Sutra Navigation: Rajprashniya ( રાજપ્રશ્નીય ઉપાંગ સૂત્ર )

Search Details

Mool File Details

Anuvad File Details

Sr No : 1105732
Scripture Name( English ): Rajprashniya Translated Scripture Name : રાજપ્રશ્નીય ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

सूर्याभदेव प्रकरण

 Translated Chapter :

સૂર્યાભદેવ પ્રકરણ
Section : Translated Section :
Sutra Number : 32 Category : Upang-02
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तेसि णं वनसंडाणं तत्थ तत्थ देसे तहिं तहिं बहूओ खुड्डाखुड्डियाओ वावीओ पुक्खरिणीओ दीहियाओ गुंजालियाओ सरसीओ सरपंतियाओ सरसरपंतियाओ बिलपंतियाओ अच्छाओ सण्हाओ रययामयकूलाओ समतीराओ वयरामयपासाणाओ तवणिज्जतलाओ सुवण्ण सुज्झ रयय वालुयाओ वेरुलिय मणि फालिय पडल पच्चोयडाओ सुओयार सुउत्ताराओ नानामणितित्थ सुबद्धाओ चाउक्कोणाओ आनुपुव्वसुजायवप्पगंभीरसीयलजलाओ संछन्नपत्तभिस मुणालाओ बहुउप्पल कुमुय नलिन सुभग सोगंधिय पोंडरीय सयवत्त सहस्सपत्त केसरफुल्लोवचियाओ छप्पयपरि-भुज्जमाणकमलाओ अच्छविमलसलिलपुण्णाओ पडिहत्थभमंतमच्छकच्छभ अनेगसउणमिहुणग-पविचरिताओ पत्तेयं-पत्तेयं पउमवरवेदियापरिक्खित्ताओ पत्तेयं-पत्तेयं वनसंडपरिखित्ताओ अप्पे-गइयाओ आसवोयगाओ अप्पेगइयाओ वारुणोयगाओ अप्पेगइयाओ खीरोयगाओ अप्पेगइयाओ घओयगाओ अप्पेगइयाओ खोदोयगाओ अप्पेगतियाओ पगईए उयगरसेणं पन्नत्ताओ पासादीयाओ दरिसणिज्जाओ अभिरूवाओ पडिरूवाओ। तासि णं खुड्डाखुड्डियाणं वावीणं पुक्खरिणीणं दीहियाणं गुंजालियाणं सरसीणं सरपंतियाणं सरसरपंतियाणं बिलपंतियाणं पत्तेयं-पत्तेयं चउद्दिसिं चत्तारि तिसोमाणपडिरूवगा पन्नत्ता। तेसि णं तिसोमाणपडिरूवगाणं अयमेयारूवे वण्णावासे पन्नत्ते, तं जहा–वइरामया नेमा रिट्ठामया पतिट्ठाणा वेरुलियामया खंभा, सुवण्णरुप्पमया फलगा, लोहितक्खमइयाओ सूइओ, वयरामया संधी, नानामणिमया अवलंघणा अवलंबणबाहाओ य पासादीया दरिसणिज्जा अभिरूवा पडिरूवा। तेसि णं तिसोमाणपडिरूवगाणं पुरओ पत्तेयं-पत्तेयं तोरणं पन्नत्तं। तेसि णं तिसोमाणपडिरूवगाणं उप्पिं अट्ठट्ठमंगलगा पन्नत्ता। तेसि णं तिसोमाणपडिरूवगाणं उप्पिं बहवे किण्हचामरज्झया। तेसि णं तिसोमाणपडिरूवगाणं उप्पिं बहवे छत्तातिछत्ता। तासि णं खुड्डाखुड्डियाणं वावीणं पुक्खरिणीणं दीहियाणं गुंजालियाणं सरसीणं सरपंतियाणं सरसरपंतियाणं बिलपंतियाणं तत्थ तत्थ देसे तहिं तहिं बहवे उप्पायपव्वयगा नियइपव्वयगा जगईपव्वयगा दारुइज्जपव्वयगा दगमंडवा दगमंचगा दगमालगा दगपासायगा उसड्डा खुड्डखुड्डगा अंदोलगा पक्खंदोलगा सव्वरयणामया अच्छा जाव पडिरूवा। तेसु णं उप्पायपव्वएसु नियइपव्वएसु जगईपव्वएसु दारुइज्जपव्वएसु दगमंडएसु दगमंचएसु दगमालएसु दगपासायएसु उसड्डएसु खुड्डखुड्डएसु अंदोलएसु पक्खंदोलएसु बहूइं हंसासनाइं कोंचासनाइं गरुलासनाइं उन्नयासनाइं पयणासनाइं दीहासनाइं भद्दासनाइं पक्खासनाइं मगरासनाइं सीहासनाइं पउमासनाइं दिसासोवत्थियासनाइं सव्वरयणामयाइं अच्छाइं जाव पडिरूवाइं। तेसु णं वनसंडेसु तत्थ तत्थ देसे तहिं तहिं बहवे आलिघरगा मालिघरगा कयलिघरगा लयाघरगा अच्छणघरगा पिच्छणघरगा मज्जणघरगा पसाधणघरगा गब्भघरगा मोहणघरगा सालघरगा जालघरगा कुसुमघरगा चित्तघरगा गंधव्वघरगा आयंसघरगा सव्वरयणामया अच्छा जाव पडिरूवा। तेसु णं आलिघरगेसु मालिघरगेसु कयलिघरगेसु लयाघरगेसु अच्छणघरगेसु पिच्छणघरगेसु मज्जणघरगेसु पसाधणघरगेसु गब्भघरगेसु मोहणघरगेसु सालघरगेसु जालघरगेसु