Sutra Navigation: Jambudwippragnapati ( જંબુદ્વીપ પ્રજ્ઞપ્તિ સૂત્ર )

Search Details

Mool File Details

Anuvad File Details

Sr No : 1107637
Scripture Name( English ): Jambudwippragnapati Translated Scripture Name : જંબુદ્વીપ પ્રજ્ઞપ્તિ સૂત્ર
Mool Language : Ardha-Magadhi Translated Language : Gujarati
Chapter :

वक्षस्कार २ काळ

 Translated Chapter :

વક્ષસ્કાર ૨ કાળ
Section : Translated Section :
Sutra Number : 37 Category : Upang-07
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] अत्थि णं भंते! तीसे समाए भरहे बासे गेहाइ वा गेहावनाइय वा? गोयमा! नो इणट्ठे समट्ठे, रुक्खगेहालया णं ते मनुया पन्नत्ता समणाउसो!। अत्थि णं भंते! तीसे समाए भरहे वासे गामाइ वा नगराइ वा निगमाइ वा रायहानीइ वा खेडाइ वा कब्बडाइ वा मडंबाइ वा दोणमुहाइ वा पट्टणाइ वा आगराइ वा आसमाइ वा संबाहाइ वा सन्निवेसाइ वा? गोयमा! नो इणट्ठे समट्ठे, जहिच्छियकामगामिणो णं ते मनुया पन्नत्ता। अत्थि णं भंते! तीसे समाए भरहे वासे असीइ वा मसीइ वा किसीइ वा वणिएत्ती वा पणिएत्ति वा वाणिज्जेइ वा? गोयमा! नो इणट्ठे समट्ठे, ववगयअसिमसि किसि वणिय पणिय वाणिज्जा णं ते मनुया पन्नत्ता समणाउसो!। अत्थि णं भंते! तीसे समाए भरहे वासे हिरण्णेइ वा सुवण्णेइ वा कंसेइ वा दूसेइ वा मणि मोतिय संख सिल प्पवाल रत्तरयण सावज्जेइ वा? हंता अत्थि, नो चेव णं तेसिं मनुयाणं परिभोगत्ताए हव्वमागच्छइ। अत्थि णं भंते! तीसे समाए भरहे वासे रायाइ वा जुवराया इ वा ईसर तलवर माडंबिय कोडुंबिय इब्भ सेट्ठि सेनावइ सत्थवाहाइ वा? गोयमा! नो इणट्ठे समट्ठे, ववगयइड्ढिसक्कारा णं ते मनुया पन्नत्ता समणाउसो!। अत्थि णं भंते! तीसे समाए भरहे वासे दासेइ वा पेसेइ वा सिस्सेइ वा भयगेइ वा भाइल्लएइ वा कम्मारएइ वा? नो इणट्ठे समट्ठे, ववगयआभिओगा णं ते मनुया पन्नत्ता समणाउसो!। अत्थि णं भंते! तीसे समाए भरहे वासे मायाइ वा पियाइ वा भाया-भगिनि-भज्जा-पुत्त-धूया-सुण्हाइ वा? हंता अत्थि, नो चेव णं तिव्वे पेम्मबंधणे समुप्पज्जइ। अत्थि णं भंते! तीसे समाए भरहे वासे अरीइ वा वेरिएइ वा घायएइ वा वहएइ वा पडिणीयइ वा पच्चामित्तेइ वा? नो इणट्ठे समट्ठे, ववगयवेराणुसया णं ते मनुया पन्नत्ता समणाउसो!। अत्थि णं भंते! तीसे समाए भरहे वासे मित्ताइ वा वयंसाइ वा नायएइ वा घाडिएइ वा सहाइ वा सुहीइ वा संगइएति वा? हंता अत्थि, नो चेव णं तेसिं मनुयाणं तिव्वे रागबंधणे समुप्पज्जइ। अत्थि णं भंते! तीसे समाए भरहे वासे आवाहाइ वा वीवाहाइ वा जण्णाइ वा सद्धाइ वा थालीपागाइ वा पितिपिंडनिवेदणाइ वा? नो इणट्ठे समट्ठे, ववगयआवाह वीवहि जण्ण सद्ध थालीपाग पितिपिंडनिवेदणा णं ते मनुया पन्नत्ता समणाउसो!। अत्थि णं भंते! तीसे समाए भरहे वासे इंदमहाति वा खंद णाग जक्ख भूय अगड तलाग दह नदि रुक्ख पव्वय थूभ चेइयमहाइ वा? नो इणट्ठे समट्ठे, ववगयमहिमा णं ते मनुया पन्नत्ता समणाउसो!। अत्थि णं भंते! तीसे समाए भरहे वासे णडपेच्छाइ वा नट्ट जल्ल मल्ल मुट्ठिय वेलंबग कहग पवग लासगपेच्छाइ वा? नो इणट्ठे समट्ठे, ववगयकोउहल्ला णं ते मनुया पन्नत्ता समणाउसो!। अत्थि णं भंते! तीसे समाए