Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106892
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-३४ परिचारणा

 Translated Chapter :

પદ-૩૪ પરિચારણા
Section : Translated Section :
Sutra Number : 592 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तत्थ णं जेते फासपरियारगा देवा तेसि णं इच्छामणे समुप्पजइ–इच्छामो णं अच्छराहिं सद्धिं फासपरियारं करेत्तए। तए णं तेहिं देवेहिं एवं मणसीकए समाणे खिप्पामेव ताओ अच्छराओ ओरालाइं सिंगाराइं मणुन्नाइं मनोहराइं मनोरमाइं उत्तरवेउव्वियाइं रूवाइं विउव्वंति, विउव्वित्ता तेसिं देवाणं अंतियं पादुब्भवंति। तए णं ते देवा ताहिं अच्छराहिं सद्धिं फासपरियारणं करेंति, एवं जहेव कायपरियारगा तहेव निरवसेसं भाणियव्वं। तत्थ णं जेते रूवपरियारगा देवा तेसि णं इच्छामणे समुप्पज्जइ–इच्छामो णं अच्छराहिं सद्धिं रूवपरियारणं करेत्तए। तए णं तेहिं देवेहिं एवं मनसीकए समाणे तहेव जाव उत्तरवेउव्वियाइं रूवाइं विउव्वंति, विउव्वित्ता जेणामेव ते देवा तेणामेव उवागच्छंति, उवागच्छित्ता तेसिं देवाणं अदूरसामंते ठिच्चा ताइं ओरालाइं जाव मनोरमाइं उत्तरवेउव्वियाइं रूवाइं उवदंसेमाणीओ-उवदंसेमाणीओ चिट्ठंति। तए णं ते देवा ताहिं अच्छराहिं सद्धिं रूवपरियारणं करेंति, सेसं तं चेव जाव भुज्जो-भुज्जो परिणमंति। तत्थ णं जेते सद्दपरियारगा देवा तेसि णं इच्छामणे समुप्पज्जति–इच्छामो णं अच्छराहिं सद्धिं सद्दपरियारणं करेत्तए तए णं तेहिं देवेहिं एवं मणसीकए समाणे तहेव जाव उत्तरवेउव्वियाइं रूवाइं विउव्वंति, विउव्वित्ता जेणामेव ते देवा तेणामेव उवा गच्छंति, उवागच्छित्ता तेसिं देवाणं अदूरसामंते ठिच्चा अनुत्तराइं उच्चावयाइं सद्दाइं समुदीरेमाणीओ-समुदीरेमाणीओ चिट्ठंति। तए णं ते देवा ताहिं अच्छराहिं सद्धिं सद्दपरियारणं करेंति, सेसं तं चेव जाव भुज्जो-भुज्जो परिणमंति। तत्थ णं जेते मनपरियारगा देवा तेसिं इच्छामणे समुप्पज्जइ–इच्छामो णं अच्छराहिं सद्धिं मनपरियारणं करेत्तए। तए णं तेहिं देवेहिं एवं मनसीकए समाणे खिप्पामेव ताओ अच्छराओ तत्थगताओ चेव समाणीओ अनुत्तराइं उच्चावयाइं मणाइं पहारेमाणीओ-पहारेमाणीओ चिट्ठंति। तए णं ते देवा ताहिं अच्छराहिं सद्धिं मणपरियारणं करेंति, सेसं णिरवसेसं तं चेव जाव भुज्जो-भुज्जो परिणमंति।
Sutra Meaning : જુઓ સૂત્ર ૫૮૮
Mool Sutra Transliteration : [sutra] tattha nam jete phasapariyaraga deva tesi nam ichchhamane samuppajai–ichchhamo nam achchharahim saddhim phasapariyaram karettae. Tae nam tehim devehim evam manasikae samane khippameva tao achchharao oralaim simgaraim manunnaim manoharaim manoramaim uttaraveuvviyaim ruvaim viuvvamti, viuvvitta tesim devanam amtiyam padubbhavamti. Tae nam te deva tahim achchharahim saddhim phasapariyaranam karemti, evam jaheva kayapariyaraga taheva niravasesam bhaniyavvam. Tattha nam jete ruvapariyaraga deva tesi nam ichchhamane samuppajjai–ichchhamo nam achchharahim saddhim ruvapariyaranam karettae. Tae nam tehim devehim evam manasikae samane taheva java uttaraveuvviyaim ruvaim viuvvamti, viuvvitta jenameva te deva tenameva uvagachchhamti, uvagachchhitta tesim devanam adurasamamte thichcha taim oralaim java manoramaim uttaraveuvviyaim ruvaim uvadamsemanio-uvadamsemanio chitthamti. Tae nam te deva tahim achchharahim saddhim ruvapariyaranam karemti, sesam tam cheva java bhujjo-bhujjo parinamamti. Tattha nam jete saddapariyaraga deva tesi nam ichchhamane samuppajjati–ichchhamo nam achchharahim saddhim saddapariyaranam karettae tae nam tehim devehim evam manasikae samane taheva java uttaraveuvviyaim ruvaim viuvvamti, viuvvitta jenameva te deva tenameva uva gachchhamti, uvagachchhitta tesim devanam adurasamamte thichcha anuttaraim uchchavayaim saddaim samudiremanio-samudiremanio chitthamti. Tae nam te deva tahim achchharahim saddhim saddapariyaranam karemti, sesam tam cheva java bhujjo-bhujjo parinamamti. Tattha nam jete manapariyaraga deva tesim ichchhamane samuppajjai–ichchhamo nam achchharahim saddhim manapariyaranam karettae. Tae nam tehim devehim evam manasikae samane khippameva tao achchharao tatthagatao cheva samanio anuttaraim uchchavayaim manaim paharemanio-paharemanio chitthamti. Tae nam te deva tahim achchharahim saddhim manapariyaranam karemti, sesam niravasesam tam cheva java bhujjo-bhujjo parinamamti.
Sutra Meaning Transliteration : Juo sutra 588