Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106828
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-२२ क्रिया

 Translated Chapter :

પદ-૨૨ ક્રિયા
Section : Translated Section :
Sutra Number : 528 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जीवे णं भंते! नाणावरणिज्जं कम्मं बंधमाणे कतिकिरिए? गोयमा! सिय तिकिरिए सिय चउकिरिए सिय पंचकिरिए। एवं नेरइए जाव वेमाणिए। जीवा णं भंते! नाणावरणिज्जं कम्मं बंधमाणा कतिकिरिया? गोयमा! तिकिरिया वि चउकिरिया वि पंचकिरिया वि। एवं नेरइया निरंतरं जाव वेमानिया। एवं दरिसणावरणिज्जं वेयणिज्जं मोहणिज्जं आउयं नामं गोयं अंतराइयं च अट्ठविह-कम्मपगडीओ भाणियव्वाओ। एगत्तपोहत्तिया सोलस दंडगा। जीवे णं भंते! जीवातो कतिकिरिए? गोयमा! सिय तिकिरिए सिय चउकिरिए सिय पंचकिरिए सिय अकिरिए। जीवे णं भंते! नेरइयाओ कतिकिरिए? गोयमा! सिय तिकिरिए सिय चतुकिरिए सिय अकिरिए। एवं जाव थणियकुमाराओ। पुढविक्काइयाओ आउक्काइयाओ तेउक्काइयाओ वाउक्काइयाओ वणस्सइकाइयाओ बेइंदिय-तेइंदिय-चउरिंदिय-पंचिंदियतिरिक्खजोणिया मनूसातो जहा जीवातो। वाणमंतर-जोइसिय-वेमानियाओ जहा नेरइयाओ। जीवे णं भंते! जीवेहिंतो कतिकिरिए? गोयमा! सिय तिकिरिए सिय चउकिरिए सिय पंचकिरिए सिय अकिरिए। जीवे णं भंते! नेरइएहिंतो कतिकिरिए? गोयमा! सिय तिकिरिए सिय चउकिरिए सिय अकिरिए। एवं जहेव पढमो दंडओ तहा एसो वि बितिओ भाणियव्वो। जीवा णं भंते! जीवाओ कतिकिरिया? गोयमा! तिकिरिया वि चउकिरिया वि पंचकिरिया वि अकिरिया वि। जीवा णं भंते! नेरइयाओ कतिकिरिया? गोयमा! जहेव आइल्लदंडओ तहेव भाणियव्वो जाव वेमानिय त्ति। जीवा णं भंते! जीवेहिंतो कतिकिरिया? गोयमा! तिकिरिया वि चउकिरिया वि पंचकिरिया वि अकिरिया वि। जीवा णं भंते! नेरइएहिंतो कतिकिरिया? गोयमा! तिकिरिया वि चउकिरिया वि अकिरिया वि। असुरकुमारेहिंतो वि एवं चेव जाव वेमाणिएहिंतो। ओरालियसरीरेहिंतो जहा जीवेहिंतो। नेरइए णं भंते! जीवातो कतिकिरिए? गोयमा! सिय तिकिरिए सिय चउकिरिए सिय पंचकिरिए। नेरइए णं भंते! नेरइयाओ कतिकिरिए? गोयमा! सिय तिकिरिए सिय चउकिरिए। एवं जाव थणियकुमाराओ पुढविकाइयाओ जाव मनुस्साओ जहा जीवाओ। वाणमंतर-जोइसिय-वेमानियाओ जहा नेरइयाओ। नेरइए णं भंते! जीवेहिंतो कइकिरिए? गोयमा! सिय तिकिरिए सिय चउकिरिए सिय पंचकिरिए नेरइए णं भंते! नेरइएहिंतो कइकिरिए? गोयमा! सिय तिकिरिए सिय चउकिरिए। एवं जहेव पढमो दंडओ तहा एसो वि बितिओ भाणियव्वो। एवं जाव वेमाणिएहिंतो, नवरं–नेरइयस्स नेरइएहिंतो देवेहिंतो य पंचमा किरिया नत्थि। नेरइया णं भंते! जीवाओ कतिकिरिया? गोयमा! सिय तिकिरिया सिय चउकिरिया सिय पंचकिरिया। एवं जाव वेमानियाओ, नवरं–नेरइयाओ देवाओ य पंचमा किरिया नत्थि। नेरइया णं भंते! जीवेहिंतो कतिकिरिया? गोयमा! तिकिरिया वि चउकिरिया वि पंचकिरिया वि नेरइया णं भंते! नेरइएहिंतो कतिकिरिया? गोयमा! तिकिरिया वि चउकिरिया वि। एवं जाव वेमाणिएहिंतो, नवरं–ओरालियसरीरेहिंतो जहा जीवेहिंतो। असुरकुमारे णं भंते! जीवातो कतिकिरिए? गोयमा! जहेव नेरइए चत्तारि दंडगा तहेव असुरकुमारे वि चत्तारि दंडगा भाणियव्वा। एवं उवउज्जिऊण भावेयव्वं ति–जीवे मनूसे य अकिरिए वुच्चति, सेसा अकिरिया न वुच्चंति। सव्वजीवा ओरालियसरीरेहिंतो पंचकिरिया, नेरइय-देवेहिंतो य पंचकिरिया न वुच्चंति। एवं एक्केक्कजीवपए चत्तारि चत्तारि दंडगा भाणियव्वा। एवं एयं दंडगसयं। सव्वे वि य जीवादीया दंडगा।
Sutra Meaning : જુઓ સૂત્ર ૫૨૭
