Sutra Navigation: Sutrakrutang ( सूत्रकृतांग सूत्र )

Search Details

Mool File Details

Anuvad File Details

Sr No : 1001665
Scripture Name( English ): Sutrakrutang Translated Scripture Name : सूत्रकृतांग सूत्र
Mool Language : Ardha-Magadhi Translated Language : Hindi
Chapter :

श्रुतस्कंध-२

अध्ययन-२ क्रियास्थान

 Translated Chapter :

श्रुतस्कंध-२

अध्ययन-२ क्रियास्थान
Section : Translated Section :
Sutra Number : 665 Category : Ang-02
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] अहावरे दोच्चस्स ठाणस्स धम्मपक्खस्स विभंगे एवमाहिज्जइ–इह खलु पाईणं वा पडीणं वा उदीणं वा संतेगइया मणुस्सा भवंति, तं जहा–आरिया वेगे अनारिया वेगे उच्चागोया वेगे नियागोया वेगे कायमंता वेगे हस्समंता वेगे सुवण्णा वेगे दुवण्णा वेगे सुरूवा वेगे दुरूवा वेगे। तेसिं च णं खेत्तवत्थूणि परिग्गहियाइं भवंति, तं जहा–अप्पयरा वा भुज्जयरा वा। तेसिं च णं जणजाणवयाइं परिग्गहियाइं भवंति,तं जहा–अप्पयरा वा भुज्जयरा वा। तहप्पगारेहिं कुलेहिं आगम्म अभिभूय एगे भिक्खायरियाए समुट्ठिया। सतो वा वि एगे नायओ य उवगरणं च विप्पजहाय भिक्खायरियाए समुट्ठिया। असतो वा वि एगे नायओ य उवगरणं च विप्पजहाय भिक्खायरियाए समुट्ठिया। जे ते सतो वा असतो वा नायओ य उवगरणं च विप्पजहाय भिक्खायरियाए समुट्ठिया, पुव्वमेव तेहिं णातं भवति –इह खलु पुरिसे अन्नमण्णं ममट्ठाए एवं विप्पडिवेदेति, तं जहा–खेत्तं मे वत्थू मे हिरण्णं मे सुवण्णं मे धणं मे धण्णं मे कंसं मे दूसं मे विपुल-धण-कणग-रयण-मणि-मोत्तिय-संख-सिल-प्पवाल-रत्तरयण-संत-सार-सावतेयं मे सद्दा मे रूवा मे गंधा मे रसा मे फासा मे। एते खलु मे कामभोगा, अहमवि एतेसिं। से मेहावी पुव्वमेव अप्पणा एवं समभिजाणेज्जा–इह खलु मम अन्नतरे दुक्खे रोगातंके समुप्पज्जेज्जा–अणिट्ठे अकंते अप्पिए असुभे अमणुण्णे अमणामे दुक्खे नो सुहे। से हंता! भयंतारो! कामभोगा! मम अन्नतरं दुक्खं रोगायंकं परियाइयह–अनिट्ठं अकंतं अप्पियं असुभं अमणुण्णं अमणामं दुक्खं नो सुहं। माऽहं दुक्खामि वा सोयामि वा जूरामि वा तिप्पामि वा पीडामि वा परितप्पामि वा। इमाओ मे अन्नतराओ दुक्खाओ रोगातंकाओ पडिमोयह–अनिट्ठाओ अकंताओ अप्पियाओ असुभाओ अमणुण्णाओ अमणामाआ दुक्खाओ नो सुहाओ। एवमेव नो लद्धपुव्वं भवति इह खलु कामभोगा नो ताणाए वा नो सरणाए वा। पुरिसे वा एगया पुव्विं कामभोगे विप्पजहइ, कामभोगा वा एगया पुव्विं पुरिसं विप्पजहंति। अन्ने खलु कामभोगा, अण्णो अहमंसि। से किमंग पुन वयं अन्नमण्णेहिं कामभोगेहिं मुच्छामो? इति संखाए णं वयं कामभोगे विप्पजहिस्सामो। से मेहावी जाणेज्जा–बाहिरगमेयं, इणमेव उवणीयतरगं, तं जहा–माता मे पिता मे भाया मे भगिणी मे भज्जा मे पुत्ता मे णत्ता मे धूया मे पेसा मे सहा मे सुही मे सयणसंगंथसंथुया मे। एते खलु मम नायओ, अहमवि एएसिं। से मेहावी पुव्व-मेव अप्पणा एवं समभिजाणेज्जा। इह खलु मम अन्नयरे दुक्खे रोगातंके समुप्पज्जेज्जा–अणिट्ठे अकंते अप्पिए असुभे अमणुण्णे अमणामे दुक्खे नो सुहे। से हंता! भयंतारो! नायओ! इमं मम अन्नयरं दुक्खं रोगातंकं परियाइयह–अनिट्ठं अकंतं अप्पियं असुभं अमणुण्णं अम-णामं दुक्खं नो सुहं। माऽहं