Sutra Navigation: Jambudwippragnapati ( જંબુદ્વીપ પ્રજ્ઞપ્તિ સૂત્ર )

Search Details

Mool File Details

Anuvad File Details

Sr No : 1107931
Scripture Name( English ): Jambudwippragnapati Translated Scripture Name : જંબુદ્વીપ પ્રજ્ઞપ્તિ સૂત્ર
Mool Language : Ardha-Magadhi Translated Language : Gujarati
Chapter :

वक्षस्कार ७ ज्योतिष्क

 Translated Chapter :

વક્ષસ્કાર ૭ જ્યોતિષ્ક
Section : Translated Section :
Sutra Number : 331 Category : Upang-07
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] बारस उवकुला, तं जहा–सवणो उवकुलं पुव्वभद्दवया उवकुलं रेवई उवकुलं भरणी उवकुलं रोहिणी उवकुलं पुन्नव्वसू उवकुलं अस्सेसा उवकुलं पुव्वफग्गुणी उवकुलं हत्थो उवकुलं साई उवकुलं जेट्ठा उवकुलं पुव्वासाढा उवकुलं। चत्तारि कुलोवकुला तं जहा–अभिई कुलोवकुला सयभिसया कुलोवकुला अद्दा कुलोवकुला अनुराहा कुलोवकुला। कइ णं भंते! पुण्णिमाओ, कइ अमावसाओ पन्नत्ताओ? गोयमा! बारस पुण्णिमाओ, बारस अमावसाओ पन्नत्ताओ, तं जहा–साविट्ठी पोट्ठवई आसोई कत्तिगी मग्गसिरी पोसी माही फग्गुणी चेत्ती वइसाही जेट्ठामूली आसाढी। साविट्ठिण्णं भंते! पुण्णिमासिं कइ नक्खत्ता जोगं जोएंति? गोयमा! तिन्नि नक्खत्ता जोगं जोएंति, तं जहा–अभिई सवणो धनिट्ठा। पोट्ठवइण्णं भंते! पुण्णिमं कइ नक्खत्ता जोगं जोएंति? गोयमा! तिन्नि नक्खत्ता जोगं जोएंति, तं जहा–सयभिसया पुव्वभद्दवया उत्तरभद्दवया। अस्सोइण्णं भंते! पुण्णिमं कइ नक्खत्ता जोगं जोएंति? गोयमा! दो नक्खत्ता जोगं जोएंति, तं जहा–रेवई अस्सिणी य। कत्तिइण्णं दो–भरणी कत्तिया। मग्गसिरिण्णं दो–रोहिणी मग्गसिरं च। पोसिण्णं तिन्नि–अद्दा पुनव्वसू पुस्सो। माघिण्णं दो–अस्सेसा मघा य। फग्गुणिण्णं दो–पुव्वाफग्गुणी उत्तराफग्गुणी य। चेत्तिण्णं दो–हत्थो चित्ता य। विसाहिण्णं दो–साई विसाहा य। जेट्ठामूलिण्णं तिन्नि–अणुराहा जेट्ठा मूलो। आसाढिण्णं दो–पुव्वासाढा उत्तरासाढा। साविट्ठिण्णं भंते! पुण्णिमं किं कुलं जोएइ? उवकुलं जोएइ? कुलोवकुलं जोएइ? गोयमा! कुलं वा जोएइ, उवकुलं वा जोएइ, कुलोवकुलं वा जोएइ। कुलं जोएमाणे धणिट्ठा नक्खत्ते जोएइ, उवकुलं जोएमाणे सवणे नक्खत्ते जोएइ, कुलोकुलं जोएमाणे अभिई नक्खत्ते जोएइ। साविट्ठिण्णं पुण्णिमासिं कुलं वा जोएइ उवकुलं वा जोएइ, कुलोवकुलं वा जोएइ। कुलेण वा जुत्ता उवकुलेण वा जुत्ता कुलोवकुलेण वा जुत्ता साविट्ठी पुण्णिमा जुत्तत्ति वत्तव्वं सिया। पोट्ठवइण्णं भंते! पुण्णिमं किं कुलं जोएइ पुच्छा। गोयमा! कुलं वा उवकुलं वा कुलोवकुलं वा जोएइ। कुलं जोएमाणे उत्तरभद्दवया नक्खत्ते जोएइ, उवकुलं जोएमाणे पुव्वभद्दवया नक्खत्ते जोएइ, कुलोवकुलं जोएमाणे सयभिसया नक्खत्ते जोएइ। पोट्ठवइण्णं पुण्णिमं कुलं वा जोएइ जाव कुलोवकुलं वा जोएइ। कुलेण वा जुत्ता जाव कुलोवकुलेण वा जुत्ता पोट्ठवई पुण्णमासी जुत्तत्ति वत्तव्वं सिया। अस्सोइण्णं भंते! पुच्छा। गोयमा! कुलं वा जोएइ, उवकुलं वा जोएइ, नो लब्भइ कुलोवकुलं। कुलं जोएमाणे अस्सिणी नक्खत्ते जोएइ, उवकुलं जोएमाणे रेवई नक्खत्ते