Sutra Navigation: Mahanishith ( महानिशीय श्रुतस्कंध सूत्र )
Search Details
| Mool File Details |
|
Anuvad File Details |
|
| Sr No : | 1018226 | ||
| Scripture Name( English ): | Mahanishith | Translated Scripture Name : | महानिशीय श्रुतस्कंध सूत्र |
| Mool Language : | Ardha-Magadhi | Translated Language : | Hindi |
| Chapter : |
अध्ययन-८ चूलिका-२ सुषाढ अनगारकथा |
Translated Chapter : |
अध्ययन-८ चूलिका-२ सुषाढ अनगारकथा |
| Section : | Translated Section : | ||
| Sutra Number : | 1526 | Category : | Chheda-06 |
| Gatha or Sutra : | Sutra | Sutra Anuyog : | |
| Author : | Deepratnasagar | Original Author : | Gandhar |
| Century : | Sect : | Svetambara1 | |
| Source : | |||
| Mool Sutra : | [सूत्र] से भयवं कयराओ य तेणं जयणा न विन्नाया, जओ णं तं तारिसं सुदुक्करं कायकेसं काऊणं पि तहा वि णं भमिहिइ सुइरं तु संसारे गोयमा जयणा णाम अट्ठारसण्हं सीलंग सहस्साणं संपुन्नाणं अखंडिय विराहियाणं जावज्जीव महण्णि-साणुसमयं धारणं कसिणं संजम किरियं अनुमन्नंति। तं च तेण न विण्णायंति। ते णं तु से अहन्ने भमिहिइ सुइरं तु संसारे। से भयवं केणं अट्ठेणं तं च तेणं न विण्णायंति गोयमा ते णं जावइए कायकेसे कए तावइयस्स अद्ध भागेणेव जइ से बाहिर पाणगं विवज्जंते ता सिद्धीए मनुवयंते नवरं तु तेण बाहिर पाणगे परिभुत्ते बाहिरपाणग परिभोइस्स णं गोयमा बहूए वि कायकेसे णिरत्थगे हवेज्जा। जओ णं गोयमा आऊ तेऊ मेहुणे एए तओ वि महापावट्ठाणे अबोहिदायगे एगंतेणं वि वज्जियव्वे, एगंतेणं न समायरियव्वे सुसंजएहिं ति, एतेणं अट्ठेण तं च तेणं न विण्णाय त्ति। से भयवं केणं अट्ठेणं आउ तेऊ मेहुणे त्ति। अबोहिदायगे समक्खाए गोयमा णं सव्वमवि छक्कायसमारंभे महापावट्ठाणे किंतु आऊ तेउकाय समारंभे णं अनंत सत्तोवघाए, मेहुणासेवणेणं तु संखेज्जासंखेज्ज सत्तोवघाए घन राग दोस मोहाणुगए एगंत अप्प सत्थज्झवसायत्तमेव। जम्हा णं एवं तम्हाओ गोयमा एतेसिं समारंभासेवणपरिभोगादिसु वट्टमाणे पाणी पढममहव्वयमेव न धारेज्जा। तयभावे अवसेसमहव्वय संजमट्ठाणस्स अभावमेव। जम्हा एवं तम्हा सव्वहा विराहिए सामन्ने। जओ एवं तओ णं पवत्तियसंमग्गपणासित्तेणेव गोयमा तं किं किंपि कम्मं निबंधेज्जा जे णं तु नरय तिरिय कुमाणुसेसु अनंत खुत्तो पुणो पुणो धम्मो त्ति अक्खराइं सिमिणे वि णं अलभमाणे परिभमेज्जा। एएणं अट्ठेणं आऊ तेऊ मेहुणे अबोहिय दायगे गोयमा समक्खाए त्ति। से भयवं किं छट्ठ ट्ठम दसम दुवालसद्ध मास मासे जाव णं छम्मास खवणाईणं अच्चंत घोर वीरुग्ग कट्ठ सुदुक्करे संजम जयणाविये सुमहंते वि उ काय केसे कए निरत्थगे हवेज्जा गोयमा णं णिरत्थगे हवेज्जा। से भयवं केणं अट्ठेणं गोयमा जओ णं खरुट्ट-महिस-गोणादओवि संजमजयणावियले अकाम निज्जराए सोहम्मकप्पाइसु वयंति। तओ वि भोग खएणं चुए समाणे तिरियादिसु संसारमनुसरेज्जा। तहा य दुग्गंधामेज्झचिलीण खारपित्तोज्झ सिंभ पडहत्थे वसा जलुस पूइ दुद्दिणि चिलिविले रुहिर चिक्खल्ले दुद्दंसणिज्ज बीभच्छ तिमिसंधयारए गंतुव्वियणिज्ज गब्भ पवेस जम्म जरा मरणाई अनेग सारीर मणोसमुत्थ सुघोर दारुण दुक्खाणमेव भायणं भवंति। न उण संजम जयणाए विना जम्म जरा मरणाइएहिं घोर पयंड महारुद्द दारुण दुक्खाणं निट्ठवणमेगंतियमच्चंतियं भवेज्जा। एतेण अट्ठेणं संजम जयणावियले सुमहंतेवि काय केसे पकए गोयमा निरत्थगे भवेज्जा, से भयवं किं संजम जयणं समुप्पेहमाणे समनुपालेमाणे समनुट्ठेमाणे अइरेणं जम्म मरणादीणं विमुच्चेज्जा गोयमा अत्थेगे, जे णं नो अइरेणं विमुच्चेज्जा से भयवं केणं अट्ठेणं एवं वुच्चइ जहा णं अत्थेगे जेणं नो अइरेणं विमुच्चेज्जा अत्थेगे जे णं अइरेणेव विमुच्चेज्जा गोयमा अत्थेगे जे णं किंचिउ ईसि मणगं अत्ताणगं अणोवलक्खेमाणे सराग ससल्ले संजम जयणं समनुट्ठे जे णं एवंविहे से णं चिरेणं जम्म जरा मरणाइ अनेग संसारिय दुक्खाणं विमुच्चेज्जा। अत्थेगे जे णं निम्मूलुद्धिय सव्वसल्ले निरारंभ परिग्गहे निम्ममे निरहंकारे ववगयराग दोस मोह मिच्छत्त कसाय मलकलंके सव्व भावभावंतरेहि णं सुविसुद्धासए अदीन माणसे एगंतेणं निज्जरा-पेही परम सद्धा संवेग वेरग्गगए विमुक्कासेस मय भय गारव विचित्ताणेग पमाया लवणे। जाव णं निज्जिय घोर परीसहोवसग्गे ववगयरोद्दट्टज्झाणे असेस कम्म खयट्ठाए जहुत्त संजम जयणं समनुपेहिज्जा पालेज्जा अनुपालेज्जा समनुपालेज्जा जाव णं समनुट्ठेज्जा। जे य णं एवंविहे से णं अइरेणं जम्म जरामरणाइ अनेगसंसारियसुदुव्विमोक्खदुक्खजालस्स णं विमुच्चेज्जा, एतेणं अट्ठेणं एवं वुच्चइ जहा णं गोयमा अत्थेगे जे णं नो अइरेणं विमुच्चेज्जा अत्थेगे जे य णं अइरेणेव विमुच्चेज्जा। से भयवं जम्म जरा मरणाइ अनेग संसारिय दुक्ख जाल विमुक्के समाणे जंतू कहिं परिवसेज्जा गोयमा जत्थ णं न जरा न मच्चू न वाहिओ नो अयसब्भक्खाणं संतावुव्वेग कलि कलह दारिद्द दंद परिकेसं न इट्ठ विओगो, किं बहुना एगंतेणं अक्खय धुव सासय निरुवम अनंत सोक्खं मोक्खं परिवसेज्ज | ||
| Sutra Meaning : | देखो सूत्र १५२५ | ||
| Mool Sutra Transliteration : | [sutra] se bhayavam kayarao ya tenam jayana na vinnaya, jao nam tam tarisam sudukkaram kayakesam kaunam pi taha vi nam bhamihii suiram tu samsare goyama jayana nama attharasanham silamga sahassanam sampunnanam akhamdiya virahiyanam javajjiva mahanni-sanusamayam dharanam kasinam samjama kiriyam anumannamti. Tam cha tena na vinnayamti. Te nam tu se ahanne bhamihii suiram tu samsare. Se bhayavam kenam atthenam tam cha tenam na vinnayamti goyama te nam javaie kayakese kae tavaiyassa addha bhageneva jai se bahira panagam vivajjamte ta siddhie manuvayamte navaram tu tena bahira panage paribhutte bahirapanaga paribhoissa nam goyama bahue vi kayakese niratthage havejja. Jao nam goyama au teu mehune ee tao vi mahapavatthane abohidayage egamtenam vi vajjiyavve, egamtenam na samayariyavve susamjaehim ti, etenam atthena tam cha tenam na vinnaya tti. Se bhayavam kenam atthenam au teu mehune tti. Abohidayage samakkhae goyama nam savvamavi chhakkayasamarambhe mahapavatthane kimtu au teukaya samarambhe nam anamta sattovaghae, mehunasevanenam tu samkhejjasamkhejja sattovaghae ghana raga dosa mohanugae egamta appa satthajjhavasayattameva. Jamha nam evam tamhao goyama etesim samarambhasevanaparibhogadisu vattamane pani padhamamahavvayameva na dharejja. Tayabhave avasesamahavvaya samjamatthanassa abhavameva. Jamha evam tamha savvaha virahie samanne. Jao evam tao