Sutra Navigation: Gyatadharmakatha ( ધર્મકથાંગ સૂત્ર )

Search Details

Mool File Details

Anuvad File Details

Sr No : 1104915
Scripture Name( English ): Gyatadharmakatha Translated Scripture Name : ધર્મકથાંગ સૂત્ર
Mool Language : Ardha-Magadhi Translated Language : Gujarati
Chapter :

श्रुतस्कंध-१

अध्ययन-१९ पुंडरीक

 Translated Chapter :

શ્રુતસ્કંધ-૧

અધ્યયન-૧૯ પુંડરીક
Section : Translated Section :
Sutra Number : 215 Category : Ang-06
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं तस्स कंडरीयस्स अनगारस्स तेहिं अंतेहि य पंतेहि य तुच्छेहि य लूहेहि य अरसेहि य विरसेहि य सीएहि य उण्हेहि य कालाइक्कंतेहि य पमाणाइक्कंतेहि य निच्चं पानभोयणेहि य पयइ-सुकुमालस्स सुहोचियस्स सरीरगंसि वेयणा पाउब्भूया–उज्जला विउला कक्खडा पगाढा चंडा दुक्खा दुरहियासा। पित्तज्जर-परिगयसरीरे दाहवक्कंतीए यावि विहरइ। तए णं थेरा अन्नया कयाइ जेणेव पोंडरीगिणी नयरी तेणेव उवागच्छंति, उवागच्छित्ता नलिनीवने समोसढा। पुंडरीए निग्गए। धम्मं सुणेइ। तए णं पुंडरीए राया धम्मं सोच्चा जेणेव कंडरीए अनगारे तेणेव उवागच्छइ, उवागच्छित्ता कंडरीयं वंदइ नमंसइ, वंदित्ता नमंसित्ता कंडरीयस्स अनगारस्स सरीरगं सव्वाबाहं सरोगं पासइ, पासित्ता जेणेव थेरा भगवंतो तेणेव उवागच्छइ, उवाग-च्छित्ता थेरे भगवंते वंदइ नमंसइ, वंदित्ता नमंसित्ता एवं वयासी–अहण्णं भंते! कंडरीयस्स अनगारस्स अहापवत्तेहिं ओसह-भेसज्ज -भत्त-पानेहिं तेगिच्छं आउंटामि। तं तुब्भे णं भंते! मम जानसालासु समोसरह। तए णं थेरा भगवंतो पुंडरीयस्स एयमट्ठं पडिसुणेंति, पडिसुणेत्ता जेणेव पुंडरीयस्स रन्नो जाणसाला तेणेव उवागच्छंति, उवागच्छित्ता फासु-एसणिज्जं पीढ-फलग-सेज्जा-संथारगं उवसंपज्जित्ता णं विहरंति। तए णं पुंडरीए राया तेगिच्छिए सद्दावेइ, सद्दावेत्ता एवं वयासी–तुब्भेणं देवानुप्पिया! कंडरीयस्स फासु-एसणि-ज्जेणं ओसह-भेसज्ज-भत्त-पाणेणं तेगिच्छं आउट्टेह। तए णं ते तेगिच्छिया पुंडरीएणं रन्ना एवं वुत्ता समाणा हट्ठतुट्ठा कंडरीयस्स अहापवत्तेहिं ओसह-भेसज्ज-भत्त-पाणेहि तेगिच्छं आउट्टेंति, मज्जपाणगं च से उवदिसंति। तए णं तस्स कंडरीयस्स अहापवत्तेहि ओसह-भेसज्ज-भत्त-पानेहिं मज्जपाणएण य से रोगायंके उवसंते यावि होत्था–हट्ठे बलियसरीरे जाए ववगयरोगायंके। तए णं थेरा भगवंतो पुंडरीयं रायं आपुच्छंति, आपुच्छित्ता बहिया जनवयविहारं विहरंति। तए णं से कंडरीए ताओ रोयायंकाओ विप्पमुक्के समाणे तंसि मणुण्णंसि असन-पान-खाइम-साइमंसि मुच्छिए गिद्धे गढिए अज्झोववन्ने नो संचाएइ पुंडरीयं आपुच्छित्ता बहिया अब्भुज्जएणं जनवयविहारेणं विहरित्तए तत्थेव ओसन्ने जाए। तए णं से पुंडरीए इमीसे कहाए लद्धट्ठे समाणे ण्हाए अंतेउर-परियाल-संपरिवुडे जेणेव कंडरीए तेणेव उवागच्छइ, उवागच्छित्ता कंडरीयं तिक्खुत्तो आयाहिण-पयाहिणं करेइ, करेत्ता वंदइ नमंसइ, वंदित्ता नमंसित्ता एवं वयासी– धन्नेसि णं तुमं देवानुप्पिया! कयत्थे कयपुण्णे कयलक्खणे। सुलद्धे णं देवानुप्पिया! तव मानुस्सए जम्मजीवियफले जे णं तुमं रज्जं च रट्ठं च कोसं च