जोएइ। अस्सोइण्णं पुण्णिमं कुलं वा जोएइ, उवकुलं वा जोएइ। कुलेण वा जुत्ता उवकुलेण वा जुत्ता अस्सोई पुण्णिमा जुत्तत्ति वत्तव्वं सिया। कत्तिइण्णं भंते! पुण्णियं किं कुलं पुच्छा। गोयमा! कुलं वा जोएइ, उवकुलं वा जोएइ, नो कुलोवकुलं जोएइ। कुलं जोएमाणे कत्तिया नक्खत्ते जोएइ, उवकुलं जोएमाणे भरणी नक्खत्ते जोएइ। कत्तिइण्णं पुण्णिमं कुलं वा जोएइ, उवकुलं वा जोएइ। कुलेणं वा जुत्ता उवकुलेण वा जुत्ता कत्तिई पुण्णिमा जुत्तत्ति वत्तव्वं सिया। मग्गसिरिण्णं भंते! पुण्णिमं किं कुलं तं चेव दो जोएइ, नो भवइ कुलोवकुलं। कुलं जोएमाणे मग्गसिर नक्खत्ते जोएइ, उवकुलं जोएमाणे रोहिणी नक्खत्ते जोएइ। मग्गसिरिण्णं पुण्णिमं जाव वत्तव्वं सिया। एवं सेसियाओवि जाव आसाढिं पोसिं जेट्ठामूलिं च कुलं वा उवकुलं वा कुलोवकुलं वा। सेसियाणं कुलं वा उवकुलं वा, कुलोवकुलं ण भण्णइ। साविट्ठिण्णं भंते! अमावसं कइ नक्खत्ता जोएंति? गोयमा! दो नक्खत्ता जोएंति, तं जहा–अस्सेसा य महा य पोट्ठवइण्णं भंते! अमावसं कइ नक्खत्ता जोएंति? गोयमा! दो नक्खत्ता जोएंति, तं जहा–पुव्वाफग्गुणी, उत्तराफग्गुणी य। अस्सोइण्णं भंते! दो–हत्थे चित्ता य। कत्तिइण्णं दो–साई विसाहा य। मग्गसिरिण्णं तिन्नि–अनुराहा जेट्ठा मूलो य। पोसिण्णं दो–पुव्वासाढा उत्तरासाढा। माहिण्णं तिन्नि–अभिई सवणो धनिट्ठा। फग्गुणिण्णं तिन्नि– सयभिसया पुव्वाभद्दवया उत्तराभद्दवया। चेत्तिण्णं दो–रेवई अस्सिणी य। वइसाहिण्णं दो– भरणी कत्तिया य। जेट्ठामूलिण्णं दो–रोहिणी मग्गसिरं च। आसाढिण्णं तिन्नि–अद्दा पुणव्वसू पुस्सो। साविट्ठिण्णं भंते! अमावसं किं कुलं जोएइ? उवकुलं जोएइ? कुलोवकुलं जोएइ? गोयमा! कुलं वा जोएइ, उवकुलं वा जोएइ, नो लब्भइ कुलोवकुलं। कुलं जोएमाणे महा नक्खत्ते जोएइ, उवकुलं जोएमाणे अस्सेसा नक्खत्ते जोएइ। साविट्ठिण्णं अमावसं कुलं वा जोएइ, उवकुलं वा जोएइ। कुलेण वा जुत्ता उवकुलेण वा जुत्ता साविट्ठी अमावसा जुत्तत्ति वत्तव्वं सिया। पोट्ठवइण्णं भंते! अमावसं तं चेव दो जोएइ, नो लब्भइ कुलोवकुलं। कुलं जोएमाणे उत्तराफग्गुणी नक्खत्ते जोएइ, उवकुलं जोएमाणे पुव्वाफग्गुणी नक्खत्ते जोएइ। पोट्ठवइण्णं अमावसं जाव जुत्तत्ति वत्तव्वं सिया। मग्गसिरिण्णं तं चेव कुलं मूले नक्खत्ते जोएइ, उवकुलं जेट्ठा नक्खत्ते जोएइ, कुलोवकुलं अणुराहा जाव जुत्तत्ति वत्तव्वं सिया। एवं माहीए फग्गुणीए आसाढीए कुलं वा उवकुलं वा कुलोवकुलं वा। अवसेसियाणं कुलं वा उवकुलं वा जोएइ जया णं भंते! साविट्ठी पुण्णिमा भवइ, तया णं माही अमावसा भवइ? जया णं माही पुण्णिमा भवइ, तया णं साविट्ठी अमावसा भवइ? हंता गोयमा! जया णं साविट्ठी तं चेव वत्तव्वं। जया णं भंते! पोट्ठवई पुण्णिमा भवइ, तया णं फग्गुणी अमावसा भवइ? जया णं फग्गुणी पुण्णिमा भवइ, तया णं पोट्ठवई अमावसा भवइ? हंता गोयमा! तं चेव। एवं एएणं अभिलावेणं इमाओ पुण्णिमाओ अमावसाओ नेयव्वाओ– अस्सिणी पुण्णिमा चेत्ती अमावसा, कत्तिगी पुण्णिमा वइसाही अमावसा, मग्गसिरी पुण्णिमा जेट्ठामूली अमावसा, पोसी पुण्णिमा आसाढी अमावसा।
Sutra Meaning : જુઓ સૂત્ર ૩૨૯