कुसुमघरगेसु चित्तघरगेसु गंधव्वघरगेसु आयंसघरगेसु तहिं तहिं घरएसु बहूइं हंसासनाइं पक्खासनाइं कोंचासनाइं गरुलासनाइं उन्नयासनाइं पणयासनाइं दीहासनाइं भद्दासनाइं पक्खासनाइं मगरासनाइं सीहासनाइं पउमासनाइं दिसासोवत्थियासनाइं सव्वरयणामयाइं अच्छाइं जाव पडिरूवाइं। तेसु णं वनसंडेसु तत्थ तत्थ देसे तहिं तहिं बहवे जाइमंडवगा जूहियामंडवगा मल्लिया-मंडवगा नोमालियामंडवगा वासंतिमंडवगा दहिवासुयमंडवगा सुरिल्लिमंडवगा तंबोलिमंडवगा मुद्दियामंडवगा नागलयामंडवगा अतिमुत्तलयामंडवगा अप्फोयामंडवगा मालुयामंडवगा सव्व-रयणामया अच्छा जाव पडिरूवा। तेसु णं जाइमंडवएसु जूहियामंडवएसु मल्लियामंडवएसु नोमालियामंडवएसु वासंति-मंडवएसु दहियासुयमंडवएसु सूरिल्लिमंडवएसु तंबोलिमंडवएसु मुद्दियामंडवएसु नागलयामंडवएसु अतिमुत्तलयामंडवएसु अप्फोयामंडवएसु मालुयामंडवएसु बहवे पुढविसिलापट्टगा अप्पेगतिया हंसासणसंठिया जाव अप्पेगतिया दिसासोवत्थियासणसंठिया अन्ने य बहवे वरसयणासनविसिट्ठ- संठाणसंठिया पुढविसिलापट्टगा पन्नत्ता समणाउसो! आईणग रूय बूर नवनीय तूल फासा सव्वरयणामया अच्छा जाव पडिरूवा। तत्थ णं बहवे वेमाणिया देवा य देवीओ य आसयंति सयंति चिट्ठंति निसीयंति तुयट्टंति हसंति रमंति ललंति कीलंति कित्तंति मोहेंति पुरा पोरानाणं सुचिण्णाणं सुपरक्कंताणं सुभाणं कडाणं कम्माणं कल्लानाणं कल्लाणं फलविवागं पच्चणुब्भवमाणा विहरंति।
Sutra Meaning : જુઓ સૂત્ર ૩૧
Mool Sutra Transliteration : [sutra] tesi nam vanasamdanam tattha tattha dese tahim tahim bahuo khuddakhuddiyao vavio pukkharinio dihiyao gumjaliyao sarasio sarapamtiyao sarasarapamtiyao bilapamtiyao achchhao sanhao rayayamayakulao samatirao vayaramayapasanao tavanijjatalao suvanna sujjha rayaya valuyao veruliya mani phaliya padala pachchoyadao suoyara suuttarao nanamanitittha subaddhao chaukkonao anupuvvasujayavappagambhirasiyalajalao samchhannapattabhisa munalao bahuuppala kumuya nalina subhaga sogamdhiya pomdariya sayavatta sahassapatta kesaraphullovachiyao chhappayapari-bhujjamanakamalao achchhavimalasalilapunnao padihatthabhamamtamachchhakachchhabha anegasaunamihunaga-pavicharitao patteyam-patteyam paumavaravediyaparikkhittao patteyam-patteyam vanasamdaparikhittao appe-gaiyao asavoyagao appegaiyao varunoyagao appegaiyao khiroyagao appegaiyao ghaoyagao appegaiyao khodoyagao appegatiyao pagaie uyagarasenam pannattao pasadiyao darisanijjao abhiruvao padiruvao. Tasi nam khuddakhuddiyanam vavinam pukkharininam dihiyanam gumjaliyanam sarasinam sarapamtiyanam sarasarapamtiyanam bilapamtiyanam patteyam-patteyam chauddisim chattari tisomanapadiruvaga pannatta. Tesi nam tisomanapadiruvaganam ayameyaruve vannavase pannatte, tam jaha–vairamaya nema ritthamaya patitthana veruliyamaya khambha, suvannaruppamaya phalaga, lohitakkhamaiyao suio, vayaramaya samdhi, nanamanimaya avalamghana avalambanabahao ya pasadiya darisanijja abhiruva padiruva. Tesi nam tisomanapadiruvaganam purao patteyam-patteyam toranam pannattam. Tesi nam tisomanapadiruvaganam uppim atthatthamamgalaga pannatta. Tesi nam tisomanapadiruvaganam uppim