भरहे वासे सगडाइ वा रहाइ वा जाणाइ वा जुग्ग गिल्लि थिल्लि सीअ संदमाणिआइ वा? नो इणट्ठे समट्ठे, पायचारविहारा णं ते मनुया पन्नत्ता समणाउसो!। अत्थि णं भंते! तीसे समाए भरहे वासे गावीइ वा महिसीइ वा अयाइ वा एलगाइ वा? हंता अत्थि, नो चेव णं तेसिं मनुसाणं परिभोगत्ताए हव्वामागच्छति। अत्थि णं भंते! तीसे समाए भरहे वासे आसाइ वा हत्थि उट्ट गोण गवय अय एलग पसय मिय वराह रुरु सरभ चमर कुरंग गोकण्णमाइया? हंता अत्थि, नो चेव णं तेसिं मनुयाणं परिभोगत्ताए हव्वमागच्छंति। अत्थि णं भंते! तीसे समाए भरहे वासे सीहाइ वा वग्घाइ वा विग दीविग अच्छ तरच्छ सियाल बिडाल सुणग कोकंतिय कोलसुणगाइ वा? हंता अत्थि, नो चेव णं ते अन्नमन्नस्स तेसिं वा मनुयाणं आबाहं वा वाबाहं वा छविच्छेयं वा उप्पाएंति, पगइभद्दया णं ते सावयगणा पन्नत्ता समणाउसो! । अत्थि णं भंते! तीसे समाए भरहे वासे सालीति वा वीहि-गोहूम जव जवजवाइ वा कल मसूर मुग्ग मास तिल कुलत्थ निप्फावग आलिसंदग अयसि कुसुंभ कोद्दव कंगु वरग रालग सण सरिसव मूलाबीआइ वा? हंता अत्थि, नो चेव णं तेसिं मनुयाणं परिभोगत्ताए हव्वमागच्छंति। अत्थि णं भंते! तीसे समाए भरहे वासे गड्ढाइ वा दरी ओवाय पवाय विसम विज्जलाइ वा? नो इणट्ठे समट्ठे, भरहे वासे बहुसमरमणिज्जे भूमिभागे पन्नत्ते, से जहानामए आलिंगपुक्खरेइ वा। अत्थि णं भंते! तीसे समाए भरहे वासे खाणूइ वा कंटग तणय कयवराइ वा पत्तकयवराइ वा? नो इणट्ठे समट्ठे, ववगयखाणुकंटगतणकयवर-पत्तकयवरा णं सा समा पन्नत्ता समणाउसो!। अत्थि णं भंते! तीसे समाए भरहे वासे डंसाइ वा मसगाइ वा जूआइ वा लिक्खाइ वा ढिंकुणाइ वा? नो इणट्ठे समट्ठे, ववगय डंस मसग जूअ लिक्ख ढिंकुण पिसुआ उवद्दवविरहिया णं सा समा पन्नत्ता समणाउसो!। अत्थि णं भंते! तीसे समाए भरहे वासे अहीइ वा अयगराइ वा? हंता अत्थि, नो चेव णं ते अन्नमन्नस्स तेसिं वा मनुयाणं आबाहं वा वाबाहं वा छविच्छयं वा उप्पाएंतिव, पगइभद्दया णं ते वालगगणा पन्नत्ता समणाउसो! । अत्थि णं भंते! तीसे समाए भरहे वासे डिंबाइ वा डमराइ वा कलह बोल खार वेर महाजुद्धाइ वा महासंगामाइ वा महासत्थपडणाइ वा महापुरिसपडणाइ वा महारुधिरपडनाति वा? गोयमा! नो इणट्ठे समट्ठे, ववगयवेराणुबंधा णं ते मनुया पन्नत्ता समणाउसो!। अत्थि णं भंते! तीसे समाए भरहे वासे दुब्भूयाति वा कुलरोगाइ वा गामरोगाइ वा मंडलरोगाइ वा पोट्ट सीसवेयणाइ वा कण्णोट्ठ अच्छि नह दंतवेयणाइ वा कासाइ वा सासाइ वा सोसाइ वा जराइ वा दाहाइ वा अरिसाइ वा अजीरगाइ वा दओदराइ वा पंडुरोगाइ वा भगंदराइ वा एगाहियाइ वा बेयाहियाइ वा तेयाहियाइ वा चउत्थाहियाइ वा धनुग्गहाइ वा इंदग्गहाइ वा खंदग्गहाइ वा कुमारग्गहाइ वा जक्खग्गहाइ वा भूयग्गहाइ वा मत्थगसूलाइ वा हिययसूलाइ वा पोट्ट कुच्छि जोणिसूलाइ वा गाममारीइ वा जाव सन्निवेसमारीइ वा पाणक्खया जणक्खया कुलक्खया वसनब्भूयमनारिआ? नो इणट्ठे समट्ठे, ववगयरोगायंका णं ते मनुया पन्नत्ता समणाउसो!।
Sutra Meaning : જુઓ સૂત્ર ૩૬