दुक्खामि वा सोयामि वा जूरामि वा तिप्पामि वा पीडामि वा परितप्पामि वा। इमाओ मे अन्नतराओ दुक्खाओ रोगातंकाओ परिमोयह–अणिट्ठाओ अकंताओ अप्पियाओ असुभाओ अमणुण्णाओ अमणामाओ दुक्खाओ नो सुहाओ। एवमेवं नो लद्धपुव्वं भवइ। तेसिं वा वि भयंताराणं मम नाययाणं अन्नयरे दुक्खे रोगातंके समुप्पज्जेज्जा–अणिट्ठे अकंते अप्पिए असुभे अमणुण्णे अमणामे दुक्खे नो सुहे। से हंता! अहमेतेसिं भयंताराणं नाययाणं इमं अन्नतरं दुक्खं रोगातंकं परियाइयामि–अनिट्ठं अकंतं अप्पियं असुभं अमणुण्णं अमणामं दुक्खं नो सुहं, मा मे दुक्खंतु वा सोयंतु वा जूरंतु वा तिप्पंतु वा पीडंतु वा परितप्पंतु वा। इमाओ णं अन्नयराओ दुक्खाओ रोगातंकाओ परिमोएमि–अणिट्ठाओ अकंताओ अप्पियाओ असुभाओ अमणुण्णाओ अमणामाओ दुक्खाओ नो सुहाओ। एवमेव नो लद्धपुव्वं भवति। अन्नस्स दुक्खं अण्णो नो परियाइयइ, अन्नेन कतं अण्णो नो पडिसंवेदेइ, पत्तेयं जायइ, पत्तेयं मरइ, पत्तेयं चयइ, पत्तेयं उववज्जइ, पत्तेयं ज्झंज्झा, पत्तीयं सण्णा, पत्तेयं मण्णा, पत्तेयं विण्णू, पत्तेयं वेदणा। इति खलु नातिसंजोगा नो ताणाए वा नो सरणाए वा। पुरिसे वा एगया पुव्विं नाइसंजोगे विप्पजहइ, नाइसंजोगा वा एगया पुव्विं पुरिसं विप्पजहंति। अन्ने खलु नातिसंजोगा, अण्णो अहमंसि। से किमंग पुन वयं अन्नमण्णेहिं नाइसंजोगेहिं मुच्छामो? इति संखाए णं वयं नातिसंजोगे विप्पजहिस्सामो। से मेहावी जाणेज्जा–बाहिरगमेयं, इणमेव उवणीयतरगं, तं जहा–हत्था मे पाया मे बाहा मे ऊरू मे उदरं मे सीसं मे आउं मे बलं मे वण्णो मे तया मे छाया मे सोयं मे चक्खुं मे घाणं मे जिब्भा मे फासा मे ममाति, वयाओ परिजूरइ, तं जहा–आऊओ बलाओ वण्णाओ तयाओ छायाओ सोयाओ चक्खूओ घाणाओ जिब्भाओ फासाओ। सुसंधिता संधी विसंधीभवति, वलितरंगे गाए भवति, किण्हा केसा पलिया भवंति। जं पि य इमं सरीरगं उरालं आहारोवचियं, एयं पि य मे अनुपुव्वेणं विप्पज-हियव्वं भविस्सति। एयं संखाए से भिक्खू भिक्खायरियाए समुट्ठिए दुहओ लोगं जाणेज्जा, तं जहा–जीवा चेव, अजीवा चेव। तसा चेव, थावरा चेव। इह खलु गारत्था सारंभा सपरिग्गहा, संतेगइया समणा माहणा वि सारंभा सपरिग्गहा–जे इमे तसा थावरा पाणा–ते सयं समारंभंति, अन्नेन वि समारंभावेंति, अन्नं पि समारंभंतं समणुजाणंति। इह खलु गारत्था सारंभा सपरिग्गहा, संतेगइया समणा माहणा वि सारंभा सपरिग्गहा जे इमे कामभोगा सचित्ता वा अचित्ता वा–ते सयं परिगिण्हंति, अन्नेन वि परिगिण्हावेंति, अन्नं पि परिगिण्हंतं समणुजाणंति। इह खलु गारत्था सारंभा सपरिग्गहा, संतेगइया समणा माहणा वि सारंभा सपरिग्गहा, अहं खलु अणारंभे अपरिग्गहे। जे खलु गारत्था सारंभा सपरिग्गहा, संतेगइया समणा माहणा वि सारंभा सपरिग्गहा, एतेसिं चेव णिस्साए बंभचेरवासं वसिस्सामो। कस्स णं तं हेउं? जहा पुव्वं तहा अवरं, जहा अवरं तहा पुव्वं। अंजू एते अणुवरया अणुवट्ठिया पुणरवि तारिसगा चेव। जे खलु गारत्था सारंभा सपरिग्गहा, संतेगइया समणा माहणा वि सारंभा सपरिग्गहा, दुहओ पावाइं कुव्वंति, इति संखाए दोहि वि अंतेहिं अदिस्समानो। इति भिक्खू रीएज्जा। से बेमि–पाईणं वा पडीणं वा उदीणं वा दाहिणं वा एवं से परिण्णातकम्मे, एवं से ववेयकम्मे, एवं से वियंतकारए भवइ त्ति मक्खायं। तत्थ खलु भगवया छज्जीवणिकाया हेऊ पण्णत्ता, तं जहा–पुढवीकाए आउकाए तेउकाए वाउकाए वणस्सइकाए तसकाए। से जहानामए मम असायं दंडेन वा अट्ठीन वा मुट्ठीन वा लेलुणा वा कवालेन वा आउडिज्जमाणस्स वा हम्ममाणस्स वा तज्जिज्जमाणस्स वा ताडिज्जमाणस्स वा परिताविज्जमाणस्स वा किलामिज्जमाणस्स वा उद्दविज्जमाणस्स वा जाव लोमुक्खणणमाय-मवि हिंसाकारगं दुक्खं भयं पडिसंवेदेमि– इच्चेवं जाण। सव्वे पाणा सव्वे भूया सव्वे जीवा सव्वे सत्ता दंडेन वा अट्ठीन वा मुट्ठीन वा लेलुणा वा कवालेन वा आउडिज्जमाणा वा हम्ममाणा वा तज्जिज्जमाणा वा ताडिज्जमाणा वा परिताविज्जमाणा वा किलामिज्जमाणा वा उद्दविज्जमाणा वा जाव लोमुक्खणण-मायमवि हिंसाकारगं दुक्खं भयं पडिसंवेदेंति। एवं नच्चा सव्वे पाणा सव्वे भूया सव्वे जीवा सव्वे सत्ता न हंतव्वा न अज्जावेयव्वा न परिघेतव्वा न परितावेयव्वा न उद्दवेयव्वा। से बेमि–जे अईया, जे य पडुप्पण्णा, जे य आगमेस्सा अरहंता भगवंतो सव्वे ते एवमाइक्खंति, एवं भासंति, एवं पण्णवेंति, एवं परूवेंति सव्वे पाणा सव्वे भूया सव्वे जीवा सव्वे सत्ता न हंतव्वा न अज्जावेयव्वा न परिघेतव्वा न परितावेयव्वा न उद्दवेयव्वा। एस धम्मे धुवे नितिए सासए समेच्च लोगं खेयण्णेहिं पवेइए। एवं से भिक्खू विरए पानाइवायाओ विरए मुसावायाओ विरए अदत्तादाणाओ विरए मेहुणाओ विरए परिग्गहाओ। नो दंतपक्खालणेणं दंते पक्खालेज्जा, नो अंजणं, नो वमणं, नो विरेयणं, नो धूवणे, नो तं परियाविएज्जा। से भिक्खू अकिरिए अलूसए अकोहे अमाणे अमाए अलोहे उवसंते परिणिव्वुडे नो आसंसं पुरतो करेज्जा–इमेन मे दिट्ठेन वा सुएन वा मएन वा विण्णाएन वा, इमेन वा सुचरिय-तव-णियम-बंभचेरवासेणं, इमेन वा जायामायावुत्तिएणं धम्मेणं इतो चुते पेच्चा देवे सिया कामभोगान वसवत्ती, सिद्धे वा अदुक्खमसुहे। एत्थ वि सिया, एत्थ वि नो सिया। से भिक्खू सद्देहिं अमुच्छिए रूवेहिं अमुच्छिए गंधेहिं अमुच्छिए रसेहिं अमुच्छिए फासेहिं अमुच्छिए, विरए–कोहाओ माणाओ मायाओ लोभाओ पेज्जाओ दोसाओ कलहाओ अब्भक्खाणाओ पेसुण्णाओ परपरिवायाओ अरइरईओ मायामो-साओ मिच्छादंसणसल्लाओ–इति से महतो आदाणाओ उवसंते उवट्ठिए पडिविरते। से भिक्खू–जे इमे तसथावरा पाणा भवंति–ते नो सयं समारंभइ, नो अन्नेहिं समारंभावेइ, अन्ने समारंभंते वि न समणुजाणइ–इति से महतो आदाणाओ उवसंते उवट्ठिए पडिविरते। से भिक्खू–जे इमे कामभोगा सचित्ता वा अचित्ता वा–ते नो सयं परिगिण्हइ, नो अन्नेणं परिगिण्हावेइ, अन्नं परिगिण्हंतंपि न समणुजाणइ–इति से महतो आदाणाओ उवसंते उवट्ठिए पडिविरते। से भिक्खू–जं पि य इमं संपराइयं कम्मं कज्जइ–नो तं सयं करेइ, नो अन्नेणं कारवेइ, अन्नं पि करेंतं न समणु-जाणइ–इति से महतो आदाणाओ उवसंते उवट्ठिए पडिविरते। से भिक्खू जाणेज्जा–असणं वा पाणं वा खाइमं वा साइमं वा अस्सिंपडियाए एगं साहम्मियं समुद्दिस्स पाणाइं भूयाइं जीवाइं सत्ताइं समारब्भ समुद्दिस्स कीयं पामिच्चं अच्छेज्जं अणिसट्ठं अभिहडं आहट्टुद्देसियं, तं चेतियं सिया, तं नो सयं भुंजइ, नो अन्नेणं भुंजावेइ, अन्नं पि भुंजंतं न समणुजाणइ–इति से महतो आदाणाओ उवसंते उवट्ठिए पडिविरते। से भिक्खू अह पुन एवं जाणेज्जा–तं विज्जइ तेसिं परक्कमे। जस्सट्ठाए चेतियं सिया, तं जहा–अप्पनो पुत्ताणं धूयाणं सुण्हाणं धातीणं णातीणं