Sutra Navigation: Gyatadharmakatha ( ધર્મકથાંગ સૂત્ર )

Search Details

Mool File Details

Anuvad File Details

Sr No : 1104773
Scripture Name( English ): Gyatadharmakatha Translated Scripture Name : ધર્મકથાંગ સૂત્ર
Mool Language : Ardha-Magadhi Translated Language : Gujarati
Chapter :

श्रुतस्कंध-१

अध्ययन-५ शेलक

 Translated Chapter :

શ્રુતસ્કંધ-૧

અધ્યયન-૫ શેલક
Section : Translated Section :
Sutra Number : 73 Category : Ang-06
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं से सेलए रायरिसी पंथगपामोक्खा पंच अनगारसया जेणेव पुंडरीए पव्वए तेणेव उवागच्छंति, उवाग-च्छित्ता पुंडरीयं पव्वयं सणियं-सणियं दुरुहंति, दुरुहित्ता मेघघनसन्निगासं देवसन्निवायं पुढविसिलापट्टयं पडिलेहंति, पडिलेहित्ता जाव संलेहणा-ज्झूसणा-ज्झूसिया भत्तपाण-पडियाइक्खिया पाओवगमणंणुवन्ना। तए णं से सेलए रायरिसी पंथगपामोक्खा पंच अनगारसया बहूणि वासाणि सामण्णपरियागं पाउणित्ता, मासियाए संलेहणाए अत्ताणं ज्झूसित्ता, सट्ठिं भत्ताइं अनसणाए छेदित्ता जाव केवलवरनाणदंसणं समुप्पाडेत्ता तओ पच्छा सिद्धा बुद्धा मुत्ता अंतगडा परिनिव्वुडा सव्व-दुक्खप्पहीणा। एवामेव समणाउसो! जो निग्गंथो वा निग्गंथी वा अब्भुज्जएणं जनवयविहारेणं विहरइ, से णं इहलोए चेव बहूणं समणाणं बहूणं समणीणं बहूणं सावगाणं बहूणं सावियाण य अच्चणिज्जे वंदणिज्जे नमंसणिज्जे पूयणिज्जे सक्कारणिज्जे सम्माणणिज्जे कल्लाणं मंगलं देवयं चेइयं विनएणं पज्जुवासणिज्जे भवइ, परलोए वि य णं नो बहूणि हत्थच्छेयणाणि य कण्णच्छेयणाणि य नासाछेयणाणि य एवं हिययउप्पायणाणि य वसणुप्पाय-णाणि य उल्लंबणाणि य पाविहिइ, पुणो अनाइयं च णं अनवदग्गं दीहमद्धं चाउरंतं संसारकंतारं वीईवइस्सइ। एवं खलु जंबू! समणेणं भगवया महावीरेणं पंचमस्स नायज्झयणस्स अयमट्ठे पन्नत्ते।
Sutra Meaning : જુઓ સૂત્ર ૬૯
Mool Sutra Transliteration : [sutra] tae nam se selae rayarisi pamthagapamokkha pamcha anagarasaya jeneva pumdarie pavvae teneva uvagachchhamti, uvaga-chchhitta pumdariyam pavvayam saniyam-saniyam duruhamti, duruhitta meghaghanasannigasam devasannivayam pudhavisilapattayam padilehamti, padilehitta java samlehana-jjhusana-jjhusiya bhattapana-padiyaikkhiya paovagamanamnuvanna. Tae nam se selae rayarisi pamthagapamokkha pamcha anagarasaya bahuni vasani samannapariyagam paunitta, masiyae samlehanae attanam jjhusitta, satthim bhattaim anasanae chheditta java kevalavarananadamsanam samuppadetta tao pachchha siddha buddha mutta amtagada parinivvuda savva-dukkhappahina. Evameva samanauso! Jo niggamtho va niggamthi va abbhujjaenam janavayaviharenam viharai, se nam ihaloe cheva bahunam samananam bahunam samaninam bahunam savaganam bahunam saviyana ya achchanijje vamdanijje namamsanijje puyanijje sakkaranijje sammananijje kallanam mamgalam devayam cheiyam vinaenam pajjuvasanijje bhavai, Paraloe vi ya nam no bahuni hatthachchheyanani ya kannachchheyanani ya nasachheyanani ya evam hiyayauppayanani ya vasanuppaya-nani ya ullambanani ya pavihii, puno anaiyam cha nam anavadaggam dihamaddham chauramtam samsarakamtaram viivaissai. Evam khalu jambu! Samanenam bhagavaya mahavirenam pamchamassa nayajjhayanassa ayamatthe pannatte.
Sutra Meaning Transliteration : Juo sutra 69