Sutra Navigation: Rajprashniya ( રાજપ્રશ્નીય ઉપાંગ સૂત્ર )

Search Details

Mool File Details

Anuvad File Details

Sr No : 1105763
Scripture Name( English ): Rajprashniya Translated Scripture Name : રાજપ્રશ્નીય ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

प्रदेशीराजान प्रकरण

 Translated Chapter :

પ્રદેશીરાજાન પ્રકરણ
Section : Translated Section :
Sutra Number : 63 Category : Upang-02
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं से पएसी राया चित्तेण सारहिणा सद्धिं जेणेव केसी कुमारसमणे तेणेव उवागच्छइ, केसिस्स कुमारसमणस्स अदूरसामंते ठिच्चा एवं वयासी–तुब्भे णं भंते! अहोऽवहिया अन्नजीविया? तए णं केसी कुमारसमणे पएसिं रायं एवं वयासी–पएसी! से जहानामए अंकवाणिया इ वा संखवाणिया इ वा सुंकं भंसेउकामा नो सम्मं पंथं पुच्छंति। एवामेव पएसी! तुमं वि विणयं भंसेउकामो नो सम्मं पुच्छसि। से नूनं तव पएसी! ममं पासित्ता अयमेयारूवे अज्झत्थिए चिंतिए पत्थिए मनोगए संकप्पे समुप्पज्जित्था– जड्डा खलु भो! जड्डं पज्जुवासंति। मुंडा खलु भो! मुंडं पज्जुवासंति। मूढा खलु भो! मूढं पज्जुवासंति। अपंडिया खलु भो! अपंडियं पज्जुवासंति। निव्विण्णाणा खलु भो निव्विण्णाणं पज्जुवासंति। से केस णं एस पुरिसे जड्डे मुंडे मूढे अपंडिए निव्विण्णाणे, सिरीए हिरीए उवगए, उत्तप्पसरीरे? एस णं पुरिसे किमाहारमाहारेइ? किं परिणामेइ? किं खाइ? किं पियइ? किं दलयइ? किं पयच्छइ? जे णं एमहालियाए मनुस्सपरिसाए महया-महया सद्देणं बूया। साए वि णं उज्जानभूमीए नो संचाएमि सम्मं पकामं पवियरित्तए। से णूणं पएसी! अत्थे समत्थे? हंता! अत्थि।
Sutra Meaning : જુઓ સૂત્ર ૬૨
Mool Sutra Transliteration : [sutra] tae nam se paesi raya chittena sarahina saddhim jeneva kesi kumarasamane teneva uvagachchhai, kesissa kumarasamanassa adurasamamte thichcha evam vayasi–tubbhe nam bhamte! Ahovahiya annajiviya? Tae nam kesi kumarasamane paesim rayam evam vayasi–paesi! Se jahanamae amkavaniya i va samkhavaniya i va sumkam bhamseukama no sammam pamtham puchchhamti. Evameva paesi! Tumam vi vinayam bhamseukamo no sammam puchchhasi. Se nunam tava paesi! Mamam pasitta ayameyaruve ajjhatthie chimtie patthie manogae samkappe samuppajjittha– Jadda khalu bho! Jaddam pajjuvasamti. Mumda khalu bho! Mumdam pajjuvasamti. Mudha khalu bho! Mudham pajjuvasamti. Apamdiya khalu bho! Apamdiyam pajjuvasamti. Nivvinnana khalu bho nivvinnanam pajjuvasamti. Se kesa nam esa purise jadde mumde mudhe apamdie nivvinnane, sirie hirie uvagae, uttappasarire? Esa nam purise kimaharamaharei? Kim parinamei? Kim khai? Kim piyai? Kim dalayai? Kim payachchhai? Je nam emahaliyae manussaparisae mahaya-mahaya saddenam buya. Sae vi nam ujjanabhumie no samchaemi sammam pakamam paviyarittae. Se nunam paesi! Atthe samatthe? Hamta! Atthi.
Sutra Meaning Transliteration : Juo sutra 62