Sutra Navigation: Upasakdashang ( उपासक दशांग सूत्र )

Search Details

Mool File Details

Anuvad File Details

Sr No : 1005127
Scripture Name( English ): Upasakdashang Translated Scripture Name : उपासक दशांग सूत्र
Mool Language : Ardha-Magadhi Translated Language : Hindi
Chapter :

अध्ययन-२ कामदेव

 Translated Chapter :

अध्ययन-२ कामदेव
Section : Translated Section :
Sutra Number : 27 Category : Ang-07
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] कामदेवाइ! समणे भगवं महावीरे कामदेवं समणोवासयं एवं वयासी–से नूनं कामदेवा! तुब्भं पुव्वरत्तावरत्तकालसमयंसि एगे देवे अंतियं पाउब्भूए। तए णं से देवे एगं महं दिव्वं पिसायरूवं विउव्वइ, विउव्वित्ता आसुरत्ते रुट्ठे कुविए चंडिक्किए मिसिमिसीयमाणे एगं महं नीलुप्पल-गवल-गुलिय-अयसि-कुसुमप्पगासं खुरधारं, असिं गहाय तुमं एवं वयासी–हंभो! कामदेवा! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो तं अज्ज अहं इमेणं नीलुप्पल-गवलगुलिय-अयसिकुसुमप्पगासेण खुरधारेण असिणा खंडाखंडिं करेमि, जहा णं तुमं देवानुप्पिया! अट्ट-दुहट्ट-वसट्टे अकाले चेव जीवियाओ ववरोविज्जसि। तुमं तेणं दिव्वेणं पिसायरूवेणं एवं वुत्ते समाणे अभीए जाव विहरसि। तए णं से दिव्वे पिसायरूवे तुमं अभीयं जाव पासइ, पासित्ता दोच्चं पि तच्चं पि तुमं एवं वयासी–हंभो! कामदेवा! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो तं अहं अज्ज इमेणं नीलुप्पल-गवलगुलिय-अयसिकुसुमप्पगासेण खुरधारेण असिणा खंडाखंडिं करेमि, जहा णं तुमं देवानुप्पिया! अट्ट-दुहट्ट-वसट्टे अकाले चेव जीवियाओ ववरोविज्जसि। तए णं तुमे तेणं दिव्वेणं पिसायरूवेणं दोच्चं पि तच्चं पि एवं वुत्ते समाणे अभीए जाव विहरसि। तए ण से दिव्वे पिसायरूवे तुमं अभीयं जाव पासइ, पासित्ता आसुरत्ते रुट्ठे कुविए चंडिक्किए मिसिमिसीयमाणे तिवलियं भिउडि निडाले साहट्टु तुमं नीलुप्पल-गवलगुलिय-अयसिकुसुम-प्पगासेण खुरधारेण असिणा खंडाखंडिं करेइ। तए णं तुमे तं उज्जलं जाव वेयणं सम्मं सहसि खमसि तितिक्खसि अहियासेसि। तए णं से दिव्वे पिसायरूवे तुमं अभीयं जाव पासइ, पासित्ता जाहे नो संचाएइ, तुमं निग्गंथाओ पावयणाओ चालित्तए वा खोभित्तए वा विपरिणामित्तए वा, ताहे संते तंते परितंते सणियं-सणियं पच्चोसक्कइ, पच्चोसक्कित्ता पोसहसालाओ पडिनिक्खमइ, पडिनिक्खमित्ता दिव्वं पिसायरूवं विप्पजहइ, विप्पजहित्ता एगं महं दिव्वं हत्थिरूवं विउव्वइ, विउव्वित्ता जेणेव पोसहसाला, जेणेव तुमे, तेणेव उवागच्छइ, उवागच्छित्ता तुमं एवं वयासी–हंभो! कामदेवा! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो तं अहं अज्ज सोंडाए गेण्हामि, गेण्हित्ता पोसहसालाओ नीणेमि, नीणेत्ता उड्ढं वेहासं उव्विहामि, उव्विहित्ता तिक्खेहिं दंतमुसलेहिं पडिच्छामि, पडिच्छित्ता अहे धरणितलंसि तिक्खुत्तो पाएसु लोलेमि, जहा णं तुमं देवानुप्पिया! अट्ट-दुहट्ट-वसट्टे अकाले चेव जीवियाओ ववरोविज्जसि। तए णं तुमे तेणं दिव्वेणं हत्थिरूवेणं एवं वुत्ते समाणे अभीए जाव विहरसि। तए णं से दिव्वे हत्थिरूवे तुमं अभीयं जाव पासइ, पासित्ता दोच्चं पि तच्चं पि तुमं एवं वयासी– हंभो! कामदेवा! