Sutra Navigation: Pragnapana ( પ્રજ્ઞાપના ઉપાંગ સૂત્ર )
Search Details
| Mool File Details |
|
Anuvad File Details |
|
| Sr No : | 1106693 | ||
| Scripture Name( English ): | Pragnapana | Translated Scripture Name : | પ્રજ્ઞાપના ઉપાંગ સૂત્ર |
| Mool Language : | Ardha-Magadhi | Translated Language : | Gujarati |
| Chapter : |
पद-११ भाषा |
Translated Chapter : |
પદ-૧૧ ભાષા |
| Section : | Translated Section : | ||
| Sutra Number : | 393 | Category : | Upang-04 |
| Gatha or Sutra : | Sutra | Sutra Anuyog : | |
| Author : | Deepratnasagar | Original Author : | Gandhar |
| Century : | Sect : | Svetambara1 | |
| Source : | |||
| Mool Sutra : | [सूत्र] जीवे णं भंते! जाइं दव्वाइं भासत्ताए गेण्हति ताइं किं संतरं गेण्हति? निरंतरं गेण्हति? गोयमा! संतरं पि गेण्हति, निरंतरं पि गेण्हति। संतरं गिण्हमाणे जहन्नेणं एगं समयं, उक्कोसेणं असंखेज्जसमए अंतरं कट्टु गेण्हति। निरंतरं गिण्ह-माणे जहन्नेणं दो समए, उक्कोसेणं असंखेज्जसमए अनुसमयं अविरहियं निरंतरं गेण्हति। जीवे णं भंते! जाइं दव्वाइं भासत्ताए गहियाइं निसिरति ताइं किं संतरं निसिरति? निरंतरं निसिरति? गोयमा! संतरं निसिरति, नो निरंतरं निसिरति। संतरं णिसिरमाणे एगेणं समएणं गेण्हइ एगेणं समएणं निसिरति। एएणं गहणणिसिरणोवाएणं जहन्नेणं दुसमइयं उक्कोसेणं असंखेज्ज-समइयं अंतोमुहुत्तयं गहणणिसिरणं करेति। जीवे णं भंते! जाइं दव्वाइं भासत्ताए गहियाइं निसिरति ताइं किं भिन्नाइं निसिरति? अभिन्नाइं निसिरति? गोयमा! भिन्नाइं पि निसिरति अभिन्नाइं पि निसिरति। जाइं भिन्नाइं निसिरति ताइं अनंतगुणपरिवुड्ढीए परिवड्ढमाणाइं-परिवड्ढमाणाइं लोयंतं फुसंति। जाइं अभिन्नाइं निसिरति ताइं असंखेज्जाओ ओगाहणवग्गणाओ गंता भेयमावज्जंति, संखेज्जाइं जोयणाइं गंता विद्धंसमागच्छंति | ||
| Sutra Meaning : | જુઓ સૂત્ર ૩૯૧ | ||
| Mool Sutra Transliteration : | [sutra] jive nam bhamte! Jaim davvaim bhasattae genhati taim kim samtaram genhati? Niramtaram genhati? Goyama! Samtaram pi genhati, niramtaram pi genhati. Samtaram ginhamane jahannenam egam samayam, ukkosenam asamkhejjasamae amtaram kattu genhati. Niramtaram ginha-mane jahannenam do samae, ukkosenam asamkhejjasamae anusamayam avirahiyam niramtaram genhati. Jive nam bhamte! Jaim davvaim bhasattae gahiyaim nisirati taim kim samtaram nisirati? Niramtaram nisirati? Goyama! Samtaram nisirati, no niramtaram nisirati. Samtaram nisiramane egenam samaenam genhai egenam samaenam nisirati. Eenam gahananisiranovaenam jahannenam dusamaiyam ukkosenam asamkhejja-samaiyam amtomuhuttayam gahananisiranam kareti. Jive nam bhamte! Jaim davvaim bhasattae gahiyaim nisirati taim kim bhinnaim nisirati? Abhinnaim nisirati? Goyama! Bhinnaim pi nisirati abhinnaim pi nisirati. Jaim bhinnaim nisirati taim anamtagunaparivuddhie parivaddhamanaim-parivaddhamanaim loyamtam phusamti. Jaim abhinnaim nisirati taim asamkhejjao ogahanavagganao gamta bheyamavajjamti, samkhejjaim joyanaim gamta viddhamsamagachchhamti | ||
| Sutra Meaning Transliteration : | Juo sutra 391 | ||