Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106617
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-५ विशेष

 Translated Chapter :

પદ-૫ વિશેષ
Section : Translated Section :
Sutra Number : 317 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जहन्नोगाहणगाणं भंते! पुढविकाइयाणं केवतिया पज्जवा पन्नत्ता? गोयमा! अनंता पज्जवा पन्नत्ता। से केणट्ठेणं भंते! एवं वुच्चति–जहन्नोगाहणगाणं पुढविकाइयाणं अनंता पज्जवा पन्नत्ता? गोयमा! जहन्नोगाहणए पुढविकाइए जहन्नोगाहणगस्स पुढविकाइयस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए तुल्ले। ठितीए तिट्ठाणवडिते। वण्ण-गंध-रस-फासपज्जवेहिं दोहिं अन्नाणेहिं अचक्खुदंसणपज्जवेहि य छट्ठाणवडिते। एवं उक्कोसोगाहणए वि। अजहन्नमणुक्कोसोगाहणए वि एवं चेव, नवरं–सट्ठाणे चउट्ठाण-वडिते। जहन्नट्ठितीयाणं भंते! पुढविकाइयाणं पुच्छा। गोयमा! अनंता पज्जवा पन्नत्ता। से केणट्ठेणं भंते! एवं वुच्चति–जहन्नट्ठितीयाणं पुढविकाइयाणं अनंता पज्जवा पन्नत्ता? गोयमा! जहन्नठितीए पुढविकाइए जहन्नठितीयस्स पुढविकाइयस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए चउट्ठाणवडिते। ठितीए तुल्ले। वण्ण-गंध-रस-फासपज्जवेहिं मतिअन्नाण-सुतअन्नाण-अचक्खुदंसणपज्जवेहि य छट्ठाणवडिते। एवं उक्कोसट्ठितीए वि। अजहन्नमनुक्कोसट्ठितीए वि एवं चेव, नवरं–सट्ठाणे तिट्ठाणवडिते। जहन्नगुणकालयाणं भंते! पुढविकाइयाणं पुच्छा। गोयमा! अनंता पज्जवा पन्नत्ता। से केणट्ठेणं भंते! एवं वुच्चति–जहन्नगुणकालयाणं पुढविकाइयाणं अनंता पज्जवा पन्नत्ता? गोयमा! जहन्नगुणकालए पुढविकाइए जहन्नगुणकालगस्स पुढविकाइयस्स दव्वट्ठयाए तुल्ले। पदेस-ट्ठयाए तुल्ले। ओगाहणट्ठयाए चउट्ठाणवडिते। ठितीए तिट्ठाणवडिते। कालवण्णपज्जवेहिं तुल्ले। अवसेसेहिं वण्ण-गंध-रस-फासपज्जवेहिं छट्ठाणवडिते। दोहिं अन्नाणेहिं अचक्खुदंसणपज्जवेहि य छट्ठाणवडिते। एवं उक्कोसगुणकालए वि। अजहन्नमनुक्कोसगुणकालए वि एवं चेव, नवरं–सट्ठाणे छट्ठाण-वडिते। एवं पंच वण्णा दो गंधा पंच रसा अट्ठ फासा भाणितव्वा। जहन्नमतिअन्नाणीणं भंते! पुढविकाइयाणं पुच्छा। गोयमा! अनंता पज्जवा पन्नत्ता। से केणट्ठेणं भंते! एवं वुच्चति–जहन्नमतिअन्नाणीणं पुढविकाइयाणं अनंता पज्जवा पन्नत्ता? गोयमा! जहन्नमतिअन्नाणी पुढविकाइए जहन्नमतिअण्णाणिस्स पुढविकाइयस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए चउट्ठाणवडिते। ठितीए तिट्ठाणवडिते। वण्ण-गंध-रस-फास-पज्जवेहिं छट्ठाणवडिते। मतिअन्नाणपज्जवेहिं तुल्ले। सुयअन्नाणपज्जवेहिं अचक्खुदंसणपज्जवेहि य छट्ठाणवडिते। एवं उक्कोसमतिअन्नाणी वि। अजहन्नमनुक्कोसमतिअन्नाणी वि एवं चेव, नवरं–सट्ठाणे छट्ठाणवडिते। एवं सुयअन्नाणी वि। अचक्खुदंसणी वि एवं चेव। एवं जाव वणस्सइकाइयाणं।
Sutra Meaning : જુઓ સૂત્ર ૩૧૬
