Sutra Navigation: Jivajivabhigam ( जीवाभिगम उपांग सूत्र )

Search Details

Mool File Details

Anuvad File Details

Sr No : 1005970
Scripture Name( English ): Jivajivabhigam Translated Scripture Name : जीवाभिगम उपांग सूत्र
Mool Language : Ardha-Magadhi Translated Language : Hindi
Chapter :

चतुर्विध जीव प्रतिपत्ति

 Translated Chapter :

चतुर्विध जीव प्रतिपत्ति
Section : द्वीप समुद्र Translated Section : द्वीप समुद्र
Sutra Number : 170 Category : Upang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] विजये णं दारे अट्ठसतं चक्कज्झयाणं, एवं मिगज्झयाणं गरुडज्झयाणं ऋच्छज्झयाणं छत्तज्झयाणं पिच्छज्झयाणं सउणिज्झयाणं सीहज्झयाणं उसभज्झयाणं, अट्ठसतं सेयाणं चउविसाणाणं नागवर-केऊणं। एवामेव सपुव्वावरेणं विजयदारे असीयं केउसहस्सं भवतित्ति मक्खायं। विजये णं दारे नव भोमा पन्नत्ता। तेसि णं भोमाणं अंतो बहुसमरमणिज्जा भूमिभागा पन्नत्ता जाव मणीणं फासो। तेसि णं भोमाणं उप्पिं उल्लोया पउमलयाभत्तिचित्ता जाव सामलया भत्तिचित्ता सव्व-तवणिज्जमया अच्छा जाव पडिरूवा। तेसि णं भोमाणं बहुमज्झदेसभाए जेसे पंचमे भोमे, तस्स णं भोमस्स बहुमज्झदेसभाए, एत्थ णं महं एगे सीहासने पन्नत्ते। सीहासनवण्णओ विजयदूसे अंकुसे जाव दामा चिट्ठंति। तस्स णं सीहासनस्स अवरुत्तरेणं उत्तरेणं उत्तरपुरत्थिमेणं, एत्थ णं विजयस्स देवस्स चउण्हं सामानियसहस्साणं चत्तारि भद्दासणसाहस्सीओ पन्नत्ताओ। तस्स णं सीहासनस्स पुरत्थिमेणं, एत्थ णं विजयस्स देवस्स चउण्हं अग्गमहिसीणं सपरिवाराणं चत्तारि भद्दासना पन्नत्ता। तस्स णं सीहासनस्स दाहिणपुरत्थिमेणं, एत्थ णं विजयस्स देवस्स अब्भिंतरियाए परिसाए अट्ठण्हं देवसाहस्सीणं अट्ठ भद्दासणसाहस्सीओ पन्नत्ताओ। तस्स णं सीहासनस्स दाहिणेणं, एत्थ णं विजयस्स देवस्स मज्झिमियाए परिसाए दसण्हं देवसाहस्सीणं दस भद्दासणसाहस्सीओ पन्नत्ताओ। तस्स णं सीहासनस्स दाहिणपच्चत्थिमेणं, एत्थ णं विजयस्स देवस्स बाहिरियाए परिसाए बारसण्हं देवसाहस्सीणं बारस भद्दासणसाहस्सीओ पन्नत्ताओ। तस्स णं सीहासनस्स पच्चत्थिमेणं, एत्थ णं विजयस्स देवस्स सत्तण्हं अनियाहिवतीणं सत्त भद्दासणा पन्नत्ता। तस्स णं सीहासनस्स पुरत्थिमेणं दाहिणेणं पच्चत्थिमेणं उत्तरेणं, एत्थ णं विजयस्स देवस्स सोलस आयरक्खदेवसाहस्सीणं सोलस भद्दासणसाहस्सीओ पन्नत्ताओ। तं जहा–पुरत्थिमेणं चत्तारि साहस्सीओ, एवं चउसुवि जाव उत्तरेणं चत्तारि साहस्सीओ। अवसेसेसु भोमेसु पत्तेयंपत्तेयं सीहासने पन्नत्ते भद्दासणा पन्नत्ता।
Sutra Meaning : उस विजयद्वार पर १०८ – १०८ चक्र से, मृग से, गरुड़ से, रुरु से, छत्रांकित, पिच्छ से, शकुनि से, सिंह से, वृषभ से, सफेद चार दाँत वाले हाथी से अंकित ध्वजाएं – इस प्रकार आगे – पीछे सब मिलाकर एक हजार अस्सी ध्वजाएं विजयद्वार पर हैं। उस विजयद्वार के आगे नौ भौम हैं। इत्यादि यावत्‌ मणियों के स्पर्श तक जानना। उन भौमों की भीतरी छत पर पद्मलता यावत्‌ श्यामलताओं के विविध चित्र बने हुए हैं, यावत्‌ वे स्वर्ण के हैं, स्वच्छ हैं यावत्‌ प्रतिरूप हैं। उन भौमों के एकदम मध्यभाग में जो पाँचवा भौम है उस के ठीक मध्यभाग में एक बड़ा सिंहासन है, उस सिंहासन के पश्चिम – उत्तर में, उत्तर में, उत्तर – पूर्व में विजयदेव के चार हजार सामानिक देवों के चार हजार भद्रासन हैं। पूर्व में विजयदेव की चार सपरिवार अग्रमहिषियों के चार भद्रासन हैं। दक्षिण – पूर्व में विजयदेव की आभ्यन्तर पर्षदा के आठ हजार देवों के आठ हजार भद्रासन हैं। दक्षिण में विजयदेव की मध्यम पर्षदा के दस हजार देवों के दस हजार भद्रासन हैं। दक्षिण – पश्चिम में विजयदेव की बाह्य – पर्षदा के बारह हजार देवों के बारह हजार भद्रासन हैं। पश्चिम में विजयदेव के सात अनीकाधिपतियों के सात भद्रासन हैं। पूर्व में, दक्षिण में, पश्चिम में और उत्तर में विजयदेव के सोलह हजार आत्मरक्षक देवों के सोलह हजार सिंहासन हैं। शेष भौमों में प्रत्येक में भद्रासन कहे गये हैं।
