Sutra Navigation: Rajprashniya ( રાજપ્રશ્નીય ઉપાંગ સૂત્ર )

Search Details

Mool File Details

Anuvad File Details

Sr No : 1105759
Scripture Name( English ): Rajprashniya Translated Scripture Name : રાજપ્રશ્નીય ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

प्रदेशीराजान प्रकरण

 Translated Chapter :

પ્રદેશીરાજાન પ્રકરણ
Section : Translated Section :
Sutra Number : 59 Category : Upang-02
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं से केसी कुमारसमणे अन्नया कयाइ पाडिहारियं पीढ फलग सेज्जा संथारगं पच्चप्पिणइ, सावत्थीओ नगरीओ कोट्ठगाओ चेइयाओ पडिनिक्खमइ, पंचहिं अनगारसएहिं सद्धिं संपरिवुडे पुव्वाणुपुव्विं चरमाणे गामाणुगामं दूइज्जमाणे सुहंसुहेणं विहरमाणे जेणेव केयइ-अद्धे जनवए जेणेव सेयविया नगरी जेणेव मियवने उज्जानेतेणेव उवागच्छइ, अहापडिरूवं ओग्गहं ओगिण्हित्ता संजमेणं तवसा अप्पाणं भावेमाणे विहरति। तए णं सेयवियाए नगरीए सिंघाडग तिय चउक्क चच्चर चउम्मुह महापहपहेसु महया जणसद्दे इ वा जणवूहे इ वा जणबोले इ वा जणकलकले इ वा जणउम्मी इ वा जणसन्निवाए इ वा जाव परिसा निग्गच्छइ। तए णं ते उज्जानपालगा इमीसे कहाए लद्धट्ठा समाणा हट्ठतुट्ठचित्तमानंदिया पीइमणा परमसोमनस्सिया हरिसवसविसप्पमाणहियया जेणेव केसी कुमारसमणे तेणेव उवागच्छंति, केसिं कुमारसमणं वंदंति नमंसंति, अहापडिरूवं ओग्गहं अनुजाणंति, पाडिहारिएणं पीढ फलग सेज्जा संथारएणं उवनिमंतंति, नामं गोयं पुच्छंति ओघारेंति, एगंतं अवक्कमंति, अवक्कमित्ता अन्नमन्नं एवं वयासी–जस्स णं देवानुप्पिया! चित्ते सारही दंसणं कंखइ दंसणं पत्थेइ दंसणं पीहेइ दंसणं अभिलसइ, जस्स णं णामगोयस्स वि सवणयाए हट्ठतुट्ठचित्तमानंदिए पीइमने परमसोमनस्सिए हरिसवस विसप्पमाणहियए भवति, से णं एस केसी कुमारसमणे पुव्वाणुपुव्विं चरमाणे गामाणुगामं दूइज्जमाणे इहमागए इह संपत्ते इह समोसढे इहेव सेयवियाए नगरीए बहिया मियवने उज्जानेअहापडिरूवं ओग्गहं ओगिण्हित्ता संजमेणं तवसा अप्पाणं भावेमाणे विहरइ ... ...तं गच्छामो णं देवानुप्पिया! चित्त स्स सारहिस्स एयमट्ठं पियं निवेएमो पियं से भवउ, अन्नमन्नस्स अंतिए एयमट्ठं पडिसुणेंति जेणेव सेयविया नगरी जेणेव चित्तस्स सारहिस्स गिहे जेणेव चित्ते सारही तेणेव उवागच्छंति, चित्तं सारहिं करयल परिग्गहियं दसनहं सिरसावत्तं मत्थए अंजलिं कट्टु जएणं विजएणं बद्धावेंति, बद्धावेत्ता एवं वयासी–जस्स णं देवानुप्पिया! दंसणं कंखंति दंसणं पत्थेंति दंसणं पीहेंति दंसणं अभिलसंति, जस्स णं नामगोयस्स वि सवणयाए हट्ठतुट्ठ चित्तमानंदिया पीइमणा परमसोमनस्सिया हरिसवसविसप्पमाणहियया भवह, से णं अयं पासावच्चिज्जे केसी नामं कुमारसमणे पुव्वाणुपुव्विं चरमाणे गामाणुगामं दूइज्जमाणे इहमागए इह संपत्ते इह समोसढे इहेव सेयवियाए नगरीए बहिया मियवने उज्जानेअहापडिरूवं ओग्गहं ओगिण्हित्ता संजमेणं तवसा अप्पाणं भावेमाणे