Sutra Navigation: Gyatadharmakatha ( ધર્મકથાંગ સૂત્ર )

Search Details

Mool File Details

Anuvad File Details

Sr No : 1104760
Scripture Name( English ): Gyatadharmakatha Translated Scripture Name : ધર્મકથાંગ સૂત્ર
Mool Language : Ardha-Magadhi Translated Language : Gujarati
Chapter :

श्रुतस्कंध-१

अध्ययन-३ अंड

 Translated Chapter :

શ્રુતસ્કંધ-૧

અધ્યયન-૩ અંડ
Section : Translated Section :
Sutra Number : 60 Category : Ang-06
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तत्थ णं जे से सागरदत्तपुत्ते सत्थवाहदारए से णं कल्लं पाउप्पभायाए रयणीए जाव उट्ठियम्मि सूरे सहस्सरस्सिम्मि दिनयरे तेयसा जलंते जेणेव से वनमयूरी-अंडए तेणेव उवागच्छइ, उवागच्छित्ता तंसि मयूरी-अंडयंसि संकिए कंखिए वितिगिंछस-मावण्णे भेयसमावण्णे कलुससमावण्णे किण्णं ममं एत्थ कीलावणए मयूरीपोयए भविस्सइ उदाहु नो भविस्सइ? त्ति कट्टु तं मयूरी-अंडयं अभिक्खणं-अभिक्खणं उव्वत्तेइ परियत्तेइ आसारेइ संसारेइ चालेइ फंदेइ घट्टेइ खोभेइ अभिक्खणं-अभिक्खणं कण्णमूलंसि टिट्टियावेइ। तए णं से मयूरी-अंडए अभिक्खणं-अभिक्खणं उव्वत्तिज्जमाणे परियत्तिज्जमाणे आसारि-ज्जमाणे संसारिज्जमाणे चालिज्जमाणे फंदिज्जमाणे घट्टिज्जमाणे खोभिज्जमाणे अभिक्खणं-अभिक्खणं कण्णमूलंसि टिट्टियावेज्जमाणे पोच्चडे जाए यावि होत्था। तए णं से सागरदत्तपुत्ते सत्थवाहदारए अन्नया कयाइं जेणेव से मयूरी-अंडए तेणेव उवागच्छइ, उवागच्छित्ता तं मयूरी-अंडयं पोच्चडमेव पासइ, अहो णं ममं एत्थ कीलावणए मयूरी-पोयए न जाए त्ति कट्टु ओहयमन संकप्पे करतलपल्हत्थमुहे अट्टज्झाणोवगए ज्झियाइ। एवामेव समणाउसो! जो अम्हं निग्गंथो वा निग्गंथी वा आयरिय-उवज्झायाणं अंतिए मुंडे भवित्ता अगाराओ अनगारियं पव्वइए समाणे पंचमहव्वएसु छज्जीवनिकाएसु निग्गंथे पावयणे संकिए कंखिए वितिगिंछसमावण्णे भेयसमावण्णे कलुससमावण्णे, से णं इहभवे चेव बहूणं समणाणं बहूणं समणीणं बहूणं सावगाणं बहूणं सावियाण य हीलणिज्जे निंदणिज्जे खिंसणिज्जे गरहणिज्जे परिभवणिज्जे। परलोए वि य णं आगच्छइ बहूणि दंडणाणि य बहूणि मुंडणाणि य बहूणि तज्जणाणि य बहूणि तालणाणि य बहूणि अंदुबं-धणाणि य बहूणि घोलणाणि य बहूणि माइमरणाणि य बहूणि पिइमरणाणि य बहूणि भाइमरणाणि य बहूणि भगिनीमरणाणि य बहूणि भज्जामरणाणि य बहूणि पुत्तमरणाणि य बहूणि धूयमरणाणि य बहूणि सुण्हामरणाणि य, बहूणं दारिद्दाणं बहूणं दोहग्गाणं बहूणं अप्पियसंवासाणं बहूणं पियविप्पओगाणं बहूणं दुक्ख-दोमणस्साणं आभागी भविस्सति, अनादियं च णं अनवयग्गं दीहमद्धं चाउरंतं संसारकंतारं भुज्जो-भुज्जो अनुपरियट्टिस्सइ।
Sutra Meaning : જુઓ સૂત્ર ૫૮
Mool Sutra Transliteration : [sutra] tattha nam je se sagaradattaputte satthavahadarae se nam kallam pauppabhayae rayanie java utthiyammi sure sahassarassimmi dinayare teyasa jalamte jeneva se vanamayuri-amdae teneva uvagachchhai, uvagachchhitta tamsi mayuri-amdayamsi samkie kamkhie vitigimchhasa-mavanne bheyasamavanne kalusasamavanne kinnam mamam ettha kilavanae mayuripoyae bhavissai udahu no bhavissai? Tti kattu tam mayuri-amdayam abhikkhanam-abhikkhanam uvvattei pariyattei asarei samsarei chalei phamdei ghattei khobhei abhikkhanam-abhikkhanam kannamulamsi tittiyavei. Tae nam se mayuri-amdae abhikkhanam-abhikkhanam uvvattijjamane pariyattijjamane asari-jjamane samsarijjamane chalijjamane phamdijjamane ghattijjamane khobhijjamane abhikkhanam-abhikkhanam kannamulamsi tittiyavejjamane pochchade jae yavi hottha. Tae nam se sagaradattaputte satthavahadarae annaya kayaim jeneva se mayuri-amdae teneva uvagachchhai, uvagachchhitta tam mayuri-amdayam pochchadameva pasai, aho nam mamam ettha kilavanae mayuri-poyae na jae tti kattu ohayamana samkappe karatalapalhatthamuhe attajjhanovagae jjhiyai. Evameva samanauso! Jo amham niggamtho va niggamthi va ayariya-uvajjhayanam amtie mumde bhavitta agarao anagariyam pavvaie samane pamchamahavvaesu chhajjivanikaesu niggamthe pavayane samkie kamkhie vitigimchhasamavanne bheyasamavanne kalusasamavanne, se nam ihabhave cheva bahunam samananam bahunam samaninam bahunam savaganam bahunam saviyana ya hilanijje nimdanijje khimsanijje garahanijje paribhavanijje. Paraloe vi ya nam agachchhai bahuni damdanani ya bahuni mumdanani ya bahuni tajjanani ya bahuni talanani ya bahuni amdubam-dhanani ya bahuni gholanani ya bahuni maimaranani ya bahuni piimaranani ya bahuni bhaimaranani ya bahuni bhaginimaranani ya bahuni bhajjamaranani ya bahuni puttamaranani ya bahuni dhuyamaranani ya bahuni sunhamaranani ya, Bahunam dariddanam bahunam dohagganam bahunam appiyasamvasanam bahunam piyavippaoganam bahunam dukkha-domanassanam abhagi bhavissati, anadiyam cha nam anavayaggam dihamaddham chauramtam samsarakamtaram bhujjo-bhujjo anupariyattissai.
Sutra Meaning Transliteration : Juo sutra 58