Sutra Navigation: Prashnavyakaran ( પ્રશ્નવ્યાપકરણાંગ સૂત્ર )

Search Details

Mool File Details

Anuvad File Details

Sr No : 1105434
Scripture Name( English ): Prashnavyakaran Translated Scripture Name : પ્રશ્નવ્યાપકરણાંગ સૂત્ર
Mool Language : Ardha-Magadhi Translated Language : Gujarati
Chapter :

संवर द्वार श्रुतस्कंध-२

अध्ययन-१ अहिंसा

 Translated Chapter :

સંવર દ્વાર શ્રુતસ્કંધ-૨

અધ્યયન-૧ અહિંસા
Section : Translated Section :
Sutra Number : 34 Category : Ang-10
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] एसा सा भगवती अहिंसा, जा सा– भीयाणं पिव सरणं, पक्खीणं पिव गयणं। तिसियाणं पिव सलिलं, खुहियाणं पिव असणं। समुद्दमज्झे व पोतवहणं, चउप्पयाणं व आसमपयं। दुहट्टियाणं व ओसहिबलं, अडवीमज्झे व सत्थगमणं। एत्तो विसिट्ठतरिका अहिंसा, जा सा– पुढवि जल अगणि मारुय वणप्फइ बीज हरित जलचर थलचर खहचर तसथावर सव्वभूय खेमकरी। [सूत्र] एसा भगवती अहिंसा, जा सा– अपरिमियनाणदंसणधरेहिं सीलगुण विनय तव संजमनायकेहिं तित्थंकरेहिं सव्वजग-वच्छलेहिं तिलोगमहिएहिं जिणचंदेहिं सुट्ठु दिट्ठा, ओहिजिणेहिं विण्णाया, उज्जुमतीहिं विदिट्ठा, विपुलमतीहिं विदिता, पुव्वधरेहिं अधीता, वेउव्वीहिं पतिण्णा। आभिनिबोहियनाणीहिं सुयनाणीहिं मनपज्जवनाणीहिं केवलनाणीहिं आमोसहिपत्तेहिं खेलोसहिपत्तेहिं जल्लोसहिपत्तेहिं विप्पोसहिपत्तेहिं सव्वोसहिपत्तेहिं बीजबुद्धीहिं कोट्ठबुद्धीहिं पदानुसारीहिं संभिन्नसोतेहिं सुयधरेहिं मणबलिएहिं वयिबलिएहिं कायबलिएहिं नाणबलिएहिं दंसणबलिएहिं चरित्तबलिएहिं खीरासवेहिं महुआसवेहिं सप्पिआसवेहिं अक्खीणमहानसिएहिं चारणेहिं विज्जाहरेहिं... ... चउत्थभत्तिएहिंछट्ठभत्तिएहिं अट्ठमभत्तिएहिं एवं दसम दुवालस चोद्दस सोलस अद्धमास मास दोमास चउमास पंचमास छम्मासभत्तिएहिं उक्खित्तचरएहिं निक्खित्तचरएहिं अंतचरएहिं पंतचरएहिं लूहचरएहिं समुदानचरएहिं अन्नइलाएहिं मोनचरएहिं संसट्ठकप्पिएहिं तज्जायसंसट्ठ-कप्पिएहिं उवनिहिएहिं सुद्धेसणिएहिं संखादत्तिएहिं दिट्ठलाभिएहिं अदिट्ठलाभिएहिं पुट्ठलाभिएहिं आयंबिलिएहिं पुरिमड्ढिएहिं एक्कासणिएहिं निव्वितिएहिं भिन्नपिंडवाइएहिं परिमिय-पिंडवाइएहिं अंताहारेहिं पंताहारेहिं अरसाहारेहिं विरसाहारेहिं लूहाहारेहिं तुच्छाहारेहिं अंतजीवीहिं पंतजीवीहिं लूहजीवीहिं तुच्छजीवीहिं उवसंतजीवीहिं पसंतजीवीहिं विवित्तजीवीहिं अक्खीरमहु-सप्पिएहिं अमज्जमंसासिएहिं ठाणाइएहिं पडिमट्ठाईहिं ठाणुक्कडिएहिं वीरासणिएहिं नेसज्जिएहिं डंडाइएहिं लगंडसाईहिं एगपासगेहिं आयावएहिं अप्पाउएहिं अनिट्ठुभएहिं अकंडूयएहिं धुतकेसमंसु लोमनखेहिं सव्वगायपडिकम्मविप्पमुक्केहिं समनुचिण्णा सुयधरविदितत्थकायबुद्धीहिं। धीरमतिबुद्धिणो य जे ते आसीविस उग्गतेयकप्पा निच्छय ववसाय पज्जत्तकयमतीया निच्चं सज्झायज्झाण अनुबद्धधम्मज्झाणा पंचमहव्वयचरित्तजुत्ता समिता समितीसु समितपावा छव्विहजगवच्छला निच्चमप्पमत्ता, एएहिं अन्नेहि य जा सा अनु-पालिया भगवती। इमं च पुढवि दग अगणि मारुय तरुगण तस थावर सव्वभूय संजमदयट्ठयाए सुद्धं उंछं गवेसियव्वं अकतमकारित-मनाहूयमनुद्दिट्ठं, अकीयकडं, नवहि य कोडीहिं सुपरिसुद्धं, दसहि य दोसेहिं विप्पमुक्के, उग्गमउप्पायणेसणासुद्धं, ववगय चुय चइय चत्तदेहं च, फासुयं च। न निसज्जकहापओयणक्खासुओवणीयं, न तिगिच्छा मंत मूल भेसज्जहेउं, न लक्खणुप्पाय सुमिण जोइस निमित्त कह कुहकप्पउत्तं। नवि डंभणाए, नवि रक्खणाते, नवि सासणाते, नवि डंभण रक्खण सासणाते भिक्खं गवेसियव्वं। नवि वंदणाते, नवि माणणाते, नवि पूयणाते, नवि वंदण माणण पूयणाते भिक्खं गवेसियव्वं। नवि हीलणाते, नवि निंदणाते, नवि गरहणाते, नवि हीलण निंदण गरहणाते भिक्खं गवेसियव्वं। नवि भेसणाते, नवि तज्जणाते, नवि तालणाते, नवि भेसण तज्जण तालणाते भिक्खं गवेसियव्वं। नवि गारवेणं, नवि कुहणयाते, नवि वणीमयाते, नवि गारव कुहण वणीमयाते भिक्खं गवेसियव्वं। नवि मित्तयाए, नवि पत्थणाए, नवि सेवणाए, नवि मित्तत्त पत्थण सेवणाते भिक्खं गवेसियव्वं। अन्नाए अगढिए अदुट्ठे अदीणे अविमणे अकलुणे अविसाती अपरितंतजोगी जयण घडण करण चरिय विणय गुण जोगसंपउत्ते भिक्खू भिक्खेसणाते निरते। इमं च सव्वजगजीव रक्खणदयट्ठाए पावयणं भगवया सुकहियं अत्तहियं पेच्चाभावियं आगमेसिभद्दं सुद्धं नेयाउयं अकुडिलं अणुत्तरं सव्वदुक्खपावाण विओसमणं।
Sutra Meaning : જુઓ સૂત્ર ૩૨
Mool Sutra Transliteration : [sutra] esa sa bhagavati ahimsa, ja sa– Bhiyanam piva saranam, pakkhinam piva gayanam. Tisiyanam piva salilam, khuhiyanam piva asanam. Samuddamajjhe va potavahanam, chauppayanam va asamapayam. Duhattiyanam va osahibalam, adavimajjhe va satthagamanam. Etto visitthatarika ahimsa, ja sa– Pudhavi jala agani maruya vanapphai bija harita jalachara thalachara khahachara tasathavara savvabhuya khemakari. [sutra] esa bhagavati ahimsa, ja sa– Aparimiyananadamsanadharehim silaguna vinaya tava samjamanayakehim titthamkarehim savvajaga-vachchhalehim tilogamahiehim jinachamdehim sutthu dittha, ohijinehim vinnaya, ujjumatihim vidittha, vipulamatihim vidita, puvvadharehim adhita, veuvvihim patinna. Abhinibohiyananihim suyananihim manapajjavananihim kevalananihim amosahipattehim khelosahipattehim jallosahipattehim vipposahipattehim savvosahipattehim bijabuddhihim kotthabuddhihim padanusarihim sambhinnasotehim suyadharehim manabaliehim vayibaliehim kayabaliehim nanabaliehim damsanabaliehim charittabaliehim khirasavehim mahuasavehim sappiasavehim akkhinamahanasiehim charanehim vijjaharehim.. .. Chautthabhattiehimchhatthabhattiehim atthamabhattiehim evam dasama duvalasa choddasa solasa addhamasa masa domasa chaumasa pamchamasa chhammasabhattiehim ukkhittacharaehim nikkhittacharaehim amtacharaehim