Mool Sutra Transliteration : [sutra] barasa uvakula, tam jaha–savano uvakulam puvvabhaddavaya uvakulam revai uvakulam bharani uvakulam rohini uvakulam punnavvasu uvakulam assesa uvakulam puvvaphagguni uvakulam hattho uvakulam sai uvakulam jettha uvakulam puvvasadha uvakulam. Chattari kulovakula tam jaha–abhii kulovakula sayabhisaya kulovakula adda kulovakula anuraha kulovakula. Kai nam bhamte! Punnimao, kai amavasao pannattao? Goyama! Barasa punnimao, barasa amavasao pannattao, tam jaha–savitthi potthavai asoi kattigi maggasiri posi mahi phagguni chetti vaisahi jetthamuli asadhi. Savitthinnam bhamte! Punnimasim kai nakkhatta jogam joemti? Goyama! Tinni nakkhatta jogam joemti, tam jaha–abhii savano dhanittha. Potthavainnam bhamte! Punnimam kai nakkhatta jogam joemti? Goyama! Tinni nakkhatta jogam joemti, tam jaha–sayabhisaya puvvabhaddavaya uttarabhaddavaya. Assoinnam bhamte! Punnimam kai nakkhatta jogam joemti? Goyama! Do nakkhatta jogam joemti, tam jaha–revai assini ya. Kattiinnam do–bharani kattiya. Maggasirinnam do–rohini maggasiram cha. Posinnam tinni–adda punavvasu pusso. Maghinnam do–assesa magha ya. Phagguninnam do–puvvaphagguni uttaraphagguni ya. Chettinnam do–hattho chitta ya. Visahinnam do–sai visaha ya. Jetthamulinnam tinni–anuraha jettha mulo. Asadhinnam do–puvvasadha uttarasadha. Savitthinnam bhamte! Punnimam kim kulam joei? Uvakulam joei? Kulovakulam joei? Goyama! Kulam va joei, uvakulam va joei, kulovakulam va joei. Kulam joemane dhanittha nakkhatte joei, uvakulam joemane savane nakkhatte joei, kulokulam joemane abhii nakkhatte joei. Savitthinnam punnimasim kulam va joei uvakulam va joei, kulovakulam va joei. Kulena va jutta uvakulena va jutta kulovakulena va jutta savitthi punnima juttatti vattavvam siya. Potthavainnam bhamte! Punnimam kim kulam joei puchchha. Goyama! Kulam va uvakulam va kulovakulam va joei. Kulam joemane uttarabhaddavaya nakkhatte joei, uvakulam joemane puvvabhaddavaya nakkhatte joei, kulovakulam joemane sayabhisaya nakkhatte joei. Potthavainnam punnimam kulam va joei java kulovakulam va joei. Kulena va jutta java kulovakulena va jutta potthavai punnamasi juttatti vattavvam siya. Assoinnam bhamte! Puchchha. Goyama! Kulam va joei, uvakulam va joei, no labbhai kulovakulam. Kulam joemane assini nakkhatte joei, uvakulam joemane revai nakkhatte joei. Assoinnam punnimam kulam va joei, uvakulam va joei. Kulena va jutta uvakulena va jutta assoi punnima juttatti vattavvam siya. Kattiinnam bhamte! Punniyam kim kulam puchchha. Goyama! Kulam va joei, uvakulam va joei, no kulovakulam joei. Kulam joemane kattiya