Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106821
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-२१ अवगाहना संस्थान

 Translated Chapter :

પદ-૨૧ અવગાહના સંસ્થાન
Section : Translated Section :
Sutra Number : 521 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जीवस्स णं भंते! मारणंतियसमुग्घाएणं समोहयस्स तेयासरीरस्स केमहालिया सरीरोगाहणा पन्नत्ता? गोयमा! सरीरपमाणमेत्ता विक्खंभबाहल्लेणं; आयामेणं जहन्नेणं अंगुलस्स असंखेज्जइभागो, उक्कोसेणं लोगंताओ लोगंतो। एगिंदियस्स णं भंते! मारणंतियसमुग्घाएणं समोहयस्स तेयासरीरस्स केमहालिया सरीरोगाहणा पन्नत्ता? गोयमा! एवं चेव जाव पुढवि-आउ-तेउ-वाउ-वणप्फइकाइयस्स। बेइंदियस्स णं भंते! मारणंतियसमुग्घाएणं समोहयस्स तेयासरीरस्स केमहालिया सरीरोगाहणा पन्नत्ता? गोयमा! सरीरपमाणमेत्ता विक्खंभ-बाहल्लेणं; आयामेणं जहन्नेणं अंगुलस्स असंखेज्जइभागं, उक्कोसेणं तिरियलोगाओ लोगंते। एवं जाव चउरिंदियस्स। नेरइयस्स णं भंते! मारणंतियसमुग्घाएणं समोहयस्स तेयासरीरस्स केमहालिया सरीरोगाहणा पन्नत्ता? गोयमा! सरीरपमाणमेत्ता विक्खंभ-बाहल्लेणं; आयामेणं जहन्नेणं सातिरेगं जोयणसहस्सं, उक्कोसेणं अहे जाव अहेसत्तमा पुढवी, तिरियं जाव सयंभूरमणे समुद्दे, उड्ढं जाव पंडगवणे पुक्खरिणीओ। पंचेंदियतिरिक्खजोणियस्स णं भंते! मारणंतियसमुग्घाएणं समोहयस्स तेयासरीरस्स केमहालिया सरीरोगाहणा पन्नत्ता? गोयमा! जहा बेइंदियसरीरस्स। मनूसस्स णं भंते! मारणंतियसमुग्घाएणं समोहयस्स तेयासरीरस्स केमहालिया सरीरोगाहणा पन्नत्ता? गोयमा! समयखेत्ताओ लोगंते। असुरकुमारस्स णं भंते! मारणंतियसमुग्घाएणं समोहयस्स तेयासरीरस्स केमहालिया सरीरोगाहणा पन्नत्ता? गोयमा! सरीरपमाणमेत्ता विक्खंभ-बाहल्लेणं; आयामेणं जहन्नेणं अंगुलस्स असंखेज्जइभागं, उक्कोसेणं अहे जाव तच्चाए पुढवीए हेट्ठिल्ले चरिमंते, तिरियं जाव सयंभुरमणसमुद्दस्स बाहिरिल्ले वेइयंते, उड्ढं जाव इसीपब्भारा पुढवी। एवं जाव थणियकुमारतेयगस-रीरस्स। वाणमंतर-जोइसिया सोहम्मीसाणगा य एवं चेव। सणंकुमारदेवस्स णं भंते! मारणंतियसमुग्घाएणं समोहयस्स तेयासरीरस्स केमहालिया सरीरोगाहणा पन्नत्ता? गोयमा! सरीरपमाणमेत्ता विक्खंभ-बाहल्लेणं, आयामेणं जहन्नेणं अंगुलस्स असंखेज्जइभागं, उक्कोसेणं अहे जाव महापातालाणं दोच्चे तिभागे, तिरियं जाव सयंभुरमणसमुद्दे, उड्ढं जाव अच्चुओ कप्पो। एवं जाव सहस्सारदेवस्स। आणयदेवस्स णं भंते! मारणंतियसमुग्घाएणं समोहयस्स तेयासरीरस्स केमहालिया सरीरोगाहणा पन्नत्ता? गोयमा! सरीरपमाणमेत्ता विक्खंभ-बाहल्लेणं; आयामेणं जहन्नेणं अंगुलस्स असंखेज्जइभागं, उक्कोसेणं अहे जाव अहेलोइयगामा तिरियं जाव मनूसखेत्ते, उड्ढं जाव अच्चुओ कप्पो। एवं जाव आरणदेवस्स। अच्चुयदेवस्स वि एवं चेव, नवरं–उड्ढं जाव सगाइं विमानाइं। गेवेज्जगदेवस्स णं भंते! मारणंतियसमुग्घाएणं समोहयस्स तेयासरीरस्स केमहालिया सरीरो-गाहणा पन्नत्ता? गोयमा! सरीरपमाणमेत्ता विक्खंभबाहल्लेणं; आयामेणं जहन्नेणं विज्जाहरसेढीओ, उक्कोसेणं जाव अहेलोइयगामा, तिरियं जाव मनूसखेत्ते, उड्ढं जाव सगाइं विमानाइं। अनुत्तरोव-वाइयस्स वि एवं चेव। कम्मगसरीरे णं भंते! कतिविहे पन्नत्ते? गोयमा! पंचविहे पन्नत्ते, तं जहा–एगिंदियकम्मगसरीरे जाव पंचेंदियकम्मगसरीरे। एवं जहेव तेयगसरीरस्स भेदो संठाणं ओगाहणा य भणिया तहेव निरवसेसं भाणियव्वं जाव अनुत्तरोववाइय त्ति।
Sutra Meaning : જુઓ સૂત્ર ૫૨૦
