Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106620
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-५ विशेष

 Translated Chapter :

પદ-૫ વિશેષ
Section : Translated Section :
Sutra Number : 320 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जहन्नोगाहणगाणं भंते! मनुस्साणं केवतिया पज्जवा पन्नत्ता? गोयमा! अनंता पज्जवा पन्नत्ता। से केणट्ठेणं भंते! एवं वुच्चइ–जहन्नोगाहणगाणं मनुस्साणं अनंता पज्जवा पन्नत्ता? गोयमा! जहन्नोगाहणए मनुस्से जहन्नोगाहणगस्स मणुसस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए तुल्ले। ठितीए तिट्ठाणवडिते। वण्ण-गंध-रस-फासपज्जवेहिं तिहिं नाणेहिं दोहिं अन्नाणेहिं तिहिं दंसणेहिं छट्ठाणवडिते। उक्कोसोगाहणए वि एवं चेव, नवरं–ठितीए सिय हीने सिय तुल्ले सिय अब्भहिए–जदि हीने असंखेज्जभागहीने। अह अब्भहिए असंखेज्जभागमब्भहिए। दो नाणा दो अन्नाणा दो दंसणा। अजहन्नमनुक्कोसगाहणए वि एवं चेव, नवरं– ओगाहणट्ठयाए चउट्ठाणवडिते। ठितीए चउट्ठाण-वडिते। आइल्लेहिं चउहिं नाणेहिं छट्ठाणवडिते। केवलनाणपज्जवेहिं तुल्ले। तिहिं अन्नाणेहिं तिहिं दंसणेहिं छट्ठाणवडिते। केवलदंसणपज्जवेहिं तुल्ले। जहन्नट्ठितीयाणं भंते! मनुस्साणं केवतिया पज्जवा पन्नत्ता? गोयमा! अनंता पज्जवा पन्नत्ता। से केणट्ठेणं भंते! एवं वुच्चति? गोयमा! जहन्नट्ठितीए मनुस्से जहन्नट्ठितीयस्स मनुस्सस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए चउट्ठाणवडिते। ठितीए तुल्ले। वण्ण-गंध-रस-फासपज्जवेहिं दोहिं अन्नाणेहिं दोहिं दंसणेहिं छट्ठाणवडिते। एवं उक्कोसट्ठितीए वि, नवरं–दो नाणा, दो अन्नाणा, दो दंसणा। अजहन्नमनुक्कोसट्ठितीए वि एवं चेव, नवरं– ठितीए चउट्ठाणवडिते। ओगाहणट्ठयाए चउट्ठाणवडिते। आदिल्लेहिं चउनाणेहिं छट्ठाणवडिते। केवलनाणपज्जवेहिं तुल्ले। तिहिं अन्नाणेहिं तिहिं दंसणेहिं छट्ठाणवडिते। केवल-दंसणपज्जवेहिं तुल्ले। जहन्नगुणकालयाणं भंते! मनुस्साणं केवतिया पज्जवा पन्नत्ता? गोयमा! अनंता पज्जवा पन्नत्ता। से केणट्ठेणं भंते! एवं वुच्चति? गोयमा! जहन्नगुणकालए मनुस्से जहन्नगुणकालगस्स मनुस्सस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए चउट्ठाणवडिते। ठितीए चउट्ठाण-वडिते। कालवण्णपज्जवेहिं तुल्ले। अवसेसेहिं वण्ण-गंध-रस-फासपज्जवेहिं छट्ठाणवडिते। चउहिं नाणेहिं छट्ठाणवडिते। केवलनाणपज्जवेहिं तुल्ले। तिहिं अन्नाणेहिं तिहिं दंसणेहिं छट्ठाणवडिते। केवलदंसणपज्जवेहिं तुल्ले। एवं उक्कोसगुणकालए वि। अजहन्नमनुक्कोसगुणकालए वि एवं चेव, नवरं–सट्ठाणे छट्ठाणवडिते। एवं पंच वण्णा दो गंधा पंच रसा अट्ठ फासा भाणितव्वा। जहन्नाभिनिबोहियनाणीणं भंते! मनुस्साणं केवतिया पज्जवा पन्नत्ता? गोयमा! अनंता पज्जवा पन्नत्ता। से केणट्ठेणं भंते! एवं वुच्चति? गोयमा! जहन्नाभिनिबोहियनाणी मनुस्से जहन्नाभिनिबोहिय-नाणिस्स मनुस्सस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए चउट्ठाणवडिते। ठितीए चउट्ठाणवडिते। वण्ण-गंध-रस-फासपज्जवेहिं छट्ठाणवडिते। आभिनिबोहियनाणपज्जवेहिं तुल्ले। सुतनाणपज्जवेहिं तुल्ले। दोहिं दंसणेहिं छट्ठाणवडिते। एवं उक्कोसाभिनिबोहियनाणी वि, नवरं–आभिनिबोहियनाणपज्जवेहिं तुल्ले। ठितीए तिट्ठाणवडिते। तिहिं नाणेहिं तिहिं दंसणेहिं छट्ठाणवडिते। अजहन्नमणुक्कोसाभिनिबोहियनाणी जहा उक्कोसाभिनिबोहियनाणी, नवरं–ठितीए चउट्ठाणवडिते। सट्ठाणे छट्ठाणवडिते। एवं सुतनाणी वि। जहन्नोहिनाणीणं भंते! मनुस्साणं केवतिया पज्जवा