Sutra Navigation: Nirayavalika ( નિરયાવલિકાદિ સૂત્ર )

Search Details

Mool File Details

Anuvad File Details

Sr No : 1108009
Scripture Name( English ): Nirayavalika Translated Scripture Name : નિરયાવલિકાદિ સૂત્ર
Mool Language : Ardha-Magadhi Translated Language : Gujarati
Chapter :

अध्ययन-१ काल

 Translated Chapter :

અધ્યયન-૧ કાલ
Section : Translated Section :
Sutra Number : 9 Category : Upang-08
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] काले णं भंते! कुमारे केरिसएहिं आरंभेहि केरिसएहिं आरंभसमारंभेहिं केरिसएहिं भोगेहिं केरिसएहिं भोगसंभोगेहिं केरिसेण वा असुभकडकम्मपब्भारेणं कालमासे कालं किच्चा चउत्थीए पंकप्पभाए पुढवीए जाव नेरइयत्ताए उववण्णे? एवं खलु गोयमा! तेणं कालेणं तेणं समएणं रायगिहे नामं नयरे होत्था–रिद्ध-त्थिमिय-समिद्धे। तत्थ णं रायगिहे नयरे सेणिए नामं राया होत्था–महयाहिमवंत-महंत-मलय-मंदर-महिंदसारे। तस्स णं सेणियस्स रन्नो नंदा नामं देवी होत्था–सूमालपाणिपाया जाव विहरइ। तस्स णं सेणियस्स रन्नो पुत्ते नंदाए देवीए अत्तए अभए नामं कुमारे होत्था–सूमालपाणिपाए जाव सुरूवे, साम-दंड-भेय-उवप्पयाण-अत्थसत्थ-ईहामइ-विसारए जहा चित्तो जाव रज्जधुराए चिंतए यावि होत्था। तस्स णं सेणियस्स रन्नो चेल्लणा नामं देवी होत्था–सूमालपाणिपाया जाव विहरइ। तए णं सा चेल्लणा देवी अन्नया कयाइ तंसि तारिसगंसि वासघरंसि जाव सीहं सुमिणे पासित्ताणं पडिबुद्धा जहा पभावई जाव सुमिणपाढगा पडिविसज्जिया जाव चेल्लणा से वयणं पडिच्छित्ता जेणेव सए भवणे तेणेव अनुपविट्ठा।
Sutra Meaning : જુઓ સૂત્ર ૮
Mool Sutra Transliteration : [sutra] kale nam bhamte! Kumare kerisaehim arambhehi kerisaehim arambhasamarambhehim kerisaehim bhogehim kerisaehim bhogasambhogehim kerisena va asubhakadakammapabbharenam kalamase kalam kichcha chautthie pamkappabhae pudhavie java neraiyattae uvavanne? Evam khalu goyama! Tenam kalenam tenam samaenam rayagihe namam nayare hottha–riddha-tthimiya-samiddhe. Tattha nam rayagihe nayare senie namam raya hottha–mahayahimavamta-mahamta-malaya-mamdara-mahimdasare. Tassa nam seniyassa ranno namda namam devi hottha–sumalapanipaya java viharai. Tassa nam seniyassa ranno putte namdae devie attae abhae namam kumare hottha–sumalapanipae java suruve, sama-damda-bheya-uvappayana-atthasattha-ihamai-visarae jaha chitto java rajjadhurae chimtae yavi hottha. Tassa nam seniyassa ranno chellana namam devi hottha–sumalapanipaya java viharai. Tae nam sa chellana devi annaya kayai tamsi tarisagamsi vasagharamsi java siham sumine pasittanam padibuddha jaha pabhavai java suminapadhaga padivisajjiya java chellana se vayanam padichchhitta jeneva sae bhavane teneva anupavittha.
Sutra Meaning Transliteration : Juo sutra 8