विहरइ। तए णं से चित्ते सारही तेसिं उज्जानपालगाणं अंतिए एयमट्ठं सोच्चा निसम्म हट्ठतुट्ठ-चित्तमानंदिए पीइमने परमसोमनस्सिए हरिसवसविसप्पमाणहियए विगसियवरकमलनयने पयलिय वरकडग तुडिय केऊर मउड कुंडल हार विरायंतरइयवच्छे पालंब-पलंबमाण घोलंत भूसणधरे ससंभमं तुरियं चवलं सारही आसणाओ अब्भुट्ठेति, पायपीढाओ पच्चोरुहइ, पाउयाओ ओमुयइ, एगसाडियं उत्तरासंगं करेइ, अंजलि मउलियग्गहत्थे केसि कुमार समणाभिमुहे सत्तट्ठ पयाइं अनुगच्छइ, करयलपरिग्गहियं दसनहं सिरसावत्तं मत्थए अंजलिं कट्टु एवं वयासी– नमोत्थु णं अरहंताणं जाव सिद्धिगइनामधेयं ठाणं संपत्ताणं, नमोत्थु णं केसिस्स कुमार-समणस्स मम धम्मायरियस्स धम्मोवदेसगस्स। वंदामि णं भगवंतं तत्थगयं इहगए, पासइ मे भगवं तत्थगए इहगयं ति कट्टु वंदइ नमंसइ, ते उज्जानपालए विउलेणं वत्थगंधमल्लालंकारेणं सक्कारेइ सम्माणेइ, विउलं जीवियारिहं पीइदाणं दलयइ, दलइत्ता पडिविसज्जेइ, कोडुंबियपुरिसे सद्दावेइ, सद्दावेत्ता एवं वयासी–खिप्पामेव भो! देवानुप्पिया! चाउग्घंटं आसरहं जुत्तामेव उवट्ठवेह, उवट्ठवेत्ता एयमाणत्तियं पच्चप्पिणह। तए णं ते कोडुंबियपुरिसा तहेव पडिसुणित्ता खिप्पामेव सच्छत्तं सज्झयं जाव उवट्ठवेत्ता तमाणत्तियं पच्चप्पिणंति। तए णं से चित्ते सारही कोडुंबियपुरिसाणं अंतिए एयमट्ठं सोच्चा निसम्म हट्ठतुट्ठचित्तमानंदिए पीइमने परमसोमनस्सिए हरिसवस विसप्पमाणहियए ण्हाए कयबलिकम्मे कयकोउयमंगल-पायच्छित्ते सुद्धप्पावेसाइं मंगल्लाइं वत्थाइं पवरपरिहिते अप्पमहग्घाभरणालंकियसरीरे जेणेव चाउग्घंटे आसरहे तेणेव उवागच्छइ, उवागच्छित्ता चाउग्घंटं आसरहं दुरुहइ, दुरुहित्ता सकोरेंट-मल्लदामेणं छत्तेणं धरिज्जमाणेणं महया भडचडगर वंदपरिखित्ते सेयवियानगरीए मज्झंमज्झेणं निग्गच्छइ, निग्गच्छित्ता जेणेव मियवने उज्जाने जेणेव केसी कुमारसमणे तेणेव उवागच्छइ, उवागच्छित्ता केसिकुमारसमणस्स अदूरसामंते तुरए निगिण्हइ, रहं ठवेइ, ठवेत्ता रहाओ पच्चोरुहति, पच्चोरुहित्ता जेणेव केसी कुमारसमणे तेणेव उवागच्छइ, उवागच्छित्ता केसिं कुमारसमणं तिक्खुत्तो आयाहिण-पयाहिणं करेइ, करेत्ता वंदइ नमंसइ, वंदित्ता नमंसित्ता नच्चासण्णे नातिदूरे सुस्सूसमाणे नमंसमाणे अभिमुहे पंजलिउडे विनएणं पज्जुवासइ। तए णं से केसी कुमारसमणे चित्तस्स सारहिस्स तीसे महतिमहालियाए महच्चपरिसाए चाउज्जामं धम्मे कहेइ, तं जहा–सव्वाओ पाणाइवायाओ वेरमणं, सव्वाओ मुसावायाओ वेरमणं, सव्वाओ अदिन्नादाणाओ वेरमणं, सव्वाओ परिग्गहाओ वेरमणं। तए णं सा महतिमहालिया महच्च-परिसा केसिस्स कुमारसमणस्स अंतिए धम्मं सोच्चा निसम्म जामेव दिसिं पाउब्भूया तामेव दिसिं पडिगया।
Sutra Meaning : જુઓ સૂત્ર ૫૬