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो तं अज्ज अहं सोंडाए गेण्हामि, गेण्हित्ता पोसहसालाओ नीणेमि, निणित्ता उड्ढं वेहासं उव्विहामि, उव्विहित्ता तिक्खेहिं दंतमुसलेहिं पडिच्छामि, पडिच्छित्ता अहे धरणितलंसि तिक्खुत्तो पाएसु लोलेमि, जहा णं तुमं देवानुप्पिया! अट्ट-दुहट्ट-वसट्टे अकाले चेव जीवियाओ ववरोविज्जसि। तए णं तुमे तेणं दिव्वेणं हत्थिरूवेणं दोच्चं पि तच्चं पि एवं वुत्ते समाणे अभीए जाव विहरसि। तए णं से दिव्वे हत्थिरूवे तुमं अभीयं जाव पासइ, पासित्ता आसुरत्ते रुट्ठे कुविए चंडिक्किए मिसिमिसीयमाणे तुमं सोंडाए गेण्हत्ति, गेण्हित्ता उड्ढं वेहासं उव्विहइ, उव्विहित्ता तिक्खेहिं दंतमुसलेहिं पडिच्छइ, पडिच्छित्ता अहे धरणितलंसि तिक्खुत्तो पाएसु लोलेइ। तए णं तुमे तं उज्जलं जाव वेयणं सम्मं सहसि खमसि तितिक्खसि अहियासेसि। तए णं से दिव्वे हत्थिरूवे तुमं अभीयं जाव पासइ, पासित्ता जाहे नो संचाएति निग्गंथाओ पावयणाओ चालित्तए वा खोभित्तए वा विपरिणामित्तए वा, ताहे संते तंते परितंते सणियं-सणियं पच्चोसक्कइ, पच्चोसक्कित्ता पोसहसालाओ पडिनिक्खमइ, पडिनिक्खमित्ता दिव्वं हत्थिरूवं विप्पजहइ, विप्पजहित्ता एगं महं दिव्वं सप्परूवं विउव्वइ, विउव्वित्ता जेणेव पोसहसाला, जेणेव तुमं, तेणेव उवागच्छइ, उवागच्छित्ता तुमं एवं वयासी– हंभो! कामदेवा! समणोवासया! जाव जइ णं तुमं अज्ज सीलाइं वयाइं वेरम-णाइं पच्चक्खाणाइं पोसहोववासाइं न छड्डेसि न भंजेसि, तो ते अज्जेव अहं सरसरस्स कायं दुरुहामि, दुरुहित्ता पच्छिमेणं भाएणं तिक्खुत्तो गीवं वेढेमि, वेढित्ता तिक्खाहिं विसपरिगताहिं दाढाहिं उरंसि चेव निकुट्टेमि, जहा णं तुमं देवानुप्पिया! अट्ट-दुहट्ट-वसट्टे अकाले चेव जीवियाओ ववरोविज्जसि। तए णं तुमे तेणं दिव्वेणं सप्परूवेणं एवं वुत्ते समाणे अभीए जाव विहरसि। तए णं से दिव्वे सप्परूवे तुमं अभीयं जाव पासइ, पासित्ता दोच्चं पि तच्चं पि तुमं एवं वयासी–हंभो! कामदेवा! समणोवासया! जाव जइ णं तुमं अज्ज सीलाइं वयाइं वेरमणाइं पच्चक्खाणाइं पोसहोववासाइं न छड्डेसि न भंजेसि, तो ते अज्जेव अहं सरसरस्स कायं दुरुहामि, दुरुहित्ता पच्छिमेणं भाएणं तिक्खुत्तो गीवं वेढेमि, वेढित्ता तिक्खाहिं विसपरिगताहिं दाढाहिं उरंसि चेव निकुट्टेमि, जहा णं तुमं अट्ट-दुहट्ट-वसट्टे अकाले चेव जीवियाओ ववरोविज्जसि। तए णं तुमं तेणं दिव्वेणं सप्परूवेणं दोच्चं पि तच्चं पि एवं वुत्ते समाणे अभीए जाव विहरसि। तए णं से दिव्वे सप्परूवे तुमं अभीयं जाव पासइ, पासित्ता आसुरत्ते रुट्ठे कुविए चंडिक्किए मिसिमिसीयमाणे तुब्भं सरसरस्स कायं दुरुहइ, दुरुहित्ता पच्छिमेणं भाएणं तिक्खुत्तो गीवं वेढेइ, वेढेत्ता तिक्खाहिं विसपरिगताहिं दाढाहिं उरंसि चेव निकुट्टेइ। तए णं तुमे तं उज्जलं जाव वेयणं सम्मं सहसि खमसि तितिक्खसि अहियासेसि। तए णं से दिव्वे सप्परूवे तुमं अभीयं जाव पासइ, पासित्ता जाहे नो संचाएइ तुमं निग्गंथाओ पावयणाओ चालित्तए वा खो-भित्तए वा विपरिणामेत्तए वा, ताहे संते तंते परितंते सणियं-सणियं पच्चोसक्कइ, पच्चोसक्कित्ता पोसहसालाओ पडिनिक्खमइ, पडिनिक्खमित्ता दिव्वं सप्परूवं विप्पजहइ, विप्पजहित्ता एगं महं दिव्वं देवरूवं विउव्वइ, विउव्वित्ता पोसहसालं अनुप्पविसइ, अनुप्पविसित्ता अंतलिक्खपडिवण्णे सखिंखिणियाइं पंचवण्णाइं वत्थाइं पवर परिहिए तुमं एवं वयासी– हंभो! कामदेवा! समणोवासया! धण्णेसि णं तुमं देवानुप्पिया! पुण्णेसि णं तुमं देवानुप्पिया! कयत्थेसि णं तुमं देवानुप्पिया! कयलक्खणेसि णं तुमं देवानुप्पिया! सुलद्धे णं तव देवानुप्पिया! मानुस्सए जम्मजीवियफले, जस्स णं तव निग्गंथे पावयणे इमेयारूवा पडिवत्ती लद्धा पत्ता अभिसमण्णागया। एवं खलु देवानुप्पिया! सक्के देविंदे देवराया जाव एवमाइक्खइ, एवं भासइ, एवं पन्नवेइ, एवं परूवेइ एवं खलु देवा! जंबुद्दीवे दीवे भारहे वासे चंपाए नयरीए कामदेवे समणोवासए पोसहसालाए पोसहिए बंभचारी उम्मुक्कमणिसुवण्णे ववगयमालावण्णगविलेवणे निक्खित्तसत्थमुसले एगे अबीए दब्भसंथारोवगए समणस्स भगवओ महावीरस्स अंतियं धम्मपन्नत्तिं उवसंपज्जित्ता णं विहरइ। नो खलु से सक्के केणइ देवेण वा दाणवेण वा जक्खेण वा रक्खसेण वा किन्नरेण वा किंपुरिसेण वा महोरगेण वा गंधव्वेण वा निग्गंथाओ पावयणाओ चालित्तए वा खोभित्तए वा विपरिणामेत्तए वा। तए णं अहं सक्कस्स देविंदस्स देवरण्णो एयमट्ठं असद्दहमाणे अपत्तियमाणे अरोएमाणे इहं हव्वमागए। तं अहो णं देवानुप्पियाणं इड्ढी जुई जसो बलं वीरियं पुरिसक्कार-परक्कमे लद्धे पत्ते अभिसमण्णागए। तं दिट्ठा णं देवानुप्पियाणं इड्ढी जुई जसो बलं वीरियं पुरिसक्कार-परक्कमे लद्धे पत्ते अभिसमन्नागए। तं खामेमि णं देवानुप्पिया! खमंतु णं देवानुप्पिया! खंतुमरिहंति णं देवा-णुप्पिया! नाइं भुज्जो करणयाए त्ति कट्टु पायवडिए पंजलिउडे एयमट्ठं भुज्जो-भुज्जो खामेइ, खामेत्ता जामेव दिसं पाउब्भूए, तामेव दिसं पडिगए। से नूनं कामदेवा! अट्ठे समट्ठे? हंता अत्थि। अज्जोति! समणे भगवं महावीरे बहवे समणे निग्गंथे य निग्गंथीओ य आमंतेत्ता एवं वयासी–जइ ताव अज्जो! समणोवासगा गिहिणो गिहमज्झावसंता दिव्व-मानुस-तिरिक्खजोणिए उवसग्गे सम्मं सहंति खमंति तितिक्खंति अहियासेंति, सक्का पुणाइं अज्जो! समणेहिं निग्गंथेहिं दुवालसंगं गणिपिडगं अहिज्जमाणेहिं दिव्व-माणुस-तिरिक्खजोणिए उवसग्गे सम्मं सहित्तए खमित्तए तिति-क्खित्तए अहियासित्तए। ततो ते बहवे समणा निग्गंथा य निग्गंथीओ य समणस्स भगवओ महावीरस्स तह त्ति एयमट्ठं विनएणं पडिसुणेंति। तए णं से कामदेवे समणोवासए हट्ठतुट्ठचित्तमाणंदिए पीइमणे परमसोमणस्सिए हरिसवस-विसप्पमाणहियए समणं भगवं महावीरं पसिणाइं पुच्छइ, अट्ठमादियइ, समणं भगवं महावीरं तिक्खुत्तो आयाहिण-पयाहिण करेइ, करेत्ता वंदइ नमंसइ, वंदित्ता नमंसित्ता जामेव दिसं पाउब्भूए, तामेव दिसं पडिगए। तए णं समणे भगवं महावीरे अन्नदा कदाइ चंपाओ नयरीओ पडिनिक्खमइ, पडिनिक्खमित्ता बहिया जनवयविहारं विहरइ।
