Sutra Navigation: Jambudwippragnapati ( જંબુદ્વીપ પ્રજ્ઞપ્તિ સૂત્ર )

Search Details

Mool File Details

Anuvad File Details

Sr No : 1107620
Scripture Name( English ): Jambudwippragnapati Translated Scripture Name : જંબુદ્વીપ પ્રજ્ઞપ્તિ સૂત્ર
Mool Language : Ardha-Magadhi Translated Language : Gujarati
Chapter :

वक्षस्कार १ भरतक्षेत्र

 Translated Chapter :

વક્ષસ્કાર ૧ ભરતક્ષેત્ર
Section : Translated Section :
Sutra Number : 20 Category : Upang-07
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] कहि णं भंते! जंबुद्दीवे दीवे उत्तरड्ढभरहे नामं वासे पन्नत्ते? गोयमा! चुल्लहिमवंतस्स वासहरपव्वयस्स दाहिणेणं, वेयड्ढस्स पव्वयस्स उत्तरेणं, पुरत्थिमलवणसमुद्दस्स पच्चत्थिमेणं, पच्चत्थिमलवण-समुद्दस्स पुरत्थिमेणं, एत्थ णं जंबुद्दीवे दीवे उत्तरड्ढभरहे नामं वासे पन्नत्ते–पाईणपडीणायए उदीणदाहिणविच्छिन्नेपलियंकसंठिए दुहा लवणसमुद्दं पुट्ठे–पुरत्थिमिल्लाए कोडीए पुरत्थिमिल्लं लवणसमुद्दं पुट्ठे, पच्चत्थिमिल्लाए कोडीए पच्चत्थिमिल्लं लवणसमुद्दं पुट्ठे, गंगासिंधूहिं महानईहिं तिभागपविभत्ते दोन्नि अट्ठतीसे जोयणसए तिन्नि य एगूनवीसइभागे जोयणस्स विक्खंभेणं। तस्स बाहा पुरत्थिम-पच्चत्थिमेणं अट्ठारस बाणउए जोयणसए सत्त य एगूनवीसइभागे जोयणस्स अद्धभागं च आयामेणं। तस्स जीवा उत्तरेणं पाईणपडीणायया दुहा लवण-समुद्दं पुट्ठा तहेव जाव चोद्दस जोयणसहस्साइं चत्तारि य एक्कहत्तरे जोयणसए छच्च एगूनवीसइभाए जोयणस्स किंचिविसेसूने आयामेणं पन्नत्ता। तीसे धनुपट्ठे दाहिणेणं चोद्दस जोयणसहस्साइं पंच अट्ठावीसे जोयणसए एक्कारस य एगूनवीसइभाए जोयणस्स परिक्खेवेणं। उत्तरड्ढभरहस्स णं भंते! वासस्स केरिसए आगारभावपडोयारे पन्नत्ते? गोयमा! बहुसमरमणिज्जे भूमिभागे पन्नत्ते, से जहानामए–आलिंगपुक्खरेइ वा जाव नानाविहपंचवण्णेहिं मणीहिं तणेहि य उवसोभिए, तं जहा–कित्तिमेहिं चेव अकित्तिमेहिं चेव। उत्तरड्ढभरहे णं भंते! वासे मनुयाणं केरिसए आगारभावपडोयारे पन्नत्ते? गोयमा! ते णं मनुया बहुसंघयणा बहुसंठाणा बहुउच्चत्तपज्जवा बहुआउपज्जवा बहूइं वासाइं आउं पालेंति, पालेत्ता अप्पेगइया निरयगामी अप्पेगइया तिरियगामी अप्पेगइया मनुयगामी अप्पेगइया देवगामी अप्पेगइया सिज्झंति बुज्झंति मुच्चंति परिनिव्वंति सव्वदुक्खाणमंतं करेंति।
Sutra Meaning : જુઓ સૂત્ર ૧૯
Mool Sutra Transliteration : [sutra] kahi nam bhamte! Jambuddive dive uttaraddhabharahe namam vase pannatte? Goyama! Chullahimavamtassa vasaharapavvayassa dahinenam, veyaddhassa pavvayassa uttarenam, puratthimalavanasamuddassa pachchatthimenam, pachchatthimalavana-samuddassa puratthimenam, ettha nam jambuddive dive uttaraddhabharahe namam vase pannatte–painapadinayae udinadahinavichchhinnepaliyamkasamthie duha lavanasamuddam putthe–puratthimillae kodie puratthimillam lavanasamuddam putthe, pachchatthimillae kodie pachchatthimillam lavanasamuddam putthe, gamgasimdhuhim mahanaihim tibhagapavibhatte donni atthatise joyanasae tinni ya egunavisaibhage joyanassa vikkhambhenam. Tassa baha puratthima-pachchatthimenam attharasa banaue joyanasae satta ya egunavisaibhage joyanassa addhabhagam cha ayamenam. Tassa jiva uttarenam painapadinayaya duha lavana-samuddam puttha taheva java choddasa joyanasahassaim chattari ya ekkahattare joyanasae chhachcha egunavisaibhae joyanassa kimchivisesune ayamenam pannatta. Tise dhanupatthe dahinenam choddasa joyanasahassaim pamcha atthavise joyanasae ekkarasa ya egunavisaibhae joyanassa parikkhevenam. Uttaraddhabharahassa nam bhamte! Vasassa kerisae agarabhavapadoyare pannatte? Goyama! Bahusamaramanijje bhumibhage pannatte, se jahanamae–alimgapukkharei va java nanavihapamchavannehim manihim tanehi ya uvasobhie, tam jaha–kittimehim cheva akittimehim cheva. Uttaraddhabharahe nam bhamte! Vase manuyanam kerisae agarabhavapadoyare pannatte? Goyama! Te nam manuya bahusamghayana bahusamthana bahuuchchattapajjava bahuaupajjava bahuim vasaim aum palemti, paletta appegaiya nirayagami appegaiya tiriyagami appegaiya manuyagami appegaiya devagami appegaiya sijjhamti bujjhamti muchchamti parinivvamti savvadukkhanamamtam karemti.
Sutra Meaning Transliteration : Juo sutra 19