Mool Sutra Transliteration : [sutra] tae nam se kesi kumarasamane annaya kayai padihariyam pidha phalaga sejja samtharagam pachchappinai, savatthio nagario kotthagao cheiyao padinikkhamai, pamchahim anagarasaehim saddhim samparivude puvvanupuvvim charamane gamanugamam duijjamane suhamsuhenam viharamane jeneva keyai-addhe janavae jeneva seyaviya nagari jeneva miyavane ujjaneteneva uvagachchhai, ahapadiruvam oggaham oginhitta samjamenam tavasa appanam bhavemane viharati. Tae nam seyaviyae nagarie simghadaga tiya chaukka chachchara chaummuha mahapahapahesu mahaya janasadde i va janavuhe i va janabole i va janakalakale i va janaummi i va janasannivae i va java parisa niggachchhai. Tae nam te ujjanapalaga imise kahae laddhattha samana hatthatutthachittamanamdiya piimana paramasomanassiya harisavasavisappamanahiyaya jeneva kesi kumarasamane teneva uvagachchhamti, kesim kumarasamanam vamdamti namamsamti, ahapadiruvam oggaham anujanamti, padiharienam pidha phalaga sejja samtharaenam uvanimamtamti, namam goyam puchchhamti ogharemti, egamtam avakkamamti, avakkamitta annamannam evam vayasi–jassa nam devanuppiya! Chitte sarahi damsanam kamkhai damsanam patthei damsanam pihei damsanam abhilasai, jassa nam namagoyassa vi savanayae hatthatutthachittamanamdie piimane paramasomanassie harisavasa visappamanahiyae bhavati, se nam esa kesi kumarasamane puvvanupuvvim charamane gamanugamam duijjamane ihamagae iha sampatte iha samosadhe iheva seyaviyae nagarie bahiya miyavane ujjaneahapadiruvam oggaham oginhitta samjamenam tavasa appanam bhavemane viharai.. ..Tam gachchhamo nam devanuppiya! Chitta ssa sarahissa eyamattham piyam niveemo piyam se bhavau, annamannassa amtie eyamattham padisunemti jeneva seyaviya nagari jeneva chittassa sarahissa gihe jeneva chitte sarahi teneva uvagachchhamti, chittam sarahim karayala pariggahiyam dasanaham sirasavattam matthae amjalim kattu jaenam vijaenam baddhavemti, baddhavetta evam vayasi–jassa nam devanuppiya! Damsanam kamkhamti damsanam patthemti damsanam pihemti damsanam abhilasamti, jassa nam namagoyassa vi savanayae hatthatuttha chittamanamdiya piimana paramasomanassiya harisavasavisappamanahiyaya bhavaha, se nam ayam pasavachchijje kesi namam kumarasamane puvvanupuvvim charamane gamanugamam duijjamane ihamagae iha sampatte iha samosadhe iheva seyaviyae nagarie bahiya miyavane ujjaneahapadiruvam oggaham oginhitta samjamenam tavasa appanam bhavemane viharai. Tae nam se chitte sarahi tesim ujjanapalaganam amtie eyamattham sochcha nisamma hatthatuttha-chittamanamdie piimane paramasomanassie harisavasavisappamanahiyae vigasiyavarakamalanayane payaliya varakadaga tudiya keura mauda kumdala hara