पन्नत्ता? गोयमा! अनंता पज्जवा पन्नत्ता। से केणट्ठेणं भंते! एवं वुच्चति? गोयमा! जहन्नोहिनाणी मनुस्से जहन्नोहिणाणिस्स मनुस्सस्स दव्वट्ठयाए तुल्ले। पएसट्ठयाए तुल्ले। ओगाहणट्ठयाए तिट्ठाणवडिते। ठिईए तिट्ठाणवडिते। वण्ण-गंध-रसफासपज्जवेहिं दोहिं नाणेहिं छट्ठाणवडिए। ओहिनाणपज्जवेहिं तुल्ले। मनपज्जवनाणपज्जवेहिं छट्ठाणवडिए। तिहिं दंसणेहिं छट्ठाणवडिए। एवं उक्कोसोहिनाणी वि। अजहन्नमणुक्कोसोहिनाणी वि एवं चेव, नवरं–ओगाहणट्ठयाए चउट्ठाणवडिते सट्ठाणे छट्ठाणवडिए। जहा ओहिनाणी तहा मनपज्जवनाणी वि भाणितव्वे, नवरं–ओगाहणट्ठयाए तिट्ठाणवडिए। जहा आभिनिबोहियनाणी तहा मतिअन्नाणी सुतअन्नाणी य भाणितव्वे। जहा ओहिनाणी तहा विभंगनाणी वि भाणियव्वे। चक्खुदंसणी अचक्खुदंसणी य जहा आभिनिबोहियनाणी। ओहिदंसणी जहा ओहिनाणी। जत्थ नाणा तत्थ अन्नाणा नत्थि, जत्थ अन्नाणा तत्थ नाणा नत्थि, जत्थ दंसणा तत्थ नाणा वि अन्नाणा वि। केवलनाणीणं भंते! मनुस्साणं केवतिया पज्जवा पन्नत्ता? गोयमा! अनंता पज्जवा पन्नत्ता। से केणट्ठेणं भंते! एवं वुच्चइ–केवलनाणीणं मनुस्साणं अनंता पज्जवा पन्नत्ता? गोयमा! केवलनाणी मनुस्से केवलनाणिस्स मनुस्सस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए चउट्ठाणवडिते। ठितीए तिट्ठाणवडिते। वण्ण-गंध-रस-फासपज्जवेहिं छट्ठाणवडिते। केवलनाण-पज्जवेहिं केवलदंसणपज्जवेहि य तुल्ले। एवं केवलदंसणी वि मनुस्से भाणियव्वे।
Sutra Meaning : જુઓ સૂત્ર ૩૧૬
Mool Sutra Transliteration : [sutra] jahannogahanaganam bhamte! Manussanam kevatiya pajjava pannatta? Goyama! Anamta pajjava pannatta. Se kenatthenam bhamte! Evam vuchchai–jahannogahanaganam manussanam anamta pajjava pannatta? Goyama! Jahannogahanae manusse jahannogahanagassa manusassa davvatthayae tulle. Padesatthayae tulle. Ogahanatthayae tulle. Thitie titthanavadite. Vanna-gamdha-rasa-phasapajjavehim tihim nanehim dohim annanehim tihim damsanehim chhatthanavadite. Ukkosogahanae vi evam cheva, navaram–thitie siya hine siya tulle siya abbhahie–jadi hine asamkhejjabhagahine. Aha abbhahie asamkhejjabhagamabbhahie. Do nana do annana do damsana. Ajahannamanukkosagahanae vi evam cheva, navaram– ogahanatthayae chautthanavadite. Thitie chautthana-vadite. Aillehim chauhim nanehim chhatthanavadite. Kevalananapajjavehim tulle. Tihim annanehim tihim damsanehim chhatthanavadite. Kevaladamsanapajjavehim tulle. Jahannatthitiyanam bhamte! Manussanam kevatiya pajjava pannatta? Goyama! Anamta pajjava pannatta. Se kenatthenam bhamte! Evam vuchchati? Goyama! Jahannatthitie manusse jahannatthitiyassa manussassa davvatthayae tulle. Padesatthayae tulle. Ogahanatthayae chautthanavadite. Thitie tulle. Vanna-gamdha-rasa-phasapajjavehim dohim annanehim dohim damsanehim chhatthanavadite. Evam ukkosatthitie vi, navaram–do nana, do annana, do damsana. Ajahannamanukkosatthitie vi evam cheva, navaram– thitie chautthanavadite. Ogahanatthayae chautthanavadite. Adillehim chaunanehim chhatthanavadite. Kevalananapajjavehim tulle. Tihim annanehim tihim damsanehim chhatthanavadite. Kevala-damsanapajjavehim tulle. Jahannagunakalayanam bhamte! Manussanam kevatiya pajjava