Sutra Navigation: Jambudwippragnapati ( જંબુદ્વીપ પ્રજ્ઞપ્તિ સૂત્ર )

Search Details

Mool File Details

Anuvad File Details

Sr No : 1107653
Scripture Name( English ): Jambudwippragnapati Translated Scripture Name : જંબુદ્વીપ પ્રજ્ઞપ્તિ સૂત્ર
Mool Language : Ardha-Magadhi Translated Language : Gujarati
Chapter :

वक्षस्कार २ काळ

 Translated Chapter :

વક્ષસ્કાર ૨ કાળ
Section : Translated Section :
Sutra Number : 53 Category : Upang-07
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तीसे णं भंते! समाए भरहस्स वासस्स केरिसए आगारभावपडोयारे भविस्सइ? गोयमा! बहुसम-रमणिज्जे भूमिभागे भविस्सइ, से जहानामए आलिंगपुक्खरेइ वा जाव नानाविहपंचवण्णेहिं मणीहिं तणेहि य उवसोभिए, तं जहा–कित्तिमेहिं चेव अकित्तिमेहिं चेव। तीसे णं भंते! समाए मनुयाणं केरिसए आगारभावपडोयारे भविस्सइ? गोयमा! तेसिं णं मनुयाणं छव्विहे संघयणे, छव्विहे संठाणे, बहूईओ रयणीओ उड्ढं उच्चत्तेणं, जहन्नेणं अंतोमुहुत्तं, उक्कोसेणं साइरेगं वाससयं आउयं पालेहिंति, पालेत्ता अप्पेगइया निरयगामी, अप्पेगइया तिरिय-गामी, अप्पेगइया मनुयगामी, अप्पेगइया देवगामी, न सिज्झंति। तीसे णं समाए एक्कवीसाए वाससहस्सेहिं काले वीइक्कंते अनंतेहिं वण्णपज्जवेहिं अनंतेहिं गंधपज्जवेहिं अनंतेहिं रसपज्जवेहिं अनंतेहिं फासपज्जवेहिं अनंतेहिं संघयणपज्जवेहिं अनंतेहिं संठाणपज्जवेहिं अनंतेहिं उच्चत्तपज्जवेहिं अनंतेहिं आउपज्जवेहिं अनंतेहिं गरुयलहुयपज्जवेहिं अनंतेहिं अगरुयलहुयपज्जवेहिं अनंतेहिं उट्ठाण कम्म बल वीरिय पुरिसक्कार परक्कमपज्जवेहिं अनंतगुणपरिवड्ढीए परिवड्ढेमाणे-परिवड्ढेमाणे, एत्थ णं दुसमसूसमाणामं समा काले पडिवज्जिस्सइ समणाउसो! । तीसे णं भंते! समाए भरहस्स वासस्स केरिसए आगारभावपडोयारे भविस्सइ? गोयमा! बहुसमरमणिज्जे भूमिभागे भविस्सइ, से जहानामए आलिंगपुक्खरेइ वा जाव नानाविहपंचवण्णेहिं मणीहिं तणेहि य उवसोभिए, तं जहा–कित्तिमेहिं चेव अकित्तिमेहिं चेव। तेसि णं भंते! मनुयाणं केरिसए आगारभावपडोयारे भविस्सइ? गोयमा! तेसि णं मनुयाणं छव्विहे संघयणे, छव्विहे संठाणे, बहूइं धणूइं उड्ढं उच्चत्तेणं, जहन्नेणं अंतोमुहुत्तं, उक्कोसेणं पुव्वकोडिं आउयं पालेहिंति, पालेत्ता अप्पेगइया निरयगामी, अप्पेगइया तिरियगामी, अप्पेगइया मनुयगामी, अप्पेगइया देवगामी, अप्पेगइया सिज्जिहिंति बुज्झिहिंति मुच्चिहिंति परिनिव्वाहिंति सव्वदुक्खाणं अंतं करेहिंति। तीसे णं समाए तओ वंसा समुप्पज्जिस्संति, तं जहा–तित्थगरवंसे चक्कवट्टिवंसे दसारवंसे। तीसे णं समाए तेवीसं तित्थगरा, एक्कारस चक्कवट्टी, नव बलदेवा, नव वासुदेवा समुप्पज्जिस्संति। तीसे णं समाए सागरोवमकोडाकोडीए बायलीसाए वाससहस्सेहिं ऊणियाए काले वीइक्कंते अनंतेहिं वण्णपज्जवेहिं अनंतेहिं गंधपज्जवेहिं अनंतेहिं रसपज्जवेहिं अनंतेहिं फासपज्जवेहिं अनंतेहिं संघयणपज्जवेहिं अनंतेहिं संठाणपज्जवेहिं अनंतेहिं उच्चत्तपज्जवेहिं अनंतेहिं आउ-पज्जवेहिं अनंतेहिं गरुयलहुयपज्जवेहिं अनंतेहिं अगरुयलहुयपज्जवेहिं अनंतेहिं उट्ठाण कम्म बल वीरिय पुरिसक्कार परक्कमपज्जवेहिं अनंतगुण परिवड्ढीए परिवड्ढेमाणे-परिवड्ढेमाणे, एत्थ णं सुसमदूसमाणामं समा काले पडिवज्जिस्सइ समणाउसो! । सा णं समा तिहा विभजिस्सइ, तं जहा–पढमे तिभागे मज्झिमे तिभागे पच्छिमे तिभागे। तीसे णं भंते! समाए पढमे तिभाए भरहस्स वासस्स केरिसए आगारभावपडोयारे भविस्सइ? गोयमा! बहुसमरमणिज्जे भूमिभागे भविस्सइ, से जहानामए आलिंगपुक्खरेइ वा जाव नानाविहपंचवण्णेहिं मणीहिं तणेहि य उवसोमिए, तं जहा –कित्तिमेहिं चेव अकित्तिमेहिं चेव। तीसे णं भंते! समाए पढमे तिभागे भरहे वासे मनुयाणं केरिसए आगारभावपडोयारे भविस्सइ? गोयमा! तेसिं मनुयाणं छव्विहे संघयणे, छव्विहे संठाणे, बहुणि धनुसयाणि उद्धं उच्चत्तेणं, जहन्नेणं संखेज्जाणि वासाणि, उक्कोसेणं असंखेज्जाणि वासाणि आउयं पालेहिंति, पालेत्ता अप्पेगइया निरयगामी, अप्पेगइया तिरियगामी, अप्पेगइया मणुस्सगामी, अप्पेगइया देव-गामी, अप्पेगइया सिज्झिहिंति बुज्झिहिंति मुच्चिहिंति परिनिव्वाहिंति सव्वदुक्खाणमंतं करेहिंति। तीसे णं समाए पढमे तिभाए रायधम्मे जायतेए० धम्मचरणे य वोच्छिज्जिस्सइ। तीसे णं समाए मज्झिम-पच्छिमेसु तिभागेसु भरहस्स वासस्स केरिसए आगारभावपडोयारे भविस्सइ? गोयमा! बहुसमरमणिज्जे भूमिभागे भविस्सइ, सो चेव गमो नेयव्वो, नाणत्तं–दो धनुसहस्साइं उड्ढं उच्चत्तेणं, तेसिं च मनुयाणं चउसट्ठिं पिट्ठिकरंडगा, चउत्थभत्तस्स आहारत्थे समुप्पज्जिस्सइ, ठिई पलिओवमं, एगूणासीइं राइंदियाइं सारक्खिस्संति संगोवेस्संति जाव देव लोगपरिग्गहिया णं ते मनुया पन्नत्ता समणाउसो! । तीसे णं समाए दोहिं सागरोवमकोडाकोडीहिं काले वीइक्कंते अनंतेहिं वण्णपज्जवेहिं अनंतेहिं गंधपज्जवेहिं अनंतेहिं रसपज्जवेहिं अनंतेहिं फासपज्जवेहिं अनंतेहिं संघयणपज्जवेहिं अनंतेहिं संठाणपज्जवेहिं अनंतेहिं उच्चत्तपज्जवेहिं अनंतेहिं आउपज्जवेहिं अनंतेहिं गरुयलहुय-पज्जवेहिं अनंतेहिं अगरुयलहुयपज्जवेहिं अनंतेहिं उट्ठाण कम्म बल वीरिय पुरिसक्कार परक्कमप-ज्जवेहिं अनंतगुणपरिवड्ढीए परिवड्ढेमाणे-परिवड्डेमाणे, एत्थ णं सुसमाणामं समा काले पडि-वज्जिस्सइ समणाउसो! । जंबुद्दीवे णं भंते! दीवे आगमेस्साए उस्सप्पिणीए सुसमाए समाए उत्तमकट्ठपत्ताए भरहस्स वासस्स केरिसए आगारभावपडोयारे भविस्सइ? गोयमा! बहुसमरमणिज्जे भूमिभागे भविस्सइ, से जहानामए आलिंगपुक्खरेइ वा, तं चेव जं सुसमसुसमाए पुव्ववण्णियं, नवरं– नाणत्तं चउधनुसहस्स-मूसिया एगे अट्ठाबीसे पिट्ठिकरंडुकसए छट्ठभत्तस्स आहारट्ठे, चउसट्ठिं राइंदियाइं सारक्खिस्संति, दो पलिओवमाइं आऊ, सेसं तं चेव। तीसे णं समाए चउव्विहा मनुस्सा अणुसज्जिस्संति, तं जहा–एका पउरजंघा कुसुमा सुसमणा। तीसे णं समाए तिहिं सागरोवमकोडाकोडिहिं काले वीइक्कंते अनंतेहिं वण्णपज्जवेहिं अनंतेहिं गंधपज्जवेहिं अनंतेहिं रसपज्जवेहिं अनंतेहिं फासपज्जवेहिं अनंतेहिं संघयणपज्जवेहिं अनंतेहिं संठाणपज्जवेहिं अनंतेहिं उच्चत्तपज्जवेहिं अनंतेहिं आउपज्जवेहिं अनंतेहिं गरुयलहुय पज्जवेहिं अनंतेहिं अगरुयलहुयपज्जवेहिं अनंतेहिं उट्ठाण कम्म बल वीरिय पुरिसक्कार परक्कम पज्जवेहिं अनंतगुणपरिवड्ढीए परिवड्ढेमाणे-परिवड्ढेमाणे, एत्थ णं सुसमसुसमाणामं समा काले पडिवज्जिस्सइ समणाउसो! । जंबुद्दीवे णं भंते! दीवे भरहे वासे इमीसे उस्सप्पिणीए सुसमसुसमाए समाए उत्तमकट्ठपत्ताए भरहस्स वासस्स केरिसए आगारभावपडोयारे भविस्सइ? गोयमा! बहुसमरमणिज्जे भूमिभागे भविस्सइ, से जहानामए आलिंगपुक्खरेइ वा जाव नानाविहपंचवण्णेहिं मणीहिं तणेहि य उवसोभिए, तं जहा– किण्हेहिं जाव सुक्किलेहिं तहेव जाव छव्विहा मनुस्सा अनुसज्जिस्संति तं जहा–पम्हगंधा मियगंधा अममा तेतली सहा सनिचारी।
Sutra Meaning : જુઓ સૂત્ર ૫૨
