Sutra Navigation: Nirayavalika ( નિરયાવલિકાદિ સૂત્ર )

Search Details

Mool File Details

Anuvad File Details

Sr No : 1108010
Scripture Name( English ): Nirayavalika Translated Scripture Name : નિરયાવલિકાદિ સૂત્ર
Mool Language : Ardha-Magadhi Translated Language : Gujarati
Chapter :

अध्ययन-१ काल

 Translated Chapter :

અધ્યયન-૧ કાલ
Section : Translated Section :
Sutra Number : 10 Category : Upang-08
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं तीसे चेल्लणाए देवीए अन्नया कयाइ तिण्हं मासाणं बहुपडिपुण्णाणं अयमेयारूवे दोहले पाउब्भूए–धन्नाओ णं ताओ अम्मयाओ, संपुण्णाओ णं ताओ अम्मयाओ, कयत्थाओ णं ताओ अम्मयाओ, कयपुण्णाओ णं ताओ अम्मयाओ, कयलक्खणाओ णं ताओ अम्मयाओ, कयविहवाओ णं ताओ अम्मयाओ, सुलद्धे णं तासिं अम्मयाणं मानुस्सए जम्मजीवियफले, जाओ णं सेणियस्स रन्नो उयरवलिमंसेहिं सोल्लेहि य तलिएहि य भज्जिएहि य सुरं च महुं च मेरगं च जाइं च सीधुं च पसन्नं च आसाएमाणीओ विसाएमाणीओ परिभाएमाणीओ परिभुंजेमाणीओ दोहलं विणेंति। तए णं सा चेल्लणा देवी तंसि दोहलंसि अविणिज्जमाणंसि सुक्का भुक्खा निम्मंसा ओलुग्गा ओलुग्गसरीरा नित्तेया दीणविमणवयणा पंडुलइयमुही ओमंथियनयनवयनकमला जहोचियं पुप्फ-वत्थगंधमल्लालंकारं अपरिभुंजमाणी करयलमलियव्व कमलमाला ओहयमणसंकप्पा जाव झियाइ। तए णं तीसे चेल्लणाए देवीए अंगपडियारियाओ चेल्लणं देविं सुक्कं भुक्खं जाव झियायमाणिं पासंति, पासित्ता जेणेव सेणिए राया तेणेव उवागच्छंति, उवागच्छित्ता करयल परिग्गहियं दसनहं सिरसावत्तं मत्थए अंजलिं कट्टु सेणियं रायं एवं वयासी– एवं खलु सामी! चेल्लणा देवी न याणामो केणइ कारणेणं सुक्का भुक्खा जाव झियाइ। तए णं से सेणिए राया तासिं अंगपडियारियाणं अंतिए एयमट्ठं सोच्चा निसम्म तहेव संभंते समाणे जेणेव चेल्लणा देवी तेणेव उवागच्छइ, उवागच्छित्ता चेल्लणं देविं सुक्कं भुक्खं जाव झियायमाणिं पासित्ता एवं वयासी–किं णं तुमं देवानुप्पिए! सुक्का भुक्खा जाव झियासि? तए णं सा चेल्लणा देवी सेणियस्स रन्नो एयमट्ठं नो आढाइ नो परिजाणइ तुसिणीया संचिट्ठइ। तए णं से सेणिए राया चेल्लणं देविं दोच्चंपि तच्चंपि एवं वयासी– किं णं अहं देवानुप्पिए! एयमट्ठस्स नो अरिहे सवणयाए, जं णं तुमं एयमट्ठं रहस्सीकरेसि? तए णं सा चेल्लणा देवी सेणिएणं रन्ना दोच्चंपि तच्चंपि एवं वुत्ता समाणी सेणियं रायं एवं वयासी– नत्थि णं सामी! से केइ अट्ठे जस्स णं तुब्भे अनरिहा सवणयाए, नो चेव णं इमस्स अट्ठस्स सवणयाए। एवं खलु सामी! ममं तस्स ओरालस्स जाव महासुमिणस्स तिण्हं मासाणं बहुपडिपुण्णाणं अयमेयारूवे दोहले पाउब्भूए– धन्नाओ णं ताओ अम्मयाओ जाव जाओ णं तुब्भं उयरवलिमंसेहिं सोल्लएहि य जाव दोहलं विनेंति। तए णं अहं सामी! तंसि दोहलंसि अविणिज्जमाणंसि सुक्का भुक्खा जाव झियामि। तए णं से सेणिए राया चेल्लणं देविं एवं वयासी–मा णं तुमं देवानुप्पिए! ओहयमनसंकप्पा जाव झियाहि। अहं णं तहा घत्तिहामि जहा णं तव दोहलस्स संपत्ती भविस्सइ त्तिकट्टु चेल्लणं देविं ताहिं इट्ठाहिं कंताहिं पियाहिं मणुन्नाहिं मनामाहिं