Sutra Navigation: Gyatadharmakatha ( ધર્મકથાંગ સૂત્ર )

Search Details

Mool File Details

Anuvad File Details

Sr No : 1104751
Scripture Name( English ): Gyatadharmakatha Translated Scripture Name : ધર્મકથાંગ સૂત્ર
Mool Language : Ardha-Magadhi Translated Language : Gujarati
Chapter :

श्रुतस्कंध-१

अध्ययन-२ संघाट

 Translated Chapter :

શ્રુતસ્કંધ-૧

અધ્યયન-૨ સંઘાટ
Section : Translated Section :
Sutra Number : 51 Category : Ang-06
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं से धने सत्थवाहे अन्नया कयाइं लहुसयंसि रायावराहंसि संपलित्ते जाए यावि होत्था। तए णं ते नगरगुत्तिया धनं सत्थवाहं गेण्हंति, गेण्हित्ता जेणेव चारए तेणेव उवागच्छंति, उवागच्छित्ता चारगं अनुप्पवेसंति, अनुप्पवेसित्ता विजएणं तक्करेणं सद्धिं एगयओ हडिबंधनं करेंति। तए णं सा भद्दा भारिया कल्लं पाउप्पभाए रयणीए जाव उट्ठियम्मि सूरे सहस्सरस्सिम्मि दिनयरे तेयसा जलंते विपुलं असनं पानं खाइमं साइमं उवक्खडेइ, भोयणपिडयं करेइ, करेत्ता भोयणाइं पक्खिवइ, लंछिय-मुद्दियं करेइ, करेत्ता एगं च सुरभि वारिपडिपुण्णं दगवारयं करेइ, करेत्ता पंथयं दासचेडयं सद्दावेइ, सद्दावेत्ता एवं वयासी–गच्छह णं तुमं देवानुप्पिया! इमं विपुलं असनं पानं खाइमं साइमं गहाय चारगसालाए धनस्स सत्थवाहस्स उवणेहि। तए णं से पंथए भद्दाए सत्थवाहीए एवं वुत्ते समाणे हट्ठतुट्ठे तं भोयणपिडयं तं च सुरभिवरवारि-पडिपुण्णं दगवारयं गेण्हइ, गेण्हित्ता सयाओ गिहाओ पडिनिक्खमइ, पडिनिक्ख-मित्ता रायगिहं नगरं मज्झंमज्झेणं जेणेव चारगसाला जेणेव धने सत्थवाहे तेणेव उवागच्छइ, उवागच्छित्ता भोयणपिडयं ठवेइ, ठवेत्ता उल्लंछेइ, उल्लंछेत्ता भोयणं गेण्हइ, गेण्हित्ता भायणाइं ठावइ, ठावित्ता हत्थसोयं दलयइ, दलइत्ता धनं सत्थवाहं तेणं विपुलेणं असन-पान-खाइम-साइमेणं परिवेसेइ। तए णं से विजए तक्करे धनं सत्थवाहं एवं वयासी–तुब्भे णं देवानुप्पिया! ममं एयाओ विपुलाओ असन-पान-खाइम-साइमाओ संविभागं करेहि। तए णं से धने सत्थवाहे विजयं तक्करं एवं वयासी–अवियाइं अहं विजया! एयं विपुलं असनं पानं खाइमं साइमं कायाण वा सुणगाण वा दलएज्जा, उक्कुरुडियाए वा णं छड्डेज्जा, नो चेव णं तव पुत्तधायगस्स पुत्तमारगस्स अरिस्स वेरियस्स पडनीयस्स पच्चामित्तस्स एत्तो विपुलाओ असन-पान-खाइम-साइमाओ संविभागं करेज्जामि। तए णं से धने सत्थवाहे तं विपुलं असनं पानं खाइमं साइमं आहारेइ, तं पंथयं पडिविसज्जेइ। तए णं से पंथए दासचेडए तं भोयणपिडगं गिण्हइ, गिण्हित्ता जामेव दिसिं पाउब्भूए तामेव दिसिं पडिगए। तए णं तस्स धनस्स सत्थवाहस्स तं विपुलं असनं पानं खाइमं साइमं आहारियस्स समाणस्स उच्चार-पासवणे णं उव्वाहित्था। तए णं से धने सत्थवाहे विजयं तक्करं एवं वयासी–एहि ताव विजया! एगंतमवक्कमामो जेणं अहं उच्चार-पासवणं परिट्ठवेमि। तए णं से विजए तक्करे धनं सत्थवाहं एवं वयासी–तुज्झं देवानुप्पिया! विपुलं असनं पानं खाइमं साइमं