Sutra Navigation: Gyatadharmakatha ( ધર્મકથાંગ સૂત્ર )
Search Details
| Mool File Details |
|
Anuvad File Details |
|
| Sr No : | 1104811 | ||
| Scripture Name( English ): | Gyatadharmakatha | Translated Scripture Name : | ધર્મકથાંગ સૂત્ર |
| Mool Language : | Ardha-Magadhi | Translated Language : | Gujarati |
| Chapter : |
श्रुतस्कंध-१ अध्ययन-९ माकंदी |
Translated Chapter : |
શ્રુતસ્કંધ-૧ અધ્યયન-૯ માકંદી |
| Section : | Translated Section : | ||
| Sutra Number : | 111 | Category : | Ang-06 |
| Gatha or Sutra : | Sutra | Sutra Anuyog : | |
| Author : | Deepratnasagar | Original Author : | Gandhar |
| Century : | Sect : | Svetambara1 | |
| Source : | |||
| Mool Sutra : | [सूत्र] तए णं तेसिं मागंदिय-दारगाणं लवणसमुद्दं अनेगाइं जोयणसयाइं ओगाढाणं समाणाणं अनेगाइं उप्पाइयसयाइं पाउब्भूयाइं, तं जहा–अकाले गज्जिए अकाले विज्जुए अकाले थणियसद्दे कालिय-वाए जाव समुट्ठिए। तए णं सा नावा तेणं कालियवाएणं आहुणिज्जमाणी-आहुणिज्जमाणी संचालिज्जमाणी-संचालिज्जमाणी संखोभिज्जमाणी-संखोभिज्जमाणी सलिल-तिक्ख-वेगेहिं अइअट्टिज्जमाणी-अइअट्टिज्जमाणी कोट्टिमंसि करतलाहते विव तिंदूसए तत्थेव-तत्थेव ओवयमाणी य उप्पयमाणी य, उप्पयमाणी विव वरणीयलाओ सिद्धविज्जा विज्जाहरकन्नगा, ओवयमाणी विव गगनतलाओ भट्ठविज्जा विज्जाहरकन्नगा, विपलायमाणी विव महागरुल-वेग-वित्तासिय भुयगवरकन्नगा, धावमाणी विव महाजन-रसियसद्द-वित्तत्था ठाणमट्ठा आसकिसोरी, निगुंजमाणी विव गुरुजन-दिट्ठावराहा सुजणकुलकन्नगा, धुम्ममाणी विव वीचि-पहार-सय-तालिया, गलिय-लंबणा विव गगणतलाओ, रोयमाणी विव सलिलगंथि-विप्पइर-माण-थोरंसुवाएहिं नववहू उवरयभत्तुया, विलवमाणी विव परचक्करायाभिरोहिया परममहब्भयाभिद्दुया महापुरवरी, ज्झायमाणी विव कवड-च्छोमनपओगजुत्ता जोगपरिव्वाइया, नीससमाणी विव महाकंतार-विणिग्गय-परिस्संता परिणयवया अम्मया, सोयमाणी विव तव-चरण-खीण-परिभोगा चवणकाले देववरवहू, संचुण्णियकट्ठ-कूवरा, भग्गमेढि-मोडिय-सहस्समाला, सूलाइय-वंकपरिमासा, फलहंतर-तडतडेंत-फुट्टंत-संधिवियलंत-लोहकीलिया, सव्वंग-वियंभिया, परिसडियरज्जुविसरंतसव्वगत्ता, आमगमल्लगभूया, अकयपुण्ण-जनमनोरहो विव चिंतिज्जमाणगुरुइ हाहाक्कयं कण्णधार-नाविय-वाणियगजण-कम्मकर-विलविया नानाविह-रयण-पणिय-संपुण्णा बहूहिं पुरिससएहिं रोयमाणेहिं कंदमाणेहिं सीयमाणेहिं तिप्पमाणेहिं विलवमाणेहिं एगं महं अंतोजलगयं गिरिसिहरमासाइत्ता संभग्गकूवतीरणा मोडियज्झयदंडा वलयसयखंडिया करकरस्स तत्थेव विद्दवं उवगया। तए णं तीए नावाए भिज्जमाणीए ते बहवे पुरिसा विपुल-पणिय-भंडमायाए अंतोजलंमि निमज्जाविया यावि होत्था। | ||
| Sutra Meaning : | જુઓ સૂત્ર ૧૧૦ | ||
| Mool Sutra Transliteration : | [sutra] tae nam tesim magamdiya-daraganam lavanasamuddam anegaim joyanasayaim ogadhanam samananam anegaim uppaiyasayaim paubbhuyaim, tam jaha–akale gajjie akale vijjue akale thaniyasadde kaliya-vae java samutthie. Tae nam sa nava tenam kaliyavaenam ahunijjamani-ahunijjamani samchalijjamani-samchalijjamani samkhobhijjamani-samkhobhijjamani salila-tikkha-vegehim aiattijjamani-aiattijjamani kottimamsi karatalahate viva timdusae tattheva-tattheva ovayamani ya uppayamani ya, uppayamani viva varaniyalao siddhavijja vijjaharakannaga, ovayamani viva gaganatalao bhatthavijja vijjaharakannaga, vipalayamani viva mahagarula-vega-vittasiya bhuyagavarakannaga, dhavamani viva mahajana-rasiyasadda-vittattha thanamattha asakisori, nigumjamani viva gurujana-ditthavaraha sujanakulakannaga, dhummamani viva vichi-pahara-saya-taliya, galiya-lambana viva gaganatalao, royamani viva salilagamthi-vippaira-mana-thoramsuvaehim navavahu uvarayabhattuya, vilavamani viva parachakkarayabhirohiya paramamahabbhayabhidduya mahapuravari, jjhayamani viva kavada-chchhomanapaogajutta jogaparivvaiya, nisasamani viva mahakamtara-viniggaya-parissamta parinayavaya ammaya, soyamani viva tava-charana-khina-paribhoga chavanakale devavaravahu, samchunniyakattha-kuvara, bhaggamedhi-modiya-sahassamala, sulaiya-vamkaparimasa, phalahamtara-tadatademta-phuttamta-samdhiviyalamta-lohakiliya, savvamga-viyambhiya, parisadiyarajjuvisaramtasavvagatta, amagamallagabhuya, akayapunna-janamanoraho viva chimtijjamanagurui hahakkayam kannadhara-naviya-vaniyagajana-kammakara-vilaviya nanaviha-rayana-paniya-sampunna bahuhim purisasaehim royamanehim kamdamanehim siyamanehim tippamanehim vilavamanehim egam maham amtojalagayam girisiharamasaitta sambhaggakuvatirana modiyajjhayadamda valayasayakhamdiya karakarassa tattheva viddavam uvagaya. Tae nam tie navae bhijjamanie te bahave purisa vipula-paniya-bhamdamayae amtojalammi nimajjaviya yavi hottha. | ||
| Sutra Meaning Transliteration : | Juo sutra 110 | ||