राईणं दासाणं दासीणं कम्मकरान कम्मकरीणं आएसाणं पुढो पहेणाए सामासाए पातरासाए सण्णिहि-सण्णिचओ कज्जति, इइ एएसिं माणवाणं भोयणाए। तत्थ भिक्खू परकड-परणिट्ठितं उग्गमुप्पायणेसणासुद्धं सत्थातीतं सत्थपरिणामितं अवहिंसितं एसितं वेसिंतं सामुदाणियं पण्ण-मसणं कारणट्ठा पमाणजुत्तं अक्खोवंजण-वणलेवणभूयं, संजमजायामायावुत्तियं बिलमिव पण्णगभूतेणं अप्पाणेणं आहारं आहारे-ज्जा–अन्नं अन्नकाले पाणं पाणकाले वत्थं वत्थकाले लेणं लेणकाले सयणं सयणकाले। से भिक्खू मायण्णे अन्नयरिं दिसं वा अणुदिसं वा पडिवण्णे धम्मं आइक्खे विभए किट्टे–उवट्ठिएसु वा अणुवट्ठि-एसु वा सुस्सूसमाणेसु पवेदए–संतिं विरतिं उवसमं निव्वाणं सोयवियं अज्जवियं मद्दवियं लाघवियं अणतिवातियं। सव्वेसिं पाणाणं सव्वेसिं भूयाणं सव्वेसिं जीवाणं सव्वेसिं सत्ताणं अणुवीइ किट्टए धम्मं। से भिक्खू धम्मं किट्टेमाणे–नो अन्नस्स हेउं धम्ममाइक्खेज्जा। नो पाणस्स हेउं धम्ममाइक्खेज्जा। नो वत्थस्स हेउं धम्ममाइक्खेज्जा। नो लेणस्स हेउं धम्ममाइक्खेज्जा। नो सयणस्स हेउं धम्ममाइक्खेज्जा। नो अन्नेसिं विरूवरूवाणं कामभोगाणं हेउं धम्ममाइक्खेज्जा। अगिलाए धम्ममाइक्खेज्जा। ननत्थ कम्मणिज्जरट्ठयाए धम्ममाइक्खेज्जा। इह खलु तस्स भिक्खुस्स अंतिए धम्मं सोच्चा णिसम्म सम्मं उट्ठाणेणं उट्ठाय वीरा अस्सिं धम्मे समुट्ठिया। जे तस्स भिक्खुस्स अंतिए धम्मं सोच्चा णिसम्म सम्मं उट्ठाणेणं उट्ठाय वीरा अस्सिं धम्मे समुट्ठिया, ते एवं सव्वोवगता, ते एवं सव्वोवरता, ते एवं सव्वोवसंता, ते एवं सव्वत्ताए परिणिव्वुड एस ठाणे आरिए केवले पडिपुण्णे नेयाएउ संसुद्धे सल्लगत्तणे सिद्धिमग्गे मुत्तिमग्गे निव्वाणमग्गे णिज्जाणमग्गे सव्वदुक्खप्पहीणमग्गे एगंतसम्मे साहू। दोच्चस्स ठाणस्स धम्मपक्खस्स विभंगे एवमाहिए।
Sutra Meaning : इसके पश्चात्‌ द्वितीय स्थान धर्मपक्ष का विकल्प इस प्रकार कहा जाता है – इस मनुष्यलोक में पूर्व, पश्चिम, उत्तर और दक्षिण दिशाओं में अनेक प्रकार के मनुष्य रहते हैं, जैसे कि – कईं आर्य होते हैं, कईं अनार्य अथवा कईं उच्चगोत्रीय होते हैं, कईं नीचगोत्रीय, कईं विशालकाय होते हैं, कईं ह्रस्वकाय, कईं अच्छे वर्ण के होते हैं, कईं खराब वर्ण के अथवा कईं सुरूप होते हैं, कईं कुरूप। उन मनुष्यों के खेत और मकान परिग्रह होते हैं। यह सब वर्णन ‘पौण्डरीक’ के प्रकरण के समान समझना। यह स्थान आर्य है, केवलज्ञान की प्राप्ति का कारण है, (यहाँ से लेकर) समस्त दुःखों का नाश करने वाला मार्ग है (यावत्‌ – )। यह एकान्त सम्यक्‌ और उत्तम स्थान है। इस प्रकार धर्म – पक्ष नामक द्वितीय स्थान का विचार प्रतिपादित किया गया है।
Mool Sutra Transliteration : [sutra] ahavare dochchassa thanassa dhammapakkhassa vibhamge evamahijjai–iha khalu painam va padinam va udinam va samtegaiya manussa bhavamti, tam jaha–ariya vege anariya vege uchchagoya vege niyagoya vege kayamamta vege hassamamta vege suvanna vege duvanna vege suruva vege duruva vege. Tesim cha nam khettavatthuni pariggahiyaim bhavamti, tam jaha–appayara va bhujjayara va. Tesim cha nam janajanavayaim pariggahiyaim bhavamti,tam jaha–appayara va