Sutra Navigation: Jambudwippragnapati ( जंबुद्वीप प्रज्ञप्ति सूत्र )

Search Details

Mool File Details

Anuvad File Details

Sr No : 1007856
Scripture Name( English ): Jambudwippragnapati Translated Scripture Name : जंबुद्वीप प्रज्ञप्ति सूत्र
Mool Language : Ardha-Magadhi Translated Language : Hindi
Chapter :

वक्षस्कार ७ ज्योतिष्क

 Translated Chapter :

वक्षस्कार ७ ज्योतिष्क
Section : Translated Section :
Sutra Number : 256 Category : Upang-07
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जंबुद्दीवे णं भंते! दीवे मंदरस्स पव्वयस्स केवइयं अबाहाए सव्वब्भंतरे सूरमंडले पन्नत्ते? गोयमा! चोयालीसं जोयणसहस्साइं अट्ठ य वीसे जोयणसए अबाहाए सव्वब्भंतरे सूरमंडले पन्नत्ते। जंबुद्दीवे णं भंते! दीवे मंदरस्स पव्वयस्स केवइयं अबाहाए अब्भंतरानंतरे सूरमंडले पन्नत्ते? गोयमा! चोयालीसं जोयणसहस्साइं अट्ठ य बावीसे जोयणसए अडयालीसं च एगसट्ठिभागे जोयणस्स अबाहाए अब्भंतरानंतरे सूरमंडले पन्नत्ते। जंबुद्दीवे णं भंते! दीवे मंदरस्स पव्वयस्स केवइयं अबाहाए अब्भंतरतच्चे सूरमंडले पन्नत्ते? गोयमा! चोयालीसं जोयणसहस्साइं अट्ठ य पणवीसे जोयणसए पणतीसं च एगसट्ठिभागे जोयणस्स अबाहाए अब्भंतरतच्चे सूरमंडले पन्नत्ते। एवं खलु एएणं उवाएणं निक्खममाणे सूरिए तयणंतराओ मंडलाओ तयनंतरं मंडलं संकममाणे-संकममाणे दो-दो जोयणाइं अडयालीसं च एगसट्ठिभाए जोयणस्स एगमेगे मंडले अबाहावुड्ढिं अभिवड्ढेमाणे-अभिवड्ढेमाणे सव्वबाहिरं मंडलं उवसंकमित्ता चारं चरइ। जंबुद्दीवे णं भंते! दीवे मंदरस्स पव्वयस्स केवइयं अबाहाए सव्वबाहिरे सूरमंडले पन्नत्ते? गोयमा! पणयालीसं जोयणसहस्साइं तिन्नि य तीसे जोयणसए अबाहाए सव्वबाहिरे सूरमंडले पन्नत्ते। जंबुद्दीवे णं भंते! दीवे मंदरस्स पव्वयस्स केवइयं अबाहाए बाहिरानंतरे सूरमंडले पन्नत्ते? गोयमा! पणयालीसं जोयणसहस्साइं तिन्नि य सत्तावीसे जोयणसए तेरस य एगसट्ठिभाए जोयणस्स अबाहाए बाहिरानंतरे सूरमंडले पन्नत्ते। जंबुद्दीवे णं भंते! दीवे मंदरस्स पव्वयस्स केवइयं अबाहाए बाहिरतच्चे सूरमंडले पन्नत्ते? गोयमा! पणयालीसं जोयणसहस्साइं तिन्नि य चउवीसे जोयणसए छव्वीसं च एगसट्ठिभाए जोयणस्स अबाहाए बाहिरतच्चे सूरमंडले पन्नत्ते। एवं खलु एएणं उवाएणं पविसमाणे सूरिए तयनंतराओ मंडलाओ तयनंतरं मंडलं संकममाणे-संकममाणे दो-दो जोयणाइं अडया-लीसं च एगसट्ठिभाए जोयणस्स एगमेगे मंडले अबाहावुड्ढिं निवड्ढेमाणे-निवड्ढेमाणे सव्वब्भंतरं मंडलं उवसंकमित्ता चारं चरइ।
Sutra Meaning : भगवन्‌ ! सर्वाभ्यन्तर सूर्य – मण्डल जम्बूद्वीप स्थित मन्दर पर्वत से कितनी दूरी पर है ? गौतम ! ४४८२० योजन की दूरी पर है। सर्वाभ्यन्तर सूर्य – मण्डल से दूसरा सूर्य – मण्डल ४४८२२ – ४८/६१ योजन की दूरी पर है। सर्वाभ्यन्तर सूर्य – मण्डल से तीसरा सूर्य – मण्डल ४४८२५ – ३५/६१ योजन की दूरी पर है। यों प्रति दिन रात एक – एक मण्डल के परित्यागरूप क्रम से निष्क्रमण करता हुआ – सूर्य तदनन्तर मण्डल से तदनन्तर मण्डल – संक्रमण करता हुआ एक – एक मण्डल पर २ – ४८/६१ योजन दूरी की अभिवृद्धि करता हुआ सर्वबाह्य मण्डल पर पहुँच कर गति करता है। सर्वबाह्य सूर्य – मण्डल जम्बूद्वीप – स्थित मन्दर पर्वत से ४५३३० योजन की दूरी पर है। सर्वबाह्य सूर्य – मण्डल से दूसरा बाह्य सूर्य – मण्डल ४५३२७ – १३/६१ योजन की दूरी पर है। सर्वबाह्य सूर्य – मण्डल से तीसरा बाह्य सूर्य – मण्डल ४५३२४ – २६/६१ योजन की दूरी पर है। इस प्रकार अहोरात्र – मण्डल में परित्यागरूप क्रम से जम्बूद्वीप में प्रविष्ट होता हुआ सूर्य तदनन्तर मण्डल में तदनन्तर मण्डल पर संक्रमण करता हुआ – एक – एक मण्डल पर २ – ४८/६१ योजन की अन्तर – वृद्धि कम करता हुआ सर्वाभ्यन्तर – मण्डल पर पहुँच कर गति करता है।