आहारियस्स अत्थि उच्चारे वा पासवणे वा, ममं णं देवानुप्पिया! इमेहिं बहूहिं कसप्पहारेहि य छिवापहारेहि य लयापहारेहि य तण्हाए य छुहाए य परज्झमाणस्स नत्थि केइ उच्चारे वा पासवणे वा। तं छंदेणं तुमं देवानुप्पिया! एगंते अवक्कमित्ता उच्चार-पासवणं परिट्ठवेहि। तए णं से धने सत्थवाहे विजएणं तक्करेणं एवं वुत्ते समाणे तुसिणीए संचिट्ठइ। तए णं से धने सत्थवाहे मुहुत्तंतरस्स बलियतरागं उच्चार-पासवणेणं उव्वाहिज्जमाणे विजयं तक्करं एवं वयासी–एहि ताव विजया! एगंतमवक्कमामो जेणं अहं उच्चार-पासवणं परिट्ठवेमि। तए णं से विजए तक्करे धनं सत्थवाहं एवं वयासी–जइ णं तुमं देवानुप्पिया! ताओ विपुलाओ असन-पान-खाइम-साइमाओ संविभागं करेहि, तओहं तुमेहिं सद्धिं एगंतं अवक्कमामि। तए णं से धने सत्थवाहे विजयं तक्करं एवं वयासी– अहं णं तुब्भं ताओ विपुलाओ असन-पान-खाइम-साइमाओ संविभागं करिस्सामि। तए णं से विजए तक्करे धनस्स सत्थवाहस्स एयमट्ठं पडिसुणेइ। तए णं से धने सत्थवाहे विजएण तक्करेण सद्धिं एगंते अवक्कमइ, उच्चारपासवणं परिट्ठवेइ, आयंते चोक्खे परमसुइभूए तमेव ठाणं उवसंकमित्ता णं विहरइ। तए णं सा भद्दा कल्लं पाउप्पभाए रयणीए जाव उट्ठियम्मि सूरे सहस्सरस्सिम्मि दिनयरे तेयसा जलंते विपुलं असनं पानं खाइमं साइमं उवक्खडेइ, भोयणपिडयं करेइ, करेत्ता भोयणाइं पक्खिवइ, लंछिय-मुद्दियं करेइ, करेत्ता एगं च सुरभि वारिपडिपुण्णं दगवारयं करेइ, करेत्ता पंथयं दासचेडयं सद्दावेइ, सद्दावेत्ता एवं वयासी–गच्छह णं तुमं देवानुप्पिया! इमं विपुलं असनं पानं खाइमं साइमं गहाय चारगसालाए धनस्स सत्थवाहस्स उवणेहि। तए णं से पंथए भद्दाए सत्थवाहीए एवं वुत्ते समाणे हट्ठतुट्ठे तं भोयणपिडयं तं च सुरभिवरवारिपडिपुण्णं दगवारयं गेण्हइ, गेण्हित्ता सयाओ गिहाओ पडिनिक्खमइ, पडिनिक्खमित्ता रायगिहं नगरं मज्झंमज्झेणं जेणेव चारगसाला जेणेव धने सत्थ वाहे तेणेव उवागच्छइ, उवागच्छित्ता भोयणपिडयं ठवेइ, ठवेत्ता उल्लंछेइ, उल्लंछेत्ता भोयणं गेण्हइ, गेण्हित्ता भायणाइं ठावइ, ठावित्ता हत्थसोयं दलयइ, दलइत्ता धनं सत्थवाहं तेणं विपुलेणं असन-पान-खाइम-साइमेणं परिवेसेइ। तए णं से धने सत्थवाहे विजयस्स तक्करस्स ताओ विपुलाओ असन-पान-खाइम-साइमाओ संविभागं करेइ। तए णं से धने सत्थवाहे पंथगं दासचेडयं विसज्जेइ। तए णं से पंथए भोयणपिडयं गहाय चारगाओ पडिनिक्खमइ, पडिनिक्खमित्ता रायगिहं नयरं मज्झंमज्झेणं जेणेव सए गिहे जेणेव भद्दा सत्थवाही तेणेव उवागच्छइ, उवागच्छित्ता भद्दं सत्थवाहिं एवं वयासी–एवं खलु देवानुप्पिए! धने सत्थवाहे तव पुत्तघायगस्स अरिस्स वेरियस्स पडणीयस्स० पच्चामित्तस्स ताओ विपुलाओ असन-पान-खाइम-साइमाओ संविभागं करेइ।
Sutra Meaning : જુઓ સૂત્ર ૫૦