Sutra Meaning : श्रमण भगवान महावीर ने कामदेव से कहा – कामदेव ! आधी रात के समय एक देव तुम्हारे सामने प्रकट हुआ था। उस देव ने एक विकराल पिशाच का रूप धारण किया। वैसा कर, अत्यन्त क्रुद्ध हो, उसने तलवार नीकालकर तुमसे कहा – कामदेव ! यदि तुम अपने शील आदि व्रत भग्न नहीं करोगे तो जीवन से पृथक्‌ कर दिए जाओगे। उस देव द्वारा यों कहे जाने पर भी तुम निर्भय भाव से उपासनारत रहे। कामदेव क्या यह ठीक है ? भगवन्‌ ! ऐसा ही हुआ। भगवान महावीर ने बहुत से श्रमणों और श्रमणियों को संबोधित कर कहा – आर्यो ! यदि श्रमणोपासक गृही घर में रहते हुए भी देवकृत, मनुष्यकृत, तिर्यञ्चकृत – उपसर्गों को भली – भाँति सहन करते हैं तो आर्यो! द्वादशांग – रूप गणिपिटक का अध्ययन करने वाले श्रमण निर्ग्रन्थों द्वारा उपसर्गों को सहन करना शक्य है ही श्रमण भगवान महावीर का यह कथन उन बहु – संख्यक साधु – साध्वीओं ने ‘ऐसा ही है भगवन्‌ !’ यों कह कर विनयपूर्वक स्वीकार किया। श्रमणोपासक कामदेव अत्यन्त प्रसन्न हुआ, उसने श्रमण भगवान महावीर से प्रश्न पूछे, समाधान प्राप्त किया। श्रमण भगवान महावीर को तीन बार वंदन – नमस्कार कर, जिस दिशा से वह आया था, उसी दिशा की ओर लौट गया। श्रमण भगवान महावीर ने एक दिन चम्पा से प्रस्थान किया। प्रस्थान कर वे अन्य जनपदों में विहार कर गए।
Mool Sutra Transliteration : [sutra] kamadevai! Samane bhagavam mahavire kamadevam samanovasayam evam vayasi–se nunam kamadeva! Tubbham puvvarattavarattakalasamayamsi ege deve amtiyam paubbhue. Tae nam se deve egam maham divvam pisayaruvam viuvvai, viuvvitta asuratte rutthe kuvie chamdikkie misimisiyamane egam maham niluppala-gavala-guliya-ayasi-kusumappagasam khuradharam, asim gahaya tumam evam vayasi–hambho! Kamadeva! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to tam ajja aham imenam niluppala-gavalaguliya-ayasikusumappagasena khuradharena asina khamdakhamdim karemi, jaha nam tumam devanuppiya! Atta-duhatta-vasatte akale cheva jiviyao vavarovijjasi. Tumam tenam divvenam pisayaruvenam evam vutte samane abhie java viharasi. Tae nam se divve pisayaruve tumam abhiyam java pasai, pasitta dochcham pi tachcham pi tumam evam vayasi–hambho! Kamadeva! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to tam aham ajja imenam niluppala-gavalaguliya-ayasikusumappagasena khuradharena asina khamdakhamdim karemi, jaha nam tumam devanuppiya! Atta-duhatta-vasatte akale cheva jiviyao vavarovijjasi. Tae nam tume tenam divvenam pisayaruvenam dochcham pi tachcham pi evam vutte samane abhie java viharasi. Tae na se divve pisayaruve tumam abhiyam java pasai, pasitta asuratte rutthe kuvie chamdikkie misimisiyamane tivaliyam bhiudi nidale sahattu tumam niluppala-gavalaguliya-ayasikusuma-ppagasena khuradharena asina khamdakhamdim karei. Tae nam tume tam ujjalam java veyanam sammam sahasi khamasi titikkhasi ahiyasesi. Tae nam se divve pisayaruve tumam abhiyam java pasai, pasitta jahe no samchaei, tumam niggamthao pavayanao chalittae va khobhittae va viparinamittae va, tahe samte tamte paritamte saniyam-saniyam pachchosakkai, pachchosakkitta posahasalao padinikkhamai, padinikkhamitta divvam pisayaruvam vippajahai, vippajahitta egam maham divvam hatthiruvam viuvvai, viuvvitta jeneva posahasala, jeneva tume, teneva uvagachchhai, uvagachchhitta tumam evam vayasi–hambho! Kamadeva! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to tam aham ajja somdae genhami, genhitta posahasalao ninemi, ninetta uddham vehasam uvvihami, uvvihitta tikkhehim damtamusalehim padichchhami, padichchhitta ahe dharanitalamsi tikkhutto paesu lolemi, jaha nam tumam devanuppiya! Atta-duhatta-vasatte akale cheva jiviyao vavarovijjasi. Tae nam tume tenam divvenam hatthiruvenam evam vutte samane abhie java viharasi. Tae nam se divve hatthiruve tumam abhiyam java pasai, pasitta dochcham pi tachcham pi tumam evam vayasi– hambho! Kamadeva! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to tam ajja aham somdae genhami, genhitta posahasalao ninemi, ninitta uddham vehasam uvvihami, uvvihitta tikkhehim damtamusalehim padichchhami, padichchhitta ahe dharanitalamsi tikkhutto paesu lolemi, jaha nam tumam devanuppiya! Atta-duhatta-vasatte akale cheva jiviyao vavarovijjasi. Tae nam tume tenam divvenam hatthiruvenam dochcham pi tachcham pi evam vutte samane abhie java viharasi. Tae nam se divve hatthiruve tumam abhiyam java pasai, pasitta asuratte rutthe kuvie chamdikkie misimisiyamane tumam somdae genhatti, genhitta uddham vehasam uvvihai, uvvihitta tikkhehim damtamusalehim padichchhai, padichchhitta ahe dharanitalamsi tikkhutto paesu lolei. Tae nam tume tam ujjalam java veyanam sammam sahasi khamasi titikkhasi ahiyasesi. Tae nam se divve hatthiruve tumam abhiyam java pasai, pasitta jahe no samchaeti niggamthao pavayanao chalittae va khobhittae va viparinamittae va, tahe samte tamte paritamte saniyam-saniyam pachchosakkai, pachchosakkitta posahasalao padinikkhamai, padinikkhamitta divvam hatthiruvam vippajahai, vippajahitta egam maham divvam sapparuvam viuvvai, viuvvitta jeneva posahasala, jeneva tumam, teneva uvagachchhai, uvagachchhitta tumam evam vayasi– hambho! Kamadeva! Samanovasaya! Java jai nam tumam ajja silaim vayaim verama-naim pachchakkhanaim posahovavasaim na chhaddesi na bhamjesi, to te ajjeva aham sarasarassa kayam duruhami, duruhitta pachchhimenam bhaenam tikkhutto givam vedhemi, vedhitta tikkhahim visaparigatahim dadhahim uramsi cheva nikuttemi, jaha nam tumam devanuppiya! Atta-duhatta-vasatte akale cheva jiviyao vavarovijjasi. Tae nam tume tenam divvenam sapparuvenam evam vutte samane abhie java viharasi. Tae nam se divve sapparuve tumam abhiyam java pasai, pasitta dochcham pi tachcham pi tumam evam