ओरालाहिं कल्लाणाहिं सिवाहिं धन्नाहिं मंगल्लाहिं मितमहुरसस्सिरीयाहिं वग्गूहिं समासासेइ, समासासेत्ता चेल्लणाए देवीए अंतियाओ पडिनिक्खमइ, पडिनिक्खमित्ता जेणेव बाहिरिया उवट्ठाणसाला जेणेव सीहासने तेणेव उवागच्छइ, उवागच्छित्ता सीहासनवरंसि पुरत्थाभिमुहे निसीयइ, निसीयित्ता तस्स दोहलस्स संपत्तिनिमित्तं बहूहिं आएहि य उवाएहि य उप्पत्तियाए य वेणइयाए य कम्मियाए य पारिणामियाए य परिणामेमाणे-परिणामेमाणे तस्स दोहलस्स आयं वा उवायं वा ठिइं वा अविंदमाणे ओहयमन-संकप्पे जाव झियाइ। इमं च णं अभए कुमारे ण्हाए जाव अप्पमहग्घाभरणालंकियसरीरे सयाओ गिहाओ पडिनि-क्खमइ, पडिनिक्खमित्ता जेणेव बाहिरिया उवट्ठाणसाला जेणेव सेणिए राया तेणेव उवागच्छइ, उवागच्छित्ता सेणियं रायं ओहयमनसंकप्पं जाव झियायमाणं पासइ, पासित्ता एवं वयासी– अन्नया णं ताओ! तुब्भे ममं पासित्ता हट्ठतुट्ठचित्तमाणंदिया पीइमणा परमसोमनस्सिया हरिसवस विसप्पमाणहियया भवह, किं णं ताओ! अज्ज तुब्भे ओहयमनसंकप्पा जाव झियाह? तं जइ णं अहं ताओ! एयमट्ठस्स अरिहे सवणयाए तो णं तुब्भे मम एयमट्ठं जहाभूयमवितहं असंदिद्धं परिकहेह, जहा णं अहं तस्स अट्ठस्स अंतगमनं करेमि। तए णं से सेणिए राया अभयं कुमारं एवं वयासी–नत्थि णं पुत्ता! से केइ अट्ठे जस्स णं तुमं अणरिहे सवणयाए। एवं खलु पुत्ता! तव चुल्लमाउयाए चेल्लणाए देवीए तस्स ओरालस्स जाव महासुमिणस्स तिण्हं मासाणं बहुपडिपुन्नाणं अयमेयारूवे दोहले पाउब्भूए–धन्नाओ णं ताओ अम्मयाओ जाव जाओ णं मम उदरवलिमंसेहिं सोल्लेहिं य जाव दोहलं विनेंति। तए णं सा चेल्लणा देवी तंसि दोहलंसि अविणिज्जमाणंसि सुक्का जाव झियाइ। तए णं अहं पुत्ता! तस्स दोहलस्स संपत्तिनिमित्तं बहूहिं आएहि य उवाएहि य उप्पत्तियाए य वेनइयाए य कम्मियाए य पारिणामियाए य परिणामेमाणे-परिणामेमाणे तस्स दोहलस्स आयं वा उवायं वा ठिइं वा अविंदमाणे ओहयमणसंकप्पे जाव झियामि। तए णं से अभए कुमारे सेणियं रायं एवं वयासी– मा णं ताओ! तुब्भे ओहयमनसंकप्पा जाव झियाह। अहं णं तहा घत्तिहामि जहा णं मम चुल्लमाउयाए चेल्लणाए देवीए तस्स दोहलस्स संपत्ती भविस्सइत्ति कट्टु सेणियं रायं ताहिं इट्ठाहिं कंताहिं पियाहिं मणुन्नाहिं मणामाहिं ओरालाहिं कल्लाणाहिं सिवाहिं धन्नाहिं मंगल्लाहिं मितमहुरसस्सिरीयाहिं वग्गूहिं समासासेइ, समासासेत्ता जेणेव सए गिहे तेणेव उवागच्छइ, उवागच्छित्ता अब्भिंतरए रहस्सियए ठाणिज्जे पुरिसे सद्दावेइ, सद्दावेत्ता एवं वयासी– गच्छह णं तुब्भे देवानुप्पिया! सूणाओ अल्लं मंसं सरुहिरं वत्थिपुडगं च गिण्हह, ममं उवनेह। तए णं ते ठाणिज्जा पुरिसा अभएणं कुमारेणं एवं वुत्ता समाणा हट्ठतुट्ठा करयलपरिग्गहियं सिरसावत्तं मत्थए अंजलिं कट्टु एवं सामि! त्ति आणाए विनएणं वयणं पडिसुणेंति, पडिसुणेत्ता अभयस्स कुमारस्स अंतियाओ पडिनिक्खमंति, पडिनिक्खमित्ता जेणेव सूणा तेणेव उवागच्छंति, अल्लं मंसं सरुहिरं वत्थिपुडगं च गिण्हंति, गिण्हिता जेणेव अभए कुमारे तेणेव उवागच्छंति, उवाग-च्छित्ता करयल परिग्गहियं सिरसावत्तं मत्थए अंजलिं कट्टु तं अल्लं मंसं सरुहिरं वत्थिपुडगं च उवनेंति। तए णं से अभए कुमारे तं