Mool Sutra Transliteration : [sutra] tae nam se dhane satthavahe annaya kayaim lahusayamsi rayavarahamsi sampalitte jae yavi hottha. Tae nam te nagaraguttiya dhanam satthavaham genhamti, genhitta jeneva charae teneva uvagachchhamti, uvagachchhitta charagam anuppavesamti, anuppavesitta vijaenam takkarenam saddhim egayao hadibamdhanam karemti. Tae nam sa bhadda bhariya kallam pauppabhae rayanie java utthiyammi sure sahassarassimmi dinayare teyasa jalamte vipulam asanam panam khaimam saimam uvakkhadei, bhoyanapidayam karei, karetta bhoyanaim pakkhivai, lamchhiya-muddiyam karei, karetta egam cha surabhi varipadipunnam dagavarayam karei, karetta pamthayam dasachedayam saddavei, saddavetta evam vayasi–gachchhaha nam tumam devanuppiya! Imam vipulam asanam panam khaimam saimam gahaya charagasalae dhanassa satthavahassa uvanehi. Tae nam se pamthae bhaddae satthavahie evam vutte samane hatthatutthe tam bhoyanapidayam tam cha surabhivaravari-padipunnam dagavarayam genhai, genhitta sayao gihao padinikkhamai, padinikkha-mitta rayagiham nagaram majjhammajjhenam jeneva charagasala jeneva dhane satthavahe teneva uvagachchhai, uvagachchhitta bhoyanapidayam thavei, thavetta ullamchhei, ullamchhetta bhoyanam genhai, genhitta bhayanaim thavai, thavitta hatthasoyam dalayai, dalaitta dhanam satthavaham tenam vipulenam asana-pana-khaima-saimenam parivesei. Tae nam se vijae takkare dhanam satthavaham evam vayasi–tubbhe nam devanuppiya! Mamam eyao vipulao asana-pana-khaima-saimao samvibhagam karehi. Tae nam se dhane satthavahe vijayam takkaram evam vayasi–aviyaim aham vijaya! Eyam vipulam asanam panam khaimam saimam kayana va sunagana va dalaejja, ukkurudiyae va nam chhaddejja, no cheva nam tava puttadhayagassa puttamaragassa arissa veriyassa padaniyassa pachchamittassa etto vipulao asana-pana-khaima-saimao samvibhagam karejjami. Tae nam se dhane satthavahe tam vipulam asanam panam khaimam saimam aharei, tam pamthayam padivisajjei. Tae nam se pamthae dasachedae tam bhoyanapidagam ginhai, ginhitta jameva disim paubbhue tameva disim padigae. Tae nam tassa dhanassa satthavahassa tam vipulam asanam panam khaimam saimam ahariyassa samanassa uchchara-pasavane nam uvvahittha. Tae nam se dhane satthavahe vijayam takkaram evam vayasi–ehi tava vijaya! Egamtamavakkamamo jenam aham uchchara-pasavanam paritthavemi. Tae nam se vijae takkare dhanam satthavaham evam vayasi–tujjham devanuppiya! Vipulam asanam panam khaimam saimam ahariyassa atthi uchchare va pasavane va, mamam nam devanuppiya! Imehim bahuhim kasappaharehi ya chhivapaharehi ya layapaharehi ya tanhae ya chhuhae ya parajjhamanassa natthi kei uchchare va pasavane va. Tam chhamdenam tumam devanuppiya! Egamte avakkamitta uchchara-pasavanam