વાનુપૂર્વી ચાલતા, ગ્રામાનુગ્રામ જતા, સુખે – સુખે વિચરતા રાજગૃહ નગરના ગુણશીલ ચૈત્યે યાવત્‌ સંયમ અને તપથી આત્માને ભાવિત કરતા વિચરતા હતા. પર્ષદા નીકળી, ધર્મ કહ્યો. ધર્મ શ્રવણ કરી પર્ષદા જે દિશાથી આવી હતી, તે જ દિશામાં પાછી ગઈ. તે કાળે, તે સમયે આર્ય સુધર્મા અણગારના શિષ્ય આર્ય જંબૂ અણગારે યાવત્‌ પર્યુપાસના કરતા આ પ્રમાણે કહ્યું – હે ભગવન્‌ ! જ્યારે ભગવંત મહાવીર યાવત્‌ સિદ્ધિપદને સંપ્રાપ્ત ભગવંતે છઠ્ઠા અંગના પહેલા શ્રુતસ્કંધ ‘જ્ઞાતસૂત્ર’નો આ અર્થ કહ્યો છે, તો ભગવન્‌ ! બીજા શ્રુતસ્કંધ ‘ધર્મકથા’નો શ્રમણ ભગવંત મહાવીરે શો અર્થ કહ્યો છે? હે જંબૂ ! શ્રમણ ભગવંતે ‘ધર્મકથા’ના દશ વર્ગો કહ્યા છે. તે આ – ૧. ચમરની અગ્રમહિષીનો પહેલો વર્ગ, ૨. વૈરોચનેન્દ્ર વૈરોચન રાજબલિની અગ્રમહિષી, ૩. અસુરેન્દ્ર સિવાયના દક્ષિણ દિશાની ઇન્દ્રોની અગ્રમહિષી, ૪. અસુરેન્દ્ર સિવાયના ઉત્તરી ભવનવાસી ઇન્દ્રોની અગ્રમહિષી, ૫. દક્ષિણ દિશાના વ્યંતરેન્દ્રોની અગ્રમહિષી, ૬. ઉત્તરીય વ્યંતરેન્દ્રોની અગ્રમહિષી, ૭. ચંદ્રની અગ્રમહિષી, ૮. સૂર્યની અગ્રમહિષી, ૯. શક્રની અગ્રમહિષી, ૧૦. ઈશાનની અગ્રમહિષીનો દશમો વર્ગ.
Mool Sutra Transliteration : [sutra] tenam kalenam tenam samaenam rayagihe namam nayare hottha–vannao. Tassa nam rayagihassa nayarassa bahiya uttarapuratthime disibhae, ettha nam gunasilae namam cheie hottha–vannao. Tenam kalenam tenam samaenam samanassa bhagavao mahavirassa amtevasi ajjasuhamma namam thera bhagavamto jaisampanna kulasampanna java choddasapuvvi chaunanovagaya pamchahim anagarasaehim saddhim samparivuda puvvanupuvvim charamana gamanugamam duijja-mana suhamsuhenam viharamana jeneva rayagihe nayare jeneva gunasilae cheie teneva uvagachchhamti, uvagachchhitta ahapadiruvam oggaham oginhitta samjamenam tavasa appanam bhavemana viharamti. Parisa niggaya. Dhammo kahio. Parisa jameva disim paubbhuya, tameva disim padigaya. Tenam kalenam tenam samaenam ajjasuhammassa anagarassa jetthe? Amtevasi ajjajambu namam anagare java ajjasuhamassa therassa nachchasanne naidure sussusamane namamsamane abhimuhe pamjaliude vinaenam pajjuvasamane evam vayasi–jai nam bhamte! Samanena bhagavaya mahavirenam java sampattenam chhatthassa amgassa padhamassa suyakkhamdhassa nayanam ayamatthe pannatte, dochchassa nam bhamte! Suyakkhamdhassa dhammakahanam samanenam bhagavaya mahavirenam java sampattenam ke atthe pannatte? Evam khalu jambu! Samanenam bhagavaya mahavirenam java sampattenam dhammakahanam dasa vagga pannatta, tam jaha– 1. Chamarassa aggamahisinam padhame vagge. 2. Balissa vairoyanimdassa vairoyanaranno aggamahisinam bie vagge. 3. Asurimdavajjiyanam dahinillanam imdanam aggamahisinam taie vagge. 4. Uttarillanam asurimdavajjiyanam bhavanavasi-imdanam aggamahisinam chautthe vagge. 5. Dahinillanam vanamamtaranam imdanam aggamahisinam pamchame vagge. 6. Uttarillanam vanamamtaranam imdanam aggamahisinam chhatthe vagge. 7. Chamdassa aggamahisinam sattame vagge. 8. Surassa aggamahisinam atthame vagge. 9. Sakkassa aggamahisinam navame vagge. 