Sutra Navigation: Jambudwippragnapati ( જંબુદ્વીપ પ્રજ્ઞપ્તિ સૂત્ર )

Search Details

Mool File Details

Anuvad File Details

Sr No : 1107660
Scripture Name( English ): Jambudwippragnapati Translated Scripture Name : જંબુદ્વીપ પ્રજ્ઞપ્તિ સૂત્ર
Mool Language : Ardha-Magadhi Translated Language : Gujarati
Chapter :

वक्षस्कार ३ भरतचक्री

 Translated Chapter :

વક્ષસ્કાર ૩ ભરતચક્રી
Section : Translated Section :
Sutra Number : 60 Category : Upang-07
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] अप्पेगइयाओ वंदनकलसहत्थगयाओ भिंगार आदंस थाल पाति सुपइट्ठग बायकरग रयणकरंड पुप्फचंगेरी मल्ल वण्ण चुण्ण गंधहत्थगयाओ वत्थ आभरण लोमहत्थयचंगेरी पुप्फपडलहत्थ- गयाओ जाव लोमहत्थगडलहत्थगयाओ अप्पेगइयाओ सीहासनहत्थगयाओ छत्त चामर हत्थ-गयाओ तेल्लसमुग्गयहत्थगयाओ कोट्ठसमुग्गयहत्थगयाओ जाव सासवसमुग्गहत्थगयाओ। अप्पेगइयाओ तालियंटहत्थगयाओ धूवकडुच्छुयहत्थगयाओ भरहं रायाणं पिट्ठओ-पिट्ठओ अनुगच्छंति। तए णं से भरहे राया सव्विड्ढीए सव्वजुईए सव्वबलेणं सव्वसमुदएणं सव्वायरेणं सव्वविभूसाए सव्वविभूईए सव्ववत्थ पुप्फ गंध मल्लालंकारविभूसाए सव्वतुरिय सद्दसन्निनाएणं महया इड्ढीए जाव महया वरतुरिय जमगसमगपवाइएणं संख-पनव पडह भेरि झल्लरि खरमुहि मुरव मुइंग दुंदुहिनिग्घोषणाइएणं जेणेव आउहघरसाला तेणेव उवागच्छइ, उवागच्छित्ता आलोए चक्करयणस्स पणामं करेइ, करेत्ता जेणेव चक्करयणे तेणेव उवागच्छइ, उवागच्छित्ता लोमहत्थयं परामुसइ, परामुसित्ता चक्करयणं पमज्जइ, पमज्जित्ता दिव्वाए दगधाराए अब्भुक्खेइ, ... ...अब्भुक्खेत्ता सरसेणं गोसीसचंदणेणं अनुलिंपइ, अनुलिंपित्ता अग्गेहिं वरेहिं गंधेहिं मल्लेहि य अच्चिणइ, पुप्फारुहणं मल्ल गंध वण्ण चुण्ण वत्थारुहणं आभरणारुहणं करेइ, करेत्ता अच्छेहिं सण्हेहिं सेतेहिं रययामएहिं अच्छरसातंडुलेहिं चक्करयणस्स पुरओ अट्ठट्ठ मंगलए आलिहइ, [तं जहा–सोत्थिय सिरिवच्छ नंदियावत्त वद्धमाणग भद्दासण मच्छ कलस दप्पण अट्ठमंगलए] आलिहित्ता काऊणं करेइ उवयारं, किं ते? पाडल मल्लिय चंपग असोग पुन्नाग चूय-मंजरि नवमालिय बकुल तिलग कणवीर कुंद कोज्जय कोरंटय पत्त दमणय वरसुरहिसुगंधगंधियस्स कयग्गहगहिय-करयलपब्भट्ठविप्पमुक्कस्स दसद्धवण्णस्स कुसुमनिगरस्स तत्थ चित्तं जण्णुस्सेहप्पमाणमेत्तं ओहि-निगरं करेत्ता चंदप्पभ वइर वेरुलियविमलदंडं कंचनमणिरयणभत्तिचित्तं कालागुरु पवरकुंदुरुक्क तुरुक्क धुवगंधुत्तमाणुविद्धं च धूमवट्टिं विनिम्मुयंतं वेरुलियमयं कडुच्छुयं पग्गहेत्तु पयते धूवं दहइ, दहित्ता सत्तट्ठपयाइं पच्चोसक्कइ, पच्चोसक्कित्ता वामं जाणुं अंचेइ, ... ...अंचेत्ता दाहिणं जाणुं धरणितलंसि साहट्टु करयलपरिग्गहियं सिरसावत्तं मत्थए अंजलिं कट्टु चक्करयणस्स पणामं करेइ, करेत्ता आउहघरसालाओ पडिनिक्खमइ, पडिनिक्खमित्ता जेणेव बाहिरिया उवट्ठाणसाला जेणेव सीहासने तेणेव उवागच्छइ, उवागच्छित्ता सीहासनवरगए पुरत्था-भिमुहे सन्निसीयइ, सन्निसीयित्ता अट्ठारस सेणिपसेणीओ सद्दावेइ, सद्दावेत्ता एवं वयासी– खिप्पामेव भो देवानुप्पिया! उस्सुक्कं उक्करं उक्किट्ठं अदिज्जं अमिज्जं अभडप्पवेसं अदंडकोदंडिमं अधरिमं गणियावरणाडइज्जकलियं अनेगतालायराणुचरियं अनुद्धुयमुइंगं अमिलायमल्लदामं पमुइय-पक्कीलिय सपुरजणजानवयं विजयवेजइयं चक्करयणस्स अट्ठाहियं महामहिमं करेह, करेत्ता ममेयमाणत्तियं खिप्पामेव पच्चप्पिणह। तए णं ताओ अट्ठारस सेणिप्पसेणीओ भरहेणं रन्ना एवं वुत्ताओ समाणीओ हट्ठाओ जाव विनएणं वयणं पडिसुनेंति, पडिसुणेत्ता भरहस्स रन्नो अंतियाओ पडिनिक्खमेंति, पडिनिक्खमेत्ता उस्सुक्कं उक्करं जाव अट्ठाहियं महामहिमं करेंति य कारवेंति य, करेत्ता य कारवेत्ता य जेणेव भरहे राया तेणेव उवागच्छंति, उवागच्छित्ता तमाणत्तियं पच्चप्पिणंति।
Sutra Meaning : જુઓ સૂત્ર ૫૬