कोट्ठागारं च बलं च वाहणं च पुरं च अंतेउरं च विछड्डेत्ता विगोवइत्ता, दाणं च दाइयाणं परिभायइत्ता, मुंडे भवित्ता अगाराओ अनगारियं पव्वइए, अहण्णं अधन्ने सकयत्थे अकयपुण्णे अकयलक्खणे रज्जे य रट्ठे य कोसे य कोट्ठागारे य बले य वाहणे य पुरे य अंतेउरे य मानुस्सएसु य कामभोगेसु मुच्छिए गिद्धे गढिए अज्झोववण्णे नो संचाएमि जाव पव्वइत्तए। तं धन्नेसि णं तुमं देवानुप्पिया! कयत्थे कयपुण्णे कयलक्खणे। सुलद्धे णं देवानुप्पिया! तव मानुस्सए जम्मजीवियफले। तए णं से कंडरीए अनगारे पुंडरीयस्स एयमट्ठं नो आढाइ नो परियाणाइ तुसिणीए संचिट्ठइ। तए णं से कंडरीए अनगारे पोंडरीएणं दोच्चंपि तच्चंपि एवं वुत्ते समाणे-अकामए अवसवसे लज्जाए गारवण य पुंडरीयं आपुच्छइ, आपुच्छित्ता थेरेहिं सद्धिं बहिया जनवयविहारं विहरइ। तए णं से कंडरीए थेरेहिं सद्धिं कंचि कालं उग्गंउग्गेणं विहरित्ता तओ पच्छा समणत्तण-परितंते समणत्तण-निव्विण्णे समणत्तण-निब्भच्छिए समणगुण-मुक्कजोगी थेराणं अंतियाओ सणियं-सणियं पच्चोसक्कइ, पच्चोसक्कित्ता जेणेव पुंडरीगिणी नयरी जेणेव पुंडरीयस्स भवणे तेणेव उवागच्छइ, उवागच्छित्ता असोगवणियाए असोगवरपायवस्स अहे पुढविसिलापट्टगंसि निसी-यइ, नीसीइत्ता ओहयमनसंकप्पे करतलपल्हत्थमुहे अट्टज्झाणोवगए ज्झियायमाणे संचिट्ठइ। तए णं तस्स पोंडरीयस्स अम्मघाई जेणेव असोगवणिया तेणेव उवागच्छइ, उवागच्छित्ता कंडरीयं अनगारं असोगवरपायवस्स अहे पुढविसिलापट्टगंसि ओहयमनसंकप्पं जाव ज्झियायमाणं पासइ, पासित्ता जेणेव पुंडरीए राया तेणेव उवागच्छइ, उवागच्छित्ता पुंडरीयं रायं एवं वयासी–एवं खलु देवानुप्पिया! तव पियभाउए कंडरीए अनगारे असोगवणियाए असोगवरपाय-वस्स अहे पुढविसिलापट्टे ओहयमनसंकप्पे जाव ज्झियायइ। तए णं से पुंडरीए अम्मधाईए एयमट्ठं सोच्चा निसम्म तहेव संभंते समाणे उट्ठाए उट्ठेइ, उट्ठेत्ता अंतेउर-परियालसं-परिवुडे जेणेव असोगवणिया तेणेव उवागच्छइ, उवागच्छित्ता कंडरीयं अनगारं तिक्खुत्तो आयाहिण-पयाहिणं करेइ, करेत्ता वंदइ नमंसइ, वंदित्ता नमंसित्ता एवं वयासी–धन्नेसि णं तुमं देवानुप्पिया! कयत्थे कयपुण्णे कयलक्खणे सुलद्धे णं देवानुप्पिया! तव मानुस्सए जम्म-जीवियफले जाव अगाराओ अनगारियं पव्वइए, अहं णं अधन्ने अकयत्थे अकयपुण्णे अकयलक्खणे जाव नो संचाएमि पव्वइत्तए। तं धन्नेसि णं तुमं देवानुप्पिया! जाव सुलद्धे णं देवानुप्पिया! तव मानुस्सए जम्मजीवियफले। तए णं कंडरीए पुंडरीएणं एवं वुत्ते समाणे तुसिणीए संचिट्ठइ। दोच्चंपि तच्चंपि पुंडरीएणं एवं वुत्ते समाणे तुसिणीए संचिट्ठइ। तए णं पुंडरीए कंडरीयं एवं वयासी–अट्ठो भंते! भोगेहिं? हंता! अट्ठो। तए णं से पुंडरीए राया कोडुंबियपुरिसे सद्दावेइ, सद्दावेत्ता एवं वयासी–खिप्पामेव भो देवानुप्पिया! कंडरीयस्स महत्थं महग्घं महरिहं विउलं रायाभिसेयं उवट्ठवेह जाव रायाभिसेएणं अभिसिंचति।
Sutra Meaning : જુઓ સૂત્ર ૨૧૩
