Sutra Navigation: Gyatadharmakatha ( ધર્મકથાંગ સૂત્ર )

Search Details

Mool File Details

Anuvad File Details

Sr No : 1104741
Scripture Name( English ): Gyatadharmakatha Translated Scripture Name : ધર્મકથાંગ સૂત્ર
Mool Language : Ardha-Magadhi Translated Language : Gujarati
Chapter :

श्रुतस्कंध-१

अध्ययन-१ उत्क्षिप्तज्ञान

 Translated Chapter :

શ્રુતસ્કંધ-૧

અધ્યયન-૧ ઉત્ક્ષિપ્તજ્ઞાન
Section : Translated Section :
Sutra Number : 41 Category : Ang-06
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] भंते! त्ति भगवं गोयमे समणं भगवं महावीरं वंदइ नमंसइ, वंदित्ता नमंसित्ता एवं वयासी–एवं खलु देवानुप्पियाणं अंतेवासी मेहे नामं अनगारे से णं भंते! मेहे अनगारे कालमासे कालं किच्चा कहिं गए? कहिं उववन्ने? गोयमा! इ समणे भगवं महावीरे गोयमं एवं वयासी–एवं खलु गोयमा! मम अंतेवासी मेहे नामं अनगारे पगइभद्दए जाव विनीए, से णं तहारूवाणं थेराणं अंतिए सामाइयमाइयाइं एक्कारस अंगाइं अहिज्जित्ता, बारस भिक्खुपडिमाओ गुण-रयण-संवच्छरं तवोकम्मं काएणं फासेत्ता जाव किट्टेत्ता, मए अब्भणुण्णाए समाणे गोयमाइ थेरे खामेत्ता, तहारूवेहिं कडादीहिं थेरेहिं सद्धिं विपुलं पव्वयं सणियं-सणियं दुरुहित्ता, दब्भसंथारगं, संथरित्ता दब्भसंथारोवगए सयमेव पंचमहव्वए उच्चारेत्ता, बारस वासाइं सामण्णपरियागं पाउणित्ता, मासियाए संलेहणाए अप्पाणं ज्झूसित्ता, सट्ठिं भत्ताइं अनसणाए छेदेत्ता आलोइय-पडिक्कंते उद्धियसल्ले समाहिपत्ते कालमासे कालं किच्चा उड्ढं चंदिम-सूर-गहगण-नक्खत्त-तारारूवाणं बहूइं जोयणाइं बहूइं जोयणस-याइं बहूइं जोयणसहस्साइं बहूइं जोयणसयसहस्साइं बहूओ जोयणकोडीओ बहूओ जोयणकोडाकोडीओ उड्ढं दूरं उप्पइत्ता सोहम्मी-सान-सणंकुमार-माहिंद-बंभ-लंतग-महासुक्क-सहस्साराणय-पाणयारणच्चुए तिन्नि य अट्ठारसुत्तरे गेवेज्जविमाणवाससए वीईवइत्ता विजए महाविमाणे देवत्ताए उववन्ने। तत्थ णं अत्थेगइयाणं देवाणं तेत्तीसं सागरोवमाइं ठिई पन्नत्ता। तत्थ णं मेहस्स वि देवस्स तेत्तीसं सागरोवमाइं ठिई। एस णं भंते! मेहे देवे ताओ देवलोयाओ आउक्खएणं ठिइक्खएणं भवक्खएणं अनंतरं चयं चइत्ता कहिं गच्छिहिइ? कहिं उववज्जिहिइ? गोयमा! महाविदेहे वासे सिज्झिहिइ बुज्झिहिइ मुच्चिहिइ परिनिव्वाहिइ सव्वदुक्खाणमंतं काहिइ। एवं खलु जंबू! समणेणं भगवया महावीरेणं आइगरेणं तित्थगरेणं जाव सिद्धिगइनामधेज्जं ठाणं संपत्तेणं अप्पो-लंभ-निमित्तं पढमस्स नायज्झयणस्स अयमट्ठे पन्नत्ते।
Sutra Meaning : જુઓ સૂત્ર ૪૦
Mool Sutra Transliteration : [sutra] bhamte! Tti bhagavam goyame samanam bhagavam mahaviram vamdai namamsai, vamditta namamsitta evam vayasi–evam khalu devanuppiyanam amtevasi mehe namam anagare se nam bhamte! Mehe anagare kalamase kalam kichcha kahim gae? Kahim uvavanne? Goyama! I samane bhagavam mahavire goyamam evam vayasi–evam khalu goyama! Mama amtevasi mehe namam anagare pagaibhaddae java vinie, se nam taharuvanam theranam amtie samaiyamaiyaim ekkarasa amgaim ahijjitta, barasa bhikkhupadimao guna-rayana-samvachchharam tavokammam kaenam phasetta java kittetta, mae abbhanunnae samane goyamai there khametta, taharuvehim kadadihim therehim saddhim vipulam pavvayam saniyam-saniyam duruhitta, dabbhasamtharagam, samtharitta dabbhasamtharovagae sayameva pamchamahavvae uchcharetta, barasa vasaim samannapariyagam paunitta, masiyae samlehanae appanam jjhusitta, satthim bhattaim anasanae chhedetta aloiya-padikkamte uddhiyasalle samahipatte kalamase kalam kichcha uddham chamdima-sura-gahagana-nakkhatta-tararuvanam bahuim joyanaim bahuim joyanasa-yaim bahuim joyanasahassaim bahuim joyanasayasahassaim bahuo joyanakodio bahuo joyanakodakodio uddham duram uppaitta sohammi-sana-sanamkumara-mahimda-bambha-lamtaga-mahasukka-sahassaranaya-panayaranachchue tinni ya attharasuttare gevejjavimanavasasae viivaitta vijae mahavimane devattae uvavanne. Tattha nam atthegaiyanam devanam tettisam sagarovamaim thii pannatta. Tattha nam mehassa vi devassa tettisam sagarovamaim thii. Esa nam bhamte! Mehe deve tao devaloyao aukkhaenam thiikkhaenam bhavakkhaenam anamtaram chayam chaitta kahim gachchhihii? Kahim uvavajjihii? Goyama! Mahavidehe vase sijjhihii bujjhihii muchchihii parinivvahii savvadukkhanamamtam kahii. Evam khalu jambu! Samanenam bhagavaya mahavirenam aigarenam titthagarenam java siddhigainamadhejjam thanam sampattenam appo-lambha-nimittam padhamassa nayajjhayanassa ayamatthe pannatte.
Sutra Meaning Transliteration : Juo sutra 40