Sutra Navigation: Jivajivabhigam ( જીવાભિગમ ઉપાંગ સૂત્ર )

Search Details

Mool File Details

Anuvad File Details

Sr No : 1105967
Scripture Name( English ): Jivajivabhigam Translated Scripture Name : જીવાભિગમ ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

चतुर्विध जीव प्रतिपत्ति

 Translated Chapter :

ચતુર્વિધ જીવ પ્રતિપત્તિ
Section : द्वीप समुद्र Translated Section : દ્વીપ સમુદ્ર
Sutra Number : 167 Category : Upang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] कहि णं भंते! जंबुद्दीवस्स दीवस्स विजये नामं दारे पन्नत्ते? गोयमा! जंबुद्दीवे दीवे मंदरस्स पव्वयस्स पुरत्थिमेणं पणयालीसं जोयणसहस्साइं अबाधाए जंबुद्दीवे दीवे पुरच्छिमपेरंते लवणसमुद्द-पुरच्छिमद्धस्स पच्चत्थिमेणं सीताए महानदीए उप्पिं, एत्थ णं जंबुद्दीवस्स दीवस्स विजये नामं दारे पन्नत्ते–अट्ठ जोयणाइं उढ्ढं उच्चत्तेणं, चत्तारि जोयणाइं विक्खंभेणं, तावतियं चेव पवेसेणं, ... ...सेए वरकनगथूभियागे ईहामिय उसभ तुरग नर मगर विहग वालग किन्नर रुरु सरभ चमर कुंजर वनलय पउमलयभत्तिचित्ते खंभुग्गतवइरवेदियापरिगताभिरामे विज्जाहरजमलजुयलजंतजुत्ते इव अच्चीसहस्समालिणीए रूवगसहस्सकलिए भिसमाणे भिब्भिसमाणे चक्खुल्लोयणलेसे सुह-फासे सस्सिरीयरूवे। वण्णो दारस्स तस्सिमो होइ तं जहा– वइरामया नेमा रिट्ठामया पतिट्ठाणा वेरुलियामया खंभा जायरूवोवचियपवरपंचवण्णम-निरयणकोट्टिमतले हंसगब्भमए एलुए गोमेज्जमए इंदखीले लोहितक्खमईओ दारचेडाओ जोतिरसामए उत्तरंगे वेरुलियामया कवाडा लोहित-क्खमईओ सूईओ वइरामया संधी नानामणिमया समुग्गगा वइरामया अग्गला अग्गलपासाया वइरामई आवत्तणपेढिया अंकुत्तरपासए निरंतरित-घनकवाडे भित्तीसु चेव भित्तिगुलिया छप्पन्ना तिन्नि होंति गोमानसिया तत्तिया नानामणि-रयणवालरूवगलीलट्ठियसालभंजिया वइरामए कूडे रययामए उस्सेहे सव्वतवणिज्जमए उल्लोए नानामणिरयणलाजपंजर मणिवंसग लोहितक्खपडिवंसगरयतभोमे अंकामया पक्खा पक्खबाहाओ जोतिरसामया वंसा वंसकवेल्लुयाओ य रययामईओ पट्टियाओ जायरूवमईओ ओहाऽडणीओ वइरामईओ उवरिपुंछणीओ सव्वसेतरययामए छादणे अंकमयकनगकूडतवणिज्ज-थूभियाए सेते संखतलविमलणिम्मलदधिघणगोखीरफेणरययणिगरप्पगासे तिलगरयणद्धचंदचित्ते नानामणिमय-दामालंकिए अंतो बहिं च सण्हे तवणिज्जवालुयापत्थडे सुहफासे सस्सिरीयरूवे पासादीए दरिसणिज्जे अभिरूवे पडिरूवे। विजयस्स णं दारस्स उभओ पासिं दुहओ निसीहियाए दोदो वंदनकलसपरिवाडीओ पन्नत्ताओ। ते णं वंदनकलसा वरकमलपइट्ठाणा सुरभिवरवारिपडिपुण्णा चंदनकयचच्चागा आविद्ध-कंठेगुणा पउमुप्पलपिहाणा सव्वरयणामया अच्छा जाव पडिरूवा महतामहता महिंदकुंभसमाणा पन्नत्ता समणाउसो। विजयस्स णं दारस्स उभओ पासिं दुहओ निसीहिआए दो दो नागदंतपरिवाडीओ। ते णं नागदंतगा मुत्ताजालंतरुसिय-हेमजालग-वक्खजाल-खिंखिणीघंटाजाल-परिक्खित्ता अब्भुग्गता अभिनिसिट्ठा तिरियं सुसंपग्गहिता अहेपण्णगद्धरूवा पण्णगद्धसंठाणसंठिता सव्ववइरामया अच्छा जाव पडिरूवा महतामहता गयदंतसमाणा पन्नत्ता समणाउसो! तेसु णं नागदंतएसु बहवे किण्हसुत्तबद्धा वग्घारितमल्लदामकलावा जाव सुक्किलसुत्तबद्धा