bhujjayara va. Tahappagarehim kulehim agamma abhibhuya ege bhikkhayariyae samutthiya. Sato va vi ege nayao ya uvagaranam cha vippajahaya bhikkhayariyae samutthiya. Asato va vi ege nayao ya uvagaranam cha vippajahaya bhikkhayariyae samutthiya. Je te sato va asato va nayao ya uvagaranam cha vippajahaya bhikkhayariyae samutthiya, puvvameva tehim natam bhavati –iha khalu purise annamannam mamatthae evam vippadivedeti, tam jaha–khettam me vatthu me hirannam me suvannam me dhanam me dhannam me kamsam me dusam me vipula-dhana-kanaga-rayana-mani-mottiya-samkha-sila-ppavala-rattarayana-samta-sara-savateyam me sadda me ruva me gamdha me rasa me phasa me. Ete khalu me kamabhoga, ahamavi etesim. Se mehavi puvvameva appana evam samabhijanejja–iha khalu mama annatare dukkhe rogatamke samuppajjejja–anitthe akamte appie asubhe amanunne amaname dukkhe no suhe. Se hamta! Bhayamtaro! Kamabhoga! Mama annataram dukkham rogayamkam pariyaiyaha–anittham akamtam appiyam asubham amanunnam amanamam dukkham no suham. Maham dukkhami va soyami va jurami va tippami va pidami va paritappami va. Imao me annatarao dukkhao rogatamkao padimoyaha–anitthao akamtao appiyao asubhao amanunnao amanamaa dukkhao no suhao. Evameva no laddhapuvvam bhavati Iha khalu kamabhoga no tanae va no saranae va. Purise va egaya puvvim kamabhoge vippajahai, kamabhoga va egaya puvvim purisam vippajahamti. Anne khalu kamabhoga, anno ahamamsi. Se kimamga puna vayam annamannehim kamabhogehim muchchhamo? Iti samkhae nam vayam kamabhoge vippajahissamo. Se mehavi janejja–bahiragameyam, inameva uvaniyataragam, tam jaha–mata me pita me bhaya me bhagini me bhajja me putta me natta me dhuya me pesa me saha me suhi me sayanasamgamthasamthuya me. Ete khalu mama nayao, ahamavi eesim. Se mehavi puvva-meva appana evam samabhijanejja. Iha khalu mama annayare dukkhe rogatamke samuppajjejja–anitthe akamte appie asubhe amanunne amaname dukkhe no suhe. Se hamta! Bhayamtaro! Nayao! Imam mama annayaram dukkham rogatamkam pariyaiyaha–anittham akamtam appiyam asubham amanunnam ama-namam dukkham no suham. Maham dukkhami va soyami va jurami va tippami va pidami va paritappami va. Imao me annatarao dukkhao rogatamkao parimoyaha–anitthao akamtao appiyao asubhao amanunnao amanamao dukkhao no suhao. Evamevam no laddhapuvvam bhavai. Tesim va vi bhayamtaranam mama nayayanam annayare dukkhe rogatamke samuppajjejja–anitthe akamte appie asubhe amanunne amaname dukkhe no suhe. Se hamta! Ahametesim bhayamtaranam nayayanam imam annataram dukkham rogatamkam pariyaiyami–anittham akamtam appiyam asubham amanunnam amanamam dukkham no suham, ma me dukkhamtu va soyamtu va juramtu va tippamtu va pidamtu va paritappamtu va. Imao nam