अल्लं मंसं सरुहिरं अप्पकप्पियं करेइ, करेत्ता जेणेव सेणिए राया तेणेव उवागच्छइ, उवागच्छित्ता सेणियं रायं रहस्सियगंसि सयणिज्जंसि उत्ताणयं निवज्जावेइ, निवज्जावेत्ता सेणियस्स उयरवलीसु तं अल्लं मंसं सरुहिरं विरवेइ, विरवेत्ता वत्थिपुडएणं वेढेइ, वेढेत्ता सवंतीकरणेणं करेइ, करेत्ता चेल्लणं देविं उप्पिं पासाए उल्लोयणवरगयं ठवावेइ, ठवावेत्ता चेल्लणाए देवीए अहे सपक्खिं सपडिदिसिं सेणियं रायं सयणिज्जंसि उत्ताणगं निवज्जावेइ, सेणियस्स रन्नो उयरवलिमं-साइं कप्पणि-कप्पियाइं करेइ, करेत्ता सेयभायणंसि पक्खिवइ। तए णं से सेणिए राया अलियमुच्छियं करेइ, करेत्ता मुहुत्तंतरेणं अन्नमननेण सद्धिं संलवमाणे चिट्ठइ। तए णं से अभए कुमारे सेणियस्स रन्नो उयरवलिमंसाइं गिण्हेइ, गिण्हेत्ता जेणेव चेल्लणा देवी तेणेव उवागच्छइ उवागच्छित्ता चेल्लणाए देवीए उवनेइ। तए णं सा चेल्लणा देवी सेणियस्स रन्नो तेहिं उयरवलिमंसेहिं सोल्लेहि य तलिएहि य भज्जिएहि य सुरं च महुं च मेरगं च जाइं च सीधुं च पसन्नं च आसाएमाणी विसाएमाणी परिभाएमाणी परिभुंजेमाणी दोहलं विनेइ। तए णं सा चेल्लणा देवी संपुण्णदोहला सम्माणियदोहला वोच्छिण्णदोहला तं गब्भं सुहंसुहेणं परिवहइ।
Sutra Meaning : જુઓ સૂત્ર ૮
Mool Sutra Transliteration : [sutra] tae nam tise chellanae devie annaya kayai tinham masanam bahupadipunnanam ayameyaruve dohale paubbhue–dhannao nam tao ammayao, sampunnao nam tao ammayao, kayatthao nam tao ammayao, kayapunnao nam tao ammayao, kayalakkhanao nam tao ammayao, kayavihavao nam tao ammayao, suladdhe nam tasim ammayanam manussae jammajiviyaphale, jao nam seniyassa ranno uyaravalimamsehim sollehi ya taliehi ya bhajjiehi ya suram cha mahum cha meragam cha jaim cha sidhum cha pasannam cha asaemanio visaemanio paribhaemanio paribhumjemanio dohalam vinemti. Tae nam sa chellana devi tamsi dohalamsi avinijjamanamsi sukka bhukkha nimmamsa olugga oluggasarira nitteya dinavimanavayana pamdulaiyamuhi omamthiyanayanavayanakamala jahochiyam puppha-vatthagamdhamallalamkaram aparibhumjamani karayalamaliyavva kamalamala ohayamanasamkappa java jhiyai. Tae nam tise chellanae devie amgapadiyariyao chellanam devim sukkam bhukkham java jhiyayamanim pasamti, pasitta jeneva senie raya teneva uvagachchhamti, uvagachchhitta karayala pariggahiyam dasanaham sirasavattam matthae amjalim kattu seniyam rayam evam vayasi– evam khalu sami! Chellana devi na yanamo kenai karanenam sukka bhukkha java jhiyai. Tae nam se senie raya tasim amgapadiyariyanam amtie eyamattham sochcha nisamma taheva sambhamte samane jeneva chellana devi teneva uvagachchhai, uvagachchhitta chellanam devim sukkam bhukkham java jhiyayamanim pasitta evam vayasi–kim nam tumam devanuppie! Sukka bhukkha java jhiyasi? Tae nam sa chellana devi seniyassa ranno eyamattham no adhai