Sutra Navigation: Jambudwippragnapati ( જંબુદ્વીપ પ્રજ્ઞપ્તિ સૂત્ર )

Search Details

Mool File Details

Anuvad File Details

Sr No : 1107720
Scripture Name( English ): Jambudwippragnapati Translated Scripture Name : જંબુદ્વીપ પ્રજ્ઞપ્તિ સૂત્ર
Mool Language : Ardha-Magadhi Translated Language : Gujarati
Chapter :

वक्षस्कार ३ भरतचक्री

 Translated Chapter :

વક્ષસ્કાર ૩ ભરતચક્રી
Section : Translated Section :
Sutra Number : 120 Category : Upang-07
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं से भरहे राया अट्ठमभत्तंसि परिणममाणंसि पोसहसालाओ पडिनिक्खमइ, एवं मज्जनघर पवेसो जाव अट्ठारस सेणिप्पसेणीओ सद्दावेइ, सद्दावेत्ता एवं वयासी–खिप्पामेव भो देवानुप्पिया! उस्सुक्कं उक्करं उक्किट्ठं अदिज्जं अमिज्जं अभडप्पवेसं अदंडकोदंडिमं अधरिमं गणियावरणाड-इज्जकलियं अनेगतालायराणुचरियं अनुद्धुयमुइंगं अमिलायमल्लदामं पमुइयपक्कीलियसपुरजन- जानवयं विजयवेजइयं निहिरयणाणं अट्ठाहियं महामहिमं करेह, करेत्ता मम एयमाणत्तियं पच्च-प्पिणह। तए णं ताओ अट्ठारस सेणिप्पसेणीओ भरहेणं रन्ना एवं वुत्ताओ समाणीओ हट्ठतुट्ठाओ जाव अट्ठाहियं महामहिमं करेंति, करेत्ता तमाणत्तियं पच्चप्पिणंति। तए णं से भरहे राया निहिरयणाणं अट्ठाहियाए महामहिमाए निव्वत्ताए समाणीए सुसेनं सेनावइरयणं सद्दावेइ, सद्दावेत्ता एवं वयासी– गच्छण्णं भो देवानुप्पिया! गंगामहानईए पुरत्थिमिल्लं निक्खुडं दोच्चंपि सगंगासागरगिरिमेरागं समविसमनिक्खुडाणि य ओयवेहि, ओयवेत्ता एयमाणत्तियं पच्चप्पिणाहि। तए णं से सुसेणं तं चेव पुव्ववण्णियं भाणियव्वं जाव ओयवित्ता तमाणत्तियं पच्चप्पिणइ, पडिविसज्जिए जाव भोगभोगाइं भुंजमाणे विहरइ। तए णं से दिव्वे चक्करयणे अन्नया कयाइ आउहघरसालाओ पडिनिक्खमइ, पडिनिक्खमित्ता अंतलिक्खपडिवण्णे जक्खसहस्ससंपडिवुडे दिव्वतुडिय सद्दसन्निणाएणं आपूरेंते चेव अंबरतलं विजयखंधावारणिवेसं मज्झंमज्झेणं निग्गच्छइ, निग्गच्छित्ता दाहिणपच्चत्थिमं दिसिं विनीयं रायहाणिं अभिमुहे पयाए यावि होत्था। तए णं से भरहे राया तं दिव्वं चक्करयणं दाहिणपच्चत्थिमं दिसिं विनीयाए रायहानीए अभिमुहं पयातं चावि पासइ, पासित्ता हट्ठतुट्ठचित्तमानंदिए नंदिए पीइमणे परमसोमनस्सिए हरिस-वसविसप्पमाणहियए कोडुंबियपुरिसे सद्दावेइ, सद्दावेत्ता एवं वयासी– खिप्पामेव भो देवानुप्पिया! आभिसेक्कं हत्थिरयणं पडिकप्पेह, हय गय रह पवरजोहकलियं चाउरंगिणिं सेन्नं सन्नाहेह, एयमाणत्तियं पच्चप्पिणह। तए णं ते कोडुंबियपुरिसा जाव पच्चप्पिणंति।
Sutra Meaning : જુઓ સૂત્ર ૧૦૫
Mool Sutra Transliteration : [sutra] tae nam se bharahe raya atthamabhattamsi parinamamanamsi posahasalao padinikkhamai, evam majjanaghara paveso java attharasa senippasenio saddavei, saddavetta evam vayasi–khippameva bho devanuppiya! Ussukkam ukkaram ukkittham adijjam amijjam abhadappavesam adamdakodamdimam adharimam ganiyavaranada-ijjakaliyam anegatalayaranuchariyam anuddhuyamuimgam amilayamalladamam pamuiyapakkiliyasapurajana- janavayam vijayavejaiyam nihirayananam atthahiyam mahamahimam kareha, karetta mama eyamanattiyam pachcha-ppinaha. Tae nam tao attharasa senippasenio bharahenam ranna evam vuttao samanio hatthatutthao java atthahiyam mahamahimam karemti, karetta tamanattiyam pachchappinamti. Tae nam se bharahe raya nihirayananam atthahiyae mahamahimae nivvattae samanie susenam senavairayanam saddavei, saddavetta evam vayasi– gachchhannam bho devanuppiya! Gamgamahanaie puratthimillam nikkhudam dochchampi sagamgasagaragirimeragam samavisamanikkhudani ya oyavehi, oyavetta eyamanattiyam pachchappinahi. Tae nam se susenam tam cheva puvvavanniyam bhaniyavvam java oyavitta tamanattiyam pachchappinai, padivisajjie java bhogabhogaim bhumjamane viharai. Tae nam se divve chakkarayane annaya kayai auhagharasalao padinikkhamai, padinikkhamitta amtalikkhapadivanne jakkhasahassasampadivude divvatudiya saddasanninaenam apuremte cheva ambaratalam vijayakhamdhavaranivesam majjhammajjhenam niggachchhai, niggachchhitta dahinapachchatthimam disim viniyam rayahanim abhimuhe payae yavi hottha. Tae nam se bharahe raya tam divvam chakkarayanam dahinapachchatthimam disim viniyae rayahanie abhimuham payatam chavi pasai, pasitta hatthatutthachittamanamdie namdie piimane paramasomanassie harisa-vasavisappamanahiyae kodumbiyapurise saddavei, saddavetta evam vayasi– Khippameva bho devanuppiya! Abhisekkam hatthirayanam padikappeha, haya gaya raha pavarajohakaliyam chauramginim sennam sannaheha, eyamanattiyam pachchappinaha. Tae nam te kodumbiyapurisa java pachchappinamti.
Sutra Meaning Transliteration : Juo sutra 105