Sutra Navigation: Gyatadharmakatha ( ધર્મકથાંગ સૂત્ર )

Search Details

Mool File Details

Anuvad File Details

Sr No : 1104770
Scripture Name( English ): Gyatadharmakatha Translated Scripture Name : ધર્મકથાંગ સૂત્ર
Mool Language : Ardha-Magadhi Translated Language : Gujarati
Chapter :

श्रुतस्कंध-१

अध्ययन-५ शेलक

 Translated Chapter :

શ્રુતસ્કંધ-૧

અધ્યયન-૫ શેલક
Section : Translated Section :
Sutra Number : 70 Category : Ang-06
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं तेसिं पंथगवज्जाणं पंचण्हं अनगारसयाणं अन्नया कयाइ एगयओ सहियाणं समुवागयाणं सण्णिसण्णाणं सन्निविट्ठाणं पुव्वरत्तावरत्तकालसमयंसि धम्मजागरियं जागरमाणाणं अयमेयारूवे अज्झत्थिए चिंतिए पत्थिए मनोगए संकप्पे समुप्पज्जित्था–एवं खलु सेलए रायरिसी चइत्ता रज्जं जाव पव्वइए विउले असन-पान-खाइम-साइमे मज्जपाणए य मुच्छिए नो संचाएइ फासुएसणिज्जं पीढ-फलग-सेज्जा-संथारयं पच्चप्पिणित्ता मंडुयं च रायं आपुच्छित्ता बहिया जनवयविहारं विहरित्तए। नो खलु कप्पइ देवानुप्पिया! समणाणं निग्गंथाणं ओसन्नाणं पासत्थाणं कुसीलाणं पमत्ताणं संसत्ताणं उउ-बद्ध-पीढ-फलग-सेज्जा-संथारए पमत्ताणं विहरित्तए। तं सेयं खलु देवानुप्पिया! अम्हं कल्लं सेलगं रायरिसिं आपुच्छित्ता पाडिहारियं पीढ-फलग-सेज्जा-संथारयं पच्चप्पिणित्ता सेलगस्स अनगारस्स पंथयं अनगारं वेयावच्चकरं ठावेत्ता बहिया अब्भुज्जएणं जनवयविहारेणं विहरित्तए–एवं संपेहेंति, संपेहेत्ता कल्लं जेणेव सेलए रायरिसी तेणेव उवागच्छंति, उवागच्छित्ता सेलयं रायरिसिं आपुच्छित्ता पाडिहारियं पीढ -फलग-सेज्जा-संथारयं पच्चप्पिणंति, पच्चप्पिणित्ता पंथयं अनगारं वेयावच्चकरं ठावेंति, ठावेत्ता बहिया जनवयविहारं विहरंति।
Sutra Meaning : જુઓ સૂત્ર ૬૯
Mool Sutra Transliteration : [sutra] tae nam tesim pamthagavajjanam pamchanham anagarasayanam annaya kayai egayao sahiyanam samuvagayanam sannisannanam sannivitthanam puvvarattavarattakalasamayamsi dhammajagariyam jagaramananam ayameyaruve ajjhatthie chimtie patthie manogae samkappe samuppajjittha–evam khalu selae rayarisi chaitta rajjam java pavvaie viule asana-pana-khaima-saime majjapanae ya muchchhie no samchaei phasuesanijjam pidha-phalaga-sejja-samtharayam pachchappinitta mamduyam cha rayam apuchchhitta bahiya janavayaviharam viharittae. No khalu kappai devanuppiya! Samananam niggamthanam osannanam pasatthanam kusilanam pamattanam samsattanam uu-baddha-pidha-phalaga-sejja-samtharae pamattanam viharittae. Tam seyam khalu devanuppiya! Amham kallam selagam rayarisim apuchchhitta padihariyam pidha-phalaga-sejja-samtharayam pachchappinitta selagassa anagarassa pamthayam anagaram veyavachchakaram thavetta bahiya abbhujjaenam janavayaviharenam viharittae–evam sampehemti, sampehetta kallam jeneva selae rayarisi teneva uvagachchhamti, uvagachchhitta selayam rayarisim apuchchhitta padihariyam pidha -phalaga-sejja-samtharayam pachchappinamti, pachchappinitta pamthayam anagaram veyavachchakaram thavemti, thavetta bahiya janavayaviharam viharamti.
Sutra Meaning Transliteration : Juo sutra 69