वग्घारियमल्लदामकलावा। ते णं दामा तवणिज्जलंबूसगा सुवण्णपतरगमंडिता नानामणिरयणविविधहारद्धहार-उवसोभितसमुदया जाव सिरीए अतीवअतीव उवसोभेमाणाउवसोभेमाणा चिट्ठंति। तेसि णं नागदंतगाणं उवरिं अन्नाओ दो दो नागदंतपरिवाडीओ पन्नत्ताओ। ते णं नागदंतगा मुत्ताजालंतरुसियं हेमजालगवक्खजालखिंखिणीघंटाजालपरिक्खित्ता अब्भुग्गता अभिनिसिट्ठा तिरियं सुसंपग्गहित्ता अहेपण्णगद्धरूवा पन्नगद्धसंठाणसंठिता सव्ववइरामया अच्छा जाव पडिरूवा महतामहता गयदंतसमाणा पन्नत्ता समणाउसो! तेसु णं नागदंतएसु बहवे रययामया सिक्कया पन्नत्ता। तेसु णं रययामएसु सिक्कएसु बहवे वेरुलियामईओ धूवघडीओ पन्नत्ताओ। ताओ णं धूवघडीओ कालागरुपवरकुंदुरुक्कतुरुक्कधुव-मघमघेंतगंधुद्धुयाभिरामाओ सुगंधवरगंधगंधियाओ गंधवट्टिभूयाओ ओरालेणं मणुन्नेणं मनहरेणं घाणमननिव्वुइकरेणं गंधेणं ते पएसे सव्वतो समंता आपूरेमाणीओआपूरेमाणीओ सिरीए अतीव-अतीव उवसोभेमाणीओ-उवसोभेमाणीओ चिट्ठंति। विजयस्स णं दारस्स उभओ पासिं दुहओ णिसीधियाए दो दो सालभंजियापरिवाडीओ पन्नत्ताओ। ताओ णं सालभंजियाओ लीलट्ठिताओ सुपइट्ठियाओ सुअलंकिताओ नानाविह-रागवसणाओ नानामल्लपिणद्धाओ मुट्ठीगेज्झसुमज्झाओ आमेलगजमलजुयलवट्टियअब्भुन्नय-पीणरचियसंठियपओहराओ रत्तावंगाओ असियकेसीओ मिदुविसयपसत्थलक्खण संवेल्लितग्ग-सिरयाओ ईसिं असोगवरपादवसमुट्ठिताओ वामहत्थगहितग्गसालाओ ईसिं अद्धच्छिकडक्ख-चेट्ठिएहिं लूसेमाणीओ विव, चक्खुल्लोयणलेसेहिं अन्नमन्नं खिज्जमाणीओ इव, पुढविपरिणामाओ सासयभावमुवगताओ चंदाननाओ चंदविलासिणीओ चंदद्धसमनिडालाओ चंदाहियसोमदंसणाओ उक्का विव उज्जोएमाणीओ विज्जुघनमिरियसूरदिप्पंततेयअहिययरसंनिकासाओ सिंगारागार-चारुवेसाओ पासादीयाओ दरिसणिज्जाओ अभिरूवाओ पडिरूवाओ तेयसा अतीव-अतीव उवसोभेमाणीओ-उवसोभेमाणीओ चिट्ठंति। विजयस्स णं दारस्स उभओ पासिं दुहतो निसीहियाए दोदो जालकडगा पन्नत्ता। ते णं जालकडगा सव्वरयणामया अच्छा जाव पडिरूवा। विजयस्स णं दारस्स उभओ पासिं दुहओ निसीघियाए दोदो घंटाओ पन्नत्ताओ। तासि णं घंटाणं अयमेयारूवे वण्णावासे पन्नत्ते, तं जहा– जंबूणयामईओ घंटाओ वइरामईओ लालाओ नानामणिमया घंटापासा तवणिज्जमईओ संकलाओ रययामईओ रज्जूओ। ताओ णं घंटाओ ओहस्सराओ मेहस्सराओ हंसस्सराओ कोंचस्सराओ सीहस्सराओ दुंदुहिस्सराओ नंदिस्सराओ णंदिघोसाओ मंजुस्सराओ मंजुघोसाओ सुस्सुराओ सुस्सरघोसाओ ओरालेणं मणुन्नेणं मनहरेणं कण्णमननिव्वुइकरेण सद्देण ते पदेसे सव्वतो समंता आपूरेमाणीओआपूरेमाणीओ सिरीए अतीव-अतीव उवसोभेमाणीओ-उवसोभेमाणीओ चिट्ठंति। विजयस्स णं दारस्स उभओ पासिं दुहओ निसीधियाए दोदो वणमालाओ पन्नत्ताओ। ताओ णं वनमालाओ नानादुमलयकिसलयपल्लवसमाउलाओ छप्पयपरिभुज्जमाणसोभंतसस्सिरीयाओ पासाईयाओ दरिसणिज्जाओ अभिरूवाओ पडिरूवाओ। पासाइयाओ ते पदेसे ओराले जाव गंधेणं आपूरेमाणीओ जाव चिट्ठंति।
Sutra Meaning : જુઓ સૂત્ર ૧૬૬
