Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106619
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-५ विशेष

 Translated Chapter :

પદ-૫ વિશેષ
Section : Translated Section :
Sutra Number : 319 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जहन्नोगाहणगाणं भंते! पंचेंदियतिरिक्खजोणियाणं केवइया पज्जवा पन्नत्ता? गोयमा! अनंता पज्जवा पन्नत्ता से केणट्ठेणं भंते! एवं वुच्चति–जहन्नोगाहणगाणं पंचेंदियतिरिक्खजोणियाणं अनंता पज्जवा पन्नत्ता? गोयमा! जहन्नोगाहणए पंचेंदियतिरिक्खजोणिए जहन्नोगाहणयस्स पंचेंदियतिरिक्ख-जोणियस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए तुल्ले। ठितीए तिट्ठाणवडिते। वण्ण-गंध-रस-फासपज्जवेहिं दोहिं नाणेहिं दोहिं अन्नाणेहिं दोहिं दंसणेहि छट्ठाणवडिते। उक्कोसोगाहणए वि एवं चेव, नवरं–तिहिं नाणेहिं तिहिं अन्नाणेहिं तिहिं दंसणेहिं छट्ठाण-वडिते। जहा उक्कोसोगाहणए तहा अजहन्नमणुक्कोसोगाहणए वि, नवरं– ओगाहणट्ठयाए चउट्ठाण-वडिए। ठिईए चउट्ठाणवडिए। जहन्नट्ठितीयाणं भंते! पंचेंदियतिरिक्खजोणियाणं केवतिया पज्जवा पन्नत्ता? गोयमा! अनंता पज्जवा पन्नत्ता से केणट्ठेणं भंते! एवं वुच्चति? गोयमा! जहन्नट्ठितीए पंचेंदियतिरिक्खजोणिए जहन्न-ट्ठितीयस्स पंचेंदियतिरिक्खजोणियस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए चउट्ठाण -वडिते। ठितीए तुल्ले। वण्ण-गंध-रस-फासपज्जवेहिं दोहिं अन्नाणेहिं दोहिं दंसणेहिं छट्ठाणवडिते। उक्कोसट्ठितीए वि एवं चेव, नवरं–दो नाणा दो अन्नाणा दो दंसणा। अजहन्नमनुक्कोस-ट्ठितीए वि एवं चेव, नवरं –ठितीए चउट्ठाणवडिते। तिन्निना, तिन्नि अन्नाणा, तिन्नि दंसणा। जहन्नगुणकालगाणं भंते! पंचेंदियतिरिक्खजोणियाणं पुच्छा। गोयमा! अनंता पज्जवा पन्नत्ता। से केणट्ठेणं भंते! एवं वुच्चति? गोयमा! जहन्नगुणकालए पंचेंदियतिरिक्खजोणिए जहन्न-गुणकालगस्स पंचेंदियतिरिक्खजोणियस्स दव्वट्ठयाए तुल्ले। पएसट्ठयाए तुल्ले। ओगाहणट्ठयाए चउट्ठाणवडिते। ठितीए चउट्ठाणवडिते। कालवण्णपज्जवेहिं तुल्ले। अवसेसेहिं वण्ण-गंध-रस-फासपज्जवेहिं तिहिं नाणेहिं तिहिं अन्नाणेहिं तिहिं दंसणेहिं छट्ठाणवडिते। एवं उक्कोसगुणकालए वि। अजहन्नमनुक्कोसगुणकालए वि एवं चेव, नवरं– सट्ठाणे छट्ठाणवडिते। एवं पंच वण्णा दो गंधा पंच रसा अट्ठ फासा भाणियव्वा। जहन्नाभिनिबोहियनाणीणं भंते! पंचेंदियतिरिक्खजोणियाणं केवतिया पज्जवा पन्नत्ता? गोयमा! अनंता पज्जवा पन्नत्ता। से केणट्ठेणं भंते! एवं वुच्चति? गोयमा! जहन्नाभिनिबोहियनाणी पंचेंदियतिरिक्खजोणिए जहन्नाभिनिबोहियनाणिस्स पंचेंदियतिरिक्खजोणियस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए चउट्ठाणवडिते। ठितीए चउट्ठाणवडिते वण्ण-गंध-रस-फासपज्जवेहिं छट्ठाणवडिते। आभिनिबोहियनाणपज्जवेहिं तुल्ले। सुयनाणपज्जवेहिं छट्ठाणवडिते। चक्खुदंसणपज्जवेहिं अचक्खुदंसणपज्जवेहि य छट्ठाणवडिते। एवं उक्कोसाभिनिबोहियनाणी