Mool Sutra Transliteration : [sutra] jivassa nam bhamte! Maranamtiyasamugghaenam samohayassa teyasarirassa kemahaliya sarirogahana pannatta? Goyama! Sarirapamanametta vikkhambhabahallenam; ayamenam jahannenam amgulassa asamkhejjaibhago, ukkosenam logamtao logamto. Egimdiyassa nam bhamte! Maranamtiyasamugghaenam samohayassa teyasarirassa kemahaliya sarirogahana pannatta? Goyama! Evam cheva java pudhavi-au-teu-vau-vanapphaikaiyassa. Beimdiyassa nam bhamte! Maranamtiyasamugghaenam samohayassa teyasarirassa kemahaliya sarirogahana pannatta? Goyama! Sarirapamanametta vikkhambha-bahallenam; ayamenam jahannenam amgulassa asamkhejjaibhagam, ukkosenam tiriyalogao logamte. Evam java chaurimdiyassa. Neraiyassa nam bhamte! Maranamtiyasamugghaenam samohayassa teyasarirassa kemahaliya sarirogahana pannatta? Goyama! Sarirapamanametta vikkhambha-bahallenam; ayamenam jahannenam satiregam joyanasahassam, ukkosenam ahe java ahesattama pudhavi, tiriyam java sayambhuramane samudde, uddham java pamdagavane pukkharinio. Pamchemdiyatirikkhajoniyassa nam bhamte! Maranamtiyasamugghaenam samohayassa teyasarirassa kemahaliya sarirogahana pannatta? Goyama! Jaha beimdiyasarirassa. Manusassa nam bhamte! Maranamtiyasamugghaenam samohayassa teyasarirassa kemahaliya sarirogahana pannatta? Goyama! Samayakhettao logamte. Asurakumarassa nam bhamte! Maranamtiyasamugghaenam samohayassa teyasarirassa kemahaliya sarirogahana pannatta? Goyama! Sarirapamanametta vikkhambha-bahallenam; ayamenam jahannenam amgulassa asamkhejjaibhagam, ukkosenam ahe java tachchae pudhavie hetthille charimamte, tiriyam java sayambhuramanasamuddassa bahirille veiyamte, uddham java isipabbhara pudhavi. Evam java thaniyakumarateyagasa-rirassa. Vanamamtara-joisiya sohammisanaga ya evam cheva. Sanamkumaradevassa nam bhamte! Maranamtiyasamugghaenam samohayassa teyasarirassa kemahaliya sarirogahana pannatta? Goyama! Sarirapamanametta vikkhambha-bahallenam, ayamenam jahannenam amgulassa asamkhejjaibhagam, ukkosenam ahe java mahapatalanam dochche tibhage, tiriyam java sayambhuramanasamudde, uddham java achchuo kappo. Evam java sahassaradevassa. Anayadevassa nam bhamte! Maranamtiyasamugghaenam samohayassa teyasarirassa kemahaliya sarirogahana pannatta? Goyama! Sarirapamanametta vikkhambha-bahallenam; ayamenam jahannenam amgulassa asamkhejjaibhagam, ukkosenam ahe java aheloiyagama tiriyam java manusakhette, uddham java achchuo kappo. Evam java aranadevassa. Achchuyadevassa vi evam cheva, navaram–uddham java sagaim vimanaim. Gevejjagadevassa nam bhamte! Maranamtiyasamugghaenam samohayassa teyasarirassa kemahaliya sariro-gahana pannatta? Goyama! Sarirapamanametta vikkhambhabahallenam; ayamenam jahannenam vijjaharasedhio, ukkosenam java aheloiyagama, tiriyam java manusakhette, uddham java sagaim vimanaim. Anuttarova-vaiyassa vi evam cheva. Kammagasarire nam bhamte! Kativihe pannatte? Goyama! Pamchavihe pannatte, tam jaha–egimdiyakammagasarire java pamchemdiyakammagasarire. Evam jaheva teyagasarirassa bhedo samthanam ogahana ya bhaniya taheva niravasesam bhaniyavvam java anuttarovavaiya tti.
Sutra Meaning Transliteration : Juo sutra 520