Mool Sutra Transliteration : [sutra] tae nam tassa kamdariyassa anagarassa tehim amtehi ya pamtehi ya tuchchhehi ya luhehi ya arasehi ya virasehi ya siehi ya unhehi ya kalaikkamtehi ya pamanaikkamtehi ya nichcham panabhoyanehi ya payai-sukumalassa suhochiyassa sariragamsi veyana paubbhuya–ujjala viula kakkhada pagadha chamda dukkha durahiyasa. Pittajjara-parigayasarire dahavakkamtie yavi viharai. Tae nam thera annaya kayai jeneva pomdarigini nayari teneva uvagachchhamti, uvagachchhitta nalinivane samosadha. Pumdarie niggae. Dhammam sunei. Tae nam pumdarie raya dhammam sochcha jeneva kamdarie anagare teneva uvagachchhai, uvagachchhitta kamdariyam vamdai namamsai, vamditta namamsitta kamdariyassa anagarassa sariragam savvabaham sarogam pasai, pasitta jeneva thera bhagavamto teneva uvagachchhai, uvaga-chchhitta there bhagavamte vamdai namamsai, vamditta namamsitta evam vayasi–ahannam bhamte! Kamdariyassa anagarassa ahapavattehim osaha-bhesajja -bhatta-panehim tegichchham aumtami. Tam tubbhe nam bhamte! Mama janasalasu samosaraha. Tae nam thera bhagavamto pumdariyassa eyamattham padisunemti, padisunetta jeneva pumdariyassa ranno janasala teneva uvagachchhamti, uvagachchhitta phasu-esanijjam pidha-phalaga-sejja-samtharagam uvasampajjitta nam viharamti. Tae nam pumdarie raya tegichchhie saddavei, saddavetta evam vayasi–tubbhenam devanuppiya! Kamdariyassa phasu-esani-jjenam osaha-bhesajja-bhatta-panenam tegichchham autteha. Tae nam te tegichchhiya pumdarienam ranna evam vutta samana hatthatuttha kamdariyassa ahapavattehim osaha-bhesajja-bhatta-panehi tegichchham auttemti, majjapanagam cha se uvadisamti. Tae nam tassa kamdariyassa ahapavattehi osaha-bhesajja-bhatta-panehim majjapanaena ya se rogayamke uvasamte yavi hottha–hatthe baliyasarire jae vavagayarogayamke. Tae nam thera bhagavamto pumdariyam rayam apuchchhamti, apuchchhitta bahiya janavayaviharam viharamti. Tae nam se kamdarie tao royayamkao vippamukke samane tamsi manunnamsi asana-pana-khaima-saimamsi muchchhie giddhe gadhie ajjhovavanne no samchaei pumdariyam apuchchhitta bahiya abbhujjaenam janavayaviharenam viharittae tattheva osanne jae. Tae nam se pumdarie imise kahae laddhatthe samane nhae amteura-pariyala-samparivude jeneva kamdarie teneva uvagachchhai, uvagachchhitta kamdariyam tikkhutto ayahina-payahinam karei, karetta vamdai namamsai, vamditta namamsitta evam vayasi– Dhannesi nam tumam devanuppiya! Kayatthe kayapunne kayalakkhane. Suladdhe nam devanuppiya! Tava manussae jammajiviyaphale je nam tumam rajjam cha rattham cha kosam cha kotthagaram cha balam cha vahanam cha puram cha amteuram cha vichhaddetta vigovaitta, danam cha daiyanam paribhayaitta, mumde bhavitta agarao anagariyam pavvaie, ahannam adhanne sakayatthe akayapunne akayalakkhane rajje ya ratthe ya kose ya kotthagare ya