Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106908
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-३६ समुद्घात

 Translated Chapter :

પદ-૩૬ સમુદ્ઘાત
Section : Translated Section :
Sutra Number : 608 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] एतेसि णं भंते! नेरइयाणं असमोहयाण य कतरे कतरेहिंतो मारणंतियसमुग्घाएणं वेउव्वियसमुग्घाएणं समोहयाणं असमोहयाण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा नेरइया मारणंतियसमुग्घाएणं समोहया, वेउव्वियसमुग्घाएणं समोहया असंखेज्जगुणा, कसायसमुग्घाएणं समोहया संखेज्जगुणा, वेदनासमुग्घाएणं समोहया संखेज्जगुणा, असमोहया संखेज्जगुणा। एतेसि णं भंते! असुरकुमाराणं वेदनासमुग्घाएणं कसायसमुग्घाएणं मारणंतियसमुग्घाएणं वेउव्वियसमुग्घाएणं तेयगसमुग्घाएणं समोहयाणं असमोहयाण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा असुरकुमारा तेयगसमुग्घाएणं समोहया, मारणंतियसमुग्घाएणं समोहया असंखेज्जगुणा, वेयणासमुग्घाएणं समोहया असंखेज्जगुणा, कसाय -समुग्घाएणं समोहया संखेज्जगुणा, वेउव्वियसमुग्घाएणं समोहया संखेज्जगुणा, असमोहया असंखेज्जगुणा। एवं जाव थणियकुमारा। एतेसि णं भंते! पुढविक्काइयाणं वेदनासमुग्घाएणं कसायसमुग्घाएणं मारणंतियसमुग्घाएणं समोहयाणं असमोहयाण य कयरे कयरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा पुढविक्काइया मारणंतियसमुग्घाएणं समोहया, कसायसमुग्घाएणं समोहया संखेज्ज-गुणा, वेदनासमुग्घाएणं समोहया विसेसाहिया, असमोहया असंखेज्जगुणा। एवं जाव वणप्फइ-काइया। नवरं– सव्वत्थोवा वाउक्काइया वेउव्वियसमुग्घाएणं समोहया, मारणंतियसमुग्घाएणं समोहया असंखेज्जगुणा, कसायसमुग्घाएणं समोहया संखेज्जगुणा, वेदनासमुग्घाएणं समोहया विसेसाहिया, असमोहया असंखेज्जगुणा। बेइंदियाणं भंते! वेयणासमुग्घाएणं कसायसमुग्घाएणं मारणंतियसमुग्घाएणं समोहयाणं असमोहयाण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा बेइंदिया मारणंतियसमुग्घाएणं समोहया, वेदनासमुग्घाएणं समोहया असंखेज्जगुणा, कसाय-समुग्घाएणं समोहया संखेज्जगुणा, असमोहया संखेज्जगुणा। एवं जाव चउरिंदिया। पंचेंदियतिरिक्खजोणियाणं भंते! वेदनासमुग्घाएणं कसायसमुग्घाएणं मारणंतियसमुग्घाएणं वेउव्वियसमुग्घाएणं तेयासमुग्घाएणं समोहयाणं असमोहयाण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा पंचेंदियतिरिक्खजोणिया तेयासमुग्घाएणं समोहया, वेउव्वियसमुग्घाएणं समोहया असंखेज्जगुणा, मारणंतियसमुग्घाएणं समोहया असंखे-ज्जगुणा, वेदनासमुग्घाएणं समोहया असंखेज्जगुणा, कसायसमुग्घाएणं समोहया संखेज्जगुणा, असमोहया संखेज्जगुणा। मनुस्साणं भंते! वेदनासमुग्घाएणं कसायसमुग्घाएणं मारणंतियसमुग्घाएणं वेउव्विय-समुग्घाएणं तेयगसमुग्घाएणं आहारगसमुग्घाएणं केवलिसमुग्घाएणं समोहयाणं असमोहयाण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा मनूसा आहारगसमुग्घाएणं समोहया, केवलिसमुग्घाएणं समोहया संखेज्जगुणा, तेयगसमुग्घाएणं समोहया संखेज्जगुणा, वेउव्वियसमुग्घाएणं समोहया संखेज्जगुणा, मारणंतियसमुग्घाएणं समोहया असंखे-ज्जगुणा, वेयणासमुग्घाएणं समोहया असंखेज्जगुणा, कसायसमुग्घाएणं समोहया संखेज्जगुणा, असमोहया असंखेज्जगुणा। वाणमंतर-जोतिसिय वेमानिया जहा असुरकुमारा।
Sutra Meaning : જુઓ સૂત્ર ૬૦૭