paritthavehi. Tae nam se dhane satthavahe vijaenam takkarenam evam vutte samane tusinie samchitthai. Tae nam se dhane satthavahe muhuttamtarassa baliyataragam uchchara-pasavanenam uvvahijjamane vijayam takkaram evam vayasi–ehi tava vijaya! Egamtamavakkamamo jenam aham uchchara-pasavanam paritthavemi. Tae nam se vijae takkare dhanam satthavaham evam vayasi–jai nam tumam devanuppiya! Tao vipulao asana-pana-khaima-saimao samvibhagam karehi, taoham tumehim saddhim egamtam avakkamami. Tae nam se dhane satthavahe vijayam takkaram evam vayasi– aham nam tubbham tao vipulao asana-pana-khaima-saimao samvibhagam karissami. Tae nam se vijae takkare dhanassa satthavahassa eyamattham padisunei. Tae nam se dhane satthavahe vijaena takkarena saddhim egamte avakkamai, uchcharapasavanam paritthavei, ayamte chokkhe paramasuibhue tameva thanam uvasamkamitta nam viharai. Tae nam sa bhadda kallam pauppabhae rayanie java utthiyammi sure sahassarassimmi dinayare teyasa jalamte vipulam asanam panam khaimam saimam uvakkhadei, bhoyanapidayam karei, karetta bhoyanaim pakkhivai, lamchhiya-muddiyam karei, karetta egam cha surabhi varipadipunnam dagavarayam karei, karetta pamthayam dasachedayam saddavei, saddavetta evam vayasi–gachchhaha nam tumam devanuppiya! Imam vipulam asanam panam khaimam saimam gahaya charagasalae dhanassa satthavahassa uvanehi. Tae nam se pamthae bhaddae satthavahie evam vutte samane hatthatutthe tam bhoyanapidayam tam cha surabhivaravaripadipunnam dagavarayam genhai, genhitta sayao gihao padinikkhamai, padinikkhamitta rayagiham nagaram majjhammajjhenam jeneva charagasala jeneva dhane sattha vahe teneva uvagachchhai, uvagachchhitta bhoyanapidayam thavei, thavetta ullamchhei, ullamchhetta bhoyanam genhai, genhitta bhayanaim thavai, thavitta hatthasoyam dalayai, dalaitta dhanam satthavaham tenam vipulenam asana-pana-khaima-saimenam parivesei. Tae nam se dhane satthavahe vijayassa takkarassa tao vipulao asana-pana-khaima-saimao samvibhagam karei. Tae nam se dhane satthavahe pamthagam dasachedayam visajjei. Tae nam se pamthae bhoyanapidayam gahaya charagao padinikkhamai, padinikkhamitta rayagiham nayaram majjhammajjhenam jeneva sae gihe jeneva bhadda satthavahi teneva uvagachchhai, uvagachchhitta bhaddam satthavahim evam vayasi–evam khalu devanuppie! Dhane satthavahe tava puttaghayagassa arissa veriyassa padaniyassa0 pachchamittassa tao vipulao asana-pana-khaima-saimao samvibhagam karei.
Sutra Meaning Transliteration : Juo sutra 50