Mool Sutra Transliteration : [sutra] tise nam bhamte! Samae bharahassa vasassa kerisae agarabhavapadoyare bhavissai? Goyama! Bahusama-ramanijje bhumibhage bhavissai, se jahanamae alimgapukkharei va java nanavihapamchavannehim manihim tanehi ya uvasobhie, tam jaha–kittimehim cheva akittimehim cheva. Tise nam bhamte! Samae manuyanam kerisae agarabhavapadoyare bhavissai? Goyama! Tesim nam manuyanam chhavvihe samghayane, chhavvihe samthane, bahuio rayanio uddham uchchattenam, jahannenam amtomuhuttam, ukkosenam sairegam vasasayam auyam palehimti, paletta appegaiya nirayagami, appegaiya tiriya-gami, appegaiya manuyagami, appegaiya devagami, na sijjhamti. Tise nam samae ekkavisae vasasahassehim kale viikkamte anamtehim vannapajjavehim anamtehim gamdhapajjavehim anamtehim rasapajjavehim anamtehim phasapajjavehim anamtehim samghayanapajjavehim anamtehim samthanapajjavehim anamtehim uchchattapajjavehim anamtehim aupajjavehim anamtehim garuyalahuyapajjavehim anamtehim agaruyalahuyapajjavehim anamtehim utthana kamma bala viriya purisakkara parakkamapajjavehim anamtagunaparivaddhie parivaddhemane-parivaddhemane, ettha nam dusamasusamanamam sama kale padivajjissai samanauso!. Tise nam bhamte! Samae bharahassa vasassa kerisae agarabhavapadoyare bhavissai? Goyama! Bahusamaramanijje bhumibhage bhavissai, se jahanamae alimgapukkharei va java nanavihapamchavannehim manihim tanehi ya uvasobhie, tam jaha–kittimehim cheva akittimehim cheva. Tesi nam bhamte! Manuyanam kerisae agarabhavapadoyare bhavissai? Goyama! Tesi nam manuyanam chhavvihe samghayane, chhavvihe samthane, bahuim dhanuim uddham uchchattenam, jahannenam amtomuhuttam, ukkosenam puvvakodim auyam palehimti, paletta appegaiya nirayagami, appegaiya tiriyagami, appegaiya manuyagami, appegaiya devagami, appegaiya sijjihimti bujjhihimti muchchihimti parinivvahimti savvadukkhanam amtam karehimti. Tise nam samae tao vamsa samuppajjissamti, tam jaha–titthagaravamse chakkavattivamse dasaravamse. Tise nam samae tevisam titthagara, ekkarasa chakkavatti, nava baladeva, nava vasudeva samuppajjissamti. Tise nam samae sagarovamakodakodie bayalisae vasasahassehim uniyae kale viikkamte anamtehim vannapajjavehim anamtehim gamdhapajjavehim anamtehim rasapajjavehim anamtehim phasapajjavehim anamtehim samghayanapajjavehim anamtehim samthanapajjavehim anamtehim uchchattapajjavehim anamtehim au-pajjavehim anamtehim garuyalahuyapajjavehim anamtehim agaruyalahuyapajjavehim anamtehim utthana kamma bala viriya purisakkara parakkamapajjavehim anamtaguna parivaddhie parivaddhemane-parivaddhemane, ettha nam susamadusamanamam sama kale padivajjissai samanauso!. Sa nam sama tiha vibhajissai, tam jaha–padhame tibhage majjhime tibhage pachchhime tibhage. Tise nam bhamte! Samae padhame tibhae bharahassa vasassa kerisae agarabhavapadoyare bhavissai? Goyama! Bahusamaramanijje bhumibhage bhavissai, se jahanamae alimgapukkharei va java nanavihapamchavannehim manihim tanehi ya uvasomie, tam jaha –kittimehim cheva akittimehim cheva. Tise nam bhamte! Samae padhame tibhage bharahe vase manuyanam kerisae agarabhavapadoyare bhavissai? Goyama! Tesim manuyanam chhavvihe samghayane, chhavvihe