annayarao dukkhao rogatamkao parimoemi–anitthao akamtao appiyao asubhao amanunnao amanamao dukkhao no suhao. Evameva no laddhapuvvam bhavati. Annassa dukkham anno no pariyaiyai, annena katam anno no padisamvedei, patteyam jayai, patteyam marai, patteyam chayai, patteyam uvavajjai, patteyam jjhamjjha, pattiyam sanna, patteyam manna, patteyam vinnu, patteyam vedana. Iti khalu natisamjoga no tanae va no saranae va. Purise va egaya puvvim naisamjoge vippajahai, naisamjoga va egaya puvvim purisam vippajahamti. Anne khalu natisamjoga, anno ahamamsi. Se kimamga puna vayam annamannehim naisamjogehim muchchhamo? Iti samkhae nam vayam natisamjoge vippajahissamo. Se mehavi janejja–bahiragameyam, inameva uvaniyataragam, tam jaha–hattha me paya me baha me uru me udaram me sisam me aum me balam me vanno me taya me chhaya me soyam me chakkhum me ghanam me jibbha me phasa me mamati, vayao parijurai, tam jaha–auo balao vannao tayao chhayao soyao chakkhuo ghanao jibbhao phasao. Susamdhita samdhi visamdhibhavati, valitaramge gae bhavati, kinha kesa paliya bhavamti. Jam pi ya imam sariragam uralam aharovachiyam, eyam pi ya me anupuvvenam vippaja-hiyavvam bhavissati. Eyam samkhae se bhikkhu bhikkhayariyae samutthie duhao logam janejja, tam jaha–jiva cheva, ajiva cheva. Tasa cheva, thavara cheva. Iha khalu garattha sarambha sapariggaha, samtegaiya samana mahana vi sarambha sapariggaha–je ime tasa thavara pana–te sayam samarambhamti, annena vi samarambhavemti, annam pi samarambhamtam samanujanamti. Iha khalu garattha sarambha sapariggaha, samtegaiya samana mahana vi sarambha sapariggaha je ime kamabhoga sachitta va achitta va–te sayam pariginhamti, annena vi pariginhavemti, annam pi pariginhamtam samanujanamti. Iha khalu garattha sarambha sapariggaha, samtegaiya samana mahana vi sarambha sapariggaha, aham khalu anarambhe apariggahe. Je khalu garattha sarambha sapariggaha, samtegaiya samana mahana vi sarambha sapariggaha, etesim cheva nissae bambhacheravasam vasissamo. Kassa nam tam heum? Jaha puvvam taha avaram, jaha avaram taha puvvam. Amju ete anuvaraya anuvatthiya punaravi tarisaga cheva. Je khalu garattha sarambha sapariggaha, samtegaiya samana mahana vi sarambha sapariggaha, duhao pavaim kuvvamti, iti samkhae dohi vi amtehim adissamano. Iti bhikkhu riejja. Se bemi–painam va padinam va udinam va dahinam va evam se parinnatakamme, evam se vaveyakamme, evam se viyamtakarae bhavai tti makkhayam. Tattha khalu bhagavaya chhajjivanikaya heu pannatta, tam jaha–pudhavikae aukae teukae vaukae vanassaikae tasakae. Se jahanamae mama asayam damdena va atthina va mutthina va leluna va kavalena va audijjamanassa va hammamanassa va tajjijjamanassa va tadijjamanassa