vayasi–hambho! Kamadeva! Samanovasaya! Java jai nam tumam ajja silaim vayaim veramanaim pachchakkhanaim posahovavasaim na chhaddesi na bhamjesi, to te ajjeva aham sarasarassa kayam duruhami, duruhitta pachchhimenam bhaenam tikkhutto givam vedhemi, vedhitta tikkhahim visaparigatahim dadhahim uramsi cheva nikuttemi, jaha nam tumam atta-duhatta-vasatte akale cheva jiviyao vavarovijjasi. Tae nam tumam tenam divvenam sapparuvenam dochcham pi tachcham pi evam vutte samane abhie java viharasi. Tae nam se divve sapparuve tumam abhiyam java pasai, pasitta asuratte rutthe kuvie chamdikkie misimisiyamane tubbham sarasarassa kayam duruhai, duruhitta pachchhimenam bhaenam tikkhutto givam vedhei, vedhetta tikkhahim visaparigatahim dadhahim uramsi cheva nikuttei. Tae nam tume tam ujjalam java veyanam sammam sahasi khamasi titikkhasi ahiyasesi. Tae nam se divve sapparuve tumam abhiyam java pasai, pasitta jahe no samchaei tumam niggamthao pavayanao chalittae va kho-bhittae va viparinamettae va, tahe samte tamte paritamte saniyam-saniyam pachchosakkai, pachchosakkitta posahasalao padinikkhamai, padinikkhamitta divvam sapparuvam vippajahai, vippajahitta egam maham divvam devaruvam viuvvai, viuvvitta posahasalam anuppavisai, anuppavisitta amtalikkhapadivanne sakhimkhiniyaim pamchavannaim vatthaim pavara parihie tumam evam vayasi– Hambho! Kamadeva! Samanovasaya! Dhannesi nam tumam devanuppiya! Punnesi nam tumam devanuppiya! Kayatthesi nam tumam devanuppiya! Kayalakkhanesi nam tumam devanuppiya! Suladdhe nam tava devanuppiya! Manussae jammajiviyaphale, jassa nam tava niggamthe pavayane imeyaruva padivatti laddha patta abhisamannagaya. Evam khalu devanuppiya! Sakke devimde devaraya java evamaikkhai, evam bhasai, evam pannavei, evam paruvei evam khalu deva! Jambuddive dive bharahe vase champae nayarie kamadeve samanovasae posahasalae posahie bambhachari ummukkamanisuvanne vavagayamalavannagavilevane nikkhittasatthamusale ege abie dabbhasamtharovagae samanassa bhagavao mahavirassa amtiyam dhammapannattim uvasampajjitta nam viharai. No khalu se sakke kenai devena va danavena va jakkhena va rakkhasena va kinnarena va kimpurisena va mahoragena va gamdhavvena va niggamthao pavayanao chalittae va khobhittae va viparinamettae va. Tae nam aham sakkassa devimdassa devaranno eyamattham asaddahamane apattiyamane aroemane iham havvamagae. Tam aho nam devanuppiyanam iddhi jui jaso balam viriyam purisakkara-parakkame laddhe patte abhisamannagae. Tam dittha nam devanuppiyanam iddhi jui jaso balam viriyam purisakkara-parakkame laddhe patte abhisamannagae. Tam khamemi nam devanuppiya! Khamamtu nam