Sutra Navigation: Jivajivabhigam ( જીવાભિગમ ઉપાંગ સૂત્ર )

Search Details

Mool File Details

Anuvad File Details

Sr No : 1106120
Scripture Name( English ): Jivajivabhigam Translated Scripture Name : જીવાભિગમ ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

चतुर्विध जीव प्रतिपत्ति

 Translated Chapter :

ચતુર્વિધ જીવ પ્રતિપત્તિ
Section : ज्योतिष्क उद्देशक Translated Section : જ્યોતિષ્ક ઉદ્દેશક
Sutra Number : 320 Category : Upang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] पभू णं भंते! चंदे जोतिसिंदे जोतिसराया चंदवडेंसए विमाणे सभाए सुधम्माए चंदंसि सीहासनंसि तुडिएण सद्धिं दिव्वाइं भोगभोगाइं भुंजमाणे विहरित्तए? नो तिणट्ठे समट्ठे। से केणट्ठेणं भंते! एवं वुच्चति–नो पभू चंदे जोतिसिंदे जोतिसराया चंदवडेंसए विमाणे सभाए सुधम्माए चंदंसि सीहासनंसि तुडिएणं सद्धिं दिव्वाइं भोगभोगाइं भुंजमाणे विहरित्तए? गोयमा! चंदस्स जोतिसिंदस्स जोतिसरन्नो चंदवडेंसए विमाणे सभाए सुधम्माए मानवगंसि चेतियखंभंसि वइरामएसु गोलवट्टसमुग्गएसु बहुयाओ जिनसकहाओ सन्निखित्ताओ चिट्ठंति, जाओ णं चंदस्स जोतिसिंदस्स जोतिसरन्नो अन्नेसिं च बहूणं जोतिसियाणं देवाण य देवीण य अच्चणिज्जाओ जाव पज्जुवासणिज्जाओ, तासिं पणिहाए नो पभू चंदे जोतिसिंदे जोतिसराया चंदवडेंसए विमाणे सभाए सुधम्माए चंदंसि सीहासनंसि जाव भुंजमाणे विहरित्तए। से एएणट्ठेणं गोयमा! एवं वुच्चति–नो पभू चंदे जोतिसिंदे जोतिसराया चंदवडेंसए विमाणे सभाए सुधम्माए चंदंसि सीहासनंसि तुडिएण सद्धिं दिव्वाइं भोगभोगाइं भुंजमाणे विहरित्तए। पभू णं गोयमा! चंदे जोतिसिंदे जोतिसराया चंदवडेंसए विमाणे सभाए सुधम्माए चंदंसि सीहासनंसि चउहिं सामानियसाहस्सीहिं जाव सोलसहिं आयरक्खदेवसाहस्सीहिं अन्नेहिं बहूहिं जोतिसिएहिं देवेहिं देवीहि य सद्धिं संपरिवुडे महयाहय नट्ट गीय वाइय तंती तल ताल तुडिय घन मुइंग पडुप्पवाइयरवेणं दिव्वाइं भोगभोगाइं भुंजमाणे विहरित्तए, केवलं परियारणिड्ढीए नो चेव णं मेहुणवत्तियं।
Sutra Meaning : જુઓ સૂત્ર ૩૧૮
Mool Sutra Transliteration : [sutra] pabhu nam bhamte! Chamde jotisimde jotisaraya chamdavademsae vimane sabhae sudhammae chamdamsi sihasanamsi tudiena saddhim divvaim bhogabhogaim bhumjamane viharittae? No tinatthe samatthe. Se kenatthenam bhamte! Evam vuchchati–no pabhu chamde jotisimde jotisaraya chamdavademsae vimane sabhae sudhammae chamdamsi sihasanamsi tudienam saddhim divvaim bhogabhogaim bhumjamane viharittae? Goyama! Chamdassa jotisimdassa jotisaranno chamdavademsae vimane sabhae sudhammae manavagamsi chetiyakhambhamsi vairamaesu golavattasamuggaesu bahuyao jinasakahao sannikhittao chitthamti, jao nam chamdassa jotisimdassa jotisaranno annesim cha bahunam jotisiyanam devana ya devina ya achchanijjao java pajjuvasanijjao, tasim panihae no pabhu chamde jotisimde jotisaraya chamdavademsae vimane sabhae sudhammae chamdamsi sihasanamsi java bhumjamane viharittae. Se eenatthenam goyama! Evam vuchchati–no pabhu chamde jotisimde jotisaraya chamdavademsae vimane sabhae sudhammae chamdamsi sihasanamsi tudiena saddhim divvaim bhogabhogaim bhumjamane viharittae. Pabhu nam goyama! Chamde jotisimde jotisaraya chamdavademsae vimane sabhae sudhammae chamdamsi sihasanamsi chauhim samaniyasahassihim java solasahim ayarakkhadevasahassihim annehim bahuhim jotisiehim devehim devihi ya saddhim samparivude mahayahaya natta giya vaiya tamti tala tala tudiya ghana muimga paduppavaiyaravenam divvaim bhogabhogaim bhumjamane viharittae, kevalam pariyaraniddhie no cheva nam mehunavattiyam.
Sutra Meaning Transliteration : Juo sutra 318