10. Isanassa ya aggamahisinam dasame vagge. Jai nam bhamte! Samanenam bhagavaya mahavirenam java sampattenam dhammakahanam dasa vagga pannatta, padhamassa nam bhamte! Vaggassa samanenam bhagavaya mahavirenam java sampattenam ke atthe pannatte? Evam khalu jambu! Samanenam bhagavaya mahavirenam java sampattenam padhamassa vaggassa pamcha ajjhayana pannatta, tamjaha–kali, rai, rayani, vijju, meha. Jai nam bhamte! Samanenam bhagavaya mahavirenam java sampattenam padhamassa vaggassa pamcha ajjhayana pannatta, padhamassa nam bhamte! Ajjhayanassa samanenam bhagavaya mahavirenam java sampattenam ke atthe pannatte? Evam khalu jambu! Tenam kalenam tenam samaenam rayagihe nayare gunasilae cheie. Senie raya. Chellana devi. Sami samosadhe. Parisa niggaya java parisa pajjuvasai. Tenam kalenam tenam samaenam kali devi chamarachamchae rayahanie kalivademsagabhavane kalamsi sahasanamsi chauhim samaniyasahassihim chauhim mahayariyahim saparivarahim, tihim parisahim sattahim aniehim sattahim aniyahivaihim solasahim ayara-kkhadevasahassihim annehi ya bahuhim kaliva-dimsaya-bhavanavasihim asurakumarehim devehim devihi ya saddhim samparivuda mahayahaya-natta-giya-vaiya-tamti-tala-tala-tudiya-ghana-muimga-paduppavadiyaravenam divvaim bhogabhogaim bhumjamani viharai. Imam cha nam kevalakappam jambuddivam divam viulenam ohina abhoemani-abhoemani pasai. Ettha samanam bhagavam mahaviram jambuddive dive bharahe vase rayagihe nayare gunasilae cheie ahapadiruvam oggaham oginhitta samjamenam tavasa appanam bhavemanam pasai, pasitta hatthatuttha-chittamanamdiya piimana paramasomanassiya harisavasa-visappamana hiyaya sihasanao abbhutthei, abbhutthetta payapidhao pachchoruhai, pachchoruhitta pauyao omuyai, omuitta titthagarabhimuhi sattattha payaim anugachchhai, anugachchhitta vamam janum amchei, amchetta dahinam janum dharaniyalamsi nihattu tikkhutto muddhanam dharaniyalamsi nivesei, isim pachchunnamai, pachchunnamitta kadaga-turiya-thambhiyao bhuyao saharai, saharitta karayala pariggahiyam dasanaham sirasavattam matthae amjalim kattu evam vayasi– Namotthu nam arahamtanam bhagavamtanam java siddhigainamadhejjam thanam sampattanam. Namotthu nam samanassa bhagavao mahavirassa java siddhigainamadhejjam thanam sampaviukamassa. Vamdami nam bhagavamtam tatthagayam ihagaya, pasau me samane bhagavam mahavire tatthagae ihagayam tti kattu vamdai namamsai, vamditta namamsitta sihasanavaramsi puratthabhimuha nisanna. Tae nam tise kalie devie imeyaruve ajjhatthie chimtie patthie manogae samkappe samuppajjittha–seyam khalu me samanam bhagavam mahaviram vamdittae namamsittae sakkarittae sammanittae kallanam mamgalam devayam cheiyam pajjuvasittae tti kattu evam sampehei, sampehetta abhiogie deve saddavei, saddavetta evam vayasi–evam khalu devanuppiya! Samane bhagavam mahavire viharai evam jaha suriyabho taheva anattiyam dei java divvam suravarabhigamanajoggam kareha ya karaveha ya karetta ya karavetta ya khippameva evamanattiyam pachchappinaha. Te vi taheva karetta java pachchappinamti, navaram–joyanasahassavitthinnam janam. Sesam taheva. Taheva namagoyam sahei, taheva natthavihim uvadamsei java padigaya. Bhamteti! Bhagavam goyame samanam bhagavam mahaviram vamdai namamsai, vamditta