nakkhatte joei, uvakulam joemane bharani nakkhatte joei. Kattiinnam punnimam kulam va joei, uvakulam va joei. Kulenam va jutta uvakulena va jutta kattii punnima juttatti vattavvam siya. Maggasirinnam bhamte! Punnimam kim kulam tam cheva do joei, no bhavai kulovakulam. Kulam joemane maggasira nakkhatte joei, uvakulam joemane rohini nakkhatte joei. Maggasirinnam punnimam java vattavvam siya. Evam sesiyaovi java asadhim posim jetthamulim cha kulam va uvakulam va kulovakulam va. Sesiyanam kulam va uvakulam va, kulovakulam na bhannai. Savitthinnam bhamte! Amavasam kai nakkhatta joemti? Goyama! Do nakkhatta joemti, tam jaha–assesa ya maha ya Potthavainnam bhamte! Amavasam kai nakkhatta joemti? Goyama! Do nakkhatta joemti, tam jaha–puvvaphagguni, uttaraphagguni ya. Assoinnam bhamte! Do–hatthe chitta ya. Kattiinnam do–sai visaha ya. Maggasirinnam tinni–anuraha jettha mulo ya. Posinnam do–puvvasadha uttarasadha. Mahinnam tinni–abhii savano dhanittha. Phagguninnam tinni– sayabhisaya puvvabhaddavaya uttarabhaddavaya. Chettinnam do–revai assini ya. Vaisahinnam do– bharani kattiya ya. Jetthamulinnam do–rohini maggasiram cha. Asadhinnam tinni–adda punavvasu pusso. Savitthinnam bhamte! Amavasam kim kulam joei? Uvakulam joei? Kulovakulam joei? Goyama! Kulam va joei, uvakulam va joei, no labbhai kulovakulam. Kulam joemane maha nakkhatte joei, uvakulam joemane assesa nakkhatte joei. Savitthinnam amavasam kulam va joei, uvakulam va joei. Kulena va jutta uvakulena va jutta savitthi amavasa juttatti vattavvam siya. Potthavainnam bhamte! Amavasam tam cheva do joei, no labbhai kulovakulam. Kulam joemane uttaraphagguni nakkhatte joei, uvakulam joemane puvvaphagguni nakkhatte joei. Potthavainnam amavasam java juttatti vattavvam siya. Maggasirinnam tam cheva kulam mule nakkhatte joei, uvakulam jettha nakkhatte joei, kulovakulam anuraha java juttatti vattavvam siya. Evam mahie phaggunie asadhie kulam va uvakulam va kulovakulam va. Avasesiyanam kulam va uvakulam va joei Jaya nam bhamte! Savitthi punnima bhavai, taya nam mahi amavasa bhavai? Jaya nam mahi punnima bhavai, taya nam savitthi amavasa bhavai? Hamta goyama! Jaya nam savitthi tam cheva vattavvam. Jaya nam bhamte! Potthavai punnima bhavai, taya nam phagguni amavasa bhavai? Jaya nam phagguni punnima bhavai, taya nam potthavai amavasa bhavai? Hamta goyama! Tam cheva. Evam eenam abhilavenam imao punnimao amavasao neyavvao– assini punnima chetti amavasa, kattigi punnima vaisahi amavasa, maggasiri punnima jetthamuli amavasa, posi punnima asadhi amavasa.
Sutra Meaning Transliteration : Juo sutra 329