Mool Sutra Transliteration : [sutra] vijaye nam dare atthasatam chakkajjhayanam, evam migajjhayanam garudajjhayanam richchhajjhayanam chhattajjhayanam pichchhajjhayanam saunijjhayanam sihajjhayanam usabhajjhayanam, atthasatam seyanam chauvisananam nagavara-keunam. Evameva sapuvvavarenam vijayadare asiyam keusahassam bhavatitti makkhayam. Vijaye nam dare nava bhoma pannatta. Tesi nam bhomanam amto bahusamaramanijja bhumibhaga pannatta java maninam phaso. Tesi nam bhomanam uppim ulloya paumalayabhattichitta java samalaya bhattichitta savva-tavanijjamaya achchha java padiruva. Tesi nam bhomanam bahumajjhadesabhae jese pamchame bhome, tassa nam bhomassa bahumajjhadesabhae, ettha nam maham ege sihasane pannatte. Sihasanavannao vijayaduse amkuse java dama chitthamti. Tassa nam sihasanassa avaruttarenam uttarenam uttarapuratthimenam, ettha nam vijayassa devassa chaunham samaniyasahassanam chattari bhaddasanasahassio pannattao. Tassa nam sihasanassa puratthimenam, ettha nam vijayassa devassa chaunham aggamahisinam saparivaranam chattari bhaddasana pannatta. Tassa nam sihasanassa dahinapuratthimenam, ettha nam vijayassa devassa abbhimtariyae parisae atthanham devasahassinam attha bhaddasanasahassio pannattao. Tassa nam sihasanassa dahinenam, ettha nam vijayassa devassa majjhimiyae parisae dasanham devasahassinam dasa bhaddasanasahassio pannattao. Tassa nam sihasanassa dahinapachchatthimenam, ettha nam vijayassa devassa bahiriyae parisae barasanham devasahassinam barasa bhaddasanasahassio pannattao. Tassa nam sihasanassa pachchatthimenam, ettha nam vijayassa devassa sattanham aniyahivatinam satta bhaddasana pannatta. Tassa nam sihasanassa puratthimenam dahinenam pachchatthimenam uttarenam, ettha nam vijayassa devassa solasa ayarakkhadevasahassinam solasa bhaddasanasahassio pannattao. Tam jaha–puratthimenam chattari sahassio, evam chausuvi java uttarenam chattari sahassio. Avasesesu bhomesu patteyampatteyam sihasane pannatte bhaddasana pannatta.
Sutra Meaning Transliteration : Usa vijayadvara para 108 – 108 chakra se, mriga se, garura se, ruru se, chhatramkita, pichchha se, shakuni se, simha se, vrishabha se, sapheda chara damta vale hathi se amkita dhvajaem – isa prakara age – pichhe saba milakara eka hajara assi dhvajaem vijayadvara para haim. Usa vijayadvara ke age nau bhauma haim. Ityadi yavat maniyom ke sparsha taka janana. Una bhaumom ki bhitari chhata para padmalata yavat shyamalataom ke vividha chitra bane hue haim, yavat ve svarna ke haim, svachchha haim yavat pratirupa haim. Una bhaumom ke ekadama madhyabhaga mem jo pamchava bhauma hai usa ke thika madhyabhaga mem eka bara simhasana hai, usa simhasana ke pashchima – uttara mem, uttara mem, uttara – purva mem vijayadeva ke chara hajara samanika devom ke chara hajara bhadrasana haim. Purva mem vijayadeva ki chara saparivara agramahishiyom ke chara bhadrasana haim. Dakshina – purva mem vijayadeva ki abhyantara parshada ke atha hajara devom ke atha hajara bhadrasana haim. Dakshina mem vijayadeva ki madhyama parshada ke dasa hajara devom ke dasa hajara bhadrasana haim. Dakshina – pashchima mem vijayadeva ki bahya – parshada ke baraha hajara devom ke baraha hajara bhadrasana haim. Pashchima mem vijayadeva ke sata anikadhipatiyom ke sata bhadrasana haim. Purva mem, dakshina mem, pashchima mem aura uttara mem vijayadeva ke solaha hajara atmarakshaka devom ke solaha hajara simhasana haim. Shesha bhaumom mem pratyeka mem bhadrasana kahe gaye haim.