namamsitta evam vayasi–kalie nam bhamte! Devie sa divva deviddhi divva devajjui divve devanubhae kahim gae? Kahim anuppavitthe? Goyama! Sariram gae sariram anuppavitthe. Kudagarasala ditthamto. Aho nam bhamte! Kali devi mahiddhiya mahajjuiya mahabbala mahayasa mahasokkha mahanubhaga. Kalie nam bhamte! Devie sa divva deviddhi divva devajjui divve devanubhage kinna laddhe? Kinna patte? Kinna abhisamannagae? Goyamati! Samane bhagavam mahavire bhagavam goyamam amamtetta evam vayasi–evam khalu goyama! Tenam kalenam tenam sama-enam iheva jambuddive dive bharahe vase amalakappa namam nayari hottha–vannao. Ambasalavane cheie. Jiyasattu raya. Tattha nam amalakappae nayarie kale namam gahavai hottha–addhe java aparibhue. Tassa nam kalassa gahavaissa kalasiri namam bhariya hottha–sukumalapanipaya java suruva. Tassa nam kalassa gahavaissa dhuya kalasirie bhariyae attaya kali namam dariya hottha–vaddha vaddhakumari junna junnakumari padiyapuyatthani nivvinnavara varagaparivajjiya vi hottha. Tenam kalenam tenam samaenam pase araha purisadanie aigare titthagare sahasambuddhe purisottame purisasihe purisavarapumdarie purisavaragamdhahatthi abhayadae chakkhudae maggadae saranadae jivadae divo tanam saranam gai paittha dhammavarachauramta-chakkavatti appadi-haya-varananadamsanadhare viyattachchhaume araha jine kevali jine janae tinne tarae mutte moyae buddhe bohae savvannu savvadarisi nava-hatthussehe samachauramsasamthanasamthie vajjarisahanarayasamghayane jallamallakalamkaseyarahiyasarire sivamayalamaruya-manamtamakkhayamavvabahamapunaravattagam siddhigainamadhejjam thanam sampaviukame solasahim samana-sahassihim atthattisae ajjiyasahassihim saddhim samparivude puvvanupuvvim charamane gamanugamam duijjamane suhamsuhenam viharamane amalakappae nayarie bahiya ambasalavane samosadhe. Parisa niggaya java pajjuvasai. Tae nam sa kali dariya imise kahae laddhattha samani hattha tuttha-chittamanamdiya piimana paramasomanassiya harisa-vasa-visappamanahiyaya jeneva ammapiyaro teneva uvagachchhai, uvaga-chchhitta karayala pariggahiyam dasanaham sirasavattam matthae amjalim kattu evam vayasi– evam khalu ammayao! Pase araha purisadanie aigare titthagare ihamagae iha sampatte iha samosadhe iha cheva amalakappae nayarie ambasalavane ahapadiruvam oggaham oginhitta samjamenam tavasa appanam bhavemane viharai. Tam ichchhami nam ammayao! Tubbhehim abbhanunnaya samani pasassa nam arahao purisadaniyassa payavamdiya gamittae. Ahasuham devanuppie! Ma padibamdham karehi. Tae nam sa kali dariya ammapiihim abbhanunnaya samani hattha tuttha-chittamanamdiya piimana paramasomanassiya harisavasavisappamana hiyaya nhaya kayavalikamma kayakouya-mamgala-payachchhitta suddhappavesaim mamgallaim vatthaim pavara parihiya appamahagghabharanalamkiyasarira chediya-chakkavala-parikinna sao gihao padinikkhamai, padinikkhamitta jeneva bahiriya uva-tthanasala jeneva dhammie janappavare teneva uvagachchhai, uvagachchhitta dhammiyam janapavaram durudha. Tae nam sa kali dariya dhammiyam janappavaram durudha samani