bahave kinhachamarajjhaya. Tesi nam tisomanapadiruvaganam uppim bahave chhattatichhatta. Tasi nam khuddakhuddiyanam vavinam pukkharininam dihiyanam gumjaliyanam sarasinam sarapamtiyanam sarasarapamtiyanam bilapamtiyanam tattha tattha dese tahim tahim bahave uppayapavvayaga niyaipavvayaga jagaipavvayaga daruijjapavvayaga dagamamdava dagamamchaga dagamalaga dagapasayaga usadda khuddakhuddaga amdolaga pakkhamdolaga savvarayanamaya achchha java padiruva. Tesu nam uppayapavvaesu niyaipavvaesu jagaipavvaesu daruijjapavvaesu dagamamdaesu dagamamchaesu dagamalaesu dagapasayaesu usaddaesu khuddakhuddaesu amdolaesu pakkhamdolaesu bahuim hamsasanaim komchasanaim garulasanaim unnayasanaim payanasanaim dihasanaim bhaddasanaim pakkhasanaim magarasanaim sihasanaim paumasanaim disasovatthiyasanaim savvarayanamayaim achchhaim java padiruvaim. Tesu nam vanasamdesu tattha tattha dese tahim tahim bahave aligharaga maligharaga kayaligharaga layagharaga achchhanagharaga pichchhanagharaga majjanagharaga pasadhanagharaga gabbhagharaga mohanagharaga salagharaga jalagharaga kusumagharaga chittagharaga gamdhavvagharaga ayamsagharaga savvarayanamaya achchha java padiruva. Tesu nam aligharagesu maligharagesu kayaligharagesu layagharagesu achchhanagharagesu pichchhanagharagesu majjanagharagesu pasadhanagharagesu gabbhagharagesu mohanagharagesu salagharagesu jalagharagesu kusumagharagesu chittagharagesu gamdhavvagharagesu ayamsagharagesu tahim tahim gharaesu bahuim hamsasanaim pakkhasanaim komchasanaim garulasanaim unnayasanaim panayasanaim dihasanaim bhaddasanaim pakkhasanaim magarasanaim sihasanaim paumasanaim disasovatthiyasanaim savvarayanamayaim achchhaim java padiruvaim. Tesu nam vanasamdesu tattha tattha dese tahim tahim bahave jaimamdavaga juhiyamamdavaga malliya-mamdavaga nomaliyamamdavaga vasamtimamdavaga dahivasuyamamdavaga surillimamdavaga tambolimamdavaga muddiyamamdavaga nagalayamamdavaga atimuttalayamamdavaga apphoyamamdavaga maluyamamdavaga savva-rayanamaya achchha java padiruva. Tesu nam jaimamdavaesu juhiyamamdavaesu malliyamamdavaesu nomaliyamamdavaesu vasamti-mamdavaesu dahiyasuyamamdavaesu surillimamdavaesu tambolimamdavaesu muddiyamamdavaesu nagalayamamdavaesu atimuttalayamamdavaesu apphoyamamdavaesu maluyamamdavaesu bahave pudhavisilapattaga appegatiya hamsasanasamthiya java appegatiya disasovatthiyasanasamthiya anne ya bahave varasayanasanavisittha- samthanasamthiya pudhavisilapattaga pannatta samanauso! Ainaga ruya bura navaniya tula phasa savvarayanamaya achchha java padiruva. Tattha nam bahave vemaniya deva ya devio ya asayamti sayamti chitthamti nisiyamti tuyattamti hasamti ramamti lalamti kilamti kittamti mohemti pura porananam suchinnanam suparakkamtanam subhanam kadanam kammanam kallananam kallanam phalavivagam pachchanubbhavamana viharamti.
Sutra Meaning Transliteration : Juo sutra 31