pannatta? Goyama! Anamta pajjava pannatta. Se kenatthenam bhamte! Evam vuchchati? Goyama! Jahannagunakalae manusse jahannagunakalagassa manussassa davvatthayae tulle. Padesatthayae tulle. Ogahanatthayae chautthanavadite. Thitie chautthana-vadite. Kalavannapajjavehim tulle. Avasesehim vanna-gamdha-rasa-phasapajjavehim chhatthanavadite. Chauhim nanehim chhatthanavadite. Kevalananapajjavehim tulle. Tihim annanehim tihim damsanehim chhatthanavadite. Kevaladamsanapajjavehim tulle. Evam ukkosagunakalae vi. Ajahannamanukkosagunakalae vi evam cheva, navaram–satthane chhatthanavadite. Evam pamcha vanna do gamdha pamcha rasa attha phasa bhanitavva. Jahannabhinibohiyananinam bhamte! Manussanam kevatiya pajjava pannatta? Goyama! Anamta pajjava pannatta. Se kenatthenam bhamte! Evam vuchchati? Goyama! Jahannabhinibohiyanani manusse jahannabhinibohiya-nanissa manussassa davvatthayae tulle. Padesatthayae tulle. Ogahanatthayae chautthanavadite. Thitie chautthanavadite. Vanna-gamdha-rasa-phasapajjavehim chhatthanavadite. Abhinibohiyananapajjavehim tulle. Sutananapajjavehim tulle. Dohim damsanehim chhatthanavadite. Evam ukkosabhinibohiyanani vi, navaram–abhinibohiyananapajjavehim tulle. Thitie titthanavadite. Tihim nanehim tihim damsanehim chhatthanavadite. Ajahannamanukkosabhinibohiyanani jaha ukkosabhinibohiyanani, navaram–thitie chautthanavadite. Satthane chhatthanavadite. Evam sutanani vi. Jahannohinaninam bhamte! Manussanam kevatiya pajjava pannatta? Goyama! Anamta pajjava pannatta. Se kenatthenam bhamte! Evam vuchchati? Goyama! Jahannohinani manusse jahannohinanissa manussassa davvatthayae tulle. Paesatthayae tulle. Ogahanatthayae titthanavadite. Thiie titthanavadite. Vanna-gamdha-rasaphasapajjavehim dohim nanehim chhatthanavadie. Ohinanapajjavehim tulle. Manapajjavananapajjavehim chhatthanavadie. Tihim damsanehim chhatthanavadie. Evam ukkosohinani vi. Ajahannamanukkosohinani vi evam cheva, navaram–ogahanatthayae chautthanavadite satthane chhatthanavadie. Jaha ohinani taha manapajjavanani vi bhanitavve, navaram–ogahanatthayae titthanavadie. Jaha abhinibohiyanani taha matiannani sutaannani ya bhanitavve. Jaha ohinani taha vibhamganani vi bhaniyavve. Chakkhudamsani achakkhudamsani ya jaha abhinibohiyanani. Ohidamsani jaha ohinani. Jattha nana tattha annana natthi, jattha annana tattha nana natthi, jattha damsana tattha nana vi annana vi. Kevalananinam bhamte! Manussanam kevatiya pajjava pannatta? Goyama! Anamta pajjava pannatta. Se kenatthenam bhamte! Evam vuchchai–kevalananinam manussanam anamta pajjava pannatta? Goyama! Kevalanani manusse kevalananissa manussassa davvatthayae tulle. Padesatthayae tulle. Ogahanatthayae chautthanavadite. Thitie titthanavadite. Vanna-gamdha-rasa-phasapajjavehim chhatthanavadite. Kevalanana-pajjavehim kevaladamsanapajjavehi ya tulle. Evam kevaladamsani vi manusse bhaniyavve.
Sutra Meaning Transliteration : Juo sutra 316