samthane, bahuni dhanusayani uddham uchchattenam, jahannenam samkhejjani vasani, ukkosenam asamkhejjani vasani auyam palehimti, paletta appegaiya nirayagami, appegaiya tiriyagami, appegaiya manussagami, appegaiya deva-gami, appegaiya sijjhihimti bujjhihimti muchchihimti parinivvahimti savvadukkhanamamtam karehimti. Tise nam samae padhame tibhae rayadhamme jayatee0 dhammacharane ya vochchhijjissai. Tise nam samae majjhima-pachchhimesu tibhagesu bharahassa vasassa kerisae agarabhavapadoyare bhavissai? Goyama! Bahusamaramanijje bhumibhage bhavissai, so cheva gamo neyavvo, nanattam–do dhanusahassaim uddham uchchattenam, tesim cha manuyanam chausatthim pitthikaramdaga, chautthabhattassa aharatthe samuppajjissai, thii paliovamam, egunasiim raimdiyaim sarakkhissamti samgovessamti java deva logapariggahiya nam te manuya pannatta samanauso!. Tise nam samae dohim sagarovamakodakodihim kale viikkamte anamtehim vannapajjavehim anamtehim gamdhapajjavehim anamtehim rasapajjavehim anamtehim phasapajjavehim anamtehim samghayanapajjavehim anamtehim samthanapajjavehim anamtehim uchchattapajjavehim anamtehim aupajjavehim anamtehim garuyalahuya-pajjavehim anamtehim agaruyalahuyapajjavehim anamtehim utthana kamma bala viriya purisakkara parakkamapa-jjavehim anamtagunaparivaddhie parivaddhemane-parivaddemane, ettha nam susamanamam sama kale padi-vajjissai samanauso!. Jambuddive nam bhamte! Dive agamessae ussappinie susamae samae uttamakatthapattae bharahassa vasassa kerisae agarabhavapadoyare bhavissai? Goyama! Bahusamaramanijje bhumibhage bhavissai, se jahanamae alimgapukkharei va, tam cheva jam susamasusamae puvvavanniyam, navaram– nanattam chaudhanusahassa-musiya ege atthabise pitthikaramdukasae chhatthabhattassa aharatthe, chausatthim raimdiyaim sarakkhissamti, do paliovamaim au, sesam tam cheva. Tise nam samae chauvviha manussa anusajjissamti, tam jaha–eka paurajamgha kusuma susamana. Tise nam samae tihim sagarovamakodakodihim kale viikkamte anamtehim vannapajjavehim anamtehim gamdhapajjavehim anamtehim rasapajjavehim anamtehim phasapajjavehim anamtehim samghayanapajjavehim anamtehim samthanapajjavehim anamtehim uchchattapajjavehim anamtehim aupajjavehim anamtehim garuyalahuya pajjavehim anamtehim agaruyalahuyapajjavehim anamtehim utthana kamma bala viriya purisakkara parakkama pajjavehim anamtagunaparivaddhie parivaddhemane-parivaddhemane, ettha nam susamasusamanamam sama kale padivajjissai samanauso!. Jambuddive nam bhamte! Dive bharahe vase imise ussappinie susamasusamae samae uttamakatthapattae bharahassa vasassa kerisae agarabhavapadoyare bhavissai? Goyama! Bahusamaramanijje bhumibhage bhavissai, se jahanamae alimgapukkharei va java nanavihapamchavannehim manihim tanehi ya uvasobhie, tam jaha– kinhehim java sukkilehim taheva java chhavviha manussa anusajjissamti tam jaha–pamhagamdha miyagamdha amama tetali saha sanichari.
Sutra Meaning Transliteration : Juo sutra 52