Mool Sutra Transliteration : [sutra] jive nam bhamte! Nanavaranijjam kammam bamdhamane katikirie? Goyama! Siya tikirie siya chaukirie siya pamchakirie. Evam neraie java vemanie. Jiva nam bhamte! Nanavaranijjam kammam bamdhamana katikiriya? Goyama! Tikiriya vi chaukiriya vi pamchakiriya vi. Evam neraiya niramtaram java vemaniya. Evam darisanavaranijjam veyanijjam mohanijjam auyam namam goyam amtaraiyam cha atthaviha-kammapagadio bhaniyavvao. Egattapohattiya solasa damdaga. Jive nam bhamte! Jivato katikirie? Goyama! Siya tikirie siya chaukirie siya pamchakirie siya akirie. Jive nam bhamte! Neraiyao katikirie? Goyama! Siya tikirie siya chatukirie siya akirie. Evam java thaniyakumarao. Pudhavikkaiyao aukkaiyao teukkaiyao vaukkaiyao vanassaikaiyao beimdiya-teimdiya-chaurimdiya-pamchimdiyatirikkhajoniya manusato jaha jivato. Vanamamtara-joisiya-vemaniyao jaha neraiyao. Jive nam bhamte! Jivehimto katikirie? Goyama! Siya tikirie siya chaukirie siya pamchakirie siya akirie. Jive nam bhamte! Neraiehimto katikirie? Goyama! Siya tikirie siya chaukirie siya akirie. Evam jaheva padhamo damdao taha eso vi bitio bhaniyavvo. Jiva nam bhamte! Jivao katikiriya? Goyama! Tikiriya vi chaukiriya vi pamchakiriya vi akiriya vi. Jiva nam bhamte! Neraiyao katikiriya? Goyama! Jaheva ailladamdao taheva bhaniyavvo java vemaniya tti. Jiva nam bhamte! Jivehimto katikiriya? Goyama! Tikiriya vi chaukiriya vi pamchakiriya vi akiriya vi. Jiva nam bhamte! Neraiehimto katikiriya? Goyama! Tikiriya vi chaukiriya vi akiriya vi. Asurakumarehimto vi evam cheva java vemaniehimto. Oraliyasarirehimto jaha jivehimto. Neraie nam bhamte! Jivato katikirie? Goyama! Siya tikirie siya chaukirie siya pamchakirie. Neraie nam bhamte! Neraiyao katikirie? Goyama! Siya tikirie siya chaukirie. Evam java thaniyakumarao pudhavikaiyao java manussao jaha jivao. Vanamamtara-joisiya-vemaniyao jaha neraiyao. Neraie nam bhamte! Jivehimto kaikirie? Goyama! Siya tikirie siya chaukirie siya pamchakirie Neraie nam bhamte! Neraiehimto kaikirie? Goyama! Siya tikirie siya chaukirie. Evam jaheva padhamo damdao taha eso vi bitio bhaniyavvo. Evam java vemaniehimto, navaram–neraiyassa neraiehimto devehimto ya pamchama kiriya natthi. Neraiya nam bhamte! Jivao katikiriya? Goyama! Siya tikiriya siya chaukiriya siya pamchakiriya. Evam java vemaniyao, navaram–neraiyao devao ya pamchama kiriya natthi. Neraiya nam bhamte! Jivehimto katikiriya? Goyama! Tikiriya vi chaukiriya vi pamchakiriya vi Neraiya nam bhamte! Neraiehimto katikiriya? Goyama! Tikiriya vi chaukiriya vi. Evam java vemaniehimto, navaram–oraliyasarirehimto jaha jivehimto. Asurakumare nam bhamte! Jivato katikirie? Goyama! Jaheva neraie chattari damdaga taheva asurakumare vi chattari damdaga bhaniyavva. Evam uvaujjiuna bhaveyavvam ti–jive manuse ya akirie vuchchati, sesa akiriya na vuchchamti. Savvajiva oraliyasarirehimto pamchakiriya, neraiya-devehimto ya pamchakiriya na vuchchamti. Evam ekkekkajivapae chattari chattari damdaga bhaniyavva. Evam eyam damdagasayam. Savve vi ya jivadiya damdaga.
Sutra Meaning Transliteration : Juo sutra 527