pamtacharaehim luhacharaehim samudanacharaehim annailaehim monacharaehim samsatthakappiehim tajjayasamsattha-kappiehim uvanihiehim suddhesaniehim samkhadattiehim ditthalabhiehim aditthalabhiehim putthalabhiehim ayambiliehim purimaddhiehim ekkasaniehim nivvitiehim bhinnapimdavaiehim parimiya-pimdavaiehim amtaharehim pamtaharehim arasaharehim virasaharehim luhaharehim tuchchhaharehim amtajivihim pamtajivihim luhajivihim tuchchhajivihim uvasamtajivihim pasamtajivihim vivittajivihim akkhiramahu-sappiehim amajjamamsasiehim thanaiehim padimatthaihim thanukkadiehim virasaniehim nesajjiehim damdaiehim lagamdasaihim egapasagehim ayavaehim appauehim anitthubhaehim akamduyaehim dhutakesamamsu lomanakhehim savvagayapadikammavippamukkehim samanuchinna Suyadharaviditatthakayabuddhihim. Dhiramatibuddhino ya je te asivisa uggateyakappa nichchhaya vavasaya pajjattakayamatiya nichcham sajjhayajjhana anubaddhadhammajjhana pamchamahavvayacharittajutta samita samitisu samitapava chhavvihajagavachchhala nichchamappamatta, eehim annehi ya ja sa anu-paliya bhagavati. Imam cha pudhavi daga agani maruya tarugana tasa thavara savvabhuya samjamadayatthayae suddham umchham gavesiyavvam akatamakarita-manahuyamanuddittham, akiyakadam, navahi ya kodihim suparisuddham, dasahi ya dosehim vippamukke, uggamauppayanesanasuddham, vavagaya chuya chaiya chattadeham cha, phasuyam cha. Na nisajjakahapaoyanakkhasuovaniyam, na tigichchha mamta mula bhesajjaheum, na lakkhanuppaya sumina joisa nimitta kaha kuhakappauttam. Navi dambhanae, navi rakkhanate, navi sasanate, navi dambhana rakkhana sasanate bhikkham gavesiyavvam. Navi vamdanate, navi mananate, navi puyanate, navi vamdana manana puyanate bhikkham gavesiyavvam. Navi hilanate, navi nimdanate, navi garahanate, navi hilana nimdana garahanate bhikkham gavesiyavvam. Navi bhesanate, navi tajjanate, navi talanate, navi bhesana tajjana talanate bhikkham gavesiyavvam. Navi garavenam, navi kuhanayate, navi vanimayate, navi garava kuhana vanimayate bhikkham gavesiyavvam. Navi mittayae, navi patthanae, navi sevanae, navi mittatta patthana sevanate bhikkham gavesiyavvam. Annae agadhie adutthe adine avimane akalune avisati aparitamtajogi jayana ghadana karana chariya vinaya guna jogasampautte bhikkhu bhikkhesanate nirate. Imam cha savvajagajiva rakkhanadayatthae pavayanam bhagavaya sukahiyam attahiyam pechchabhaviyam agamesibhaddam suddham neyauyam akudilam anuttaram savvadukkhapavana viosamanam.
Sutra Meaning Transliteration : Juo sutra 32