Mool Sutra Transliteration : [sutra] kahi nam bhamte! Jambuddivassa divassa vijaye namam dare pannatte? Goyama! Jambuddive dive mamdarassa pavvayassa puratthimenam panayalisam joyanasahassaim abadhae jambuddive dive purachchhimaperamte lavanasamudda-purachchhimaddhassa pachchatthimenam sitae mahanadie uppim, ettha nam jambuddivassa divassa vijaye namam dare pannatte–attha joyanaim udhdham uchchattenam, chattari joyanaim vikkhambhenam, tavatiyam cheva pavesenam,.. ..See varakanagathubhiyage ihamiya usabha turaga nara magara vihaga valaga kinnara ruru sarabha chamara kumjara vanalaya paumalayabhattichitte khambhuggatavairavediyaparigatabhirame vijjaharajamalajuyalajamtajutte iva achchisahassamalinie ruvagasahassakalie bhisamane bhibbhisamane chakkhulloyanalese suha-phase sassiriyaruve. Vanno darassa tassimo hoi tam jaha– Vairamaya nema ritthamaya patitthana veruliyamaya khambha jayaruvovachiyapavarapamchavannama-nirayanakottimatale hamsagabbhamae elue gomejjamae imdakhile lohitakkhamaio darachedao jotirasamae uttaramge veruliyamaya kavada lohita-kkhamaio suio vairamaya samdhi nanamanimaya samuggaga vairamaya aggala aggalapasaya vairamai avattanapedhiya amkuttarapasae niramtarita-ghanakavade bhittisu cheva bhittiguliya chhappanna tinni homti gomanasiya tattiya nanamani-rayanavalaruvagalilatthiyasalabhamjiya vairamae kude rayayamae ussehe savvatavanijjamae ulloe nanamanirayanalajapamjara manivamsaga lohitakkhapadivamsagarayatabhome amkamaya pakkha pakkhabahao jotirasamaya vamsa vamsakavelluyao ya rayayamaio pattiyao jayaruvamaio ohadanio vairamaio uvaripumchhanio savvasetarayayamae chhadane amkamayakanagakudatavanijja-thubhiyae sete samkhatalavimalanimmaladadhighanagokhiraphenarayayanigarappagase tilagarayanaddhachamdachitte nanamanimaya-damalamkie amto bahim cha sanhe tavanijjavaluyapatthade suhaphase sassiriyaruve pasadie darisanijje abhiruve padiruve. Vijayassa nam darassa ubhao pasim duhao nisihiyae dodo vamdanakalasaparivadio pannattao. Te nam vamdanakalasa varakamalapaitthana surabhivaravaripadipunna chamdanakayachachchaga aviddha-kamtheguna paumuppalapihana savvarayanamaya achchha java padiruva mahatamahata mahimdakumbhasamana pannatta samanauso. Vijayassa nam darassa ubhao pasim duhao nisihiae do do nagadamtaparivadio. Te nam nagadamtaga muttajalamtarusiya-hemajalaga-vakkhajala-khimkhinighamtajala-parikkhitta abbhuggata abhinisittha tiriyam susampaggahita ahepannagaddharuva pannagaddhasamthanasamthita savvavairamaya achchha java padiruva mahatamahata gayadamtasamana pannatta samanauso! Tesu nam nagadamtaesu bahave kinhasuttabaddha vaggharitamalladamakalava java sukkilasuttabaddha vagghariyamalladamakalava. Te nam dama tavanijjalambusaga suvannapataragamamdita nanamanirayanavividhaharaddhahara-uvasobhitasamudaya java sirie ativaativa uvasobhemanauvasobhemana chitthamti. Tesi nam nagadamtaganam