Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106889
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-३४ परिचारणा

 Translated Chapter :

પદ-૩૪ પરિચારણા
Section : Translated Section :
Sutra Number : 589 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] कतिविहा णं भंते! परियारणा पन्नत्ता? गोयमा! पंचविहा परियारणा पन्नत्ता, तं जहा–कायपरियारणा फासपरियारणा रूवपरियारणा सद्दपरियारणा मणपरियारणा। से केणट्ठेणं भंते! एवं वुच्चति–पंचविहा परियारणा पन्नत्ता, तं जहा–कायपरियारणा जाव मणपरियारणा? गोयमा! भवनवति-वाणमंतर-जोइस-सोहम्मीसाणेसु कप्पेसु देवा कायपरियारगा, सणंकुमारमाहिंदेसु कप्पेसु देवा फासपरियारगा, बंभलोय-लंतगेसु कप्पेसु देवा रूवपरियारगा, महासुक्कसहस्सारेसु देवा सद्दपरियारगा, आणय-पाणय-आरण-अच्चुएसु कप्पेसु देवा मनपरि-यारगा, गेवेज्जअनुत्तरोववाइया देवा अपरियारगा। से तेणट्ठेणं गोयमा! एवं वुच्चति– पंचविहा परियारणा पन्नत्ता, तं जहा–कायपरियारणा जाव मनरियारणा। तत्थ णं जेते कायपरियारगा देवा तेसि णं इच्छामणे समुप्पज्जइ–इच्छामो णं अच्छराहिं सद्धिं कायपरियारं करेत्तए। तए णं तेहिं देवेहिं एवं मनसीकए समाणे खिप्पामेव ताओ अच्छराओ ओरालाइं सिंगाराइं मणुन्नाइं मनोहराइं मनोरमाइं उत्तरवे-उव्वियाइं रूवाइं विउव्वंति, विउवित्ता तेसिं देवाणं अंतियं पादुब्भवंति। तए णं ते देवा ताहिं अच्छराहिं सद्धिं कायपरियारणं करेंति।
Sutra Meaning : જુઓ સૂત્ર ૫૮૮
Mool Sutra Transliteration : [sutra] kativiha nam bhamte! Pariyarana pannatta? Goyama! Pamchaviha pariyarana pannatta, tam jaha–kayapariyarana phasapariyarana ruvapariyarana saddapariyarana manapariyarana. Se kenatthenam bhamte! Evam vuchchati–pamchaviha pariyarana pannatta, tam jaha–kayapariyarana java manapariyarana? Goyama! Bhavanavati-vanamamtara-joisa-sohammisanesu kappesu deva kayapariyaraga, sanamkumaramahimdesu kappesu deva phasapariyaraga, bambhaloya-lamtagesu kappesu deva ruvapariyaraga, mahasukkasahassaresu deva saddapariyaraga, anaya-panaya-arana-achchuesu kappesu deva manapari-yaraga, gevejjaanuttarovavaiya deva apariyaraga. Se tenatthenam goyama! Evam vuchchati– pamchaviha pariyarana pannatta, tam jaha–kayapariyarana java manariyarana. Tattha nam jete kayapariyaraga deva tesi nam ichchhamane samuppajjai–ichchhamo nam achchharahim saddhim kayapariyaram karettae. Tae nam tehim devehim evam manasikae samane khippameva tao achchharao oralaim simgaraim manunnaim manoharaim manoramaim uttarave-uvviyaim ruvaim viuvvamti, viuvitta tesim devanam amtiyam padubbhavamti. Tae nam te deva tahim achchharahim saddhim kayapariyaranam karemti.
Sutra Meaning Transliteration : Juo sutra 588