Sutra Navigation: Sthanang ( સ્થાનાંગ સૂત્ર )

Search Details

Mool File Details

Anuvad File Details

Sr No : 1102209
Scripture Name( English ): Sthanang Translated Scripture Name : સ્થાનાંગ સૂત્ર
Mool Language : Ardha-Magadhi Translated Language : Gujarati
Chapter :

स्थान-३

 Translated Chapter :

સ્થાન-૩
Section : उद्देशक-४ Translated Section : ઉદ્દેશક-૪
Sutra Number : 209 Category : Ang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तिविहा आराहणा पन्नत्ता, तं जहा–नाणाराहणा, दंसणाराहणा, चरित्ताराहणा। नाणाराहणा तिविहा पन्नत्ता, तं जहा–उक्कोसा, मज्झिमा, जहन्ना। दंसणाराहणा तिविहा पन्नत्ता, तं जहा–उक्कोसा, मज्झिमा, जहन्ना। चरित्ताराहणा तिविहा पन्नत्ता, तं जहा–उक्कोसा, मज्झिमा, जहन्ना। तिविधे संकिलेसे पन्नत्ते, तं जहा–नाणसंकिलेसे, दंसणसंकिलेसे, चरित्तसंकिलेसे। तिविधे असंकिलेसे पन्नत्ते, तं जहा–नाणअसंकिलेसे, दंसणअसंकिलेसे, चरित्तअसंकिलेसे। तिविधे अतिक्कमे पन्नत्ते, तं जहा–नाणअतिक्कमे, दंसणअतिक्कमे, चरित्तअतिक्कमे। तिविधे वइक्कमे पन्नत्ते, तं जहा–नाणवइक्कमे, दंसणवइक्कमे, चरित्तवइक्कमे। तिविधे अइयारे पन्नत्ते, तं जहा–नाणअइयारे, दंसणअइयारे, चरित्तअइयारे। तिविधे अणायारे पन्नत्ते, तं जहा–नाणअणायारे, दंसणअणायारे, चरित्तअणायारे। तिण्हमतिक्कमाणं– आलोएज्जा, पडिक्कमेज्जा, निंदेज्जा, गरहेज्जा, विउट्टेज्जा, विसोहे-ज्जा, अकरणयाए अब्भुट्ठेज्जा, अहारिहं पायच्छित्तं तवोकम्मं पडिवज्जेज्जा, तं जहा–णाणाति-क्कमस्स, दंसणातिक्कमस्स, चरित्तातिक्कमस्स। तिण्हं वइक्कमाणं– आलोएज्जा, पडिक्कमेज्जा, निंदेज्जा, गरहेज्जा, विउट्टेज्जा, विसोहे-ज्जा, अकरणयाए अब्भुट्ठेज्जा, अहारिहं पायच्छित्तं तवोकम्मं पडिवज्जेज्जा, तं जहा–नाणवइ-क्कमस्स, दंसणवइक्कमस्स, चरित्तवइक्कमस्स। तिण्हमतिचाराणं– आलोएज्जा, पडिक्कमेज्जा, निंदेज्जा, गरहेज्जा, विउट्टेज्जा, विसोहे-ज्जा, अकरणयाए अब्भुट्ठेज्जा, अहारिहं पायच्छित्तं तवोकम्मं पडिवज्जेज्जा, तं जहा– नाणाति-चारस्स, दंसणातिचारस्स, चरित्तातिचारस्स। तिण्हमनायाराणं– आलोएज्जा, पडिक्कमेज्जा, निंदेज्जा, गरहेज्जा, विउट्टेज्जा, विसोहे-ज्जा, अकरणयाए अब्भुट्ठेज्जा, अहारिहं पायच्छित्तं तवोकम्मं पडिवज्जेज्जा, तं जहा– नाण-अणायारस्स, दंसण-अणायारस्स, चरित्त-अणायारस्स।
Sutra Meaning : જુઓ સૂત્ર ૨૦૮
Mool Sutra Transliteration : [sutra] tiviha arahana pannatta, tam jaha–nanarahana, damsanarahana, charittarahana. Nanarahana tiviha pannatta, tam jaha–ukkosa, majjhima, jahanna. Damsanarahana tiviha pannatta, tam jaha–ukkosa, majjhima, jahanna. Charittarahana tiviha pannatta, tam jaha–ukkosa, majjhima, jahanna. Tividhe samkilese pannatte, tam jaha–nanasamkilese, damsanasamkilese, charittasamkilese. Tividhe asamkilese pannatte, tam jaha–nanaasamkilese, damsanaasamkilese, charittaasamkilese. Tividhe atikkame pannatte, tam jaha–nanaatikkame, damsanaatikkame, charittaatikkame. Tividhe vaikkame pannatte, tam jaha–nanavaikkame, damsanavaikkame, charittavaikkame. Tividhe aiyare pannatte, tam jaha–nanaaiyare, damsanaaiyare, charittaaiyare. Tividhe anayare pannatte, tam jaha–nanaanayare, damsanaanayare, charittaanayare. Tinhamatikkamanam– aloejja, padikkamejja, nimdejja, garahejja, viuttejja, visohe-jja, akaranayae abbhutthejja, ahariham payachchhittam tavokammam padivajjejja, tam jaha–nanati-kkamassa, damsanatikkamassa, charittatikkamassa. Tinham vaikkamanam– aloejja, padikkamejja, nimdejja, garahejja, viuttejja, visohe-jja, akaranayae abbhutthejja, ahariham payachchhittam tavokammam padivajjejja, tam jaha–nanavai-kkamassa, damsanavaikkamassa, charittavaikkamassa. Tinhamaticharanam– aloejja, padikkamejja, nimdejja, garahejja, viuttejja, visohe-jja, akaranayae abbhutthejja, ahariham payachchhittam tavokammam padivajjejja, tam jaha– nanati-charassa, damsanaticharassa, charittaticharassa. Tinhamanayaranam– aloejja, padikkamejja, nimdejja, garahejja, viuttejja, visohe-jja, akaranayae abbhutthejja, ahariham payachchhittam tavokammam padivajjejja, tam jaha– nana-anayarassa, damsana-anayarassa, charitta-anayarassa.
Sutra Meaning Transliteration : Juo sutra 208