Sutra Navigation: Jivajivabhigam ( જીવાભિગમ ઉપાંગ સૂત્ર )

Search Details

Mool File Details

Anuvad File Details

Sr No : 1106023
Scripture Name( English ): Jivajivabhigam Translated Scripture Name : જીવાભિગમ ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

चतुर्विध जीव प्रतिपत्ति

 Translated Chapter :

ચતુર્વિધ જીવ પ્રતિપત્તિ
Section : चंद्र सूर्य अने तेना द्वीप Translated Section : ચંદ્ર સૂર્ય અને તેના દ્વીપ
Sutra Number : 223 Category : Upang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जइ णं भंते! लवणसमुद्दे दो जोयणसतसहस्साइं चक्कवालविक्खंभेणं, पन्नरस जोयणसतसहस्साइं एकासीतिं च सहस्साइं सतं च एगुणयालं किंचिविसेसूणं परिक्खेवेणं, एगं जोयणसहस्सं उव्वेहेणं, सोलस जोयणसहस्साइं उस्सेधेणं, सत्तरस जोयणसहस्साइं सव्वग्गेणं पन्नत्ते, कम्हा णं भंते! लवणसमुद्दे जंबुद्दीवं दीवं नो ओवीलेति? नो उप्पीलेति? नो चेव णं एक्कोदगं करेति? गोयमा! जंबुद्दीवे णं दीवे भरहेरवएसु वासेसु अरहंता चक्कवट्टी बलदेवा वासुदेवा चारणा विज्जाधरा समणा समणीओ सावया सावियाओ मनुया पगतिभद्दया पगतिविणीया पगतिउवसंता पगतिपयणुकोहमाणमायालोभा मिउमद्दवसंपन्ना अल्लीणा भद्दगा विनीता, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति। चुल्लहिमवंतसिहरिसु वासहरपव्वतेसु देवा महिड्ढिया जाव पलिओवमट्ठितीया परिवसंति, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति। हेमवतहेरण्णवतेसु वासेसु मनुया पगतिभद्दगा जाव विनीता, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति। सद्दावतिवियडावतिसु वट्टवेयड्ढपव्वतेसु देवा महिड्ढिया जाव पलिओवमट्ठितीया परिवसंति, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति। महाहिमवंतरुप्पिसु वासहरपव्वतेसु देवा महिड्ढिया जाव पलिओवमट्ठितीया परिवसंति, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति। हरिवासरम्मयवासेसु मनुया पगतिभद्दगा जाव विनीता, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पी लेति, नो चेव णं एगोदगं करेति। गंधावतिमालवंतपरियाएसु वट्टवेयड्ढपव्वतेसु देवा महिड्ढीया जाव पलिओवमट्ठितीया परिवसंति, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति। निसढनीलवंतेसु वासधरपव्वतेसु देवा महिड्ढीया जाव पलिओवमट्ठितीया परिवसंति, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति। पुव्वविदेहावरविदेहेसु वासेसु अरहंता चक्कवट्टी बलदेवा वासुदेवा चारणा विज्जाहरा समणा समणीओ सावया सावियाओ मनुया पगतिभद्दगा जाव विनीता, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति। देवकुरुउत्तरकुरुसु मनुया पगतिभद्दगा जाव विनीता, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति। जंबूए य सुदंसणाए अणाढिए नामं देवे जंबुद्दीवाहिवती महिड्ढीए जाव पलिओवमट्ठितीए परिवसति, तस्स पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एकोदगं करेति। अदुत्तरं च णं गोयमा! लोगट्ठिती लोगानुभावे जण्णं लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णमेगोदगं करेति।
Sutra Meaning : જુઓ સૂત્ર ૨૨૨
Mool Sutra Transliteration : [sutra] jai nam bhamte! Lavanasamudde do joyanasatasahassaim chakkavalavikkhambhenam, pannarasa joyanasatasahassaim ekasitim cha sahassaim satam cha egunayalam kimchivisesunam parikkhevenam, egam joyanasahassam uvvehenam, solasa joyanasahassaim ussedhenam, sattarasa joyanasahassaim savvaggenam pannatte, kamha nam bhamte! Lavanasamudde jambuddivam divam no ovileti? No uppileti? No cheva nam ekkodagam kareti? Goyama! Jambuddive nam dive bharaheravaesu vasesu arahamta chakkavatti baladeva vasudeva charana vijjadhara samana samanio savaya saviyao manuya pagatibhaddaya pagativiniya pagatiuvasamta pagatipayanukohamanamayalobha miumaddavasampanna allina bhaddaga vinita, tesi nam panihae lavanasamudde jambuddivam divam no ovileti, no uppileti, no cheva nam egodagam kareti. Chullahimavamtasiharisu vasaharapavvatesu deva mahiddhiya java paliovamatthitiya parivasamti, tesi nam panihae lavanasamudde jambuddivam divam no ovileti, no uppileti, no cheva nam egodagam kareti. Hemavataherannavatesu vasesu manuya pagatibhaddaga java vinita, tesi nam panihae lavanasamudde jambuddivam divam no ovileti, no uppileti, no cheva nam egodagam kareti. Saddavativiyadavatisu vattaveyaddhapavvatesu deva mahiddhiya java paliovamatthitiya parivasamti, tesi nam panihae lavanasamudde jambuddivam divam no ovileti, no uppileti, no cheva nam egodagam kareti. Mahahimavamtaruppisu vasaharapavvatesu deva mahiddhiya java paliovamatthitiya parivasamti, tesi nam panihae lavanasamudde jambuddivam divam no ovileti, no uppileti, no cheva nam egodagam kareti. Harivasarammayavasesu manuya pagatibhaddaga java vinita, tesi nam panihae lavanasamudde jambuddivam divam no ovileti, no uppi leti, no cheva nam egodagam kareti. Gamdhavatimalavamtapariyaesu vattaveyaddhapavvatesu deva mahiddhiya java paliovamatthitiya parivasamti, tesi nam panihae lavanasamudde jambuddivam divam no ovileti, no uppileti, no cheva nam egodagam kareti. Nisadhanilavamtesu vasadharapavvatesu deva mahiddhiya java paliovamatthitiya parivasamti, tesi nam panihae lavanasamudde jambuddivam divam no ovileti, no uppileti, no cheva nam egodagam kareti. Puvvavidehavaravidehesu vasesu arahamta chakkavatti baladeva vasudeva charana vijjahara samana samanio savaya saviyao manuya pagatibhaddaga java vinita, tesi nam panihae lavanasamudde jambuddivam divam no ovileti, no uppileti, no cheva nam egodagam kareti. Devakuruuttarakurusu manuya pagatibhaddaga java vinita, tesi nam panihae lavanasamudde jambuddivam divam no ovileti, no uppileti, no cheva nam egodagam kareti. Jambue ya sudamsanae anadhie namam deve jambuddivahivati mahiddhie java paliovamatthitie parivasati, tassa panihae lavanasamudde jambuddivam divam no ovileti, no uppileti, no cheva nam ekodagam kareti. Aduttaram cha nam goyama! Logatthiti loganubhave jannam lavanasamudde jambuddivam divam no ovileti, no uppileti, no cheva namegodagam kareti.
Sutra Meaning Transliteration : Juo sutra 222