Sutra Navigation: Jivajivabhigam ( જીવાભિગમ ઉપાંગ સૂત્ર )

Search Details

Mool File Details

Anuvad File Details

Sr No : 1106132
Scripture Name( English ): Jivajivabhigam Translated Scripture Name : જીવાભિગમ ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

चतुर्विध जीव प्रतिपत्ति

 Translated Chapter :

ચતુર્વિધ જીવ પ્રતિપત્તિ
Section : वैमानिक उद्देशक-२ Translated Section : વૈમાનિક ઉદ્દેશક-૨
Sutra Number : 332 Category : Upang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] सोहम्मीसानेसु णं भंते! कप्पेसु देवाणं सरीरगा केरिसया वण्णेणं पन्नत्ता? गोयमा! कनगत्तयरत्ताभा वण्णेणं पन्नत्ता। सणंकुमारमाहिंदेसु णं पउमपम्हगोरा वण्णेणं पन्नत्ता। एवं बंभेवि। लंतए णं भंते! गोयमा! सुक्किला वण्णेणं पन्नत्ता। एवं जाव गेवेज्जा। अनुत्तरोववातिया परमसुक्किला वण्णेणं पन्नत्ता। सोहम्मीसानेसु णं भंते! कप्पेसु देवाणं सरीरगा केरिसया गंधेणं पन्नत्ता? जहा विमानाणं गंधो जाव अनुत्तरोववाइयाणं। सोहम्मीसानेसु णं भंते! कप्पेसु देवाणं सरीरगा केरिसया फासेणं पन्नत्ता? गोयमा! थिरमउणिद्धसुकुमालफासेणं पन्नत्ता। एवं जाव अनुत्तरोववातियाणं। सोहम्मीसानेसु णं भंते! कप्पेसु देवाणं केरिसया पोग्गला उस्सासत्ताए परिणमंति? गोयमा! जे पोग्गला इट्ठा कंता पिया सुभा मणुण्णा मणामा ते तेसिं उस्सासत्ताए परिणमंति जाव अनुत्तरो-ववातियाणं। एवं आहारत्ताए वि। सोहम्मीसानेसु णं भंते! कप्पेसु देवाणं कति लेस्साओ पन्नत्ताओ? गोयमा! एगा तेउलेस्सा पन्नत्ता। सणंकुमारमाहिंदेसु एगा पम्हलेस्सा। एवं बंभलोए वि। लंतए एगा सुक्कलेस्सा जाव गेवेज्जा ताव सुक्कलेस्सा। अनुत्तरे एगा परमसुक्कलेस्सा। सोहम्मीसानेसु णं भंते! कप्पेसु देवा किं सम्मद्दिट्ठी? मिच्छादिट्ठी? सम्मामिच्छादिट्ठी? गोयमा! सम्मदिट्ठीवि मिच्छादिट्ठीवि सम्मामिच्छादिट्ठीवि। एवं जाव गेवेज्जा। अनुत्तरोववातिया सम्मद्दिट्ठी, नो मिच्छादिट्ठी नो सम्मामिच्छादिट्ठी। सोहम्मीसानेसु णं भंते! कप्पेसु देवा किं नाणी? अन्नाणी? नाणीवि अन्नाणीवि जे नाणी ते नियमा तिन्नाणी, तं जहा–आभिनिबोहियनाणी सुयनाणी अवधिनाणी। जे अन्नाणी ते नियमा तिअन्नाणी, तं जहा–मतिअन्नाणी सुयअन्नाणी विभंगनाणी य। एवं जाव गेवेज्जा। अनुत्तरोववातिया नाणी, नो अन्नाणी नियमा तिन्नाणी। सोहम्मीसानेसु णं भंते! कप्पेसु देवा किं मनजोगी? वइजोगी? कायजोगी? गोयमा! मनजोगीवि वइजोगीवि कायजोगीवि जाव अनुत्तरा। सोहम्मीसानेसु णं भंते! कप्पेसु देवा किं सागारोवउत्ता? अनागारोवउत्ता? गोयमा! दुविहावि जाव अनुत्तरा।
Sutra Meaning : જુઓ સૂત્ર ૩૨૭
Mool Sutra Transliteration : [sutra] sohammisanesu nam bhamte! Kappesu devanam sariraga kerisaya vannenam pannatta? Goyama! Kanagattayarattabha vannenam pannatta. Sanamkumaramahimdesu nam paumapamhagora vannenam pannatta. Evam bambhevi. Lamtae nam bhamte! Goyama! Sukkila vannenam pannatta. Evam java gevejja. Anuttarovavatiya paramasukkila vannenam pannatta. Sohammisanesu nam bhamte! Kappesu devanam sariraga kerisaya gamdhenam pannatta? Jaha vimananam gamdho java anuttarovavaiyanam. Sohammisanesu nam bhamte! Kappesu devanam sariraga kerisaya phasenam pannatta? Goyama! Thiramauniddhasukumalaphasenam pannatta. Evam java anuttarovavatiyanam. Sohammisanesu nam bhamte! Kappesu devanam kerisaya poggala ussasattae parinamamti? Goyama! Je poggala ittha kamta piya subha manunna manama te tesim ussasattae parinamamti java anuttaro-vavatiyanam. Evam aharattae vi. Sohammisanesu nam bhamte! Kappesu devanam kati lessao pannattao? Goyama! Ega teulessa pannatta. Sanamkumaramahimdesu ega pamhalessa. Evam bambhaloe vi. Lamtae ega sukkalessa java gevejja tava sukkalessa. Anuttare ega paramasukkalessa. Sohammisanesu nam bhamte! Kappesu deva kim sammadditthi? Michchhaditthi? Sammamichchhaditthi? Goyama! Sammaditthivi michchhaditthivi sammamichchhaditthivi. Evam java gevejja. Anuttarovavatiya sammadditthi, no michchhaditthi no sammamichchhaditthi. Sohammisanesu nam bhamte! Kappesu deva kim nani? Annani? Nanivi annanivi je nani te niyama tinnani, tam jaha–abhinibohiyanani suyanani avadhinani. Je annani te niyama tiannani, tam jaha–matiannani suyaannani vibhamganani ya. Evam java gevejja. Anuttarovavatiya nani, no annani niyama tinnani. Sohammisanesu nam bhamte! Kappesu deva kim manajogi? Vaijogi? Kayajogi? Goyama! Manajogivi vaijogivi kayajogivi java anuttara. Sohammisanesu nam bhamte! Kappesu deva kim sagarovautta? Anagarovautta? Goyama! Duvihavi java anuttara.
Sutra Meaning Transliteration : Juo sutra 327