bale ya vahane ya pure ya amteure ya manussaesu ya kamabhogesu muchchhie giddhe gadhie ajjhovavanne no samchaemi java pavvaittae. Tam dhannesi nam tumam devanuppiya! Kayatthe kayapunne kayalakkhane. Suladdhe nam devanuppiya! Tava manussae jammajiviyaphale. Tae nam se kamdarie anagare pumdariyassa eyamattham no adhai no pariyanai tusinie samchitthai. Tae nam se kamdarie anagare pomdarienam dochchampi tachchampi evam vutte samane-akamae avasavase lajjae garavana ya pumdariyam apuchchhai, apuchchhitta therehim saddhim bahiya janavayaviharam viharai. Tae nam se kamdarie therehim saddhim kamchi kalam uggamuggenam viharitta tao pachchha samanattana-paritamte samanattana-nivvinne samanattana-nibbhachchhie samanaguna-mukkajogi theranam amtiyao saniyam-saniyam pachchosakkai, pachchosakkitta jeneva pumdarigini nayari jeneva pumdariyassa bhavane teneva uvagachchhai, uvagachchhitta asogavaniyae asogavarapayavassa ahe pudhavisilapattagamsi nisi-yai, nisiitta ohayamanasamkappe karatalapalhatthamuhe attajjhanovagae jjhiyayamane samchitthai. Tae nam tassa pomdariyassa ammaghai jeneva asogavaniya teneva uvagachchhai, uvagachchhitta kamdariyam anagaram asogavarapayavassa ahe pudhavisilapattagamsi ohayamanasamkappam java jjhiyayamanam pasai, pasitta jeneva pumdarie raya teneva uvagachchhai, uvagachchhitta pumdariyam rayam evam vayasi–evam khalu devanuppiya! Tava piyabhaue kamdarie anagare asogavaniyae asogavarapaya-vassa ahe pudhavisilapatte ohayamanasamkappe java jjhiyayai. Tae nam se pumdarie ammadhaie eyamattham sochcha nisamma taheva sambhamte samane utthae utthei, utthetta amteura-pariyalasam-parivude jeneva asogavaniya teneva uvagachchhai, uvagachchhitta kamdariyam anagaram tikkhutto ayahina-payahinam karei, karetta vamdai namamsai, vamditta namamsitta evam vayasi–dhannesi nam tumam devanuppiya! Kayatthe kayapunne kayalakkhane suladdhe nam devanuppiya! Tava manussae jamma-jiviyaphale java agarao anagariyam pavvaie, aham nam adhanne akayatthe akayapunne akayalakkhane java no samchaemi pavvaittae. Tam dhannesi nam tumam devanuppiya! Java suladdhe nam devanuppiya! Tava manussae jammajiviyaphale. Tae nam kamdarie pumdarienam evam vutte samane tusinie samchitthai. Dochchampi tachchampi pumdarienam evam vutte samane tusinie samchitthai. Tae nam pumdarie kamdariyam evam vayasi–attho bhamte! Bhogehim? Hamta! Attho. Tae nam se pumdarie raya kodumbiyapurise saddavei, saddavetta evam vayasi–khippameva bho devanuppiya! Kamdariyassa mahattham mahaggham mahariham viulam rayabhiseyam uvatthaveha java rayabhiseenam abhisimchati.
Sutra Meaning Transliteration : Juo sutra 213