evam jaha devai taha pajjuvasai. Tae nam pase arahae kalie dariyae tise ya mahaimahaliyae parisae dhammam kahei. Tae nam sa kali dariya pasassa arahao purisadaniyassa amtie dhammam sochcha nisamma hattha tuttha-chittamanamdiya piimana paramasomanassiya harisavasa-visappamana hiyaya pasam araham purisadaniyam tikkhutto ayahina-payahinam karei, karetta vamdai namamsai, vamditta namamsitta evam vayasi–saddahami nam bhamte! Niggamtham pavayanam, java se jaheyam tubbhe vayaha. Jam navaram–devanuppiya! Ammapiyaro apuchchhami, tae nam aham devanuppiyanam amtie mumde bhavitta nam agarao anagariyam pavvayami. Ahasuham devanuppie. Tae nam sa kali dariya pasenam arahaya purisadanienam evam vutta samani hattha-tuttha-chittamanamdiya piimana paramasomanassiya harisavasavisappamanahiyaya pasam araham vamdai namamsai, vamditta namamsitta tameva dhammiyam janappavaram duruhai, duruhitta pasassa arahao purisadaniyassa amtiyao ambasalavanao cheiyao padinikkhamai, padinikkhamitta jeneva amalakappa nayari teneva uvagachchhai, uvagachchhitta amalakappam nayarim majjhammajjhenam jeneva bahiriya uvatthanasala teneva uvagachchhai, uvagachchhitta dhammiyam janappavaram thavei, thavetta dhammiyao janappavarao pachchoruhai, pachchoruhitta jeneva ammapiyaro teneva uvagachchhai, uvagachchhitta karayalapariggahiyam dasanaham sirasavattam matthae amjalim kattu evam vayasi– Evam khalu ammayao! Mae pasassa arahao amtie dhamme nisamte. Se vi ya dhamme ichchhie padichchhie abhiruie. Tae nam aham ammayao! Samsarabhauvvigga bhiya jammana-marananam ichchhami nam tubbhehim abbhanunnaya samani pasassa arahao amtie mumda bhavitta agarao anagariyam pavvaittae. Ahasuham devanuppie! Ma padibamdham karehi. Tae nam se kale gahavai viulam asana-pana-khaima-saimam uvakkhadavei, uvakkhadavetta mitta-nai-niyaga-sayana-sambamdhi-pariyanam amamtei, amamtetta tao pachchha nhae java vipulenam puppha-vattha-gamdha-mallalamkarenam sakkarei sammanei, sakkaretta sammanetta tasseva mitta-nai-niyaga-sayana-sambamdhi-pariyanassa purao kalam dariyam seyapiehim kalasehim nhavei, nhavetta savvalam-kara-vibhusiyam karei, karetta purisasahassavahinim siyam duruhei, duruhetta mitta-nai-niyaga-sayana-sambamdhi-pariyanenam saddhim samparivude savviddhie java dumduhi-nigghosa-naiyaravenam amalakappam nayarim majjhammajjhenam niggachchhai, niggachchhitta jeneva ambasalavane cheie teneva uvagachchhai, uvagachchhitta chhattaie titthagaraisae pasai, pasitta siyam thavei, thavetta kalim dariyam siyao pachchoruhei. Tae nam tam kalim dariyam ammapiyaro purao kaum jeneva pase araha purisadanie teneva uvagachchhamti, uvagachchhi-tta vamdamti namamsamti, vamditta namamsitta evam vayasi– Evam khalu devanuppiya! Kali dariya amham dhuya ittha kamta java umbarapuppham piva dullaha savanayae, kimamga puna pasanayae? Esa nam devanuppiya! Samsarabhauvvigga ichchhai devanuppiyanam amtie mumda bhavitta nam agarao anagariyam pavvaittae. Tam eyam nam devanuppiyanam sissinibhikkham dalayamo. Padichchhamtu nam devanuppiya! Sissinibhikkham. Ahasuham