virayamtaraiyavachchhe palamba-palambamana gholamta bhusanadhare sasambhamam turiyam chavalam sarahi asanao abbhuttheti, payapidhao pachchoruhai, pauyao omuyai, egasadiyam uttarasamgam karei, amjali mauliyaggahatthe kesi kumara samanabhimuhe sattattha payaim anugachchhai, karayalapariggahiyam dasanaham sirasavattam matthae amjalim kattu evam vayasi– Namotthu nam arahamtanam java siddhigainamadheyam thanam sampattanam, namotthu nam kesissa kumara-samanassa mama dhammayariyassa dhammovadesagassa. Vamdami nam bhagavamtam tatthagayam ihagae, pasai me bhagavam tatthagae ihagayam ti kattu vamdai namamsai, te ujjanapalae viulenam vatthagamdhamallalamkarenam sakkarei sammanei, viulam jiviyariham piidanam dalayai, dalaitta padivisajjei, kodumbiyapurise saddavei, saddavetta evam vayasi–khippameva bho! Devanuppiya! Chaugghamtam asaraham juttameva uvatthaveha, uvatthavetta eyamanattiyam pachchappinaha. Tae nam te kodumbiyapurisa taheva padisunitta khippameva sachchhattam sajjhayam java uvatthavetta tamanattiyam pachchappinamti. Tae nam se chitte sarahi kodumbiyapurisanam amtie eyamattham sochcha nisamma hatthatutthachittamanamdie piimane paramasomanassie harisavasa visappamanahiyae nhae kayabalikamme kayakouyamamgala-payachchhitte suddhappavesaim mamgallaim vatthaim pavaraparihite appamahagghabharanalamkiyasarire jeneva chaugghamte asarahe teneva uvagachchhai, uvagachchhitta chaugghamtam asaraham duruhai, duruhitta sakoremta-malladamenam chhattenam dharijjamanenam mahaya bhadachadagara vamdaparikhitte seyaviyanagarie majjhammajjhenam niggachchhai, niggachchhitta jeneva miyavane ujjane jeneva kesi kumarasamane teneva uvagachchhai, uvagachchhitta kesikumarasamanassa adurasamamte turae niginhai, raham thavei, thavetta rahao pachchoruhati, pachchoruhitta jeneva kesi kumarasamane teneva uvagachchhai, uvagachchhitta kesim kumarasamanam tikkhutto ayahina-payahinam karei, karetta vamdai namamsai, vamditta namamsitta nachchasanne natidure sussusamane namamsamane abhimuhe pamjaliude vinaenam pajjuvasai. Tae nam se kesi kumarasamane chittassa sarahissa tise mahatimahaliyae mahachchaparisae chaujjamam dhamme kahei, tam jaha–savvao panaivayao veramanam, savvao musavayao veramanam, savvao adinnadanao veramanam, savvao pariggahao veramanam. Tae nam sa mahatimahaliya mahachcha-parisa kesissa kumarasamanassa amtie dhammam sochcha nisamma jameva disim paubbhuya tameva disim padigaya.
Sutra Meaning Transliteration : Juo sutra 56