no parijanai tusiniya samchitthai. Tae nam se senie raya chellanam devim dochchampi tachchampi evam vayasi– kim nam aham devanuppie! Eyamatthassa no arihe savanayae, jam nam tumam eyamattham rahassikaresi? Tae nam sa chellana devi senienam ranna dochchampi tachchampi evam vutta samani seniyam rayam evam vayasi– natthi nam sami! Se kei atthe jassa nam tubbhe anariha savanayae, no cheva nam imassa atthassa savanayae. Evam khalu sami! Mamam tassa oralassa java mahasuminassa tinham masanam bahupadipunnanam ayameyaruve dohale paubbhue– dhannao nam tao ammayao java jao nam tubbham uyaravalimamsehim sollaehi ya java dohalam vinemti. Tae nam aham sami! Tamsi dohalamsi avinijjamanamsi sukka bhukkha java jhiyami. Tae nam se senie raya chellanam devim evam vayasi–ma nam tumam devanuppie! Ohayamanasamkappa java jhiyahi. Aham nam taha ghattihami jaha nam tava dohalassa sampatti bhavissai ttikattu chellanam devim tahim itthahim kamtahim piyahim manunnahim manamahim oralahim kallanahim sivahim dhannahim mamgallahim mitamahurasassiriyahim vagguhim samasasei, samasasetta chellanae devie amtiyao padinikkhamai, padinikkhamitta jeneva bahiriya uvatthanasala jeneva sihasane teneva uvagachchhai, uvagachchhitta sihasanavaramsi puratthabhimuhe nisiyai, nisiyitta tassa dohalassa sampattinimittam bahuhim aehi ya uvaehi ya uppattiyae ya venaiyae ya kammiyae ya parinamiyae ya parinamemane-parinamemane tassa dohalassa ayam va uvayam va thiim va avimdamane ohayamana-samkappe java jhiyai. Imam cha nam abhae kumare nhae java appamahagghabharanalamkiyasarire sayao gihao padini-kkhamai, padinikkhamitta jeneva bahiriya uvatthanasala jeneva senie raya teneva uvagachchhai, uvagachchhitta seniyam rayam ohayamanasamkappam java jhiyayamanam pasai, pasitta evam vayasi– Annaya nam tao! Tubbhe mamam pasitta hatthatutthachittamanamdiya piimana paramasomanassiya harisavasa visappamanahiyaya bhavaha, kim nam tao! Ajja tubbhe ohayamanasamkappa java jhiyaha? Tam jai nam aham tao! Eyamatthassa arihe savanayae to nam tubbhe mama eyamattham jahabhuyamavitaham asamdiddham parikaheha, jaha nam aham tassa atthassa amtagamanam karemi. Tae nam se senie raya abhayam kumaram evam vayasi–natthi nam putta! Se kei atthe jassa nam tumam anarihe savanayae. Evam khalu putta! Tava chullamauyae chellanae devie tassa oralassa java mahasuminassa tinham masanam bahupadipunnanam ayameyaruve dohale paubbhue–dhannao nam tao ammayao java jao nam mama udaravalimamsehim sollehim ya java dohalam vinemti. Tae nam sa chellana devi tamsi dohalamsi avinijjamanamsi sukka java jhiyai. Tae nam aham putta! Tassa dohalassa