Mool Sutra Transliteration : [sutra] appegaiyao vamdanakalasahatthagayao bhimgara adamsa thala pati supaitthaga bayakaraga rayanakaramda pupphachamgeri malla vanna chunna gamdhahatthagayao vattha abharana lomahatthayachamgeri pupphapadalahattha- gayao java lomahatthagadalahatthagayao appegaiyao sihasanahatthagayao chhatta chamara hattha-gayao tellasamuggayahatthagayao kotthasamuggayahatthagayao java sasavasamuggahatthagayao. Appegaiyao taliyamtahatthagayao dhuvakaduchchhuyahatthagayao bharaham rayanam pitthao-pitthao anugachchhamti. Tae nam se bharahe raya savviddhie savvajuie savvabalenam savvasamudaenam savvayarenam savvavibhusae savvavibhuie savvavattha puppha gamdha mallalamkaravibhusae savvaturiya saddasanninaenam mahaya iddhie java mahaya varaturiya jamagasamagapavaienam samkha-panava padaha bheri jhallari kharamuhi murava muimga dumduhinigghoshanaienam jeneva auhagharasala teneva uvagachchhai, uvagachchhitta aloe chakkarayanassa panamam karei, karetta jeneva chakkarayane teneva uvagachchhai, uvagachchhitta lomahatthayam paramusai, paramusitta chakkarayanam pamajjai, pamajjitta divvae dagadharae abbhukkhei,.. ..Abbhukkhetta sarasenam gosisachamdanenam anulimpai, anulimpitta aggehim varehim gamdhehim mallehi ya achchinai, puppharuhanam malla gamdha vanna chunna vattharuhanam abharanaruhanam karei, karetta achchhehim sanhehim setehim rayayamaehim achchharasatamdulehim chakkarayanassa purao atthattha mamgalae alihai, [tam jaha–sotthiya sirivachchha namdiyavatta vaddhamanaga bhaddasana machchha kalasa dappana atthamamgalae] alihitta kaunam karei uvayaram, kim te? Padala malliya champaga asoga punnaga chuya-mamjari navamaliya bakula tilaga kanavira kumda kojjaya koramtaya patta damanaya varasurahisugamdhagamdhiyassa kayaggahagahiya-karayalapabbhatthavippamukkassa dasaddhavannassa kusumanigarassa tattha chittam jannussehappamanamettam ohi-nigaram karetta chamdappabha vaira veruliyavimaladamdam kamchanamanirayanabhattichittam kalaguru pavarakumdurukka turukka dhuvagamdhuttamanuviddham cha dhumavattim vinimmuyamtam veruliyamayam kaduchchhuyam paggahettu payate dhuvam dahai, dahitta sattatthapayaim pachchosakkai, pachchosakkitta vamam janum amchei,.. ..Amchetta dahinam janum dharanitalamsi sahattu karayalapariggahiyam sirasavattam matthae amjalim kattu chakkarayanassa panamam karei, karetta auhagharasalao padinikkhamai, padinikkhamitta jeneva bahiriya uvatthanasala jeneva sihasane teneva uvagachchhai, uvagachchhitta sihasanavaragae purattha-bhimuhe sannisiyai, sannisiyitta attharasa senipasenio saddavei, saddavetta evam vayasi– khippameva bho devanuppiya! Ussukkam ukkaram ukkittham adijjam amijjam abhadappavesam adamdakodamdimam adharimam ganiyavaranadaijjakaliyam anegatalayaranuchariyam anuddhuyamuimgam amilayamalladamam pamuiya-pakkiliya sapurajanajanavayam vijayavejaiyam chakkarayanassa atthahiyam mahamahimam kareha, karetta mameyamanattiyam khippameva pachchappinaha. Tae nam tao attharasa senippasenio bharahenam ranna evam vuttao samanio hatthao java vinaenam vayanam padisunemti, padisunetta bharahassa ranno amtiyao padinikkhamemti, padinikkhametta ussukkam ukkaram java atthahiyam mahamahimam karemti ya karavemti ya, karetta ya karavetta ya jeneva bharahe raya teneva uvagachchhamti, uvagachchhitta tamanattiyam pachchappinamti.
Sutra Meaning Transliteration : Juo sutra 56