uvarim annao do do nagadamtaparivadio pannattao. Te nam nagadamtaga muttajalamtarusiyam hemajalagavakkhajalakhimkhinighamtajalaparikkhitta abbhuggata abhinisittha tiriyam susampaggahitta ahepannagaddharuva pannagaddhasamthanasamthita savvavairamaya achchha java padiruva mahatamahata gayadamtasamana pannatta samanauso! Tesu nam nagadamtaesu bahave rayayamaya sikkaya pannatta. Tesu nam rayayamaesu sikkaesu bahave veruliyamaio dhuvaghadio pannattao. Tao nam dhuvaghadio kalagarupavarakumdurukkaturukkadhuva-maghamaghemtagamdhuddhuyabhiramao sugamdhavaragamdhagamdhiyao gamdhavattibhuyao oralenam manunnenam manaharenam ghanamananivvuikarenam gamdhenam te paese savvato samamta apuremanioapuremanio sirie ativa-ativa uvasobhemanio-uvasobhemanio chitthamti. Vijayassa nam darassa ubhao pasim duhao nisidhiyae do do salabhamjiyaparivadio pannattao. Tao nam salabhamjiyao lilatthitao supaitthiyao sualamkitao nanaviha-ragavasanao nanamallapinaddhao mutthigejjhasumajjhao amelagajamalajuyalavattiyaabbhunnaya-pinarachiyasamthiyapaoharao rattavamgao asiyakesio miduvisayapasatthalakkhana samvellitagga-sirayao isim asogavarapadavasamutthitao vamahatthagahitaggasalao isim addhachchhikadakkha-chetthiehim lusemanio viva, chakkhulloyanalesehim annamannam khijjamanio iva, pudhaviparinamao sasayabhavamuvagatao chamdananao chamdavilasinio chamdaddhasamanidalao chamdahiyasomadamsanao ukka viva ujjoemanio vijjughanamiriyasuradippamtateyaahiyayarasamnikasao simgaragara-charuvesao pasadiyao darisanijjao abhiruvao padiruvao teyasa ativa-ativa uvasobhemanio-uvasobhemanio chitthamti. Vijayassa nam darassa ubhao pasim duhato nisihiyae dodo jalakadaga pannatta. Te nam jalakadaga savvarayanamaya achchha java padiruva. Vijayassa nam darassa ubhao pasim duhao nisighiyae dodo ghamtao pannattao. Tasi nam ghamtanam ayameyaruve vannavase pannatte, tam jaha– Jambunayamaio ghamtao vairamaio lalao nanamanimaya ghamtapasa tavanijjamaio samkalao rayayamaio rajjuo. Tao nam ghamtao ohassarao mehassarao hamsassarao komchassarao sihassarao dumduhissarao namdissarao namdighosao mamjussarao mamjughosao sussurao sussaraghosao oralenam manunnenam manaharenam kannamananivvuikarena saddena te padese savvato samamta apuremanioapuremanio sirie ativa-ativa uvasobhemanio-uvasobhemanio chitthamti. Vijayassa nam darassa ubhao pasim duhao nisidhiyae dodo vanamalao pannattao. Tao nam vanamalao nanadumalayakisalayapallavasamaulao chhappayaparibhujjamanasobhamtasassiriyao pasaiyao darisanijjao abhiruvao padiruvao. Pasaiyao te padese orale java gamdhenam apuremanio java chitthamti.
Sutra Meaning Transliteration : Juo sutra 166