Mool Sutra Transliteration : [sutra] jahannogahanaganam bhamte! Pudhavikaiyanam kevatiya pajjava pannatta? Goyama! Anamta pajjava pannatta. Se kenatthenam bhamte! Evam vuchchati–jahannogahanaganam pudhavikaiyanam anamta pajjava pannatta? Goyama! Jahannogahanae pudhavikaie jahannogahanagassa pudhavikaiyassa davvatthayae tulle. Padesatthayae tulle. Ogahanatthayae tulle. Thitie titthanavadite. Vanna-gamdha-rasa-phasapajjavehim dohim annanehim achakkhudamsanapajjavehi ya chhatthanavadite. Evam ukkosogahanae vi. Ajahannamanukkosogahanae vi evam cheva, navaram–satthane chautthana-vadite. Jahannatthitiyanam bhamte! Pudhavikaiyanam puchchha. Goyama! Anamta pajjava pannatta. Se kenatthenam bhamte! Evam vuchchati–jahannatthitiyanam pudhavikaiyanam anamta pajjava pannatta? Goyama! Jahannathitie pudhavikaie jahannathitiyassa pudhavikaiyassa davvatthayae tulle. Padesatthayae tulle. Ogahanatthayae chautthanavadite. Thitie tulle. Vanna-gamdha-rasa-phasapajjavehim matiannana-sutaannana-achakkhudamsanapajjavehi ya chhatthanavadite. Evam ukkosatthitie vi. Ajahannamanukkosatthitie vi evam cheva, navaram–satthane titthanavadite. Jahannagunakalayanam bhamte! Pudhavikaiyanam puchchha. Goyama! Anamta pajjava pannatta. Se kenatthenam bhamte! Evam vuchchati–jahannagunakalayanam pudhavikaiyanam anamta pajjava pannatta? Goyama! Jahannagunakalae pudhavikaie jahannagunakalagassa pudhavikaiyassa davvatthayae tulle. Padesa-tthayae tulle. Ogahanatthayae chautthanavadite. Thitie titthanavadite. Kalavannapajjavehim tulle. Avasesehim vanna-gamdha-rasa-phasapajjavehim chhatthanavadite. Dohim annanehim achakkhudamsanapajjavehi ya chhatthanavadite. Evam ukkosagunakalae vi. Ajahannamanukkosagunakalae vi evam cheva, navaram–satthane chhatthana-vadite. Evam pamcha vanna do gamdha pamcha rasa attha phasa bhanitavva. Jahannamatiannaninam bhamte! Pudhavikaiyanam puchchha. Goyama! Anamta pajjava pannatta. Se kenatthenam bhamte! Evam vuchchati–jahannamatiannaninam pudhavikaiyanam anamta pajjava pannatta? Goyama! Jahannamatiannani pudhavikaie jahannamatiannanissa pudhavikaiyassa davvatthayae tulle. Padesatthayae tulle. Ogahanatthayae chautthanavadite. Thitie titthanavadite. Vanna-gamdha-rasa-phasa-pajjavehim chhatthanavadite. Matiannanapajjavehim tulle. Suyaannanapajjavehim achakkhudamsanapajjavehi ya chhatthanavadite. Evam ukkosamatiannani vi. Ajahannamanukkosamatiannani vi evam cheva, navaram–satthane chhatthanavadite. Evam suyaannani vi. Achakkhudamsani vi evam cheva. Evam java vanassaikaiyanam.
Sutra Meaning Transliteration : Juo sutra 316