Mool Sutra Transliteration : [sutra] jambuddive nam bhamte! Dive mamdarassa pavvayassa kevaiyam abahae savvabbhamtare suramamdale pannatte? Goyama! Choyalisam joyanasahassaim attha ya vise joyanasae abahae savvabbhamtare suramamdale pannatte. Jambuddive nam bhamte! Dive mamdarassa pavvayassa kevaiyam abahae abbhamtaranamtare suramamdale pannatte? Goyama! Choyalisam joyanasahassaim attha ya bavise joyanasae adayalisam cha egasatthibhage joyanassa abahae abbhamtaranamtare suramamdale pannatte. Jambuddive nam bhamte! Dive mamdarassa pavvayassa kevaiyam abahae abbhamtaratachche suramamdale pannatte? Goyama! Choyalisam joyanasahassaim attha ya panavise joyanasae panatisam cha egasatthibhage joyanassa abahae abbhamtaratachche suramamdale pannatte. Evam khalu eenam uvaenam nikkhamamane surie tayanamtarao mamdalao tayanamtaram mamdalam samkamamane-samkamamane do-do joyanaim adayalisam cha egasatthibhae joyanassa egamege mamdale abahavuddhim abhivaddhemane-abhivaddhemane savvabahiram mamdalam uvasamkamitta charam charai. Jambuddive nam bhamte! Dive mamdarassa pavvayassa kevaiyam abahae savvabahire suramamdale pannatte? Goyama! Panayalisam joyanasahassaim tinni ya tise joyanasae abahae savvabahire suramamdale pannatte. Jambuddive nam bhamte! Dive mamdarassa pavvayassa kevaiyam abahae bahiranamtare suramamdale pannatte? Goyama! Panayalisam joyanasahassaim tinni ya sattavise joyanasae terasa ya egasatthibhae joyanassa abahae bahiranamtare suramamdale pannatte. Jambuddive nam bhamte! Dive mamdarassa pavvayassa kevaiyam abahae bahiratachche suramamdale pannatte? Goyama! Panayalisam joyanasahassaim tinni ya chauvise joyanasae chhavvisam cha egasatthibhae joyanassa abahae bahiratachche suramamdale pannatte. Evam khalu eenam uvaenam pavisamane surie tayanamtarao mamdalao tayanamtaram mamdalam samkamamane-samkamamane do-do joyanaim adaya-lisam cha egasatthibhae joyanassa egamege mamdale abahavuddhim nivaddhemane-nivaddhemane savvabbhamtaram mamdalam uvasamkamitta charam charai.
Sutra Meaning Transliteration : Bhagavan ! Sarvabhyantara surya – mandala jambudvipa sthita mandara parvata se kitani duri para hai\? Gautama ! 44820 yojana ki duri para hai. Sarvabhyantara surya – mandala se dusara surya – mandala 44822 – 48/61 yojana ki duri para hai. Sarvabhyantara surya – mandala se tisara surya – mandala 44825 – 35/61 yojana ki duri para hai. Yom prati dina rata eka – eka mandala ke parityagarupa krama se nishkramana karata hua – surya tadanantara mandala se tadanantara mandala – samkramana karata hua eka – eka mandala para 2 – 48/61 yojana duri ki abhivriddhi karata hua sarvabahya mandala para pahumcha kara gati karata hai. Sarvabahya surya – mandala jambudvipa – sthita mandara parvata se 45330 yojana ki duri para hai. Sarvabahya surya – mandala se dusara bahya surya – mandala 45327 – 13/61 yojana ki duri para hai. Sarvabahya surya – mandala se tisara bahya surya – mandala 45324 – 26/61 yojana ki duri para hai. Isa prakara ahoratra – mandala mem parityagarupa krama se jambudvipa mem pravishta hota hua surya tadanantara mandala mem tadanantara mandala para samkramana karata hua – eka – eka mandala para 2 – 48/61 yojana ki antara – vriddhi kama karata hua sarvabhyantara – mandala para pahumcha kara gati karata hai.