वि, नवरं–ठितीए तिट्ठाणवडिते, तिन्नि नाणा, तिन्नि दंसणा, सट्ठाणे तुल्ले, सेसेसु छट्ठाणवडिते। अजहन्नुक्कोसाभिनिबोहियनाणी जहा उक्कोसाभिनिबोहिय-नाणी, नवरं–ठितीए चउट्ठाणवडिते। सट्ठाणे छट्ठाणवडिते। एवं सुतनाणी वि। जहन्नोहिनाणीणं भंते! पंचेंदियतिरिक्खजोणियाणं पुच्छा। गोयमा! अनंता पज्जवा पन्नत्ता। से केणट्ठेणं भंते! एवं वुच्चति? गोयमा! जहन्नोहिनाणी पंचेंदियतिरिक्खजोणिए जहन्नोहि-नाणिस्स पंचेंदियतिरिक्खजोणियस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए चउट्ठाण-वडिते। ठितीए तिट्ठाणवडिते। वण्ण-गंध-रस-फासपज्जवेहिं आभिनिबोहियनाण-सुतनाण-पज्ज-वेहि य छट्ठाणवडिते। ओहिनाणपज्जवेहिं तुल्ले। अन्नाणा नत्थि। चक्खुदंसणपज्जवेहिं अचक्खु-दंसणपज्जवेहिं ओहिदंसणपज्जवेहि य छट्ठाणवडिते। एवं उक्कोसोहिनाणी वि। अजहन्नुक्कोसोहिनाणी वि एवं चेव, नवरं–सट्ठाणे छट्ठाणवडिते। जहा आभिनिबोहियनाणी तहा मतिअन्नाणी सुयअन्नाणी य। जहा ओहिनाणी तहा विभंग-नाणी वि। चक्खुदंसणी अचक्खुदंसणी य जहा आभिनिबोहियनाणी। ओहिदंसणी जहा ओहिनाणी। जत्थ नाणा तत्थ अन्नाणा नत्थि, जत्थ अन्नाणा तत्थ नाणा नत्थि, जत्थ दंसणा तत्थ नाणा वि अन्नाणा वि अत्थि त्ति भाणितव्वं।
Sutra Meaning : જુઓ સૂત્ર ૩૧૬
Mool Sutra Transliteration : [sutra] jahannogahanaganam bhamte! Pamchemdiyatirikkhajoniyanam kevaiya pajjava pannatta? Goyama! Anamta pajjava pannatta Se kenatthenam bhamte! Evam vuchchati–jahannogahanaganam pamchemdiyatirikkhajoniyanam anamta pajjava pannatta? Goyama! Jahannogahanae pamchemdiyatirikkhajonie jahannogahanayassa pamchemdiyatirikkha-joniyassa davvatthayae tulle. Padesatthayae tulle. Ogahanatthayae tulle. Thitie titthanavadite. Vanna-gamdha-rasa-phasapajjavehim dohim nanehim dohim annanehim dohim damsanehi chhatthanavadite. Ukkosogahanae vi evam cheva, navaram–tihim nanehim tihim annanehim tihim damsanehim chhatthana-vadite. Jaha ukkosogahanae taha ajahannamanukkosogahanae vi, navaram– ogahanatthayae chautthana-vadie. Thiie chautthanavadie. Jahannatthitiyanam bhamte! Pamchemdiyatirikkhajoniyanam kevatiya pajjava pannatta? Goyama! Anamta pajjava pannatta Se kenatthenam bhamte! Evam vuchchati? Goyama! Jahannatthitie pamchemdiyatirikkhajonie jahanna-tthitiyassa pamchemdiyatirikkhajoniyassa davvatthayae tulle. Padesatthayae tulle. Ogahanatthayae chautthana -vadite. Thitie tulle. Vanna-gamdha-rasa-phasapajjavehim dohim annanehim dohim damsanehim chhatthanavadite. Ukkosatthitie vi evam cheva, navaram–do nana do annana do damsana. Ajahannamanukkosa-tthitie vi evam cheva, navaram –thitie chautthanavadite. Tinnina, tinni annana, tinni damsana. Jahannagunakalaganam