nam pavattiyasammaggapanasitteneva goyama tam kim kimpi kammam nibamdhejja je nam tu naraya tiriya kumanusesu anamta khutto puno puno dhammo tti akkharaim simine vi nam alabhamane paribhamejja. Eenam atthenam au teu mehune abohiya dayage goyama samakkhae tti. Se bhayavam kim chhattha tthama dasama duvalasaddha masa mase java nam chhammasa khavanainam achchamta ghora virugga kattha sudukkare samjama jayanaviye sumahamte vi u kaya kese kae niratthage havejja goyama nam niratthage havejja. Se bhayavam kenam atthenam goyama jao nam kharutta-mahisa-gonadaovi samjamajayanaviyale akama nijjarae sohammakappaisu vayamti. Tao vi bhoga khaenam chue samane tiriyadisu samsaramanusarejja. Taha ya duggamdhamejjhachilina kharapittojjha simbha padahatthe vasa jalusa pui duddini chilivile ruhira chikkhalle duddamsanijja bibhachchha timisamdhayarae gamtuvviyanijja gabbha pavesa jamma jara maranai anega sarira manosamuttha sughora daruna dukkhanameva bhayanam bhavamti. Na una samjama jayanae vina jamma jara maranaiehim ghora payamda maharudda daruna dukkhanam nitthavanamegamtiyamachchamtiyam bhavejja. Etena atthenam samjama jayanaviyale sumahamtevi kaya kese pakae goyama niratthage bhavejja, se bhayavam kim samjama jayanam samuppehamane samanupalemane samanutthemane airenam jamma maranadinam vimuchchejja goyama atthege, je nam no airenam vimuchchejja Se bhayavam kenam atthenam evam vuchchai jaha nam atthege jenam no airenam vimuchchejja atthege je nam aireneva vimuchchejja goyama atthege je nam kimchiu isi managam attanagam anovalakkhemane saraga sasalle samjama jayanam samanutthe je nam evamvihe se nam chirenam jamma jara maranai anega samsariya dukkhanam vimuchchejja. Atthege je nam nimmuluddhiya savvasalle nirarambha pariggahe nimmame nirahamkare vavagayaraga dosa moha michchhatta kasaya malakalamke savva bhavabhavamtarehi nam suvisuddhasae adina manase egamtenam nijjara-pehi parama saddha samvega veraggagae vimukkasesa maya bhaya garava vichittanega pamaya lavane. Java nam nijjiya ghora parisahovasagge vavagayaroddattajjhane asesa kamma khayatthae jahutta samjama jayanam samanupehijja palejja anupalejja samanupalejja java nam samanutthejja. Je ya nam evamvihe se nam airenam jamma jaramaranai anegasamsariyasuduvvimokkhadukkhajalassa nam vimuchchejja, etenam atthenam evam vuchchai jaha nam goyama atthege je nam no airenam vimuchchejja atthege je ya nam aireneva vimuchchejja. Se bhayavam jamma jara maranai anega samsariya dukkha jala vimukke samane jamtu kahim parivasejja goyama jattha nam na jara na machchu na vahio no ayasabbhakkhanam samtavuvvega kali kalaha daridda damda parikesam na ittha viogo, kim bahuna egamtenam akkhaya dhuva sasaya niruvama anamta sokkham mokkham parivasejja | ||
| Sutra Meaning Transliteration : | Dekho sutra 1525 | ||