sampattinimittam bahuhim aehi ya uvaehi ya uppattiyae ya venaiyae ya kammiyae ya parinamiyae ya parinamemane-parinamemane tassa dohalassa ayam va uvayam va thiim va avimdamane ohayamanasamkappe java jhiyami. Tae nam se abhae kumare seniyam rayam evam vayasi– ma nam tao! Tubbhe ohayamanasamkappa java jhiyaha. Aham nam taha ghattihami jaha nam mama chullamauyae chellanae devie tassa dohalassa sampatti bhavissaitti kattu seniyam rayam tahim itthahim kamtahim piyahim manunnahim manamahim oralahim kallanahim sivahim dhannahim mamgallahim mitamahurasassiriyahim vagguhim samasasei, samasasetta jeneva sae gihe teneva uvagachchhai, uvagachchhitta abbhimtarae rahassiyae thanijje purise saddavei, saddavetta evam vayasi– gachchhaha nam tubbhe devanuppiya! Sunao allam mamsam saruhiram vatthipudagam cha ginhaha, mamam uvaneha. Tae nam te thanijja purisa abhaenam kumarenam evam vutta samana hatthatuttha karayalapariggahiyam sirasavattam matthae amjalim kattu evam sami! Tti anae vinaenam vayanam padisunemti, padisunetta abhayassa kumarassa amtiyao padinikkhamamti, padinikkhamitta jeneva suna teneva uvagachchhamti, allam mamsam saruhiram vatthipudagam cha ginhamti, ginhita jeneva abhae kumare teneva uvagachchhamti, uvaga-chchhitta karayala pariggahiyam sirasavattam matthae amjalim kattu tam allam mamsam saruhiram vatthipudagam cha uvanemti. Tae nam se abhae kumare tam allam mamsam saruhiram appakappiyam karei, karetta jeneva senie raya teneva uvagachchhai, uvagachchhitta seniyam rayam rahassiyagamsi sayanijjamsi uttanayam nivajjavei, nivajjavetta seniyassa uyaravalisu tam allam mamsam saruhiram viravei, viravetta vatthipudaenam vedhei, vedhetta savamtikaranenam karei, karetta chellanam devim uppim pasae ulloyanavaragayam thavavei, thavavetta chellanae devie ahe sapakkhim sapadidisim seniyam rayam sayanijjamsi uttanagam nivajjavei, seniyassa ranno uyaravalimam-saim kappani-kappiyaim karei, karetta seyabhayanamsi pakkhivai. Tae nam se senie raya aliyamuchchhiyam karei, karetta muhuttamtarenam annamananena saddhim samlavamane chitthai. Tae nam se abhae kumare seniyassa ranno uyaravalimamsaim ginhei, ginhetta jeneva chellana devi teneva uvagachchhai uvagachchhitta chellanae devie uvanei. Tae nam sa chellana devi seniyassa ranno tehim uyaravalimamsehim sollehi ya taliehi ya bhajjiehi ya suram cha mahum cha meragam cha jaim cha sidhum cha pasannam cha asaemani visaemani paribhaemani paribhumjemani dohalam vinei. Tae nam sa chellana devi sampunnadohala sammaniyadohala vochchhinnadohala tam gabbham suhamsuhenam parivahai.
Sutra Meaning Transliteration : Juo sutra 8