Mool Sutra Transliteration : [sutra] atthi nam bhamte! Tise samae bharahe base gehai va gehavanaiya va? Goyama! No inatthe samatthe, rukkhagehalaya nam te manuya pannatta samanauso!. Atthi nam bhamte! Tise samae bharahe vase gamai va nagarai va nigamai va rayahanii va khedai va kabbadai va madambai va donamuhai va pattanai va agarai va asamai va sambahai va sannivesai va? Goyama! No inatthe samatthe, jahichchhiyakamagamino nam te manuya pannatta. Atthi nam bhamte! Tise samae bharahe vase asii va masii va kisii va vanietti va panietti va vanijjei va? Goyama! No inatthe samatthe, vavagayaasimasi kisi vaniya paniya vanijja nam te manuya pannatta samanauso!. Atthi nam bhamte! Tise samae bharahe vase hirannei va suvannei va kamsei va dusei va mani motiya samkha sila ppavala rattarayana savajjei va? Hamta atthi, no cheva nam tesim manuyanam paribhogattae havvamagachchhai. Atthi nam bhamte! Tise samae bharahe vase rayai va juvaraya i va isara talavara madambiya kodumbiya ibbha setthi senavai satthavahai va? Goyama! No inatthe samatthe, vavagayaiddhisakkara nam te manuya pannatta samanauso!. Atthi nam bhamte! Tise samae bharahe vase dasei va pesei va sissei va bhayagei va bhaillaei va kammaraei va? No inatthe samatthe, vavagayaabhioga nam te manuya pannatta samanauso!. Atthi nam bhamte! Tise samae bharahe vase mayai va piyai va bhaya-bhagini-bhajja-putta-dhuya-sunhai va? Hamta atthi, no cheva nam tivve pemmabamdhane samuppajjai. Atthi nam bhamte! Tise samae bharahe vase arii va veriei va ghayaei va vahaei va padiniyai va pachchamittei va? No inatthe samatthe, vavagayaveranusaya nam te manuya pannatta samanauso!. Atthi nam bhamte! Tise samae bharahe vase mittai va vayamsai va nayaei va ghadiei va sahai va suhii va samgaieti va? Hamta atthi, no cheva nam tesim manuyanam tivve ragabamdhane samuppajjai. Atthi nam bhamte! Tise samae bharahe vase avahai va vivahai va jannai va saddhai va thalipagai va pitipimdanivedanai va? No inatthe samatthe, vavagayaavaha vivahi janna saddha thalipaga pitipimdanivedana nam te manuya pannatta samanauso!. Atthi nam bhamte! Tise samae bharahe vase imdamahati va khamda naga jakkha bhuya agada talaga daha nadi rukkha pavvaya thubha cheiyamahai va? No inatthe samatthe, vavagayamahima nam te manuya pannatta samanauso!. Atthi nam bhamte! Tise samae bharahe vase nadapechchhai va natta jalla malla mutthiya velambaga kahaga pavaga lasagapechchhai va? No inatthe samatthe, vavagayakouhalla nam te manuya pannatta samanauso!. Atthi nam bhamte! Tise samae bharahe vase sagadai va rahai va janai va jugga gilli thilli sia samdamaniai va? No inatthe samatthe, payacharavihara nam te manuya pannatta samanauso!. Atthi nam bhamte! Tise samae bharahe vase gavii va mahisii va ayai va elagai va? Hamta atthi, no cheva nam tesim manusanam paribhogattae