Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1103686
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-३

 Translated Chapter :

શતક-૩
Section : उद्देशक-४ यान Translated Section : ઉદ્દેશક-૪ યાન
Sutra Number : 186 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] पभू णं भंते! बलाहए एगं महं इत्थिरूवं वा जाव संदमाणियरूवं वा परिणामेत्तए? हंता पभू। पभू णं भंते! बलाहए एगं महं इत्थिरूवं परिणामेत्ता अनेगाइं जोयणाइं गतित्तए। हंता पभू। से भंते! किं आइड्ढीए गच्छइ? परिड्ढीए गच्छइ? गोयमा! नो आइड्ढीए गच्छइ, परिड्ढीए गच्छइ। से भंते! किं आयकम्मुणा गच्छइ? परकम्मुणा गच्छइ? गोयमा! नो आयकम्मुणा गच्छइ, परकम्मुणा गच्छइ। से भंते! किं आयप्पयोगेणं गच्छइ? परप्पयोगेणं गच्छइ? गोयमा! नो आयप्पयोगेणं गच्छइ, परप्पयोगेणं गच्छइ। से भंते! किं ऊसिओदयं गच्छइ? पतोदयं गच्छइ? गोयमा! ऊसिओदयं पि गच्छइ, पतोदयं पि गच्छइ। से भंते! किं बलाहए? इत्थी? गोयमा! बलाहए णं से, नो खलु सा इत्थी। एवं पुरिसे, आसे, हत्थी। पभू णं भंते! बलाहए एगं महं जाणरूवं परिणामेत्ता अनेगाइं जोयणाइं गमित्तए? जहा इत्थिरूवं तहा भाणियव्वं। से भंते! किं एगओचक्कवालं गच्छइ? दुहओचक्कवालं गच्छइ? गोयमा! एगओचक्कवालं पि गच्छइ, दुहओचक्कवालं पि गच्छइ। जुग्ग-गिल्लि-थिल्लि-सीया-संदमाणिया तहेव।
Sutra Meaning : જુઓ સૂત્ર ૧૮૫
Mool Sutra Transliteration : [sutra] pabhu nam bhamte! Balahae egam maham itthiruvam va java samdamaniyaruvam va parinamettae? Hamta pabhu. Pabhu nam bhamte! Balahae egam maham itthiruvam parinametta anegaim joyanaim gatittae. Hamta pabhu. Se bhamte! Kim aiddhie gachchhai? Pariddhie gachchhai? Goyama! No aiddhie gachchhai, pariddhie gachchhai. Se bhamte! Kim ayakammuna gachchhai? Parakammuna gachchhai? Goyama! No ayakammuna gachchhai, parakammuna gachchhai. Se bhamte! Kim ayappayogenam gachchhai? Parappayogenam gachchhai? Goyama! No ayappayogenam gachchhai, parappayogenam gachchhai. Se bhamte! Kim usiodayam gachchhai? Patodayam gachchhai? Goyama! Usiodayam pi gachchhai, patodayam pi gachchhai. Se bhamte! Kim balahae? Itthi? Goyama! Balahae nam se, no khalu sa itthi. Evam purise, ase, hatthi. Pabhu nam bhamte! Balahae egam maham janaruvam parinametta anegaim joyanaim gamittae? Jaha itthiruvam taha bhaniyavvam. Se bhamte! Kim egaochakkavalam gachchhai? Duhaochakkavalam gachchhai? Goyama! Egaochakkavalam pi gachchhai, duhaochakkavalam pi gachchhai. Jugga-gilli-thilli-siya-samdamaniya taheva.
Sutra Meaning Transliteration : Juo sutra 185