devanuppiya! Ma padibamdham karehi. Tae nam sa kali kumari pasam araham vamdai namamsai, vamditta namamsitta uttarapuratthimam disibhagam avakkamai, avakkamitta sayameva abharanamallalamkaram omuyai, omuitta sayameva loyam karei, karetta jeneva pase araha purisadanie teneva uvagachchhai, uvagachchhitta pasam araham tikkhutto ayahina-payahinam karei, karetta vamdai namamsai, vamditta namamsitta evam vayasi–alitte nam bhamte! Loe java tam ichchhami nam devanuppiehim sayameva pavvaviyam java dhammamaikkhiyam. Tae nam pase araha purisadanie kalim sayameva pupphachulae ajjae sissiniyattae dalayai. Tae nam sa pupphachula ajja kalim kumarim sayameva pavvavei java dhammamaikkhai. Tae nam sa kali pupphachulae ajjae amtie imam eyaruvam dhammiyam uvaesam sammam uvasampajjitta nam viharai. Tae nam sa kali ajja jaya–iriyasamiya java guttabambhayarini. Tae nam sa kali ajja pupphachulae ajjae amtie samaiyamaiyaim ekkarasa amgaim ahijjai, bahuhim chauttha-chhatthatthama-dasama-duvalasehim masaddhamasakhamanehim appanam bhavemani viharai. Tae nam sa kali ajja annaya kayai sarirabausiya jaya yavi hottha. Abhikkhanam-abhikkhanam hatthe dhovei, pae dhovei, sisam dhovei, muham dhovei, thanamtarani dhovei, kakkhamtarani dhovei, gujjhamtarani dhovei, jattha-jattha vi ya nam thanam va sejjam va nisihiyam va cheei, tam puvvameva abbhukkhitta tao pachchha asayai va sayai va. Tae nam sa pupphachula ajja kalim ajjam evam vayasi–no khalu kappai devanuppie! Samaninam niggamthinam sarirabausiyanam hottae. Tumam cha nam devanuppie! Sarirabausiya jaya abhikkhanam-abhikkhanam hatthe dhovasi, pae dhovasi, sisam dhovasi, muham dhovasi, thanamtarani dhovasi, kakkhamtarani dhovasi, gujjhamtarani dhovasi, jattha-jattha vi ya nam thanam va sejjam va nisohiyam va cheesi, tam puvvameva abbhukkhitta tao pachchha asayasi va sayasi va. Tam tumam devanuppie! Eyassa thanassa aloehi java payachchhittam padivajjahi. Tae nam sa kali ajja-pupphachulae ajjae eyamattham no adhai no pariyanai tusiniya samchitthai. Tae nam tao pupphachulao ajjao kalim ajjam abhikkhanam-abhikkhanam hilemti nimdamti khimsamti garahamti avamannamti abhikkhanam-abhikkhanam eyamattham nivaremti. Tae nam tise kalie ajjae samanihim niggamthihim abhikkhanam-abhikkhanam hilijjamanie java nivarijjamanie imeyaruve ajjhatthie chimtie patthie manogae samkappe samuppajjittha–jaya nam aham agaramajjhe vasittha taya nam aham sayamvasa, jappabhiim cha nam aham mumda bhavitta agarao anagariyam pavvaiya tappabhiim cha nam aham paravasa jaya. Tam seyam khalu mama kallam pauppabhayae rayanie utthiyammi sure sahassarassimmi dinayare teyasa jalamte padikkayam uvassayam uvasampajjitta nam viharittae tti kattu evam sampehei, sampehetta kallam pauppabhayae rayanie utthiyammi sure sahassarassimmi dinayare teyasa jalamte padikkam uvassayam genhai. Tattha nam anivariya anohattiya sachchhamdamai abhikkhanam-abhikkhanam hatthe dhovei, pae dhovei, sisam dhovei, muham dhovei, thanamtarani dhovei, kakkhamtarani dhovei, gujjhamtarani dhovei, jattha-jattha