havvamagachchhati. Atthi nam bhamte! Tise samae bharahe vase asai va hatthi utta gona gavaya aya elaga pasaya miya varaha ruru sarabha chamara kuramga gokannamaiya? Hamta atthi, no cheva nam tesim manuyanam paribhogattae havvamagachchhamti. Atthi nam bhamte! Tise samae bharahe vase sihai va vagghai va viga diviga achchha tarachchha siyala bidala sunaga kokamtiya kolasunagai va? Hamta atthi, no cheva nam te annamannassa tesim va manuyanam abaham va vabaham va chhavichchheyam va uppaemti, pagaibhaddaya nam te savayagana pannatta samanauso!. Atthi nam bhamte! Tise samae bharahe vase saliti va vihi-gohuma java javajavai va kala masura mugga masa tila kulattha nipphavaga alisamdaga ayasi kusumbha koddava kamgu varaga ralaga sana sarisava mulabiai va? Hamta atthi, no cheva nam tesim manuyanam paribhogattae havvamagachchhamti. Atthi nam bhamte! Tise samae bharahe vase gaddhai va dari ovaya pavaya visama vijjalai va? No inatthe samatthe, bharahe vase bahusamaramanijje bhumibhage pannatte, se jahanamae alimgapukkharei va. Atthi nam bhamte! Tise samae bharahe vase khanui va kamtaga tanaya kayavarai va pattakayavarai va? No inatthe samatthe, vavagayakhanukamtagatanakayavara-pattakayavara nam sa sama pannatta samanauso!. Atthi nam bhamte! Tise samae bharahe vase damsai va masagai va juai va likkhai va dhimkunai va? No inatthe samatthe, vavagaya damsa masaga jua likkha dhimkuna pisua uvaddavavirahiya nam sa sama pannatta samanauso!. Atthi nam bhamte! Tise samae bharahe vase ahii va ayagarai va? Hamta atthi, no cheva nam te annamannassa tesim va manuyanam abaham va vabaham va chhavichchhayam va uppaemtiva, pagaibhaddaya nam te valagagana pannatta samanauso!. Atthi nam bhamte! Tise samae bharahe vase dimbai va damarai va kalaha bola khara vera mahajuddhai va mahasamgamai va mahasatthapadanai va mahapurisapadanai va maharudhirapadanati va? Goyama! No inatthe samatthe, vavagayaveranubamdha nam te manuya pannatta samanauso!. Atthi nam bhamte! Tise samae bharahe vase dubbhuyati va kularogai va gamarogai va mamdalarogai va potta sisaveyanai va kannottha achchhi naha damtaveyanai va kasai va sasai va sosai va jarai va dahai va arisai va ajiragai va daodarai va pamdurogai va bhagamdarai va egahiyai va beyahiyai va teyahiyai va chautthahiyai va dhanuggahai va imdaggahai va khamdaggahai va kumaraggahai va jakkhaggahai va bhuyaggahai va matthagasulai va hiyayasulai va potta kuchchhi jonisulai va gamamarii va java sannivesamarii va panakkhaya janakkhaya kulakkhaya vasanabbhuyamanaria? No inatthe samatthe, vavagayarogayamka nam te manuya pannatta samanauso!.
Sutra Meaning Transliteration : Juo sutra 36