devanuppiya! Khamtumarihamti nam deva-nuppiya! Naim bhujjo karanayae tti kattu payavadie pamjaliude eyamattham bhujjo-bhujjo khamei, khametta jameva disam paubbhue, tameva disam padigae. Se nunam kamadeva! Atthe samatthe? Hamta atthi. Ajjoti! Samane bhagavam mahavire bahave samane niggamthe ya niggamthio ya amamtetta evam vayasi–jai tava ajjo! Samanovasaga gihino gihamajjhavasamta divva-manusa-tirikkhajonie uvasagge sammam sahamti khamamti titikkhamti ahiyasemti, sakka punaim ajjo! Samanehim niggamthehim duvalasamgam ganipidagam ahijjamanehim divva-manusa-tirikkhajonie uvasagge sammam sahittae khamittae titi-kkhittae ahiyasittae. Tato te bahave samana niggamtha ya niggamthio ya samanassa bhagavao mahavirassa taha tti eyamattham vinaenam padisunemti. Tae nam se kamadeve samanovasae hatthatutthachittamanamdie piimane paramasomanassie harisavasa-visappamanahiyae samanam bhagavam mahaviram pasinaim puchchhai, atthamadiyai, samanam bhagavam mahaviram tikkhutto ayahina-payahina karei, karetta vamdai namamsai, vamditta namamsitta jameva disam paubbhue, tameva disam padigae. Tae nam samane bhagavam mahavire annada kadai champao nayario padinikkhamai, padinikkhamitta bahiya janavayaviharam viharai.
Sutra Meaning Transliteration : Shramana bhagavana mahavira ne kamadeva se kaha – kamadeva ! Adhi rata ke samaya eka deva tumhare samane prakata hua tha. Usa deva ne eka vikarala pishacha ka rupa dharana kiya. Vaisa kara, atyanta kruddha ho, usane talavara nikalakara tumase kaha – kamadeva ! Yadi tuma apane shila adi vrata bhagna nahim karoge to jivana se prithak kara die jaoge. Usa deva dvara yom kahe jane para bhi tuma nirbhaya bhava se upasanarata rahe. Kamadeva kya yaha thika hai\? Bhagavan ! Aisa hi hua. Bhagavana mahavira ne bahuta se shramanom aura shramaniyom ko sambodhita kara kaha – aryo ! Yadi shramanopasaka grihi ghara mem rahate hue bhi devakrita, manushyakrita, tiryanchakrita – upasargom ko bhali – bhamti sahana karate haim to aryo! Dvadashamga – rupa ganipitaka ka adhyayana karane vale shramana nirgranthom dvara upasargom ko sahana karana shakya hai hi Shramana bhagavana mahavira ka yaha kathana una bahu – samkhyaka sadhu – sadhviom ne ‘aisa hi hai bhagavan !’ yom kaha kara vinayapurvaka svikara kiya. Shramanopasaka kamadeva atyanta prasanna hua, usane shramana bhagavana mahavira se prashna puchhe, samadhana prapta kiya. Shramana bhagavana mahavira ko tina bara vamdana – namaskara kara, jisa disha se vaha aya tha, usi disha ki ora lauta gaya. Shramana bhagavana mahavira ne eka dina champa se prasthana kiya. Prasthana kara ve anya janapadom mem vihara kara gae.