vi ya nam thanam va sejjam va nisihiyam va cheei, tam puvvameva abbhukkhitta tao pachchha asayai va sayai va. Tae nam sa kali ajja pasattha pasatthavihari osanna osannavihari kusila kusila-vihari ahachhamda ahachhamda-vihari samsatta samsattavihari bahuni vasani samannapariyagam paunai, paunitta addhamasiyae samlehanae appanam jjhusei, jjhusetta tisam bhattaim anasanae chheei, chheetta tassa thanassa analoiyapadikkamta kalamase kalam kichcha chamarachamchae rayahanie kalivadimsae bhavane uvavayasabhae devasayanijjamsi devadusamtariya amgulassa asamkhejjae bhagamettae ogahanae kalidevittae uvavanna. Tae nam sa kali devi ahunovavanna samani pamchavihae pajjattie pajjattabhavam gachchhati tam jaha–aharapajjattie sarirapajjattie imdiyapajjattie anapanapajjattie bhasamanapajjattie. Tae nam sa kali devi chaunham samaniya-sahassinam java solasanham ayarakkhadevasahassinam annesim cha bahunam kalivademsagabhavanavasinam asurakumaranam devana ya devina ya ahevachcham karemani java viharai. Evam khalu goyama! Kalie devie sa divva deviddhi divva devajjui divve devanubhave laddhe patte abhisamannagae. Kalie nam bhamte! Devie kevaiyam kalam thii pannatta? Goyama! Addhaijjaim paliovamaim thii pannatta. Kali nam bhamte! Devi tao devalogao anamtaram uvvattitta kahim gachchhihii? Kahim uvavajjihii? Goyama! Mahavidehe vase sijjhihii bujjhihii muchchihii parinivvahii savvadukkhanam amtam kahii. Evam khalu jambu! Samanenam bhagavaya mahavirenam java sampattenam padhamassa vaggassa padhamajjhayanassa ayamatthe pannatte.
Sutra Meaning Transliteration : Te kale, te samaye rajagriha name nagara hatum, te rajagrihani bahara ishana khunamam gunashila chaitya hatum. Te kale, te samaye shramana bhagavamta mahavirana shishya aryasudharma sthavira bhagavamta, je jatisampanna, kulasampanna yavat chaudapurvi, chara jnyanavala, 500 anagaro sathe parivarita hata, te purvanupurvi chalata, gramanugrama jata, sukhe – sukhe vicharata rajagriha nagarana gunashila chaitye yavat samyama ane tapathi atmane bhavita karata vicharata hata. Parshada nikali, dharma kahyo. Dharma shravana kari parshada je dishathi avi hati, te ja dishamam pachhi gai. Te kale, te samaye arya sudharma anagarana shishya arya jambu anagare yavat paryupasana karata a pramane kahyum – he bhagavan ! Jyare bhagavamta mahavira yavat siddhipadane samprapta bhagavamte chhaththa amgana pahela shrutaskamdha ‘jnyatasutra’no a artha kahyo chhe, to bhagavan ! Bija shrutaskamdha ‘dharmakatha’no shramana bhagavamta mahavire sho artha kahyo chhe? He jambu ! Shramana bhagavamte ‘dharmakatha’na dasha vargo kahya chhe. Te a – 1. Chamarani agramahishino pahelo varga, 2. Vairochanendra vairochana rajabalini agramahishi, 3. Asurendra sivayana dakshina dishani indroni agramahishi, 4. Asurendra sivayana uttari bhavanavasi indroni agramahishi, 5. Dakshina dishana vyamtarendroni agramahishi, 6. Uttariya vyamtarendroni agramahishi, 7. Chamdrani agramahishi, 8. Suryani agramahishi, 9. Shakrani agramahishi, 10. Ishanani agramahishino dashamo varga.