va paritavijjamanassa va kilamijjamanassa va uddavijjamanassa va java lomukkhananamaya-mavi himsakaragam dukkham bhayam padisamvedemi– ichchevam jana. Savve pana savve bhuya savve jiva savve satta damdena va atthina va mutthina va leluna va kavalena va audijjamana va hammamana va tajjijjamana va tadijjamana va paritavijjamana va kilamijjamana va uddavijjamana va java lomukkhanana-mayamavi himsakaragam dukkham bhayam padisamvedemti. Evam nachcha savve pana savve bhuya savve jiva savve satta na hamtavva na ajjaveyavva na parighetavva na paritaveyavva na uddaveyavva. Se bemi–je aiya, je ya paduppanna, je ya agamessa arahamta bhagavamto savve te evamaikkhamti, evam bhasamti, evam pannavemti, evam paruvemti savve pana savve bhuya savve jiva savve satta na hamtavva na ajjaveyavva na parighetavva na paritaveyavva na uddaveyavva. Esa dhamme dhuve nitie sasae samechcha logam kheyannehim paveie. Evam se bhikkhu virae panaivayao virae musavayao virae adattadanao virae mehunao virae pariggahao. No damtapakkhalanenam damte pakkhalejja, no amjanam, no vamanam, no vireyanam, no dhuvane, no tam pariyaviejja. Se bhikkhu akirie alusae akohe amane amae alohe uvasamte parinivvude no asamsam purato karejja–imena me ditthena va suena va maena va vinnaena va, imena va suchariya-tava-niyama-bambhacheravasenam, imena va jayamayavuttienam dhammenam ito chute pechcha deve siya kamabhogana vasavatti, siddhe va adukkhamasuhe. Ettha vi siya, ettha vi no siya. Se bhikkhu saddehim amuchchhie ruvehim amuchchhie gamdhehim amuchchhie rasehim amuchchhie phasehim amuchchhie, virae–kohao manao mayao lobhao pejjao dosao kalahao abbhakkhanao pesunnao paraparivayao arairaio mayamo-sao michchhadamsanasallao–iti se mahato adanao uvasamte uvatthie padivirate. Se bhikkhu–je ime tasathavara pana bhavamti–te no sayam samarambhai, no annehim samarambhavei, anne samarambhamte vi na samanujanai–iti se mahato adanao uvasamte uvatthie padivirate. Se bhikkhu–je ime kamabhoga sachitta va achitta va–te no sayam pariginhai, no annenam pariginhavei, annam pariginhamtampi na samanujanai–iti se mahato adanao uvasamte uvatthie padivirate. Se bhikkhu–jam pi ya imam samparaiyam kammam kajjai–no tam sayam karei, no annenam karavei, annam pi karemtam na samanu-janai–iti se mahato adanao uvasamte uvatthie padivirate. Se bhikkhu janejja–asanam va panam va khaimam va saimam va assimpadiyae egam sahammiyam samuddissa panaim bhuyaim jivaim sattaim samarabbha samuddissa kiyam pamichcham achchhejjam anisattham abhihadam ahattuddesiyam, tam chetiyam siya, tam no sayam bhumjai, no annenam bhumjavei, annam pi bhumjamtam na samanujanai–iti se mahato adanao uvasamte uvatthie padivirate. Se bhikkhu aha