Sutra Navigation: Jambudwippragnapati ( જંબુદ્વીપ પ્રજ્ઞપ્તિ સૂત્ર )

Search Details

Mool File Details

Anuvad File Details

Sr No : 1107695
Scripture Name( English ): Jambudwippragnapati Translated Scripture Name : જંબુદ્વીપ પ્રજ્ઞપ્તિ સૂત્ર
Mool Language : Ardha-Magadhi Translated Language : Gujarati
Chapter :

वक्षस्कार ३ भरतचक्री

 Translated Chapter :

વક્ષસ્કાર ૩ ભરતચક્રી
Section : Translated Section :
Sutra Number : 95 Category : Upang-07
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] अहो णं देवानुप्पियाणं इड्ढी जुई जसे बले वीरिए पुरिसक्कार-परक्कमे दिव्वा देवजुई दिव्वे देवाणुभागे लद्धे पत्ते अभिसमन्नागए, तं दिट्ठा णं देवानुप्पियाणं इड्ढी जुई जसे बले वीरिए पुरिस-क्कार-परक्कमे दिव्वा देवजुई दिव्वे देवाणुभागे लद्धे पत्ते अभिसमन्नागए, तं खामेसु णं देवानुप्पिया! खमंतु णं देवानुप्पिया! खंतुमरुहंतु णं देवानुप्पिया! नाइ भुज्जो-भुज्जो एवं करणयाए त्तिकट्टु पंजलिउडा पायवडिया भरहं रायं सरणं उवेंति। तए णं से भरहे राया तेसिं आवाडचिलायाणं अग्गाइं वराइं रयणाइं पडिच्छंति, पडिच्छित्ता ते आवाडचिलाए एवं वयासी– गच्छह णं भो! तुब्भे ममं बाहुच्छायापरिग्गहिया निब्भया निरुव्विग्गा सुहंसुहेणं परिवसह, नत्थि भे कत्तोवि भयमितिकट्टु सक्कारेइ सम्मानेइ, सक्कारेत्ता सम्मानेत्ता पडिविसज्जेइ। तए णं से भरहे राया सुसेणं सेनावइं सद्दावेइ, सद्दावेत्ता एवं वयासी– गच्छाहि णं भो देवानुप्पिया! दोच्चं पि सिंधूए महानईए पच्चत्थिमं णिक्खुडं ससिन्धुसागरगिरिमेरागं समविसम- निक्खुडाणि य ओयवेहि, ओयवेत्ता अग्गाइं वराइं रयणाइं पडिच्छाहि, पडिच्छित्ता मम एयमाणत्तियं खिप्पामेव पच्चप्पिणाहि। तए णं से सेनावई बलस्स णेया भरहे वासंमि विस्सुयजसे महाबलपरक्कमे जहा दाहिणिल्लस्स ओयवणं तहा सव्वं भाणियव्वं जाव पच्चनुभवमाणे विहरति।
Sutra Meaning : જુઓ સૂત્ર ૯૦
Mool Sutra Transliteration : [sutra] aho nam devanuppiyanam iddhi jui jase bale virie purisakkara-parakkame divva devajui divve devanubhage laddhe patte abhisamannagae, tam dittha nam devanuppiyanam iddhi jui jase bale virie purisa-kkara-parakkame divva devajui divve devanubhage laddhe patte abhisamannagae, tam khamesu nam devanuppiya! Khamamtu nam devanuppiya! Khamtumaruhamtu nam devanuppiya! Nai bhujjo-bhujjo evam karanayae ttikattu pamjaliuda payavadiya bharaham rayam saranam uvemti. Tae nam se bharahe raya tesim avadachilayanam aggaim varaim rayanaim padichchhamti, padichchhitta te avadachilae evam vayasi– gachchhaha nam bho! Tubbhe mamam bahuchchhayapariggahiya nibbhaya niruvvigga suhamsuhenam parivasaha, natthi bhe kattovi bhayamitikattu sakkarei sammanei, sakkaretta sammanetta padivisajjei. Tae nam se bharahe raya susenam senavaim saddavei, saddavetta evam vayasi– gachchhahi nam bho devanuppiya! Dochcham pi simdhue mahanaie pachchatthimam nikkhudam sasindhusagaragirimeragam samavisama- nikkhudani ya oyavehi, oyavetta aggaim varaim rayanaim padichchhahi, padichchhitta mama eyamanattiyam khippameva pachchappinahi. Tae nam se senavai balassa neya bharahe vasammi vissuyajase mahabalaparakkame jaha dahinillassa oyavanam taha savvam bhaniyavvam java pachchanubhavamane viharati.
Sutra Meaning Transliteration : Juo sutra 90