bhamte! Pamchemdiyatirikkhajoniyanam puchchha. Goyama! Anamta pajjava pannatta. Se kenatthenam bhamte! Evam vuchchati? Goyama! Jahannagunakalae pamchemdiyatirikkhajonie jahanna-gunakalagassa pamchemdiyatirikkhajoniyassa davvatthayae tulle. Paesatthayae tulle. Ogahanatthayae chautthanavadite. Thitie chautthanavadite. Kalavannapajjavehim tulle. Avasesehim vanna-gamdha-rasa-phasapajjavehim tihim nanehim tihim annanehim tihim damsanehim chhatthanavadite. Evam ukkosagunakalae vi. Ajahannamanukkosagunakalae vi evam cheva, navaram– satthane chhatthanavadite. Evam pamcha vanna do gamdha pamcha rasa attha phasa bhaniyavva. Jahannabhinibohiyananinam bhamte! Pamchemdiyatirikkhajoniyanam kevatiya pajjava pannatta? Goyama! Anamta pajjava pannatta. Se kenatthenam bhamte! Evam vuchchati? Goyama! Jahannabhinibohiyanani pamchemdiyatirikkhajonie jahannabhinibohiyananissa pamchemdiyatirikkhajoniyassa davvatthayae tulle. Padesatthayae tulle. Ogahanatthayae chautthanavadite. Thitie chautthanavadite vanna-gamdha-rasa-phasapajjavehim chhatthanavadite. Abhinibohiyananapajjavehim tulle. Suyananapajjavehim chhatthanavadite. Chakkhudamsanapajjavehim achakkhudamsanapajjavehi ya chhatthanavadite. Evam ukkosabhinibohiyanani vi, navaram–thitie titthanavadite, tinni nana, tinni damsana, satthane tulle, sesesu chhatthanavadite. Ajahannukkosabhinibohiyanani jaha ukkosabhinibohiya-nani, navaram–thitie chautthanavadite. Satthane chhatthanavadite. Evam sutanani vi. Jahannohinaninam bhamte! Pamchemdiyatirikkhajoniyanam puchchha. Goyama! Anamta pajjava pannatta. Se kenatthenam bhamte! Evam vuchchati? Goyama! Jahannohinani pamchemdiyatirikkhajonie jahannohi-nanissa pamchemdiyatirikkhajoniyassa davvatthayae tulle. Padesatthayae tulle. Ogahanatthayae chautthana-vadite. Thitie titthanavadite. Vanna-gamdha-rasa-phasapajjavehim abhinibohiyanana-sutanana-pajja-vehi ya chhatthanavadite. Ohinanapajjavehim tulle. Annana natthi. Chakkhudamsanapajjavehim achakkhu-damsanapajjavehim ohidamsanapajjavehi ya chhatthanavadite. Evam ukkosohinani vi. Ajahannukkosohinani vi evam cheva, navaram–satthane chhatthanavadite. Jaha abhinibohiyanani taha matiannani suyaannani ya. Jaha ohinani taha vibhamga-nani vi. Chakkhudamsani achakkhudamsani ya jaha abhinibohiyanani. Ohidamsani jaha ohinani. Jattha nana tattha annana natthi, jattha annana tattha nana natthi, jattha damsana tattha nana vi annana vi atthi tti bhanitavvam.
Sutra Meaning Transliteration : Juo sutra 316