puna evam janejja–tam vijjai tesim parakkame. Jassatthae chetiyam siya, tam jaha–appano puttanam dhuyanam sunhanam dhatinam natinam rainam dasanam dasinam kammakarana kammakarinam aesanam pudho pahenae samasae patarasae sannihi-sannichao kajjati, ii eesim manavanam bhoyanae. Tattha bhikkhu parakada-paranitthitam uggamuppayanesanasuddham satthatitam satthaparinamitam avahimsitam esitam vesimtam samudaniyam panna-masanam karanattha pamanajuttam akkhovamjana-vanalevanabhuyam, samjamajayamayavuttiyam bilamiva pannagabhutenam appanenam aharam ahare-jja–annam annakale panam panakale vattham vatthakale lenam lenakale sayanam sayanakale. Se bhikkhu mayanne annayarim disam va anudisam va padivanne dhammam aikkhe vibhae kitte–uvatthiesu va anuvatthi-esu va sussusamanesu pavedae–samtim viratim uvasamam nivvanam soyaviyam ajjaviyam maddaviyam laghaviyam anativatiyam. Savvesim pananam savvesim bhuyanam savvesim jivanam savvesim sattanam anuvii kittae dhammam. Se bhikkhu dhammam kittemane–no annassa heum dhammamaikkhejja. No panassa heum dhammamaikkhejja. No vatthassa heum dhammamaikkhejja. No lenassa heum dhammamaikkhejja. No sayanassa heum dhammamaikkhejja. No annesim viruvaruvanam kamabhoganam heum dhammamaikkhejja. Agilae dhammamaikkhejja. Nanattha kammanijjaratthayae dhammamaikkhejja. Iha khalu tassa bhikkhussa amtie dhammam sochcha nisamma sammam utthanenam utthaya vira assim dhamme samutthiya. Je tassa bhikkhussa amtie dhammam sochcha nisamma sammam utthanenam utthaya vira assim dhamme samutthiya, te evam savvovagata, te evam savvovarata, te evam savvovasamta, te evam savvattae parinivvuda Esa thane arie kevale padipunne neyaeu samsuddhe sallagattane siddhimagge muttimagge nivvanamagge nijjanamagge savvadukkhappahinamagge egamtasamme sahu. Dochchassa thanassa dhammapakkhassa vibhamge evamahie.
Sutra Meaning Transliteration : Isake pashchat dvitiya sthana dharmapaksha ka vikalpa isa prakara kaha jata hai – isa manushyaloka mem purva, pashchima, uttara aura dakshina dishaom mem aneka prakara ke manushya rahate haim, jaise ki – kaim arya hote haim, kaim anarya athava kaim uchchagotriya hote haim, kaim nichagotriya, kaim vishalakaya hote haim, kaim hrasvakaya, kaim achchhe varna ke hote haim, kaim kharaba varna ke athava kaim surupa hote haim, kaim kurupa. Una manushyom ke kheta aura makana parigraha hote haim. Yaha saba varnana ‘paundarika’ ke prakarana ke samana samajhana. Yaha sthana arya hai, kevalajnyana ki prapti ka karana hai, (yaham se lekara) samasta duhkhom ka nasha karane vala marga hai (yavat – ). Yaha ekanta samyak aura uttama sthana hai. Isa prakara dharma – paksha namaka dvitiya sthana ka vichara pratipadita kiya gaya hai.