Mool Sutra Transliteration : [sutra] etesi nam bhamte! Neraiyanam asamohayana ya katare katarehimto maranamtiyasamugghaenam veuvviyasamugghaenam samohayanam asamohayana ya katare katarehimto appa va bahuya va tulla va visesahiya va? Goyama! Savvatthova neraiya maranamtiyasamugghaenam samohaya, veuvviyasamugghaenam samohaya asamkhejjaguna, kasayasamugghaenam samohaya samkhejjaguna, vedanasamugghaenam samohaya samkhejjaguna, asamohaya samkhejjaguna. Etesi nam bhamte! Asurakumaranam vedanasamugghaenam kasayasamugghaenam maranamtiyasamugghaenam veuvviyasamugghaenam teyagasamugghaenam samohayanam asamohayana ya katare katarehimto appa va bahuya va tulla va visesahiya va? Goyama! Savvatthova asurakumara teyagasamugghaenam samohaya, maranamtiyasamugghaenam samohaya asamkhejjaguna, veyanasamugghaenam samohaya asamkhejjaguna, kasaya -samugghaenam samohaya samkhejjaguna, veuvviyasamugghaenam samohaya samkhejjaguna, asamohaya asamkhejjaguna. Evam java thaniyakumara. Etesi nam bhamte! Pudhavikkaiyanam vedanasamugghaenam kasayasamugghaenam maranamtiyasamugghaenam samohayanam asamohayana ya kayare kayarehimto appa va bahuya va tulla va visesahiya va? Goyama! Savvatthova pudhavikkaiya maranamtiyasamugghaenam samohaya, kasayasamugghaenam samohaya samkhejja-guna, vedanasamugghaenam samohaya visesahiya, asamohaya asamkhejjaguna. Evam java vanapphai-kaiya. Navaram– savvatthova vaukkaiya veuvviyasamugghaenam samohaya, maranamtiyasamugghaenam samohaya asamkhejjaguna, kasayasamugghaenam samohaya samkhejjaguna, vedanasamugghaenam samohaya visesahiya, asamohaya asamkhejjaguna. Beimdiyanam bhamte! Veyanasamugghaenam kasayasamugghaenam maranamtiyasamugghaenam samohayanam asamohayana ya katare katarehimto appa va bahuya va tulla va visesahiya va? Goyama! Savvatthova beimdiya maranamtiyasamugghaenam samohaya, vedanasamugghaenam samohaya asamkhejjaguna, kasaya-samugghaenam samohaya samkhejjaguna, asamohaya samkhejjaguna. Evam java chaurimdiya. Pamchemdiyatirikkhajoniyanam bhamte! Vedanasamugghaenam kasayasamugghaenam maranamtiyasamugghaenam veuvviyasamugghaenam teyasamugghaenam samohayanam asamohayana ya katare katarehimto appa va bahuya va tulla va visesahiya va? Goyama! Savvatthova pamchemdiyatirikkhajoniya teyasamugghaenam samohaya, veuvviyasamugghaenam samohaya asamkhejjaguna, maranamtiyasamugghaenam samohaya asamkhe-jjaguna, vedanasamugghaenam samohaya asamkhejjaguna, kasayasamugghaenam samohaya samkhejjaguna, asamohaya samkhejjaguna. Manussanam bhamte! Vedanasamugghaenam kasayasamugghaenam maranamtiyasamugghaenam veuvviya-samugghaenam teyagasamugghaenam aharagasamugghaenam kevalisamugghaenam samohayanam asamohayana ya katare katarehimto appa va bahuya va tulla va visesahiya va? Goyama! Savvatthova manusa aharagasamugghaenam samohaya, kevalisamugghaenam samohaya samkhejjaguna, teyagasamugghaenam samohaya samkhejjaguna, veuvviyasamugghaenam samohaya samkhejjaguna, maranamtiyasamugghaenam samohaya asamkhe-jjaguna, veyanasamugghaenam samohaya asamkhejjaguna, kasayasamugghaenam samohaya samkhejjaguna, asamohaya asamkhejjaguna. Vanamamtara-jotisiya vemaniya jaha asurakumara.
Sutra Meaning Transliteration : Juo sutra 607